1 Pità 3:9 - Ikan feg

⁹ Imbə̀ʼ mbə̰ si ywìye awən anug tibɔ̀ŋ igun anug tibɔ̀ŋ, kə̀ zɔ̀mbì wə̀d ne zɔmbi awən. Wə̀d mə ghì anug tìbɔŋ inən, mbə̀ ghiyə yaʼ anug chɔm abə tengàŋ. Wə̀d mə zì ndɔ̀n igun inən, mbə̀ ziye yaʼ àbɔrɔ̀bɔd igun tengàŋ. Àbɔrɔ̀bɔd ya aghi ne Ŋwiye ya kàʼi ni nàʼ inən anyumə̀ ne wì ya kàri awən.

Meta’

⁹ Tɨ mbə̀ wi ə ɨbə ɨgwɨ ɨbə. Tɨ mbə wi ə mɨzɔ̂m ɨgwɨ mɨzɔ̀m. Bə̂d mɨ ghɨ̀ ənû ənɨ ə nən, mbə̀ wi yeʼ ənɨ əbɔrəbɔd. Ŋwiə̀ nyaʼa tɔŋ əwən ni mbə ghɨ əne ɨmbə̀ʼ wɨ̀ zɨ əbɔrəbɔd ɨgwɨ nən.

1 Pità 3:9 ပူးပေါင်းရင်းမြစ်များ

Matìyò 19:29

Wə̀d ijìm ne sàŋì nəb kə̀ məfi kə̀ njàbi kə̀ mbaʼ kə̀ ngɔb kə̀ iweg kə̀ bɔn kə̀ bèyi mben məd imbə̀ʼ ìmə ikum, wì biri bèrì ighi mbo̰ ijìm achug iki ifibì bə̀ ywìrì jəg ìtḛ̀ ighə̀m imɔʼ.

Matìyò 25:34

Ifɔn we biri ghàpì bəd ane, si ghà abə bəd mbe ne yaʼi ane aba abo jəghi gha, ‹Mbə̀ yeʼe, à ya mbə̰ mbe ne ìmə Mbaʼ fə zì àbɔrɔ̀bɔd igun inən. Mbə̀ yeʼe jəg anug ìfɔ̀n ze ne ìmə Mbaʼ ya fə chuʼri nɔ̀ŋì inən nɔ̀ʼ ane nyumə̀ ne wì ya tangi isəg.

Matìyò 5:39

Anug ne mə ghà inən amad anìŋ ya gha, imbə̀ʼ mbə̰ ywite awən àpɔ̀n abə wə̀d ne ghi anug tibɔ̀ŋ. Wə̀d mə twi ìze ndə̀ʼ aba abo jəghi, bə̀ŋə ìzin tì ndə̀ʼ chwi ibo wì bə twi.

Matìyò 5:44

Anug ne mə ghà inən amad anìŋ ya gha, mbə̀ kɔŋɔ ìmbən bəd ìpàb bə̀ chàʼra Ŋwiye abə bəd mbe ne chɔ̀ʼɔ ìmbən ibɔʼì ighog.

Mk 10:17

Anyumə̀ ne Yeso ya nɔ̀ʼi ni ghò igha̰, mbaŋà mɔ̀ʼɔ ya nòtò ghò pè gɔ̀m itog inwḭ ibo imbìghè, biri ibo gha, “Àchwitìnùg chɔm, mə kə anìŋ ghənə bɔŋ jəg ìtḛ̀ ighə̀m imɔʼ?”

Lk 10:25

À ya yaʼ igun aneg mɔ̀ʼɔ, àchwitì mə̀nɔ̀ʼɔ̀ mɔ̀ʼɔ ya ghò ni kwàʼrì Yeso. Wì ya biri ibo gha, “Àchwitìnùg, mə kə mənyìʼ ghì iye bɔŋ jəg ìtḛ̀ ighə̀m imɔʼ?”

Lk 18:18

Wə̀d mɔ̀ʼɔ abɔ̀ʼ bəd mbe ne yaya saʼa aben mə̀Ju ya biri abə Yeso gha, “Àchwitìnùg chɔm, Aghi ne mə mənyìʼ ghì bɔŋ jəg ìtḛ̀ ighə̀m imɔʼ àkə aghə?”

