1 Pità 4:10 - Ikan feg

¹⁰ Wə̀d imɔʼ imɔʼ ya wètè mə̀mbin ane ineʼi we ne Ŋwiye ghì ìchɔ̀mì ibo, nàʼ ibo. Wì ya ghìyə̀ ane abə bəd ane ikuchèg ijìm, ane fìŋ ifibì.

Meta’

¹⁰ Mbə nɨŋ mɨneʼe mbe nɨ Ŋwìə̀ naʼ əmbɨ wə̀d mɔʼ mɔʼ rəbɔʼ nən wèèrɨ̀ mbə bɔŋgɔb əŋgu. Əne yɨ ɨchî ni Ŋwìə̀ ə chè ənɨ ə njìm ghɨ̀ə̀ tɨkwɨrɨ chɔ̀m jìm ənɨ ə bə̂d.

1 Pità 4:10 ပူးပေါင်းရင်းမြစ်များ

Matìyò 20:28

Chəyi Ŋwan Wə̀d ya yeʼe gha bəd faʼa ibo. Wì ya yeʼe ni fàʼ abə bəd. Wì ya bə̀ yèʼe ni ku si nàʼ ìwi ìtḛ̀ ni zeri bəd nɔʼ nɔʼ.”

Matìyò 24:14

Mbi biri chètì ikən chɔm imbə̀ʼ anug ìfɔ̀n ikaŋ inga isəg ijìm, ni gha bəd məjìm zug. Anyumə̀ ne mbi fə chètì ikən chɔm gho̰ inga isəg ijìm, nyumə̀ ne isəg biri nwḭ̀yḛ̀ biri pè.”

Matìyò 24:21

Aton ya gha, bəd biri taŋ zə̰ ngəʼ ane nyumə̀ we chè aku ngəʼ ijìm ne mbɔb kə kweʼì zən nɔ̀ʼ ane nyumə̀ ne Ŋwiye ya tangi isəg. Chəyi iku ngəʼ we biri bə ywiri yaʼ igun isəg.

Matìyò 24:45

Yeso ya chè imbìghè ghà abə mə̀mə̀nənùg məd gha, “Wə̀d àfàʼì ne fàʼà ane ìzi fìŋ ijìm, ne bə̀ bèrì iwe, ne mbaʼ àfàʼì məd fə nɔŋi aməd gha wì ya nḛ̀ bəd àfàʼì məd bə̀ nàʼà ighijəg inɔb igun nyumə̀, àkə awe?

Matìyò 25:17

À ya bə̀ ane ne wə̀d àfàʼì we ne ya niŋi ìbàn ikab gol ibe ya bə̀ ghò ghì iywin, bə̀ jəg njìm ìbàn ndəŋ ibe.

Matìyò 25:44

Mbɔb biri bə ywìtì gha, ‹Anɔŋisəg, àkə ya yaʼ aneg azeg ne tì ya bàri gha njèg te zàŋa awe, chəyi tì naʼi ighijəg ine, kə̀ ane adɔʼ mənib yaya ko awe, chəyi tì naʼi mənib ine? Àkə ya yaʼ aneg azeg ne àghò ya yaʼ wə̀d tìsɔ̀ʼ, chəyi tì niŋ awe inga ìta nəb, kə̀ ne àghò yaya yḛ̀ tì ìkyèrikye, chəyi tì zi ndwi ine ibə̀m? Àkə ya yaʼ aneg azeg ne àghò yaya ghɔ̰̀, chəyi tì yeʼe kyèʼì awe, kə̀ ne àghò ya yaʼi a nəb ndəŋ, chəyi tì yèʼe nèn awe?›

Mk 10:45

Mə ya ghà anìŋ imbə̀ʼ icheg ne chəyi Ŋwan Wə̀d yèʼe gha bəd faʼa ibo. Wì ya yèʼe ni fàʼ abə bəd, bə̀ ku ni zeri bəd nɔʼ nɔʼ.”

