1 Pità 2:4 - Ikan feg

⁴ Mbə̀ yèʼe abɔ̀ʼ məd, məd we ne yaʼi iteg we ne yaʼi izɔm. Bəd ya to̰ awɔb məd, si ya gha, Ŋwiye ya chɔʼ aməd. À ya iteg ne taŋ bɔ̀ŋ imbìghè abə Ŋwiye.

Meta’

⁴ Mbə yeʼe əsɨ məd we nɨ yeʼ ɨti we nɨ yeʼ ɨka. Bə̂d nyaʼa ton əməd, àyɨə Ŋwiə̀ nyaʼa chɔʼ əməd. Məd ə bɔ̀ŋ kwàʼ rɨŋgəʼ ɨfě Ŋwiə̀.

1 Pità 2:4 ပူးပေါင်းရင်းမြစ်များ

Matìyò 11:28

“Mbə̀ yeʼe abɔ̀ʼ inum, mbə̰ məjìm mbe ne fə bɔri bə̀ bèʼì mbèʼ ni nìri, mə biri ghì gha mbə̀ zwete.

Matìyò 12:18

Wì ya gha, “Aŋa ya ìmə wə̀d àfàʼì ne mə fə chɔʼi. À ya wə̀d àfàʼì ne mə̀ taŋ kɔ̀ŋ. Mə we taŋ gyènde imbə̀ʼ aməd. Mə biri zì àmə Azwighi inga məd. Məd biri ghà inga iben ijìm mbe ne kayi iben mə̀Ju gha mə biri saʼ awɔb ane icheg ne koʼi.

Matìyò 21:42

Yeso ya ghà inɔb gha, “Àkə chəyi mbə̀ kiri kweʼì fɔŋ anug ze ne yaʼi inga Àŋwàʼrì Ŋwiye? Anug ze ya gha, ‹Iteg we ne bəd ne kɔ̀rɔ nəb ya to̰ awɔb, wi fə bə̀ŋə̀ ane iteg ibug nəb. Anug azo̰ ya Anɔŋisəg ghi. À ya ayeti anug ina ni bàd!›

Jn 14:19

Àsi bùʼ məyi ikə nyumə̀ ne chəyi bəd igun isəg biri ywiri bàd amə. Si ya gha, mbə̰ biri bàd amə. Icheg ne mə̀ yaʼi izɔm, à ya bə̀ icheg ne mbə biri yaʼ izɔm.

Jn 14:6

Yeso ya ywìtì gha, “Mo ya inɔnjì. Mo ya tesiʼ. Wə̀d ne nàʼà ìtḛ̀ abə bəd ya mo. Chəyi tì wə̀d mɔ̀ʼɔ ghò abə ìmə Mbaʼ, ne chəyi wì che inum anjìm.

Jn 5:26

Icheg we ne à ya Mbaʼ we ghìyə̀ gha bəd jəg ìtḛ̀ ighə̀m imɔʼ, wè bə̀ nàʼ ika abə Ŋwan məd ni gha wì bə se ghìyə̀ gha bəd jəg ìtḛ̀ ighə̀m imɔʼ.

Jn 5:40

Si ya gha, chəyi mbə̰ mbe kə̀bə̀ ni nɔŋi ìwən ibḛfiŋ igun inum imbə̀ʼ jəg ìtḛ̀.

Jn 6:37

Bəd məjìm mbe ne ìmə Mbaʼ fə nàʼi inum, mbi biri yeʼe inum. Wə̀d ne biri yeʼe inum, chəyi mə̀ biri kamni aməd.

Jn 6:57

Icheg ne ìmə Mbaʼ we ne yaʼi izɔm ya cha amə, mə we izɔm imbə̀ʼ aməd. À ya bə̀ icheg ne wə̀d ne kuri ìmə nyàmnyɔd biri bə yaʼ ika imbə̀ʼ amə.

Rm 5:10

Anyumə̀ ne tì ya kiri yaʼi bəd ìpàb Ŋwiye, wì ya ghì tì si yaʼ mə̀sə̀ʼ məd anjìm Ŋwan məd we ne ya ku imbə̀ʼ awa. Amad anìŋ ne tì si yaʼ mə̀sə̀ʼ Ŋwiye, tì fə pum anjìm ìtḛ̀ Ŋwan məd.

1 Kɔrèn 3:11

Ane, chəyi tì wə̀d zèg ati ndəŋ igun àze ne mbi ya fə zèghi. Ati ze ya Yeso Kristo.

Kòlosè 3:4

Ìwən ìtḛ̀ tesiʼ ya ìtḛ̀ ìwi Kristo. Ane, anyumə̀ ne məd biri yeʼe inga ighumni kyen məd, mbə̰ inən biri bə yaʼ inga ighumni kyen we.

1 Pità 1:19

Ŋwiye ya zon awən ane anəm àka inun ze ne Yeso Kristo ya chəmni. Yeso Kristo ya icheg ŋwan njə̀g ne chəyi gəʼ angu.

1 Pità 1:7

Inug mbo̰ ijìm biri dù ni kwàʼrì awən ni chwi gha ìwən ibḛfiŋ təm kà. Ka bèyi gol ne tì mbi chìkì, mbi ya bə̀ tɔ̰̀ inga iywid ka ka ni ghì gha wì taŋ bɔ̀ŋ. Ane, mbi biri zweʼri ìwən ibḛfiŋ ne ya aghi àka inun chè gol. Ibḛfiŋ we mə̀ təm kà, nji Ŋwiye biri ghì mbə bèrì ìzḛzḛ fɔrɔ ighumni anyumə̀ ne Yeso Kristo biri ywiri yeʼe.

1 Pità 2:7

Inən mbə̰ mbe ne nɔŋi ibḛfiŋ igun məd, iteg we taŋ bɔ̀ŋ. Àsi abə bəd mbe ne chəyi mbi nɔŋi ibḛfiŋ igun məd, “Iteg we ne bəd ne kɔ̀rɔ nəb ya to̰ awɔb, wi fə bə̀ŋə̀ ane iteg ibug nəb.”

2 Pità 1:1

À ya mo Sayimùn Pità, ne yaʼi wə̀d àfàʼì bə̀ yaʼ wə̀dtɔm Kristo ìwi Kristo ŋwàʼri àŋwàʼrì azo̰. Mə ya ŋwàʼrà anìŋ inən mbə̰ mbe ne ìwa Yeso Kristo ne yaʼi ìwa Ŋwiye bə̀ yaʼ Wə̀d ne pùmnə awa fə ghi mbə bèrì ibḛfiŋ chɔm kwàʼ icheg mba bə bèrì. Məd we ghìyə̀ inug ne koʼi.

2 Pità 1:4

Wì ya chè anjìm ika we nàʼ tineʼi te ne wì ya kàʼi ina. À ya tineʼi ne taŋ kà inun bə̀ taŋ bɔ̀ŋ. Wì ya ghì ane ni gha anjìm tineʼi te mbə̰ mbe tì mbə̰ yaʼ icheg Ŋwiye ane ikuchèg, si waʼ inug tibɔ̀ŋ mbe ne bəd inga isəg mbe ghə̀ʼrə̀.