1 Pità 5:1 - Ikan feg

¹ Mo ne yaʼi atog wə̀d inga ifeti bəd Kristo, mə̀ ya bàd icheg ne Kristo ya zə̰ ngəʼ. Mə biri bə bàd icheg ne Kristo biri ywiri yeʼe inga ighumni məd. Mə ya anìŋ bòʼo ibo abə itog bəd inga ifeti bəd Kristo gha:

Meta’

¹ Mə yɨə wə̀d nɨə chà ɨfetɨ bə̂d Kristo. Mə yɨə zərɨmbin ɨchî nɨ Kristo nyaʼa zə ŋgəʼ. Mə yɨə bə̀ wɨ mɔʼɔ rəbɔʼ bə̂d mbe nɨ bɨrɨ zə ɨzeŋɨ zeŋɨ we nɨ Ŋwiə̀ bɨrɨ chwi ənɨ Kristo wɨrɨ yeʼe. Əne mə wɨə buʼ ɨbɔ əmbɨ mbə̀n mbe nɨə chà ɨfetɨ bə̂d Kristo ni,

1 Pità 5:1 ပူးပေါင်းရင်းမြစ်များ

Lk 24:48

Mbə̀ ya bəd ne bàri inug mbo̰ ijìm. Ane, mbə̀ chete abə bəd ndəŋ.

Ɨ̀fàʼì 1:22

ni ko ane nyùmə̀ we abə Jɔn we ne yaya nàʼà mənib ghò pè ane aneg ze ne Ŋwiye ya niŋi Yeso ikaŋ àbɔ̀ŋɔ. Ze bɔ̀ŋ gha wə̀d mɔ̀ʼɔ abɔ̀ʼ bəd mbo̰ fɔti abɔ̀ʼ ina si yaʼ wə̀d ne ghà inug imbə̀ʼ icheg ne Yeso zweme ane iwu.”

Ɨ̀fàʼì 1:8

Si ya gha, mbə biri bèrì ika anyumə̀ ne Azwighi Ŋwiye yeʼe igun inən. Mbə̰ biri si dù ghò ane ika we si yaʼ bəd ne ghà inug imbə̀ʼ amə mà isiŋi ijìm. Mbə̰ biri ko a Jèrusalèm, ghò inga aba aben Jùdeyà ajìm tì inga aba aben Sàmarìyà ajìm fɔrɔ inga iben mbe ne yaʼi igun isəg ijìm.”

Ɨ̀fàʼì 11:30

Mbi ya chɔ̀pì ighi mbe ane, nàʼ abə Bànabàs tì Sɔl gha mbe niŋ ghò zì ikye abo abə itog bəd Kristo mbe a Jùdeyà.

Ɨ̀fàʼì 14:23

Anyumə̀ ne mbi ya fə chɔʼi itog bəd inga tifeti bəd Kristo te tijìm, mbi ya chughi njèg chàʼra Ŋwiye, zì awɔb inga tikye ibo abə Anɔŋisəg we ne mbi nɔŋi ìtɔb fìŋ igun.

Ɨ̀fàʼì 15:4

Anyumə̀ ne mbi ya gho pè a Jèrusalèm, ifeti bəd Kristo tì bədtɔm Kristo fɔrɔ itog bəd inga ifeti bəd Kristo ya niŋ awɔb kwàʼ icheg chɔm. Pɔl tì Bànabàs ya mə̀tì inug ijìm ne Ŋwiye ya che inga inɔb fàʼ.

Ɨ̀fàʼì 15:6

Ane, Bədtɔm Kristo tì itog bəd inga ifeti bəd Kristo ya bɔ̀mbì ni nèn anug ze kwàʼ icheg chɔm.

Ɨ̀fàʼì 2:32

Ane, Ŋwiye ya zwemi Yeso gho̰ ane iwu. Mba mbo̰ məjìm ya bəd ne ya bàri ati.

Ɨ̀fàʼì 20:17

Anyumə̀ ne Pɔl ya yaʼi a Mìletùs, wì ya chà wə̀d gha wì ghò ghà abə itog bəd inga ifeti bəd Kristo we a Efesùs gha mbe yèʼe kɔ̀ti aməd.

