1 Pità 5:8 - Ikan feg

⁸ Mbə̀ ya nyìmbe ìwən nyɔd bə̀ chùghə ikyèʼi. Mbə̀ kyeri gha Debrə̀ ne yaʼi ìwən wə̀d ìpàb we ŋa yḛ̀ icheg àfɔn ne nè kùmə̀, kə̀bə̀ wə̀d ne wì biri sètì anyam anyam.

Meta’

⁸ Mbə̀ yimbɨ ɨnyod bə̀ chub ɨkyèʼe. Ə wə̀d pə̀n, əne yɨə Debɨ̀rə̀ wɨə yènə̀ zùʼə̀ ɨghabɨ ə ŋgwàbaʼ. Ɨ wɨə kə̀bə̀ wə̀d mɔʼɔ we nɨ wɨ̀ bɨrɨ nimnɨ.

1 Pità 5:8 ပူးပေါင်းရင်းမြစ်များ

Matìyò 13:39

Wə̀d ìpàb we ne ya nyɔ̀ʼi ifog ya Debrə̀. Nyùmə̀ we ne mbe mòʼò kyì ya nyumə̀ we ne isəg biri nwḭ̀yḛ̀. Bəd mbe ne mòʼò kyì ya mbè angirə̀ Ŋwiye.

Matìyò 24:42

Ane, mbə̀ pati awən bə̀ chùghi ikyèʼi imbə̀ʼ icheg ne chəyi mbə̀ kyeri aneg ne ìwən Anɔŋisəg biri yeʼe .

Matìyò 25:41

Wì biri ghà abə bəd mbe ne yaʼi ibo aba abo təŋ gha, ‹Mbə̰ ya bəd ndɔ̀n! Mbə̀ nɔʼɔ iban inum ghò nyi inga iywid ighə̀m imɔʼ, ne ìmə Mbaʼ ya fə tangi nɔ̀ŋì abə Debrə̀ tì mbè angirə̀ məd.

Matìyò 4:1

Anyumə̀ ne Yeso ya fə niŋi mənib, Azwighi Ŋwiye ya ghì wì gho inga ibad zɔbi ni gha Debrə̀ kwaʼra aməd.

Matìyò 4:11

Ane, Debrə̀ ya kye iban məd, mbè angirə̀ si yèʼe se wètè aməd.

Mk 4:15

Bəd mɔ̀ʼɔ ya icheg ighi ngwèd mbe ne ya fendi igun inɔnjì. Mbɔb ya mə̀ zug Ìngam Ŋwiye, Sàtàn ghò chì ìngam we ne mbi nyɔ̀ʼi inɔb inga fìŋ kwàʼ məyi ati ati.

Lk 21:34

Mbə̀ we awən, imbə̀ʼ ìtən fìŋ nɔ̀ʼ yaʼ ane anug ni jəg chè ndò, tì ane anug ni no be fɔrɔ anug ni ghə̀ʼrì ighi igun isəg, nji aneg ze biri yeʼe igun inən icheg ne atam ze gwìye nyam.

Lk 21:36

Mbə̀ ya we awən, chàʼrà Ŋwiye gha Ŋwiye ghiyə awən mbə kyeri inɔnjì ni nòrò abə inug mbe ne biri ghum dù. Ŋwiye bə ghì gha mbə koʼo ni təm imbìghè abə Ŋwan Wə̀d.”

Lk 22:31

Yeso ya gha, “Sayimùn, Sayimùn. Nḛ! Sàtàn fə biri abə Ŋwiye gha we nàʼ ika ibo wè kwàʼra awən, kùtə̀ awən icheg ne mbe kùtə̀ ngə̀ŋ.

Jn 8:44

Mbə̰ ya bɔn Debrə̀ we ne yaʼi ìwən mbaʼ. Mbə̰ ya kə̀bə̀ ya ni ghì məyi inug mbe ne ìwən mbaʼ kə̀bi. Məd yaya zwète bəd kwàʼ ane isəg ya ko. Chəyi wì kweʼì bḛ tesiʼ imbə̀ʼ icheg ne chəyi tesiʼ yaʼi inga məd. Anyumə̀ ne we ghà inug ako, wì ya fàʼà yaʼ àzi atog àfàʼì imbə̀ʼ icheg ne məd ya wə̀d inug ako. Məd ya bə̀ wə̀d ne inug ako ijìm nɔʼi ibo.

