1 Pità 3:8 - Ikan feg

⁸ Ni nwḭ̀yḛ̀, mbə̀ məjìm chughi ane anug amɔʼ. Mbə̀ ya bèrè àsɔ̀mnəfiŋ igun mə̀mbin. Mbə̀ ya kɔ̀ŋɔ̀ ìwən nyɔd icheg məfi. Mbə̀ ya swìye nyɔd aseg bə̀ bèrè fìŋ chɔm igun mə̀mbin.

Meta’

⁸ Ɨ nwìə̀, mbə̀n mɨjìm berɨ chub ənɨ ənû ə mɔʼ. Mbə̀ kən ənɨ mbə bɔŋgɔb, ghaʼ mbə bɔŋgɔb, ghɨ̀ ɨ̀chɔ̀m ənɨ bɔŋgɔb bə̀ swi ə ɨnyod ənɨ mbə̀ yeʼ əkaʼ bɔŋgɔb.

1 Pità 3:8 ပူးပေါင်းရင်းမြစ်များ

Matìyò 18:33

Àkə kayi àze ati ni kə bèrì àsɔ̀mnəfiŋ igun ìwe ifi mbə̰ bəd àfàʼì icheg ne mo bə bèrì àsɔ̀mnəfiŋ igun ine?›

Lk 10:33

À ya məyi mbaŋà mɔ̀ʼɔ a Sàmarìyà ne yaya bə̀ swìʼe igun inɔnjì we ya pe bàd aməd bèrì àsɔ̀mnəfiŋ igun məd.

Ɨ̀fàʼì 2:1

Anyumə̀ ne aneg Pentekɔ̀d ya kòʼi, bəd Kristo mbe məjìm ne yaya chùghə inga atog nəb ze igun ya yaʼ ane asiŋi afibì.

Ɨ̀fàʼì 27:3

Àsi isu abɔ̀ʼ, tì ya pè a Sidòn. Julìyòs ya ghì ìchɔ̀mì abə Pɔl, sàŋì aməd gha wì gho abɔ̀ʼ ìmbi mə̀sə̀ʼ imbə̀ʼ mbi naʼa ighi mbe ne chəyi wì ya bèri.

Ɨ̀fàʼì 28:7

Wə̀d we ne yaya tùmbə̀ Maltà, ne ikum məd ya Poblìyùs, ya bèrì mben iban asiŋi ze. Ane, wì ya niŋ awa ibo achan, nə̀ngi awa ane ineg itad.

Ɨ̀fàʼì 4:32

Bəd məjìm mbe ne ya bḛ Yeso ya bèrì fìŋ imɔʼ bə̀ nɔ̀ŋì ìwɔb ikɔndi igun anug amɔʼ. Chəyi wə̀d mɔ̀ʼɔ ne yaya tàŋà ighi mɔ̀ʼɔ ane ìmbi. Mbɔb məjìm yaya ghàpà ighi ijìm mbe ne mbɔb ya bèri.

Rm 12:10

Wə̀d ijìm ya kɔ̀ŋɔ̀ ìmbi məfi fɔrɔ ìti njàbi kwàʼ icheg ne wì kɔ̀ŋi ìzi nyàmnyɔd. Wə̀d ijìm ya ghùmnə ìmbi məfi fɔrɔ ìti njàbi chè icheg ne we ghùmnə ìwi nyɔd.

Rm 15:5

Ŋwiye we ne nə̀rə ìta fìŋ bə̀ ghìyə̀ gha tì beri inyimbifiŋ, wì bə ghì mbə̀ chughi ane ichug imɔʼ tì ìmbən məfi fɔrɔ ìtən njàbi icheg bəd ne bène abɔ̀ʼ Yeso Kristo.

1 Kɔrèn 1:10

Ìmbum məfi fɔrɔ ìtum njàbi, mə boʼ ibo inən ane ikum ìwa Anɔŋisəg Yeso Kristo gha mbə̀ chughi ane anug amɔʼ ni ghì gha imbə̀ʼ àghàpì yaʼi inga inən. Ane, mbə̀ nɔŋɔ ìtən fìŋ ane ìti imɔʼ bə̀ nɔ̀ŋì ìwən ikɔndi ane ìwi imɔʼ.

1 Kɔrèn 12:26

Asiŋi nyɔd amɔʼ mə̀ ya zə̰ ngəʼ, mbin tì isiŋi nyɔd ijìm mbe bə̀ zə̰ ngəʼ abɔ̀ʼ. Mbi mə̀ nàʼ ighumni abə asiŋi nyɔd amɔʼ, mbin tì isiŋi nyɔd ijìm mbe bə̀ gyènde abɔ̀ʼ.

Efesùs 4:2

Mbə̀ ya swìye ìwən nyɔd aseg. Mbə̀ chughi ane àbɔrɔ̀bɔd. Mbə̀ ya nyìmbe fìŋ tì mə̀mbin. Àze biri ya chwìye gha mbə̰ mbe kɔ̀ŋɔ̀ bəd məjìm.

Efesùs 4:31

Mbə̀ waʼ agaŋ, bə̀ waʼ achɔb bə̀ waʼ iswḛ, bə̀ waʼ anug ni swèg ìsɔm, bə̀ waʼ ikuchèg we ne ghìyə̀ bəd bà̰ mə̀mbin. Mbə̀ bə waʼ anug ni chàpì tikum bəd. Mbə̀ bə wàʼ tiku inug tibɔ̀ŋ ndəŋ ijìm.

