1 Pità 2:6 - Ikan feg

⁶ A ze inga Àŋwàʼrì Ŋwiye gha, “Mbə̀ nḛ! Mə we zèghè iteg a Zayɔ̀n. À ya iteg ibug nəb ne taŋ bɔ̀ŋ ne mə̀ ya chɔʼi nɔ̀ŋì. Wə̀d ne nɔŋi ibḛfiŋ igun məd chəyi wì biri nɔʼ bèrì tìnìrètug.”

Meta’

⁶ Ə zɨ ɨŋga Ə̀ŋwàʼnɨ̀ ə Ŋwiə̀ ni, “Mbə̀ zə, mə wɨə zi ɨti ə Zayɔ̀n. À yɨ ɨti ɨbu nəb nɨ mə nyaʼa chɔʼ nùŋ, wɨ bɔ̀ŋ kwàʼ rɨŋgəʼ. Chəi wə̀d we nɨ nuŋ fîŋ ɨgwɨ məd bɨrɨ nɔ berɨ tɨ̀nìd ətu.”

1 Pità 2:6 ပူးပေါင်းရင်းမြစ်များ

Matìyò 12:18

Wì ya gha, “Aŋa ya ìmə wə̀d àfàʼì ne mə fə chɔʼi. À ya wə̀d àfàʼì ne mə̀ taŋ kɔ̀ŋ. Mə we taŋ gyènde imbə̀ʼ aməd. Mə biri zì àmə Azwighi inga məd. Məd biri ghà inga iben ijìm mbe ne kayi iben mə̀Ju gha mə biri saʼ awɔb ane icheg ne koʼi.

Mk 12:10

Chəyi mbə̀ kiri fɔŋi anug azo̰ inga Àŋwàʼrì Ŋwiye gha, ‹Iteg we ne bəd ne kɔ̀rɔ nəb ya to̰ awɔb, wì fə bə̀ŋə̀ ane iteg ibog nəb.

Lk 20:17

Yeso ya nèn awɔb kwàʼ igun ife, si bìri inɔb gha, “Ane, aton ane Ìngam Ŋwiye we ne gha, ‹Iteg we ne bəd ne kɔ̀rɔ nəb ya to̰ awɔb, wi fə bə̀ŋə̀ ane iteg ibog nəb›, àkə gha?”

Lk 23:35

Bəd ya təm iban se nḛ̀. Itog bəd yaya chàpà aməd. Mbi ya gha, “Wì yaya pùmnə bəd ndəŋ. Àmə yaʼ aghə ne məd yaʼi Wə̀d we ne Ŋwiye zɔ̀ʼi, ne Ŋwiye bə̀ chɔʼ, wì pumni ìwi nyɔd.”

Jn 7:38

Wə̀d ne nɔŋi ìwi ibḛfiŋ igun inum, wì yeʼe no icheg ne ze yaʼi inga Àŋwàʼrì Ŋwiye gha, àdùrì ne nàʼà ìtḛ̀ biri se dùwə̀ ibo inga fìŋ icheg igyi kyen.”

Ɨ̀fàʼì 1:16

Wì ya ghà inɔb gha, “Ìmbum məfi fɔrɔ ìtum njàbi, Ìngam Ŋwiye we ne Azwighi Ŋwiye ya ghi ifɔn Dèvid ŋwàʼrì kwàʼ aneg aneg imbə̀ʼ Judàs we ne ya fḛ Yeso abə bəd mbe ne ya gwìye Yeso fə dù ane tesiʼ.

Rm 10:11

Àŋwàʼrì Ŋwiye ze ghà gha, “Wə̀d ne nɔŋi ìwi ibḛfiŋ igun məd, chəyi tengàŋ biri bèrì tìnìrètog.”

Efesùs 1:4

Bɔŋ Ŋwiye ya se tànga isəg, wì ya fə chɔʼ awa gha tì zen bə̀ təm kòʼ ibo imbìghè icheg ne tì yaʼi ane ifɔti tì Kristo. Anjìm àkɔ̀ŋì,

Efesùs 2:20

Mba ya bəd Ŋwiye ne təmi kà igun ati ze ne bədkə̀n Ŋwiye fɔrɔ bədtɔm Kristo ya bɔmi. Yeso ya iteg ibug nəb mbègtog inga ati nəb ze.

2 Timotì 3:16

Ìngam Ŋwiye ijìm ya Ŋwiye ya cha àzi Azwighi gha ze ghiyə mbe ŋwaʼra. Ìngam Ŋwiye bɔ̀ŋ ni chwiti inug abə bəd inga, tì ni gaŋ bəd ne ghìyə̀ inug tibɔ̀ŋ angu. Ìngam Ŋwiye ya wètè ni sèmbì bəd ne fèbè. Wi ya bə̀ wètè ni də̀ni bəd gha mbe se ghìyə̀ inug ne təmi kòʼ.

1 Pità 2:4

Mbə̀ yèʼe abɔ̀ʼ məd, məd we ne yaʼi iteg we ne yaʼi izɔm. Bəd ya to̰ awɔb məd, si ya gha, Ŋwiye ya chɔʼ aməd. À ya iteg ne taŋ bɔ̀ŋ imbìghè abə Ŋwiye.

1 Pità 2:8

A ze bə̀ inga Àŋwàʼrì Ŋwiye gha, “Iteg gho̰ ya we ne biri ghì bəd tə̀ngə̀. À ya bə̀ igho ne biri ghì bəd gùg.” Mbɔb biri gùg imbə̀ʼ icheg ne chəyi mbɔb bḛ ìngam we. À ya icheg ne Ŋwiye ya fə nɔ̀ŋì gha ze biri yaʼ.

2 Pità 1:20

Anug mbègtog ne mbə̀ koʼi ni kyeri ya gha, chəyi wə̀d mɔ̀ʼɔ ne tì wì toʼrì anug ze ne bədkə̀n Ŋwiye ya ŋwàʼri inga Àŋwàʼrì Ŋwiye ane ìwi ika.

2 Pità 3:16

Wì ŋwàʼrì inug mbo̰ kwàʼ məyi ane ikuchèg ifibì inga ìŋwàʼrì məd ijìm. Inug mɔ̀ʼɔ mbe inga ìŋwàʼrì mbe ne wì ŋwàʼri ne chəyi tì itog bəd zàmbì zen imbə̀ʼ mbiwən. Bəd mbe ne chəyi mbi kyeri inug, ne ìwɔb ibḛfiŋ kiri bɔri, mbɔb biri tòʼrì inug mbo̰ ane ikuchèg ndəŋ. Bəd mbe kɔ̀pɔ inug inga ìŋwàʼrì mbo̰ kwàʼ icheg ne mbɔb mbe bə̀ kɔ̀pɔ inga ìŋwàʼrì Ŋwiye ndəŋ. Icheg ne mbɔb mbe ghìyə̀ ane, mbi ya zìye yaʼ ngəʼ igun ìmbɔb itog.