Ɨ̀fàʼì 20:28

Mbə̀ se kyèʼrè ìtən nyàmnyɔd mbə̰ mbə̰. Mbə̀ bə se kyèʼrè bəd Kristo məjìm mbe ne Azwighi Ŋwiye chɔʼi awən ane itog bəd ne fàʼà inɔb. Mbə̀ kyeʼre ifeti bəd Ŋwiye mbe ne məd ya zo̰ ane anəm Ŋwan məd.

Ɨ̀fàʼì 21:18

Àsi aneg abɔ̀ʼ, mba məjìm tì Pɔl ya ghò ni zən Jem. Tì ya pè zən Jem tì itog bəd inga ifeti bəd Kristo ne ya yaʼi angu.

Ɨ̀fàʼì 3:15

Mbə̰ ya zweti wə̀d ne nàʼà ìtḛ̀. Si ya gha, Ŋwiye ya zwemni aməd ane iwu. Mba mbo̰ ya bàd anug ne ya che.

2 Kɔrèn 5:1

Tè kyèri gha ìta nəb te ne tì yaʼi inga igun isəg aŋa, ne ya ìta nyàmnyɔd, ti mə̀ bùʼə, Ŋwiye biri nàʼ ìti feg ina ikaŋ àbɔ̀ŋɔ ne biri tèn ane ighə̀m imɔʼ. À ya nəb ne məd kɔri kwàʼ zìye zìye.

2 Kɔrèn 5:8

Tè kyèri kwàʼ tesiʼ tesiʼ gha, ze bɔ̀ŋ ni yaʼ abɔ̀ʼ Anɔŋisəg chè icheg ni yaʼ inga nyàmnyɔd ìzo̰ igun isəg aŋa.

Fìlipì 1:19

Mə biri ya gyènde imbə̀ʼ icheg ne mə̀ kyèri gha, inga inug mbo̰ ijìm, mə biri dù inga ngəʼ. Mə kyèri ane imbə̀ʼ icheg ne mbə̰ mbe chàʼrà Ŋwiye inum, Azwighi Yeso Kristo ze bə̀ wètè amə.

1 Timotì 5:1

Imbə̀ʼ àghò ya ghàmà awe kyen abə mbaŋà ne ya wə̀d kyen ine. Àghò ya nàʼà tikə ibo bɔ̀tɔ ane gì icheg ni gha àghò ya ghàmà abə ìwe mbaʼ. Àghò ya ghìyə̀ inug tì bɔn ijɔŋ icheg ni gha mbɔb ya ìmbe məfi.

1 Timotì 5:19

Imbə̀ʼ àghò bḛ awe gha mbe ziye isaʼi igun atog wə̀d mɔ̀ʼɔ abɔ̀ʼ mbe ne chà ifeti, kirənde bəd ndəŋ məbe kə̀ mətad yeʼe tì isaʼi we icheg bəd ne bari ati.

2 Timotì 4:8

Ane, igun aneg ze ne Anɔŋisəg Kristo biri yeʼe ni saʼ isəg, məd we ne sàʼa bəd ane icheg ne koʼi biri nàʼ ineʼi inum. À ya ineʼi we ne məd we nàʼà abə bəd ne ghìyə̀ inug ne təmi kòʼ. Chəyi wì biri nàʼ məyi inum. Wì biri nàʼ fɔrɔ abə bəd mbe ne ghɔ̀mɔ̀ gha wì ywirì yèʼe.

Tayitùs 1:5

Aton ne mə̀ ya sàŋi awe a Kred ya gha àghò mana sèmbì inug mɔ̀ʼɔ mbe ne chəyi tì ya kiri sembi, bə̀ chɔʼ itog bəd inga tifeti bəd Kristo inga isiŋi ijìm a Kred icheg ne mə̀ ya gha ine.

Filemɔ̀n 1:9

Si ya gha, icheg ne mə̀ kɔ̀ŋi awe, mə kə̀b yaʼ ni boʼ ibo ine gha àghò ghiyə. À ya mo Pɔl, ne mbi zi amə inga nəb ndəŋ imbə̀ʼ icheg ne mə təmi ane ikum Yeso Kristo.

Mə̀Hibrù 12:1

Icheg ne tì beri bəd ndan ndàn ne nḛ̀ awa, ne ya nyimi ìwɔb ibḛfiŋ kwàʼ icheg chɔm, tì waʼ inug ijìm mbe ne kə̰ awa fɔrɔ inug tibɔ̀ŋ mbe ne kə nyìme awa anjìm. Tì nyimbi fìŋ ni nòrò ànòtì ze ne yaʼi ina imbìghè.

