1 Pità 3:7 - Ikan feg

⁷ Mbaŋà, à ya bə̀ ane ne mbə̀ beri ni chughi ane ikuchèg ne koʼi tì ìmbən mə̀yi, ya nyìmbe fìŋ tì inɔb. Mbə̀ ya ghìyə̀ ane imbə̀ʼ icheg ne mbə̰ kyeri gha mbɔb bɔd chè awən. Mbə̀ ghumni awɔb imbə̀ʼ icheg ne mbɔb bə̀ bèrì ati abɔ̀ʼ inən ni jəg ìtḛ̀ we ne Ŋwiye ghi ìchɔ̀mì nàʼ. Mbə̀ ya ghìyə̀ ane ni gha imbə̀ʼ anug mɔ̀ʼɔ nɔ̀ʼ kən ìwən ichaʼri Ŋwiye.

Meta’

⁷ Əndəŋ əndəŋ, mbə̀n mɨnom berɨ wumnɨ mbə məyi bə̀ chubɨ mbɨ mɨ̀mə̌d ɨchî nɨ kuʼnɨ. Mbə mɨə yeʼə ghɨ̀ əne, njɨ mbə̀ kyerɨ ni mɨ̀mə̌d ə bɔd chè əwən. Mbə ghɨ əne ɨmbə̀ʼ ɨghəm nɨ Ŋwiə̀ bɨrɨ naʼ ɨ̀tènɨ̀ əmbɨ mbə̀n mɨ̀jìm. Mbə ghɨ əne ɨmbə̀ʼ tɨ əghɨ ə mɔʼɔ ə kən i ə ə̀kɔ̀ŋgɨ̀.

1 Pità 3:7 ပူးပေါင်းရင်းမြစ်များ

Matìyò 18:19

Mə gha tesiʼ inən gha, anyumə̀ ne bəd məbe igun isəg aŋa bḛ anug mɔ̀ʼɔ, nɔn abə ìmə Mbaʼ ne yaʼi ikaŋ àbɔ̀ŋɔ, wì ya fàʼà anug ze inɔb.

1 Kɔrèn 7:3

Mbaŋà faʼa inug ijìm mbe ne wì beri ni fàʼ abə ìwi iweg. Àyi bə ghì ane abə ìwi inɔm.

Efesùs 3:6

Anug ze ne yaʼi inə̀mbi ya gha, anjìm ikən chɔm, bəd mbe ne kayi mə̀Ju fə si mbe àjəgnəb abɔ̀ʼ mə̀Ju. Mbɔb ya si isiŋi nyɔd ane nyàmnyɔd imɔʼ tì mə̀Ju. Mbɔb fə bə̀ bèrì àzɔb tì aba ane anug ze ne Ŋwiye ya che anjìm Yeso Kristo kàʼ.

Efesùs 4:30

Imbə̀ʼ mbə̰ ghiyə awən gha Azwighi Ŋwiye ya sɔ̀mnɔ̀ imbə̀ʼ icheg ne Azwighi ze ya aneni ne chwìye gha à ya Ŋwiye beri awən. À ya Azwighi Ŋwiye ze bə̀ chwìye gha aneg ze yèʼe ne Ŋwiye biri zeri ìmbi bəd.

Efesùs 5:33

Ane, wə̀d imɔʼ imɔʼ abɔ̀ʼ inən ya kɔ̀ŋɔ̀ ìwi iweg icheg ne wì kɔ̀ŋi ìwi nyɔd. Àyi bèrì ni ya bə̀ ghùmnə ìwi inɔm.

Efesùs 6:18

Mbə̀ bə ya chàʼrà Ŋwiye icheg ne Azwighi Ŋwiye ze nàʼà ika inən. Mbə̀ ya ghìyə̀ ane mà nyumə̀ ijìm ne mbə̰ mbe chàʼrà Ŋwiye, dèghè inug ibo kə̀ bìre ighi ibo. Ane, mbə̀ chughi ikyeʼi. Imbə̀ʼ mbə̰ bɔrɔ awən ni chàʼra Ŋwiye abə bəd məd məjìm.

Kòlosè 3:19

Mbə̰ mənɔm, mbə̀ ya kɔ̀ŋɔ̀ ìmbən mə̀yi. Imbə̀ʼ mbə̰ ya ghàmà tɔ awən inɔb.

1 Tèsàlonikà 4:4

Wə̀d imɔʼ imɔʼ abɔ̀ʼ inən kyeri icheg ni nyimbi ìwi nyɔd ane icheg ne zḛ bə̀ kòʼ.

Tayitùs 3:7

Wì ya nàʼ ane ni ghì gha tì we tì tì che anjìm ìchɔ̀mì we təm kòʼ ibo imbìghè bə̀ jəg ìtḛ̀ ighə̀m imɔʼ we ne tì nɔŋi ikɔndi ni ghɔ̀m.

Mə̀Hibrù 1:14

Ane, mbè angirə̀ kə ighə? Mbè angirə̀ ya izwighi ne Ŋwiye cha gha mbe yeʼe fàʼ ni ya wètè bəd mbe ne Ŋwiye biri pumni awɔb.

1 Pità 3:1

Mə̀yi, mbə̀ swi ìwən nyɔd aseg zùgri ìmbən mənɔm. Àze biri ghì gha ìmbən mənɔm mbe ne chəyi mbi kiri bḛ Ìngam Ŋwiye, mbi biri bḛ anjìm ikuchèg chɔm ne mbə̀ beri.