Efesùs 4:32

Mbə̀ ya ghìyə̀ inug chɔm bə̀ bèrè àsɔ̀mnəfiŋ igun mə̀mbin bə̀ waʼ inug tibɔ̀ŋ bəd kwàʼ icheg ne Ŋwiye che anjìm Kristo waʼ ìmbən tì inug tibɔ̀ŋ.

Fìlipì 2:3

Imbə̀ʼ mbə̰ ya ghìyə̀ awən inug ni gha ighi ijìm yaʼ məyi inən. Imbə̀ʼ mbə̰ ghiyə awən inug ne chwìye gha mbə̰ mbe nɔ̀ nyɔd. Wə̀d swi ìwi nyɔd aseg, niŋ gha bəd ndəŋ chè aməd.

Fìlipì 3:16

Anug kyen ne tì koʼi ni ghì ya ni nyimi yaʼ inug mbe ne tì fə nani.

Kòlosè 3:12

Mbə̰ ya si bəd Ŋwiye. Wì ya kɔ̀ŋ awən, chɔʼ awən ane ìmbi bəd. Ane, mbə̀ ya bèrè àsɔ̀mnəfiŋ bə̀ ya ghìyə̀ ìchɔ̀mì abə bəd. Mbə̀ ya swìye ìwən nyɔd aseg, bə̀ ya ghìyə̀ inug ane àbɔrɔ̀bɔd bə̀ ya bèrè inyimbifiŋ.

Mə̀Hibrù 13:1

Mbə̀ che imbìghè ni ya kɔ̀ŋɔ̀ wə̀d imɔʼ imɔʼ icheg ne məfi mbe kɔ̀ŋɔ̀ ìtɔb nyàmnyɔd.

Jems 2:13

Mbə̀ ghiyə ane imbə̀ʼ icheg ne anyumə̀ ne Ŋwiye biri saʼ bəd, chəyi wì biri dìgrì igun bəd mbe ne chəyi mbɔb inɔb mbe bə̀ dìgrè igun bəd ndəŋ. Wə̀d ne dìgrè igun bəd, Ŋwiye biri bə dìgrì igun məd anyumə̀ ne wì biri sɔb isaʼi.

Jems 3:17

Àsi iwe we ne Ŋwiye nàʼi ya iwe ne ghìyə̀ bəd ghìyə̀ inug zḛ zḛ. Wi ya ghìyə̀ bəd chùghə ane àbɔrɔ̀bɔd bə̀ bèrè fìŋ bɔ̀ti bɔti. Bəd ne beri iku iwe gho̰ ya dìgrè igun mə̀mbin bə̀ zùghə anug ne bəd ndəŋ mbe ghà. Chəyi bəd ne beri iku iwe gho̰ mbe ghìyə̀ ighə kə̀ bə̀ŋə̀ inug.

Jems 5:11

Mbə̰ kyèri àzən aghi gha, mba ya nìŋə bəd mbe ne nyìme fìŋ ane bəd ne Ŋwiye zi àbɔrɔ̀bɔd igun inɔb. Mbə̰ fə zug icheg ne Job ya nyimi fìŋ inga ngəʼ. Mbə̰ kyèri icheg ne Ŋwiye ya nwìyḛ̀ zì àbɔrɔ̀bɔd igun məd inga ineg mbe ne ngəʼ məd ya fə mèghi. Anɔŋisəg we dìgrè bə̀ sɔ̀mnɔ̀ igun bəd.

1 Pità 1:22

Mbə̰ fə ghì ìtən fìŋ zen icheg ne mbə̰ mbe ghìyə̀ inug mbe ne yaʼi mbe tesiʼ. Mbə̀ taŋ kɔ̀ŋ ìmbən məfi fɔrɔ ìtən njàbi kwàʼ icheg chɔm. Mbə̀ ya kɔ̀ŋɔ̀ wə̀d imɔʼ imɔʼ kwàʼ inga ìtən fìŋ.

1 Pità 2:17

Mbə̀ ghumni bəd məjìm bə̀ kɔ̀ŋ ìmbən məfi fɔrɔ ìtən njàbi te ne bḛ Kristo. Mbə̀ bɔ Ŋwiye bə̀ ghùmni ifɔn kyen.

1 Pità 5:5

Ngwàʼ bɔd, mbə̀ ya zùgrə bəd kyen. Mbə̀ swi ìwən nyɔd aseg, fàʼ tì məfi mbin. A ze inga Àŋwàʼrì Ŋwiye gha: Ŋwiye ya to̰ bəd mbe ne nɔ̀ nyɔd, se ghìyə̀ ìchɔ̀mì yaʼ abə bəd mbe ne swìye ìwɔb nyɔd aseg.

2 Pità 1:7

Icheg ne mbə ghùmnə Ŋwiye, mbə̀ bə kirə ika ni ya ghìyə̀ ìchɔ̀mì abə ìmbən məfi fɔrɔ ìtən njàbi. Icheg ne mbə̰ mbe ghìyə̀ ìchɔ̀mì abə ìmbən məfi fɔrɔ ìtən njàbi, mbə̀ ya bə̀ kɔ̀ŋɔ̀ wə̀d ijìm.

1 Jɔn 3:14

Tè kyèri gha tì fə kɔpɔ dù inga inug mbe ne ghìyə̀ bəd kùyə nìme si yaʼ inga inug mbe ne ghìyə̀ bəd jəghə ìtḛ̀. Tè kyèri ane imbə̀ʼ icheg ne tì we kɔ̀ŋɔ̀ mə̀mbin. Wə̀d ne chəyi wì ya kɔ̀ŋɔ̀ mə̀mbin ya wə̀d ne kiri yaʼi inga inug mbe ne ghìyə̀ bəd kùyə nìme.