Lk 12:42

Anɔŋisəg ya ywìtì ibo gha, “Wə̀d àfàʼì ne fàʼà ane ìzi fìŋ ijìm bə̀ bèrì iwe, à ya məd ne mbaʼ àfàʼì biri nɔ̀ŋì aməd ane atog wə̀d igun bəd àfàʼì mbin ni gha wì se nàʼà tijəg inɔb igun nyumə̀.

Lk 19:13

Bɔŋ wì ya se ghò, wì ya kàrì ìmbi bəd àfàʼì ìghum, ghàpì ikab gol ìghum inɔb. Wì ya ghàpì ane, si ghà inɔb gha, ‹Mbə̀ niŋ ikab gho̰ ghò ghì iywin angu pè ane aneg ne mə̀ biri kurə›.

Lk 8:3

Tì Jòwanà iweg ìwi Chuzà. Chuzà gho̰ ya yaʼ wə̀d àfàʼì kyen inga nəb Erɔ̀d. Sùsanà fɔrɔ mə̀yi ndəŋ ndan ndàn yaya bə̀ angu. Mə̀yi mbo̰ yaya wètè Yeso tì mə̀mə̀nənùg məd inga ìmbɔb ìbàn.

Rm 15:25

Anug ne angu ya gha, mə̀ ya anìŋ inɔnjì ghò a Jèrusalèm ni nàʼ ighi abə bəd Ŋwiye mbe ne angu.

Rm 15:27

Mbɔb ya kɔ̀ŋ ni chɔ̀pì ighi mbe. Tesiʼ ya gha, mbi ya bèrì ni ghì ane imbə̀ʼ icheg ne bəd ne kayi mə̀Ju fə fɔti tì mə̀Ju ni bèrì àbɔrɔ̀bɔd ze ne Azwighi Ŋwiye ze nàʼà. Ane, mbɔb bèrì ni nàʼ ighi mbe ne mbɔb bə bèrì abə mə̀Ju mbe ne bḛ Kristo.

1 Kɔrèn 15:10

Si ya gha, Ŋwiye ghì ìchɔ̀mì inum mə si wə̀d ne mə yaʼ ìwiwən amad anìŋ. Ìchɔ̀mì we ne Ŋwiye ghi inum, chəyi wi ya che ako. Tesiʼ ya gha, mə we taŋ zìyè atog ni fàʼ chè bədtɔm mbin. Kayi mo we fàʼà. À ya ìchɔ̀mì we ne Ŋwiye ghi inum we fàʼà inga inum.

1 Kɔrèn 3:10

Mə ya fàʼà ane ika we ne Ŋwiye ghi ìchɔ̀mì inum nàʼi inum. Mə ya fàʼà icheg wə̀d ne taŋ kyèri àfàʼì ni zèg ati kwàʼ icheg wə̀d ne zèghè ati nəb. Ane, wə̀d ndəŋ we se kɔ̀rɔ igun ati ze. Si ya gha, wə̀d imɔʼ imɔʼ niŋə nyumə̀ ane icheg ne wì ya kɔ̀rɔ igun ati ze.

1 Kɔrèn 4:7

Wə̀d ne gha inən gha wə̀d mɔ̀ʼɔ chè ìywin àkə we? Àkə aghə ne mbə̀ beri ne kayi Ŋwiye nàʼi inən? Aton ne Ŋwiye nàʼi ighi inən mbə se kɔ̀mɔ̀ igo icheg ni gha kayi Ŋwiye nàʼi inən àkə gha?

2 Kɔrèn 6:1

Mbə̰ ya bəd ne fɔrɔ fàʼà tì Ŋwiye. Ane, tì ya bòʼo ibo inən gha imbə̀ʼ mbə̰ sàŋa awən gha ìchɔ̀mì we ne wì ghi inən we chè ako.

