1 Pità 2:11 - Ikan feg

¹¹ Ìmbum məfi fɔrɔ ìtum njàbi ne mə̀ taŋ kɔ̀ŋ, mbə̰ ya bəd tìsɔ̀ʼ inga isəg gho̰ ne bə yaʼ mə̀nɔʼɔ. Ane, mə we bòʼo ibo inən gha mbə̀ chìye ìfən ifeg ane inug tibɔ̀ŋ mbe ne nyàmnyɔd ze ghə̀ʼrə̀. À ya inug tibɔ̀ŋ mbe ya màʼà ibid inən inga fìŋ.

Meta’

¹¹ Mbɨ bɔŋgɔb nɨ mə̀ ghaʼi kwàʼ rɨŋgəʼ, mbə̀ kyerɨ ni mbə yɨ ɨ̀nɔ̀ʼɔ̀ fɔrɨ ni mbə̀ yɨə bə̂d rɨ̀sɔ̀ʼɔ̀ ɨŋga ɨsɨg wɔ̂. Əne mə wɨə buʼ ɨbɔ ɨ nən ni tɨ mbə̀ ghɨ ə ɨnû rɨbɔ̀ŋ mbe nɨ tə nyamnyod ə feenɨə. Mbɔ̂ yɨ ɨnû mbe nɨə màʼə̀ bid ɨŋga tə fîŋ.

1 Pità 2:11 ပူးပေါင်းရင်းမြစ်များ

Lk 21:34

Mbə̀ we awən, imbə̀ʼ ìtən fìŋ nɔ̀ʼ yaʼ ane anug ni jəg chè ndò, tì ane anug ni no be fɔrɔ anug ni ghə̀ʼrì ighi igun isəg, nji aneg ze biri yeʼe igun inən icheg ne atam ze gwìye nyam.

Ɨ̀fàʼì 15:20

Tè ŋwaʼra yaʼ àŋwàʼrì chà inɔb gha: Imbə̀ʼ mbi jəg awɔb ighijəg ne mbi naʼi ni jə mə̀ŋwiye. Imbə̀ʼ mbi ghiyə awɔb anug ni nɔ̀kì mə̀yi kə̀ nɔ̀kì mbaŋà abu abu. Imbə̀ʼ mbi kud awɔb nyam ne swḛni swḛni.

Ɨ̀fàʼì 15:29

Inug mbe ya gha: Imbə̀ʼ mbə̰ jəg awən ighijəg ne mbi naʼi ni jə mə̀ŋwiye. Imbə̀ʼ mbə̰ kud awən nyam ne mbi swḛni swḛni. Imbə̀ʼ mbə̰ jəg awɔb anəm. Imbə̀ʼ mbə̰ bə ghiyə awən anug ni nɔ̀kì mə̀yi kə̀ nɔ̀kì mbaŋà abu abu. Ze biri yaʼ anug chɔm inən anyumə̀ ne chəyi mbə̰ mbe ghìyə̀ inug mbo̰. Ane, mbə̀ si chùghi icheg chɔm.”

Rm 12:1

Ìmbum məfi fɔrɔ ìtum njàbi, mə̀ ya anìŋ nə̀rə awən gha, icheg ne Ŋwiye chwi àsɔ̀mnəfiŋ igun ina, mbə̀ naʼa ìtən nyàmnyɔd abə Ŋwiye icheg aghi àfàtì ìzḛzḛ ne kiri biri izɔm ne Ŋwiye biri kɔ̀ŋ. À ya ikuchèg ne bɔŋi ni ghumni Ŋwiye ya iwe.

Rm 7:23

Si ya gha, tesiʼ ndəŋ ne mə se bàrà inga anug azo̰ ya gha, à ya inug tibɔ̀ŋ fə jəg ìmə nyàmnyɔd ijìm. Inug tibɔ̀ŋ mbo̰ mbe zɔ̀ŋɔ̀ tikɔndi chɔm ne mə̀ beri . Ane, ghì mə si yaʼ àbòʼì abə inug tibɔ̀ŋ mbe ne kiri biri inga inum.

Rm 8:13

À ya ane imbə̀ʼ icheg ne wə̀d ne ghìyə̀ inug mbe ne nyàmnyɔd məd ze ghə̀ʼrə̀, tengàŋ biri ku nim. Àsi wə̀d ne Azwighi Ŋwiye chiki ika we ne inug tibɔ̀ŋ beri igun bəd chì inga məd, tengàŋ biri jəg ìtḛ̀.

2 Kɔrèn 5:20

Mba ya bəd ne təmi ane ikum Kristo. À ya icheg ni gha Ŋwiye we chè anjìm ina bòʼo ibo abə bəd. Ane tì we bòʼo ibo inən ane ikum Kristo gha mbə̀ mànì achɔb tì Ŋwiye.

2 Kɔrèn 6:1

Mbə̰ ya bəd ne fɔrɔ fàʼà tì Ŋwiye. Ane, tì ya bòʼo ibo inən gha imbə̀ʼ mbə̰ sàŋa awən gha ìchɔ̀mì we ne wì ghi inən we chè ako.

2 Kɔrèn 7:1

Ìmbum mə̀sə̀ʼ ne mə̀ taŋ kɔ̀ŋ, icheg ne Ŋwiye kàʼi ni fàʼ inug mbo̰ ina, tè chiye ìwa nyɔd fɔrɔ àza azwighi ane inug ijìm mbe ne ghìyə̀ ghà wə̀d ghiyə inug tibɔ̀ŋ se fàʼà inug ijìm inga ìzḛzḛ bə̀ bɔ Ŋwiye.