2 Kɔrèn 2:11

Tì ya ghìyə̀ ane ni gha imbə̀ʼ Sàtàn beri yi apan mɔ̀ʼɔ ni tambi awa. Tè kyèri inug ijìm nə aməd we chùʼrə ya məyi inug tibɔ̀ŋ.

Efesùs 4:27

Imbə̀ʼ wə̀d nàʼ yi apan abə Debrə̀.

Efesùs 6:11

Mbə̀ niŋ ìmbən ighi ibid mbe ne Ŋwiye we nàʼà. Ighi ibid mbe biri ghì mbə kyeri icheg ni təm kà chè tiwe iji ìti Debrə̀.

1 Timotì 2:15

Si ya gha, mə̀yi mə̀ chè imbìghè ni nɔ̀ŋì ibḛfiŋ igun Yeso Kristo bə̀ chùghi ane àkɔ̀ŋì bə̀ təm zen bə̀ yaʼ ane icheg ne koʼi, Ŋwiye biri pumni awɔb icheg ne mbe gwìye.

1 Timotì 2:9

Mə bə̀ kə̀b gha mə̀yi ya zìyè ndwi ne koʼi koʼi ne nàʼà ighumni abə Ŋwiye. Imbə̀ʼ mə̀yi nɔ̀ŋɔ̀ awɔb ìtɔb fìŋ ane: anug ni baʼ itog tìngì ighi ngwèn angu kə̀ ane anug ni zì ndəŋ tì məkàrà ne mbi tangi ane gol kə̀ mə̀pə kə̀ ane anug ni zì ndwi àka inun.

1 Timotì 3:11

À ya bə̀ ane ne, ìmbɔb mə̀yi bèrì ni yaʼ mə̀yi ne bəd mbe ghùmnə. Kayi mə̀yi ne chìkə̀ tikum bəd. Ìmbɔb mə̀yi bèrì ni yaʼ mə̀yi ne kɔ̀ŋɔ̀ ni ghì gha bəd chughi ane àbɔrɔ̀bɔd. Ìmbɔb mə̀yi bèrì ni bə yaʼ mə̀yi ne tì bəd nɔ̀ŋì fìŋ igun inɔb ane inug ijìm.

1 Timotì 3:2

Ane, atog wə̀d igun bəd Kristo bèrì ni yaʼ wə̀d ne chəyi bəd mbe ghàmbà aməd. Tengàŋ bèrì ni nam məyi àyi imɔ̀ʼ. Wì bèrì ni yaʼ wə̀d ne kɔ̀ŋɔ̀ gha bəd ya chùghə ane àbɔrɔ̀bɔd. Wì bèrì ni kyeri icheg ni nyimbi nyɔd. Wì bèrì ni ya ghùmnə ìwi nyɔd. Wì bèrì ni yaʼ wə̀d ne kɔ̀ŋɔ̀ anug ni niŋ bəd tìsɔ̀ʼ ibo inga nəb. Wì bə̀ bèrì ni kyeri icheg ni chwiti inug abə bəd.

2 Timotì 4:17

Mbi ya ghì ane, si ya gha, Anɔŋisəg ya təm abɔ̀ʼ inum, nàʼ ika inum. Ane, Anɔŋisəg ya wètì amə, ghì mə ghàm Ìngam Ŋwiye ijìm abə bəd məjìm mbe ne kayi mə̀Ju, mbi zug. Anɔŋisəg ya bə̀ chì amə ichug iwu imbə̀ʼ icheg ne mbi ya fə nɔ̀ŋì gha mbi biri zweti amə.

Tayitùs 1:8

Wì yaʼ wə̀d ne nìŋə bəd ibo inga nəb icheg chɔm bə̀ kɔ̀ŋɔ̀ ni ghì inug chɔm. Wì yaʼ wə̀d ne kyeri icheg ni nyimbi nyɔd bə̀ təm kòʼ imbìghè abə Ŋwiye. Wì yaʼ wə̀d ne ghìyə̀ inug ne chwìye ìzḛzḛ bə̀ ya nɔ̀ŋɔ̀ mə̀nɔ̀ʼɔ̀ Kristo.

Tayitùs 2:12

Ìchɔ̀mì we fə chwi ina gha tì to̰ awa inug mbe ne chəyi mbe nàʼà ighumni abə Ŋwiye bə̀ chì adɔʼ ane ighi igun isəg bə̀ nyìmbi ìwa nyɔd se ghìyə̀ inug ne koʼi fɔrɔ inug ne ghùmnə Ŋwiye inga nyùmə̀ isəg gho̰.