2 Kɔrèn 9:1

Chəyi ywìrè jiʼe aton mɔ̀ʼɔ inum ni chà àŋwàʼrì inən ni ghàm imbə̀ʼ anug ne nàʼ àwètì abə bəd Ŋwiye mbe a Jèrusalèm.

Efesùs 3:8

Ka mə bì kə chè wə̀d kwa ne yaʼi abɔ̀ʼ bəd Ŋwiye məjìm, à ya Ŋwiye ya ghi ìchɔ̀mì inum gha mə̀ ghama abə bəd mbe ne kayi mə̀Ju imbə̀ʼ ifɔmi we ne chəyi wi biri nɔʼ mèg. À ya ifɔmi ne tì beri məyi icheg ne tì kyeri Kristo.

Efesùs 4:11

À ya məd ya nàʼi tineʼi abə bəd. Wì ya ghì bəd mɔ̀ʼɔ yaʼ bədtɔm, ghì mə̀mbin yaʼ bədkə̀n, ghì bəd mɔ̀ʼɔ yaʼ bəd ne chètè ikən chɔm, ghì mə̀mbin yaʼ bəd ne kyèʼrè bəd Ŋwiye bə̀ ghì mə̀mbin yaʼ bəd ne chwìte inug abə bəd Ŋwiye.

2 Timotì 1:18

Anɔŋisəg Yeso wete aməd bə̀ chwi àzi àsɔ̀mnəfiŋ ibo ane aneg ze ne Anɔŋisəg biri ywiri yeʼe. Àghò kyèri awe icheg ne wì ya wèti amə a Efesùs.

Tayitùs 1:7

Icheg ne atog wə̀d igun bəd Kristo ya wə̀d ne nḛ̀ àfàʼì Ŋwiye, wì bèrì ni yaʼ wə̀d ne chəyi bəd mbe ghàmà anug tibɔ̀ŋ imbə̀ʼ aməd. Imbə̀ʼ wì yaʼi wə̀d ne nɔ̀ nyɔd kə̀ wə̀d ne zàmbà gàŋa kə̀ wə̀d ne no be, kə̀ wə̀d ne kɔ̀ŋɔ̀ àzɔ̀ŋì, kə̀ wə̀d ne ghə̀ʼrə̀ ikab.

Mə̀Hibrù 6:10

Ŋwiye kayi wə̀d ne chwìye icha. Chəyi məd biri nèbì ìmbən ìfàʼì fɔrɔ àzən àkɔ̀ŋì ne mbə̰ mbe chwìye ibo, icheg ne mbə̰ mbe wètè bəd məd, bə̀ kiri che imbìghè ni ya wètè awɔb.

1 Pità 5:10

Anyumə̀ ne mbə̰ mbe zə̰ ngəʼ anìŋ ane iki nyumə̀ mɔ̀ʼɔ, Ŋwiye we ne ghìyə̀ ìchɔ̀mì abə wə̀d ijìm, wì bìri ywiri tangi inug ijìm inən. Wì biri ghì gha ìwən ibḛfiŋ təm kà bə̀ ghì mbə yaʼ ika ika bə̀ təm kòʼ. À ya məd ya che anjìm Kristo kàrì awən gha mbə̀ yaʼ ane ifɔti tì Kristo inga ìzḛzḛ məd we ne biri yaʼ ane ighə̀m imɔʼ.

1 Pità 5:12

À ya Sayilàs wèti amə ni ŋwàʼrì iki ìngam gho̰ ne mo we chà inən. Məd ya kwàʼ ìwa ifi ne taŋ zì ibḛfiŋ igun Kristo. Àŋwàʼrì azo̰ ya ni nəri awən bə̀ bḛ gha aŋa ya kwàʼ ìchɔ̀mì tesiʼ ne Ŋwiye ghi inən. Mbə̀ təm kà inga ìchɔ̀mì we.