1 Pità 3:11 - Ikan feg

¹¹ Tengàŋ mənyìʼ to̰ inug tìbɔŋ, se fàʼà inug chɔm. Wì mənyìʼ ya kìrə ika ni chughi ane àbɔrɔ̀bɔd tì wə̀d ijìm.

Meta’

¹¹ Wɨ̀ berɨ waʼ ɨnû rɨbɔ̀ŋ əne bèŋ sɨə ghɨ̀ yeʼ ɨnû chɔ̀m. Wɨ̀ berɨ kywɨ ənywɨ ɨmbə̀ʼ chub ənɨ əbɔrəbɔd mbɨ wə̀d jìm.

1 Pità 3:11 ပူးပေါင်းရင်းမြစ်များ

Matìyò 5:45

Ane, mbə̰ biri yaʼ bɔn ìmbi ìwən Mbaʼ we ne yaʼi ikaŋ àbɔ̀ŋɔ. Mbə̀ ghiyə ane imbə̀ʼ icheg ne məd we ghìyə̀ gha nyùmə̀ zuʼ igun bəd ne ghìyə̀ inug tibɔ̀ŋ fɔrɔ igun bəd ne ghìyə̀ inug chɔm. Məd we bə̀ ghìyə̀ gha mbə̀ŋ no igun bəd ne ghìyə̀ inug ne koʼi fɔrɔ igun bəd ne ghìyə̀ inug ne chəyi mbi koʼi.

Matìyò 5:9

Ŋwiye zì àbɔrɔ̀bɔd igun bəd mbe ne ghìyə̀ gha bəd chughi ane àbɔrɔ̀bɔd, imbə̀ʼ icheg ne Ŋwiye biri kàrì awɔb ane ìmbi bɔn.

Matìyò 6:13

Imbə̀ʼ àghò saŋa awe gha àkwàʼrì nyi igun ina. Chìye awa ikye abo abə Wə̀d Tibɔ̀ŋ.›

Mk 14:7

Bəd ne chəyi àzɔb mbe abɔ̀ʼ inən aghəm ajìm. Ane, mbə̰ mbe tì mbə̰ ghì ìchɔ̀mì inɔb anyumə̀ ne mbə̀ kɔŋi. Àsi mo, chəyi mə̀ biri yaʼ tì inən aghəm ajìm.

Lk 1:79

ni chwi ìzḛzḛ abə bəd mbe ne kiri biri izimi bə̀ bɔ gha mbi biri ku ne chəyi mbi kyeri Ŋwiye, bə̀ chwi inɔnjì gha tè chughi ane àbɔrɔ̀bɔd.”

Lk 6:35

Ane, mə ghà tesiʼ inən gha, mbə̀ ya kɔ̀ŋɔ̀ ìmbən bəd ìpàb, ghìyə̀ inug chɔm inɔb, chɔ̀ʼɔ ighi inɔb witì ghɔ̀m gha mbi biri ywìtì inən. Mbə̰ mə̀ ghì ane, ìzən chùd biri nɔʼ. Mbə̰ biri bə yaʼ bɔn Ŋwiyekɔʼ imbə̀ʼ icheg ne məd ya ghìyə̀ ìchɔ̀mì abə bəd ne ghìyə̀ inug izəg, bə̀ fɔrɔ abə bəd ne chəyi mbe bə̀ nàʼà məyakà ibo.

Lk 6:9

Yeso ya ghà inɔb gha, “Mbə̀ si mə biri anug azo̰ inən. Mə̀nɔ̀ʼɔ̀ chwi gha tì faʼa inug chɔm igun aneg àzwètì, kə̀ tì wa fàʼa yaʼ inug tibɔ̀ŋ, ni pumni ìtḛ̀ kə̀ ni chìkì?”

Jn 17:15

Chəyi mə̀ ghà gha, àghò chiye awɔb inga isəg gho̰. Mə ya ghà yaʼ gha, àghò chə̀ʼə awɔb abə Wə̀d Tibɔ̀ŋ.

Rm 12:18

Mbə ghì ika ijìm ne tì mbə̰ ghì ni chughi ane àbɔrɔ̀bɔd tì wə̀d ijìm.

Rm 14:17

Anug ìfɔ̀n Ŋwiye kayi imbə̀ʼ anug ni ya jə̀ghə no. À ya anug ni ghì inug ne təmi kòʼ imbìghè abə Ŋwiye tì ni chughi ane àbɔrɔ̀bɔd tì mə̀mbin fɔrɔ ni bèrì igyendi icheg ne Azwighi Ŋwiye ze nàʼà ika ina.