Rm 12:14

Mbə chaʼra Ŋwiye gha wì ziye àbɔrɔ̀bɔd igun bəd mbe ne chɔ̀ʼrɔ ìmbən ibɔʼì ighog. Mbə gha Ŋwiye ziye yaʼ àbɔrɔ̀bɔd igun inɔb, kayi ndɔ̀n.

Rm 12:17

Imbə̀ʼ mbə̰ ywiti awən anug tibɔ̀ŋ igun anug tibɔ̀ŋ. Mbə̀ ghì ika ni ya ghìyə̀ yaʼ inug ne bəd məjìm biri bàd gha à ya inug ìchɔ̀mì.

Rm 8:28

Tè kyèri gha, inga inug ijìm, Ŋwiye we fàʼà gha bəd mbe ne kɔ̀ŋɔ̀ aməd, mbe bere ìchɔ̀mì. À ya bəd mbe ne wì ya chɔʼi icheg ne wì ya fə chuʼri nɔ̀ŋì.

Rm 8:30

Bəd mbe ne Ŋwiye ya chì awɔb nɔ̀ŋì icha, wì ya kàrì awɔb gha mbe yaʼ ìmbi bəd. Mbɔb mbe ne wì ya kàri awɔb, wì ya ghì mbi təm kòʼ ibo imbìghè, bə̀ si nàʼ ighumni inɔb.

Gàlesìyà 3:14

Kristo ya ghì ane ni gha àbɔrɔ̀bɔd ze ne Ŋwiye ya kàʼi abə Abràham, ze biri bə yeʼe abə bəd mbe ne kayi mə̀Ju anjìm ibḛfiŋ igun Yeso Kristo. Àzo̰ ghì gha mba ina bə bèrì Azwighi Ŋwiye ze ne Ŋwiye ya kàʼi gha tì biri bèrì anjìm ibḛfiŋ igun Yeso Kristo.

Efesùs 4:32

Mbə̀ ya ghìyə̀ inug chɔm bə̀ bèrè àsɔ̀mnəfiŋ igun mə̀mbin bə̀ waʼ inug tibɔ̀ŋ bəd kwàʼ icheg ne Ŋwiye che anjìm Kristo waʼ ìmbən tì inug tibɔ̀ŋ.

1 Tèsàlonikà 5:15

Mbə̀ kirə ika gha, imbə̀ʼ wə̀d ywìtì yi anug tibɔ̀ŋ igun anug tibɔ̀ŋ. Mbə̀ ya bèrè yaʼ fìŋ chɔm igun wə̀d imɔʼ imɔʼ inga ìwən ifeti fɔrɔ igun bəd ndəŋ məjìm.

Mə̀Hibrù 12:17

Mbə̀ kyeri gha, anyumə̀ ne Esawò ya ywirì nɔ̀ʼ kə̀b ni niŋ àzi àbɔrɔ̀bɔd, mbaʼ məd ya ton imbə̀ʼ icheg ne chəyi Esawò ya ywìrì bèrì apan ni kɔpi anug ne wì ya fə ghi. Ka wì ya jiʼì dèg, nyùmə̀ ya fə chè.

Mə̀Hibrù 6:14

Wì ya kàʼ abə Abràham gha, “Mə biri zì àbɔrɔ̀bɔd igun ine bə̀ ghì ìwe inəbi san nɔʼ.”

1 Pità 5:10

Anyumə̀ ne mbə̰ mbe zə̰ ngəʼ anìŋ ane iki nyumə̀ mɔ̀ʼɔ, Ŋwiye we ne ghìyə̀ ìchɔ̀mì abə wə̀d ijìm, wì bìri ywiri tangi inug ijìm inən. Wì biri ghì gha ìwən ibḛfiŋ təm kà bə̀ ghì mbə yaʼ ika ika bə̀ təm kòʼ. À ya məd ya che anjìm Kristo kàrì awən gha mbə̀ yaʼ ane ifɔti tì Kristo inga ìzḛzḛ məd we ne biri yaʼ ane ighə̀m imɔʼ.