1 Pità 5:12 - Ikan feg

¹² À ya Sayilàs wèti amə ni ŋwàʼrì iki ìngam gho̰ ne mo we chà inən. Məd ya kwàʼ ìwa ifi ne taŋ zì ibḛfiŋ igun Kristo. Àŋwàʼrì azo̰ ya ni nəri awən bə̀ bḛ gha aŋa ya kwàʼ ìchɔ̀mì tesiʼ ne Ŋwiye ghi inən. Mbə̀ təm kà inga ìchɔ̀mì we.

Meta’

¹² À yɨə Sailàs weerɨ əmɨ ni mə ŋwaʼnɨ akə ə̀ŋwàʼnɨ̀ wɔ̂ ɨ nən. Məd yɨ aŋgɔb nɨ mə̀ kyerɨ ni wɨ̀ nuŋ fîŋ ɨgun ə Kristo. Mə ŋwàʼnɨ̀ ə̀ŋwàʼnɨ̀ zɔ̂ ɨmbə̀ʼ timbɨ əwən fɔrɨ nɨ ghɨ mbə̀ kyerɨ ni Ŋwìə̀ wɨə kàŋə̀ ghɨ̀ ɨ̀chɔ̀m ənɨ ə nən. Mbə təm kàànɨ ɨŋga ɨ̀chɔ̀m we.

1 Pità 5:12 ပူးပေါင်းရင်းမြစ်များ

Jn 21:21

Anyumə̀ ne Pità ya bàri aməd, wì ya biri abə Yeso gha, “Anɔŋisəg, àsi gho̰ tì wə̀d?”

Ɨ̀fàʼì 11:23

Anyumə̀ ne wì ya pe bàd ineni ne chwìye gha Ŋwiye fə ghì ìchɔ̀mì abə bəd a Antìyɔ̀g, wì ya gyen. Wì ya nəri awɔb mbɔb məjìm, ghà inɔb gha, “Mbə̀ fə taŋ nɔ̀ŋì ìtən fìŋ ijìm ni yaʼ ane anug amɔʼ tì Anɔŋisəg Yeso.”

Ɨ̀fàʼì 15:22

Bədtɔm Kristo tì itog bəd inga ifeti bəd Kristo we a Jèrusalèm tì bəd Kristo məjìm ya chuʼri chɔʼ mbaŋà tibe inga inɔb chà gha mbe gho a Antìyɔ̀g tì Pɔl fɔrɔ Bànabàs. Mbaŋà te ya Sayilàs tì Judàs we ne mbi yaya bə̀ kàrà aməd ane Basabàs. Mbɔb ya yaʼ itog bəd inga ifeti bəd Kristo we a Jèrusalèm.

Ɨ̀fàʼì 20:24

Ane, chəyi mə̀ nìŋə ìmə ìtḛ̀ ane aghi mɔ̀ʼɔ. Mə ya kə̀bə̀ ni màni àfàʼì ze ne Anɔŋisəg Yeso nàʼi inum. Àfàʼì ze ya ni ghà ikən chɔm imbə̀ʼ ìchɔ̀mì we ne Ŋwiye we fàʼà.

Rm 5:2

À ya anjìm Yeso Kristo ne tì nyi inga ìchɔ̀mì gho̰ ne tì yaʼi inga tèchɔ̀ŋ. Ane, tì we kɔ̀mɔ̀ igo nɔ̀ŋɔ̀ ikɔndi ghɔ̀mɔ̀ ni chughi tì Ŋwiye inga kə̀tə̀d məd.

1 Kɔrèn 15:1

Ìmbum məfi fɔrɔ ìtum njàbi, anug ne mə̀ kəbi ni wendi inən amad anìŋ ya anug imbə̀ʼ ikən chɔm we ne mə̀ ya gha inən. Mbə̰ ya zug bḛ bə̀ təm kà igun.

2 Kɔrèn 1:19

À ya ane ne Yeso Kristo bə yaʼ. Məd ya Ŋwan Ŋwiye we ne mo tì Sìvanòs fɔrɔ Timotì ya ghàmi inən imbə̀ʼ aməd. Chəyi məd we gha “E” ywìrì nɔ̀ʼ gha “Indèʼ.” Məd ya fàʼà inug ijìm ne Ŋwiye kàʼi.

2 Kɔrèn 1:24

Chəyi azo̰ chwi gha, tì ya nyə̀ŋə̀ awən gha mbə̰ mənyìʼ bḛ inug mɔ̀ʼɔ. Tì ya kə̀bə̀ ni fɔti fàʼ tì inən ni gha ìwən ibḛfiŋ təm kà. Tì mə ghì ane, mbə̰ biri ya taŋ gyènde.

Efesùs 3:3

Ŋwiye ya ghì mə kyeri inug mbe ne yaʼi inə̀mbi icheg ne mə̀ ya fə ŋwàʼri məyi iki ìngam chà inən.

Efesùs 6:21

Tichikùs ne yaʼi ìmə ifi ne mə̀ taŋ kɔ̀ŋ, ne bə yaʼ wə̀d ne fàʼà abə Anɔŋisəg ane ìzi fìŋ ifibì biri ghà inug ijìm imbə̀ʼ amə inən ni gha mbə̀ kyeri icheg ne mə̀ yaʼi bə̀ kyèri àfàʼì ne mə fàʼà.

