1 Pità 3:1 - Ikan feg

¹ Mə̀yi, mbə̀ swi ìwən nyɔd aseg zùgri ìmbən mənɔm. Àze biri ghì gha ìmbən mənɔm mbe ne chəyi mbi kiri bḛ Ìngam Ŋwiye, mbi biri bḛ anjìm ikuchèg chɔm ne mbə̀ beri.

Meta’

¹ À yɨ əndəŋ əndəŋ ni mbə̀n məyi berɨ zuunɨ mbə mɨnom, ɨmbə̀ʼ à mɨ yeʼ nɨ chəi wɨ mɔʼɔ rəbɔʼ mɨ̀mə̌d kɨrɨ ben ɨŋgam Ŋwiə̀, məyi mɨ̀mə̌d mbe tɨ mbɨ beŋ mɨ̀mə̌d ənɨ tə rɨghɨrɨ-ɨnû, nɨ chəi mbɨ gha ənû ə mɔʼɔ.

1 Pità 3:1 ပူးပေါင်းရင်းမြစ်များ

Matìyò 18:15

Yeso ya ghà abə mə̀mə̀nənùg məd gha, “Àmə yaʼ aghi ne ìwe ifi gùghi anug ine, àghò gho kɔ̀ti aməd mə̀tì anug ne wì ghi ine. Mə̀tə ibo ne àghò yaʼi məyi àghò tì məd mbə̰ məbe. Wì mə zug anug ne àghò we ghà ibo, kyeri gha àghò fə niŋ aməd bə̀ndì.

Rm 10:16

Si ya gha, chəyi məIzre məjìm mbe bḛ ikən chɔm we. Wə̀dkə̀n Ŋwiye Àzayà ya gha, “Anɔŋisəg, àkə we bḛ ikən chɔm we ne te ghà?”

Rm 6:17

Tè nàʼ məyakà abə Ŋwiye gha, à ya yaʼ mbègtog, mbə̰ ya yaʼ ìbòʼì abə inug tibɔ̀ŋ. Àsi amad anìŋ, mbə̰ mbe se nɔ̀ŋɔ̀ inug feg mbe ne tì fə chwiti inən ane ìzən fìŋ ijìm.

Rm 7:2

Mbə̀ si mə̀ gha inən gha, mə̀nɔ̀ʼɔ̀ chwìti gha àyi nami mənyìʼ tèn tì ìwi inɔm məyi anyumə̀ ne inɔm məd yaʼi izɔm. Chəyi mə̀nɔ̀ʼɔ̀ mbe ywìrè nyìme məd anyumə̀ ne inɔm məd fə ku.

1 Kɔrèn 11:3

Mə kə̀b gha mbə̀ kyeri gha Kristo ya atog abə mbaŋà tijìm. Mbə̀ bə kyèri gha mbaŋà ya atog abə àyi. Ŋwiye ya bə̀ atog abə Kristo.

1 Kɔrèn 14:34

chəyi àyi beri ni ghàm anug mɔ̀ʼɔ inga ifeti bəd Kristo. Àyi bèrì ni swi ìwi nyɔd aseg, chim tizi inga ifeti icheg ne mə̀nɔ̀ʼɔ̀ mə̀Ju gha.

1 Kɔrèn 7:16

Àyi, àghò kyeri gha ighəm mɔ̀ʼɔ à ya àghò biri ghum pumni ìwe inɔm. Àghò mbaŋà, bə kyèri gha ighəm mɔ̀ʼɔ à ya àghò biri ghum pumni ìwe iweg.

Efesùs 5:33

Ane, wə̀d imɔʼ imɔʼ abɔ̀ʼ inən ya kɔ̀ŋɔ̀ ìwi iweg icheg ne wì kɔ̀ŋi ìwi nyɔd. Àyi bèrì ni ya bə̀ ghùmnə ìwi inɔm.

Kòlosè 3:18

Mbə̰ mə̀yi, mbə̀ swi ìwən nyɔd aseg abə ìmbən mənɔm imbə̀ʼ icheg ne à ya aghi ne Anɔŋisəg kə̀bi gha mbə̀ faʼa.

Kòlosè 4:5

Mbə̀ we awən ane icheg ne mbə̰ mbe ghìyə̀ inug tì bəd mbe ne kayi bəd Kristo. Mbə̀ niŋ apan ze ne mbə̀ yaʼi tì inɔb ghì inug ne chwìye gha mbə̰ ya bəd Kristo.

2 Tès 1:8

Wì biri ghum yeʼe ni zì ngəʼ igun bəd mbe ne to̰ awɔb Ŋwiye bə̀ to̰ awɔb ni zugri ikən chɔm we ne ìwa Anɔŋisəg Yeso ya yeʼe tì ìwiwən.

Mə̀Hibrù 11:8

À ya ibḛfiŋ ya ghì gha Abràham zugri Ŋwiye anyumə̀ ne Ŋwiye ya kàri aməd gha wì duwə inga àzi aben ghò ane asiŋi ne Ŋwiye biri nàʼ ibo. Ka chəyi Abràham ya kyeri asiŋi ze ne wì yaya ghò angu, wì ya dù ibo aben ghò.

Mə̀Hibrù 5:9

Ŋwiye ya ghì aməd wì bɔ̀ŋ mànì, bə̀ ghì gha məd yaʼ wə̀d ne pùmnə wə̀d ijìm ne zùgrə aməd ane ighə̀m imɔʼ.

1 Pità 1:22

Mbə̰ fə ghì ìtən fìŋ zen icheg ne mbə̰ mbe ghìyə̀ inug mbe ne yaʼi mbe tesiʼ. Mbə̀ taŋ kɔ̀ŋ ìmbən məfi fɔrɔ ìtən njàbi kwàʼ icheg chɔm. Mbə̀ ya kɔ̀ŋɔ̀ wə̀d imɔʼ imɔʼ kwàʼ inga ìtən fìŋ.

1 Pità 3:2

Mbi biri bḛ anyumə̀ ne mbi bari icheg ne ìwən ikuchèg zḛ fɔrɔ icheg ne mbə̰ mbe zùgrə awɔb.

1 Pità 3:7

Mbaŋà, à ya bə̀ ane ne mbə̀ beri ni chughi ane ikuchèg ne koʼi tì ìmbən mə̀yi, ya nyìmbe fìŋ tì inɔb. Mbə̀ ya ghìyə̀ ane imbə̀ʼ icheg ne mbə̰ kyeri gha mbɔb bɔd chè awən. Mbə̀ ghumni awɔb imbə̀ʼ icheg ne mbɔb bə̀ bèrì ati abɔ̀ʼ inən ni jəg ìtḛ̀ we ne Ŋwiye ghi ìchɔ̀mì nàʼ. Mbə̀ ya ghìyə̀ ane ni gha imbə̀ʼ anug mɔ̀ʼɔ nɔ̀ʼ kən ìwən ichaʼri Ŋwiye.

1 Pità 4:17

Nyùmə̀ kòʼ ne Ŋwiye biri ko ni saʼ bəd. Wì biri ko ni saʼ bəd igun bəd ne yaʼi inga inəbi bəd Ŋwiye. Ŋwiye kə mə ko ni saʼ bəd igun ina, mbə̀ si kɔ̀ndi gha ìnwḭ bəd mbe ne chəyi mbe zùgrə ikən chɔm ne Ŋwiye gha kə ghùm si yaʼ iye?