1 Pità 1:12

Ŋwiye ya chwi abə bədkə̀n məd gha chəyi àzɔb àfàʼì ya yaʼi ni wètì awɔb. Mbɔb yaya fàʼà yaʼ ni wètì awən. Mbɔb yaya ghà inug mbe ne mbə̰ ya fə zughi abə bəd mbe ne yaya chètè ikən chɔm. À ya ikən chɔm we ne Azwighi Ŋwiye ze ne wì ya chà tì ikaŋ àbɔ̀ŋɔ, ze ya naʼi ika inɔb ni ghà. Anug azo̰ yaya kwàʼ anug kyen ne fɔrɔ mbè angirə̀ yaya kə̀bə̀ ni kyeri.

1 Pità 1:7

Inug mbo̰ ijìm biri dù ni kwàʼrì awən ni chwi gha ìwən ibḛfiŋ təm kà. Ka bèyi gol ne tì mbi chìkì, mbi ya bə̀ tɔ̰̀ inga iywid ka ka ni ghì gha wì taŋ bɔ̀ŋ. Ane, mbi biri zweʼri ìwən ibḛfiŋ ne ya aghi àka inun chè gol. Ibḛfiŋ we mə̀ təm kà, nji Ŋwiye biri ghì mbə bèrì ìzḛzḛ fɔrɔ ighumni anyumə̀ ne Yeso Kristo biri ywiri yeʼe.

1 Pità 4:13

Mbə̀ ya gyènde gha mbə̰ mbe bə̀ zə̰ ngəʼ icheg ne Kristo ya zə̰ ngəʼ. Ane, anyumə̀ ne Kristo ywirì yèʼe inga ìwi ighumni, igyendi biri sweg inga ìtən fìŋ.

1 Pità 5:4

Anyumə̀ ne Àjənjə̀g kyen biri yeʼe, wì biri nàʼ ichɔʼi àfàʼì njandi njandi ne chəyi wi biri nɔʼ chə̀.

1 Jɔn 3:2

Ìmbum mə̀sə̀ʼ ne mə̀ taŋ kɔ̀ŋ, amad anìŋ, mba ya bɔn Ŋwiye. Chəyi tì kiri kyeri icheg ne tì biri ghum yaʼ. Si ya gha, tè kyèri gha anyumə̀ ne Yeso yèʼe tì biri yaʼ icheg məd imbə̀ʼ icheg ne tè bàd aməd icheg ne wì yaʼi.

2 Jɔn 1:1

À ya mo Jɔn, ne yaʼi atog wə̀d igun ifeti bəd Kristo ŋwàʼri àŋwàʼrì azo̰. Mə ya ŋwàʼrà anìŋ ine àghò àyi kyen we ne Ŋwiye ya chɔʼi fɔrɔ abə ìmbe bɔn. Mə taŋ kɔ̀ŋ awən kwàʼ tesiʼ. Kayi məyi mo kɔ̀ŋi awən. Bəd məjìm ne kyeri tesiʼ imbə̀ʼ Ŋwiye bə̀ kɔ̀ŋ awən.

3 Jɔn 1:1

À ya mo ne yaʼi atog wə̀d igun ifeti bəd Kristo, ŋwàʼri àŋwàʼrì azo̰. Mə ya ŋwàʼrà anìŋ ine àghò Gayòs, ìmə ìsə̀ʼ ne mə̀ taŋ kɔ̀ŋ.

Ɨnû 1:9

Mo, Jɔn we ne yaʼi ìwən ifi, mə we bə̀ zə̰ ngəʼ tì inən icheg ne tì yaʼi inga anug ìfɔ̀n Ŋwiye. Mo we bə̀ nyìme fìŋ se nyìʼè inug aton ngəʼ icheg inən. Inug mbo̰ ya imbə̀ʼ icheg ne tì yaʼi ane ifɔti tì Yeso. Mbi ya kamni mə inga aben, chà amə inga Patmòs, akəmi asiŋi ìseg ze ne igyi che kad. Mbi ya chà amə angu imbə̀ʼ icheg ne mə̀ yaya ghà Ìngam Ŋwiye fɔrɔ imbə̀ʼ icheg ne mə̀ yaya ghà tesiʼ imbə̀ʼ Yeso.