Kòlosè 1:7

Mbə̰ ya zug anug imbə̀ʼ ìchɔ̀mì Ŋwiye abə Epafràs. Məd ya wə̀d àfàʼì icheg ina. Tè kɔ̀ŋ aməd. Məd ya fàʼà abə Kristo atog ina tì ìzi fìŋ ijìm.

Kòlosè 4:7

Tichikùs, ne yaʼi ìmə ifi ne mə̀ taŋ kɔ̀ŋ biri gha inug ijìm inən imbə̀ʼ amə. Məd we fàʼà ane ìzi fìŋ ijìm. Məd ya bə̀ ìmə ifi ane àfàʼì icheg ne te fàʼà abə Anɔŋisəg.

Kòlosè 4:9

Məd we yèʼe tì Ònìsimùs ne yaʼi ìwa ifi ne tì taŋ kɔ̀ŋ. Ònèsimùs we bə̀ fàʼà ane ìzi fìŋ ijìm. Məd ya bə̀ wə̀d a Kòlosè icheg inən. Mbɔb mbo̰ məbe biri mə̀tì inug ijìm ne chè ina aŋa inən.

1 Tèsàlonikà 1:1

À ya mo Pɔl tì Sayilàs fɔrɔ Timotì ŋwàʼri àŋwàʼrì azo̰. Tì ya ŋwàʼrà anìŋ inən, mbə̰ ifeti bəd Kristo we a Tèsàlonikà. Mbə̰ ya ifeti bəd Ŋwiye ne yaʼi ìwa Mbaʼ. Mbə̰ ya bə̀ bəd Anɔŋisəg Yeso Kristo. Ŋwiye ghiyə ìchɔ̀mì inən bə̀ ghì mbə̀ chughi ane àbɔrɔ̀bɔd.

2 Tès 1:1

À ya mo Pɔl ŋwàʼri àŋwàʼrì azo̰. Mə we aŋa tì Sayilàs fɔrɔ Timotì. Mə ŋwàʼrì anìŋ inən, mbə̰ bəd Kristo mbe ne yaʼi inga ifeti we a Tèsàlonikà. Mbə̰ ya bəd Ŋwiye ne yaʼi ìwa Mbaʼ fɔrɔ bəd Anɔŋisəg Yeso Kristo.

Mə̀Hibrù 13:22

Ìmbum məfi fɔrɔ ìtum njàbi, mə boʼ ibo inən gha ìngam gho̰ ne mə̀ zi inga iki àŋwàʼrì azo̰ ni nəri ìtən fìŋ, mbə̀ nyimi kwàʼ ane fìŋ chɔm.

1 Pità 1:13

Mbə̀ chuʼri ìtən fìŋ ni ghì inug mbe ne Ŋwiye we kə̀bə̀. Mbə̀ ya nyìmbe nyɔd. Mbə̀ ya nɔ̀ŋɔ̀ ikɔndi məyi ni ghɔ̀m ìchɔ̀mì we ne Ŋwiye biri ghì anyumə̀ ne Yeso Kristo ywirì yèʼe.

1 Pità 4:10

Wə̀d imɔʼ imɔʼ ya wètè mə̀mbin ane ineʼi we ne Ŋwiye ghì ìchɔ̀mì ibo, nàʼ ibo. Wì ya ghìyə̀ ane abə bəd ane ikuchèg ijìm, ane fìŋ ifibì.

2 Pità 1:12

Ka mbə̀ jiʼì kyèri inug mbo̰ bə̀ təm kà inga tesiʼ, mə biri kiri ya wènde inug mbo̰ inən mà nyumə̀ ijìm.

2 Pità 2:15

Mbɔb fə waʼ ikuchèg chɔm, fèbè, si niŋ yaʼ ikuchèg tibɔ̀ŋ we abə Balàm, ŋwan Beyò. Balàm ya wə̀d ne ya kɔ̀ŋi ikab we ne wì yaya ghìyə̀ inug tibɔ̀ŋ bèrè.

3 Jɔn 1:12

Si ya gha, bəd Kristo məjìm mbe ghà inug chɔm imbə̀ʼ Dèmitrùs. Məd we ghìyə̀ inug kwàʼ icheg ne Àŋwàʼrì Ŋwiye chwi. Mə kyèri gha məd ya wə̀d inug chɔm. Mbə̰ inən bə̀ kyèri gha, anug ne mba mbe ghà imbə̀ʼ aməd ya tesiʼ.

Jûd 1:3

Ìmbum məfi fɔrɔ ìtum njàbi ne mə̀ taŋ kɔ̀ŋ, icheg ne mə̀ ya nɔŋi fìŋ ni ŋwàʼrì inug inən imbə̀ʼ icheg ne tì fɔrɔ pum, mə̀ ya ywìrì bàd gha, ze bɔ̀ŋ gha mə ŋwaʼra inug ndəŋ ni nəri ìtən fìŋ. Mbə̀ che imbìghè taŋ nyìmi inug imbə̀ʼ ibḛfiŋ we ne Ŋwiye nàʼi abə ìmbi bəd ane ighə̀m imɔʼ.