1 Pità 5:14 - Ikan feg

¹⁴ Mbə̀ chaʼra wə̀d imɔʼ imɔʼ kwàʼ icheg chɔm, ane, chwi àkɔ̀ŋì ze ne bəd Kristo beri. Ŋwiye ghiyə mbə̰ məjìm mbe ne yaʼi ane ifɔti tì Kristo mbə̀ chughi ane àbɔrɔ̀bɔd.

Meta’

¹⁴ Mbə̀ chaʼrɨ wə̀d mɔʼ mɔʼ kwàʼ ɨchî chɔ̀m əne chwi ɨghaʼi bə̂d Kristo. Ŋwìə̀ naʼ əbɔrəbɔd əmbɨ ə mbə̀n mɨjìm mbe nɨ yeʼ ənɨ ɨfɔtɨ mbɨ Kristo.

1 Pità 5:14 ပူးပေါင်းရင်းမြစ်များ

Matìyò 5:47

Mbə̰ mə̀ ya chàʼrà məyi ìmbən məfi, anug ne mbə̰ mbe ghìyə̀ ne che àze ne bəd ndəŋ mbe ghìyə̀ àkə azeg? Imbə̀ʼ à ya icheg ne bəd mbe ne kayi mə̀Ju mbe ghìyə̀?

Jn 14:27

Mə nàʼ àbɔrɔ̀bɔd inən. À ya àmə àbɔrɔ̀bɔd ne mə naʼi inən. Chəyi mə̀ naʼi àbɔrɔ̀bɔd inən icheg ne bəd inga isəg mbe nàʼà. Imbə̀ʼ ìtən fìŋ naʼa yi ngəʼ inən. Imbə̀ʼ mbə̰ bə bɔ awən.

Jn 16:33

Mə fə ghà inug mbo̰ inən anìŋ ni ghì gha mbə̀ chughi ane àbɔrɔ̀bɔd icheg ne mbə̀ yaʼi ane anug amɔʼ tì inum. Mbə̰ biri zə̰ ngəʼ inga isəg gho̰. Si ya gha, mbə̀ nyimbi fìŋ imbə̀ʼ icheg ne, mə fə màʼ ibid chè isəg gho̰.”

Jn 20:19

Àsi ikwikwiri Sɔndè we, mə̀mə̀nənùg ya yaʼ asiŋi afibì, inga nəb iwùbi imbə̀ʼ icheg ne mbi yaya bɔ itog bəd mə̀Ju. Mbi ŋa zə̰, mbi si bàra Yeso itəmi abɔ̀ʼ inɔb. Yeso ya si ghà inɔb gha, “Mbə̀ chughi ane àbɔrɔ̀bɔd”.

Jn 20:26

Ìkàb ya chè ifibì, mə̀mə̀nənùg ywìrì fète chùghi inga nəb. Tòmas ya yaʼ tì inɔb. Mbi ya fə feni tinuʼ nəb. Si ya gha, Mbi ŋa zə̰, Yeso kiri nyi təm abɔ̀ʼ inɔb, ghà inɔb gha, “Mbə̀ chughi ane àbɔrɔ̀bɔd.”

Rm 1:7

Ane, mə̀ ya ŋwàʼrà anìŋ abə bəd Kristo məjìm mbe ne yaʼi a Rom. Ŋwiye taŋ kɔ̀ŋ awən bə̀ chɔʼ awən gha mbə̀ yaʼ ìmbi bəd. Ŋwiye ìwa Mbaʼ fɔrɔ Anɔŋisəg Yeso Kristo ghiyə ìchɔ̀mì inən bə̀ ghì mbə̀ chughi ane àbɔrɔ̀bɔd.

Rm 16:16

Mbə̀ chaʼra wə̀d imɔʼ imɔʼ kwàʼ icheg chɔm. Mbə̀ chaʼra ane chwi àkɔ̀ŋì ze ne yaʼi inga bəd Kristo. Bəd inga tifeti bəd Kristo məjìm bə̀ chàʼrì awən.

Rm 8:1

Amad anìŋ, chəyi wə̀d mɔ̀ʼɔ ne tì wì sɔb isaʼi zì ngəʼ igun bəd mbe ne yaʼi ane ifɔti tì Yeso Kristo.

1 Kɔrèn 1:30

Wì ya bə̀ ghì gha mbə̀ yaʼ ane ifɔti tì Yeso Kristo. Kristo ya ìwa iwe ne nɔ̀ʼi abə Ŋwiye. Anjìm Kristo, mba ya si bəd ne təmi kòʼ imbìghè abə Ŋwiye. Mba ya si bəd ne bə təm zen imbìghè abə Ŋwiye. Mba ya bəd ne Ŋwiye fə bə zèri awa chì ane inug tibɔ̀ŋ.

1 Kɔrèn 16:20

Bəd məjìm mbe ne bḛ Kristo mbe bə̀ chàʼrà awən. Mbə̀ chaʼra wə̀d imɔʼ imɔʼ kwàʼ icheg chɔm. Mbə̀ chaʼra ane chwi àkɔ̀ŋì ze ne yaʼi inga bəd Kristo.

2 Kɔrèn 13:12

Mbə̀ chaʼra wə̀d imɔʼ imɔʼ kwàʼ icheg chɔm. Mbə̀ chaʼra ane chwi àkɔ̀ŋì ze ne yaʼi inga bəd Kristo.

2 Kɔrèn 5:17

Àze chwi gha wə̀d mɔ̀ʼɔ mə̀ yaʼ ane ifɔti tì Kristo, məd ya si wə̀d feg. Inug anun fə chè, ìmbi feg fə yeʼe.

Efesùs 6:23

Ŋwiye ni yaʼi ìwa Mbaʼ tì Anɔŋisəg Yeso Kristo, wì ghiyə bəd məjìm mbe ne bḛ Kristo icheg ina mbe chughi ane àbɔrɔ̀bɔd, chùghi ane àkɔ̀ŋì bə̀ nɔ̀ŋì ibḛfiŋ igun məd.

1 Tèsàlonikà 5:26

Mbə̀ chaʼra ìmba məfi məjìm fɔrɔ ìta njabi tijìm ne tì yaʼi ane ifɔti tì Kristo kwàʼ icheg chɔm. Mbə̀ chaʼra ane chwi àkɔ̀ŋì ze ne yaʼi inga bəd Kristo.

1 Pità 1:2

Ŋwiye ne yaʼi Mbaʼ ya chɔʼ awən gha mbə̀ yaʼ ìmbi bəd kwàʼ icheg ne wì ya fə chuʼri nɔ̀ŋì. Azwighi Ŋwiye fə sò awən ane anəm Yeso ghì mbə zen bə̀ ghì gha mbə̀ se zùgrə Yeso Kristo. Ŋwiye taŋ ghì ìchɔ̀mì inən bə̀ taŋ ghì mbə̀ chughi ane àbɔrɔ̀bɔd.

3 Jɔn 1:14

Aton ya gha, mə we kɔ̀ndɔ ni yeʼe mùg awe. Anyumə̀ ne mə̀ biri yeʼe tì biri fɔti mùg inug nɔʼ nɔʼ.