Rm 14:19

Tì ghi ìwa ika ijìm ni fàʼ inug ne ghìyə̀ tì chùghə ane àbɔrɔ̀bɔd fɔrɔ inug ne ghìyə̀ gha ibḛfiŋ təm kà abə wə̀d imɔʼ imɔʼ abɔ̀ʼ ina.

Rm 5:1

Icheg ne Ŋwiye fə ghi tì təm kòʼ anjìm ibḛfiŋ, tì fə se ane àbɔrɔ̀bɔd tì Ŋwiye anjìm ìwa Anɔŋisəg Yeso Kristo.

Rm 7:19

Inug mbe ne mə fàʼà kayi inug chɔm mbe ne mə̀ kɔŋi ni fàʼ. Àsi inug tibɔ̀ŋ mbe ne chəyi mə̀ kɔŋi ni fàʼ, à ya mbiwən ne mə fàʼà.

Rm 7:21

Tesiʼ ni inga anug azo̰ ya gha, anyumə̀ ne mə̀ kɔŋi ni ghì inug chɔ̀m, à ya məyi inug tibɔ̀ŋ mbe kɔ̀ʼɔ inga inum.

Rm 8:6

Wə̀d ne nɔ̀ŋɔ̀ fìŋ igun inug tibɔ̀ŋ mbe ne nyàmnyɔd ze ghə̀ʼrə̀, tengàŋ biri ku nim. Àsi wə̀d ne nɔ̀ŋɔ̀ fìŋ yaʼ igun inug mbe ne Azwighi Ŋwiye ze kə̀bə̀, tengàŋ biri jəg ìtḛ̀ bə̀ chùghi ane àbɔrɔ̀bɔd.

Gàlesìyà 5:22

Àsi inug mbe ne Azwighi Ŋwiye ze kə̀bə̀ ya: àkɔ̀ŋì, igyendi, àbɔrɔ̀bɔd, inyimbifiŋ, anug ni ghì inug chɔm, anug ni bèrì fìŋ chɔm, anug ni bḛ anug fàʼ,

Gàlesìyà 6:10

Ane, tì mə bèrì apan, tì ghiyə inug chɔm abə bəd məjìm. Tè taŋ zì atog ni ghì ane yaʼi abə ìmba bəd Kristo.

Kòlosè 3:15

Mbə̀ saŋa àbɔrɔ̀bɔd ze ne Kristo nàʼi inən ze tumbə ìtən fìŋ. À ya imbə̀ʼ àbɔrɔ̀bɔd ze ne Ŋwiye ya kàri awən gha mbə̀ yaʼ ane ifɔti inga nyàmnyɔd imɔʼ. Mbə̀ ya nàʼà məyakà ibo mà nyumə̀ ijìm.

1 Timotì 6:18

Àghò gha inɔb gha mbɔb ya ghìyə̀ ìchɔ̀mì abə bəd, sàŋna tì bəd, bə̀ nàʼà ighi abə bəd ne chəyi àzɔb.

Mə̀Hibrù 12:14

Mbə̀ kirə ika ni chughi ane àbɔrɔ̀bɔd ti wə̀d ijìm bə̀ chùghi inga ìzḛzḛ. Àmə chəyi ze yaʼi ane, nji chəyi wə̀d ne biri ghum bàd Anɔŋisəg.

Mə̀Hibrù 13:16

Ane, imbə̀ʼ tì wàʼa awa anug ni ya ghìyə̀ ìchɔ̀mì abə bəd tì anug ni ya ghàpà ighi ne tì beri tì bəd imbə̀ʼ icheg ne à ya icheg aghi àfàtì ne ghìyə̀ Ŋwiye gyènde.

Jems 4:17

Ane, wə̀d ne kyeri anug ne koʼi ni ghì, chəyi wì si ghì, tengàŋ gùg anug.

1 Pità 3:12

Tesiʼ ya gha, aghə àzi Anɔŋisəg ze chə̀ʼə̀ bəd mbe ne təmi kòʼ. Məd we bə̀ nɔ̀ŋɔ̀ àtɔ̀ŋi ni zug inug ne mbɔb mbe chàʼrà Ŋwiye ghà. Àsi bəd ne ghìyə̀ inug tìbɔŋ, Anɔŋisəg ya gàŋa tì inɔb”.

3 Jɔn 1:11

Ìmə ìsə̀ʼ ne mə̀ taŋ kɔ̀ŋ, imbə̀ʼ àghò niŋ awe ikuchèg tibɔ̀ŋ we. Àghò ya ghìyə̀ yaʼ inug chɔm. Àghò wendi gha, mbi ya kyere wə̀d Ŋwiye chɔm ane inug chɔm ne we ghìyə̀. Àghò bə wèndi gha, bəd ne ghìyə̀ inug tibɔ̀ŋ, ze ya chwìye gha chəyi mbɔb yaʼi ane anug amɔʼ tì Ŋwiye.