Tayitùs 2:2

Àghò gha abə mbaŋà kyen gha mbe ya nyìmbe fìŋ bə̀ ghùmnə ìwɔb nyɔd bə̀ nyìmbe nyɔd ane ìtɔb tighi inug. Àghò bə̀ ghà inɔb gha mbe beri ibḛfiŋ igun Yeso Kristo bə̀ ya kɔ̀ŋɔ̀ mə̀mbin bə̀ ya nyìʼè fìŋ anyumə̀ ne mbɔb yaʼi ngəʼ.

Tayitùs 2:4

Mbɔb mə̀ ghì ane, mbɔb biri chwiti abə kàŋ mə̀yi bɔd gha mbe ya kɔ̀ŋɔ̀ ìmbɔb mənɔm tì ìmbɔb bɔn.

Tayitùs 2:6

Àghò bə kə mbaŋà bɔd gha mbe nyimbi ìwɔb nyɔd.

Jems 4:7

Ane, mbə̀ zugri Ŋwiye ane inug ijìm. Mbə̀ taŋ sìkì debrə̀, wì biri noro yi ane inən.

1 Pità 1:13

Mbə̀ chuʼri ìtən fìŋ ni ghì inug mbe ne Ŋwiye we kə̀bə̀. Mbə̀ ya nyìmbe nyɔd. Mbə̀ ya nɔ̀ŋɔ̀ ikɔndi məyi ni ghɔ̀m ìchɔ̀mì we ne Ŋwiye biri ghì anyumə̀ ne Yeso Kristo ywirì yèʼe.

1 Pità 4:7

Nyùmə̀ fə tinde ne inug ijìm biri nwḭ̀yḛ̀. Ane, mbə̀ ghiyə ìtən tikɔndi te zen bə̀ ya nyìmbe nyɔd imbə̀ʼ kyeri icheg ni chàʼra Ŋwiye.

Ɨnû 12:10

Mə ya zug gì ne ka ikaŋ àbɔ̀ŋɔ. Gì ze ya ghà gha, “Amad anìŋ, Ŋwiye fə chì ìmbi bəd inga ngəʼ. Wì fə chwi ìwi ika. Məd we tùmbə̀ bəd məjìm icheg ifɔn! Amad anìŋ, wə̀d we ne Ŋwiye zɔ̀ʼi fə chwi ìwi ika imbə̀ʼ icheg ne mbi fə chì wə̀d we ne ya təmi imbìghè abə Ŋwiye màʼ igun aseg. Məd ya wə̀d we ne zìyè isaʼi igun ìmba məfi fɔrɔ ìta njàbi ne bḛ Kristo. Məd ya zìyè isaʼi igun inɔb tisi fɔrɔ tizimi.

Ɨnû 12:12

Ane, ikaŋ àbɔ̀ŋɔ tì wə̀d ijìm we ne yaʼi ikaŋ àbɔ̀ŋɔ, mbə̀ ya gyènde! Si ya gha, ngəʼ kyen biri nyi igun inən, àghò isəg tì àghò tìbà imbə̀ʼ icheg ne Debrə̀ we fə swiʼi yèʼe abɔ̀ʼ inən tì agaŋ kyen. Wì kyèri gha ìwi nyùmə̀ fə tumbə!”

Ɨnû 12:9

Mbi ya màʼ tìsɔ̀ʼ jo ze igun isəg, ne ya jo ze ne ya yaʼi te aneg, ne mbe kàrà ane Debrə̀ kə̀ Sàtàn. Mbi ya màʼ aməd tì mbè angirə̀ məd məjìm igun isəg. Jo ze ya tàmba isəg ijìm.

Ɨnû 20:10

Mbi ya màʼ Debrə̀ we ne yaya tàmba bəd inga iywid kyen we ne bère tì sɔfɔ̀. À ya inga angu ne mbi ya bə màʼ nyam kyen ze fɔrɔ wə̀dkə̀n we ne ghà inug ako. Mbi biri chə awɔb inga angu ineg ijìm kwàʼ ane ighə̀m imɔʼ.

Ɨnû 20:2

Wì ya gwì tìsɔ̀ʼ jo ze te aneg ne ya Debrə̀ kə̀ Sàtàn kɔd ane tituʼ chuʼ ifibì.