1 Pità 3:16 - Ikan feg

¹⁶ Anug ne angu ya gha, mbə̀ ywite ichug ane àbɔrɔ̀bɔd tì ighumni. Mbə̀ ghiyə ìtən fìŋ yaʼ ti zḛ zḛ ni gha bəd mbe ne ghàmbà awən imbə̀ʼ ìwən ikuchèg chɔm icheg ne mbə̀ yaʼi ane ifɔti tì Kristo, mbi biri si bèrì tìnìrètog.

Meta’

¹⁶ Mbə̀ berɨ fîŋ nɨ zeŋɨ, ɨmbə̀ʼ ɨtu nid bə̂d mbe nɨə ghà ɨnû rɨbɔ̀ŋ ɨmbə̀ʼ mɨchî chɔ̀m mbe nɨ mbə̀ berɨ ɨchî nɨ mbə̀ yeʼ bə̂d Kristo,

1 Pità 3:16 ပူးပေါင်းရင်းမြစ်များ

Matìyò 5:11

Ŋwiye zì àbɔrɔ̀bɔd igun inən, anyumə̀ ne bəd mbe chàpà awən, chɔ̀ʼɔ ìmbən ibɔʼì ighog, bə̀ ghà tiku inug izəg ijìm ne ya inug ako igun inən imbə̀ʼ amə.

Ɨ̀fàʼì 24:16

Mə kirə ika ijìm ni ghì gha ìmə fìŋ zen imbìghè abə Ŋwiye fɔrɔ imbìghè abə bəd.

Ɨ̀fàʼì 28:22

Tì biri kiri kɔ̀ŋ ni zug ìte tikɔndi imbə̀ʼ icheg ne mba kyèri gha bəd mbe to̰ ifɔti feg gho̰ isiŋi ijìm.”

Rm 9:1

Mo ya gha tesiʼ icheg wə̀d ne yaʼi ane anug amɔʼ tì Kristo. Chəyi mə̀ ghàmà inug ako. Azwighi Ŋwiye ze ne yaʼi inga ìmə fìŋ ze bə̀ bḛ gha mə ya ghàmà tesiʼ.

2 Kɔrèn 1:12

Tì ya taŋ tə̀rə̀ awa imbə̀ʼ icheg ne tè kyèri gha tì ya fàʼà inug ijìm ane fìŋ ifibì bə̀ fɔrɔ ane icheg ne zḛ. Tì ya nḛ̀ məyi igun ìchɔ̀mì Ŋwiye mà nyumə̀ ijìm, kayi igun iwe bəd igun isəg. À ya ikuchèg ne te fàʼà inug abə bəd məjìm fɔrɔ inən.

2 Kɔrèn 4:2

Tì fə ton awa inug mbe ne bəd mbe ghìyə̀ inə̀mbi. À ya inug ne nàʼà tìnìrètog abə bəd. Chəyi mba mbe ghìyə̀ inug ne tàmba bəd. Chəyi mba mbe bə̀ kɔ̀pɔ anug ne yaʼi inga Ìngam Ŋwiye. Tì we chwìte inug tesiʼ asaŋ asaŋ. Tì we chwìye gha bəd bara gha inug mbe ne mba mbe ghìyə̀ mbe kòʼ imbìghè abə Ŋwiye.

1 Timotì 1:19

Nyimi ìwe ibḛfiŋ bə̀ bèrì fìŋ ne zḛ. Bəd mɔ̀ʼɔ fə waʼ anug ni nɔ̀ŋì ìtɔb fìŋ gha ti ya zḛ, ane chìkì ìwɔb ibḛfiŋ.

1 Timotì 1:5

Aton ne mə ghà inug mbo̰ ya ni ghì gha bəd Kristo chughi ane àkɔ̀ŋì. Àkɔ̀ŋì ze bèrì ni ya dùwə̀ inga fìŋ chɔm tì fìŋ ne zḛ fɔrɔ inga fìŋ ne bḛ Ŋwiye kwàʼ icheg chɔm.

2 Timotì 1:3

Mə we nàʼà məyakà abə Ŋwiye we ne mə fàʼà ibo, ane fìŋ zḛ zḛ icheg ne ìmbum mə̀mbaʼ ya fàʼi. Ighəm ijìm ne mə chàʼrà Ŋwiye tisi fɔrɔ tizimi, mə we wènde awe.

Tayitùs 2:8

Àghò ya ghàmà yaʼ ìngam chɔm ne chəyi tì wə̀d mɔ̀ʼɔ chàpì. Àze biri nàʼ tìnìrètog abə ìmbe bəd ìpàb icheg ne chəyi mbɔb biri ywiri bèrì anug tibɔ̀ŋ mɔ̀ʼɔ ni ghàm imbə̀ʼ awa.

Mə̀Hibrù 13:18

Mbə̀ chaʼra Ŋwiye ina. Tè kyèri kwàʼ tesiʼ gha ìta fìŋ zen imbə̀ʼ icheg ne tì ya kə̀bə̀ ni fàʼ ighi ijìm ane ikuchèg ne koʼi.

Mə̀Hibrù 9:14

Ane ya gha, anəm Kristo ze ne Azwighi Ŋwiye ze ne yaʼi ane ighə̀m imɔʼ, ze ya ghi wì tutì ni sò ìmba inug tibɔ̀ŋ ne chəyi məd ya gùghi anug, ze bèrì ika ni chì awa inga inug mbe ne ghìyə̀ iwu yèʼe igun ina. Ze bə̀ bèrì ika ni ghì gha tì ya fàʼà abə Ŋwiye we ne yaʼi izɔm.

1 Pità 2:12

Mbə̀ bere ikuchèg chɔm inga bəd mbe ne kayi mə̀Ju. Ane, anyumə̀ ne bəd gha mbə̰ mbe ghìyə̀ inug tibɔ̀ŋ, mbi biri bàd ìwən ikuchèg chɔm, si ghùmni Ŋwiye ane aneg ze ne wì biri ywiri yeʼe.

1 Pità 2:15

Ŋwiye kə̀b gha mbə̀ ya ghìyə̀ inug ne koʼi imbə̀ʼ kubri tichug abə bəd mbe ne ghàmà inug ne chəyi mbi kyeri. Bəd mbo̰ ya bəd ne chəyi mbi beri iwe.

1 Pità 2:19

Ŋwiye biri zì àbɔrɔ̀bɔd igun wə̀d ne nyìʼè fìŋ, zùghə tibuʼ bə̀ zə̰ ngəʼ ne chəyi wì gùghi anug məyi imbə̀ʼ icheg ne tengàŋ kyeri anug ne Ŋwiye kə̀bi.

1 Pità 3:21

Mənib mbe ya si yaʼ icheg mənib mbo̰ ne mbə̰ mbe nìŋə amad anìŋ ni chwi gha mbə̰ fə pum. Anyumə̀ ne mbə̰ mbe nìŋə mənib, à ya kayi ni sò tifiŋi inən igun nyɔd. À ya anug ni chwi gha mbə̰ bḛ Ŋwiye ane fìŋ zḛ zḛ. Ane, mbə̰ fə pum anjìm icheg ne Yeso Kristo ya zweme ane iwu.

1 Pità 4:4

À ya imbə̀ʼ inug mbo̰ ne bəd mbe ne chəyi mbi kyeri Ŋwiye mbe kɔ̀ndɔ ze se chè awɔb gha nji mbə̰ fɔ̀ti abɔ̀ʼ inɔb ni ghì inug tìbɔŋ. À ya aton ze ne mbɔb mbe se zɔ̀mbɔ̀ awən.