Gàlesìyà 5:24

Bəd mbe ne yaʼi bəd Yeso Kristo, mbɔb ya chùghə icheg bəd ne ìtɔb nyàmnyɔd fə ku ane inug tibɔ̀ŋ mbe ne nyàmnyɔd wə̀d ze ghə̀ʼrə̀.

Efesùs 2:19

Ane, mbə̰ mbe ne kayi mə̀Ju, chəyi mbə̀ ywirì yaʼ bəd tìsɔ̀ʼ. Amad anìŋ, mbə̰ mbe se inga iwaŋ abɔ̀ʼ bəd Ŋwiye bə̀ yaʼ inga inəbi Ŋwiye.

Efesùs 4:1

Mo ne yaʼi wə̀d ndəŋ imbə̀ʼ icheg ne mə fàʼà abə Anɔŋisəg, mə we bòʼo ibo inən gha mbə̀ chughi kwàʼ ane ikuchèg ne koʼi. À ya ikuchèg ne Ŋwiye ya kàri awən gha mbə̀ chughi angu.

2 Timotì 2:22

Àghò ton inug tibɔ̀ŋ mbe ne ngwàʼ bɔd ze kɔ̀ŋɔ̀. Àghò kirə ika ni ya ghìyə̀ inug mbe ne təmi kòʼ. Àghò nɔŋɔ ìwe ibḛfiŋ igun Kristo bə̀ ya ghìyə̀ inug abə bəd ane àkɔ̀ŋì. Àghò chughi ane àbɔrɔ̀bɔd tì bəd. Àghò ya ghìyə̀ inug mbo̰ ijìm icheg ne bəd mbe ne kàrà Anɔŋisəg ane fìŋ ijìm mbe ghìyə̀.

Mə̀Hibrù 11:13

Bəd mbo̰ məjìm ya nɔ̀ŋì ibḛfiŋ igun Ŋwiye ghò pè ane nyùmə̀ ne mbi ya ku. Chəyi mbɔb ya beri ighi mbe ne Ŋwiye ya kàʼi inɔb. Si ya gha, mbɔb ya bàd ighi mbe ane agha se ne mbe kiri yeʼe, fə si niŋ gha mbɔb fə bèrì inɔb ikye abo. Mbɔb ya bə̀ bḛ gha mbɔb ya bəd tìsɔ̀ʼ ne bə̀ chè awɔb che igun isəg.

Mə̀Hibrù 6:9

Ìmbum mə̀sə̀ʼ ne mə̀ kɔŋi, ka tì ya ghàmà inən anìŋ, tè kyèri gha mbə̰ biri bèrì ighi ne bɔŋi chè ne Ŋwiye biri nàʼ inən icheg ne Ŋwiye pùmni awən.

Jems 4:1

Aghi ze ne ghìyə̀ mbə zɔ̀ŋɔ̀ bə̀ chɔ̀bɔ mbə̰ mbə̰ àkə aghə? Imbə̀ʼ àzɔ̀ŋì ya nɔ̀ʼɔ ane ighi mbe ne ìtən fìŋ te ghə̀ʼrə̀?

1 Pità 1:1

À ya mo Pità, wə̀dtɔm Yeso Kristo ŋwàʼri àŋwàʼrì azo̰. Mə ŋwàʼrì anìŋ abə bəd mbe ne Ŋwiye chɔ̀ʼi, ne yaʼi mə̀Ju mbe ne sàka ghò inga Pontùs, tì Gàlesìyà, tì Kàpàdosìyà, tì Esìyà fɔrɔ Bìtinìyà.

1 Pità 1:17

Mbə̀ wendi gha Mbaʼ we ne mbə̰ mbe kàrà anyumə̀ ne mbə̰ mbe chàʼrà Ŋwiye ya wə̀d ne chəyi we ghìyə̀ ighə anyumə̀ ne məd we sàʼa bəd ane ìmbɔb ìfàʼì. Ane, mbə̰ ne yaʼi bəd tìsɔ̀ʼ igun isəg aŋa, mbə̀ se ghùmnə aməd ane ìwən ikuchèg ane nyumə̀ we ne mbə̀ kiri beri ni chughi igun isəg.

1 Pità 4:12

Ìmbum məfi fɔrɔ ìtum njàbi ne mə̀ taŋ kɔ̀ŋ, imbə̀ʼ anug si che yi awən gha mbə̰ mbe chè inga ngəʼ ka ka. Ngəʼ ka ka ìto̰ ya ni zweʼri ìwən ibḛfiŋ. Imbə̀ʼ mbə̰ bə kɔndɔ awən gha à ya kwàʼ tìsɔ̀ʼ anug mɔ̀ʼɔ ne dùwə̀ igun inən.

1 Pità 4:2

Ane, mbə̰ kòʼ ni se ghìyə̀ inug mbe ne Ŋwiye we kə̀bə̀ ane nyumə̀ gho̰ ne mbə̀ kiri yaʼi igun isəg. Kayi ni ya ywìrè ghìyə̀ inug tìbɔŋ mbe ne nyàmnyɔd ze ghə̀ʼrə̀.

2 Pità 3:1

Ìmbum məfi fɔrɔ ìtum njàbi ne mə̀ taŋ kɔ̀ŋ, àŋwàʼrì azo̰ ne mə̀ ŋwàʼri inən anìŋ ya àŋwàʼrì ne pè ane ibe. Inga ìŋwàʼrì mbo̰ ibe, mə fə kirə ika ni nɔ̀rì ìwən ikɔndi ni ghì gha mbə̀ wendi inug ijìm mbe ne mbə̀ ya fə bi kyèri ane fìŋ zḛ zḛ.