1 Pità 1:8 - Ikan feg

⁸ Mbə̰ mbe kɔ̀ŋɔ̀ aməd ka chəyi mbə̀ kiri bari aməd. Ka chəyi mbə̰ mbe bàrà aməd; mbə̰ nɔ̀ŋì ibḛfiŋ igun məd, bə̀ se taŋ gyènde ane ikuchèg ne chəyi tì wə̀d gha.

Meta’

⁸ Mbə ghaʼ əməd, ka à be yeʼi ni chəi mbə kɨrɨ zə əməd. Mbə nuŋ fîŋ ɨgwɨ məd, ka à be yeʼi ni chəi mbə̀ə zə əməd. Mbə̀ kàŋ ghaʼrɨ mbɨ ɨkwɨ ɨghaʼi we nɨ chəi ənɨ tɨ wə̀d ghà ənɨ ɨchù.

1 Pità 1:8 ပူးပေါင်းရင်းမြစ်များ

Matìyò 10:37

Wə̀d ne kɔ̀ŋi ìwi mbaʼ kə̀ ìwi ngɔb chè amə, chəyi tengàŋ kòʼi ni yaʼ àmə àmə̀nənùg. Wə̀d ne kɔ̀ŋi ìwi ŋwan mbaŋà kə̀ ìwi ŋwan àyi chè amə, chəyi tengàŋ kòʼi ni yaʼ àmə àmə̀nənùg.

Jn 14:15

Yeso ya chè imbìghè ni gha, “Mbə̰ mə̀ kɔ̀ŋ amə, mbə̰ biri zugri ìtum tikə.

Jn 14:21

Wə̀d ne zùghə ìtum tikə bə̀ nɔ̀ŋɔ̀, à ya wə̀d ne kɔ̀ŋi amə. Ìmə Mbaʼ biri kɔ̀ŋ wə̀d ne kɔŋi amə. Mo inum biri bə̀ kɔ̀ŋ tengàŋ bə̀ chwi ìmə nyɔd ibo.”

Jn 14:24

Wə̀d ne chəyi wì kɔ̀ŋ amə, chəyi tengàŋ biri zugri ìtum tikə. Inug mbo̰ ne mə ghà inən kayi mə ghàmà ane ìmə ighəm. À ya ìmə Mbaʼ we ne cha amə, gha mə gha.

Jn 16:22

À ya icheg ne ze biri yaʼ tì inən. Amad anìŋ, ibəʼ we inən inga fìŋ. Si ya gha, anyumə̀ ne mə̀ biri ywiri yeʼe, igyendi biri si zweg inən inga fìŋ. Chəyi wə̀d mɔ̀ʼɔ angu ne tì wì chì igyendi we inən inga fìŋ.

Jn 20:29

Yeso ya si ghà ibo gha, “Àghò ya anìŋ kə zìyè ibḛfiŋ igun inum imbə̀ʼ icheg ne àghò bàd amə. Ŋwiye zì àbɔrɔ̀bɔd igun bəd mbe ne zi ìwɔb ibḛfiŋ igun inum ne chəyi mbi bàd amə.”

Jn 8:42

Yeso ya ghà inɔb gha, “Àkə aghi ne Ŋwiye yaʼi ìwən Mbaʼ, nji mbə̰ mbe kɔ̀ŋɔ̀ amə imbə̀ʼ icheg ne mə nɔ̀ʼ yaʼ abɔ̀ʼ Ŋwiye yèʼe aŋa. Chəyi mə̀ yeʼe ane ìmə ighəm. À ya məd cha amə.

Ɨ̀fàʼì 16:34

Wì ya ghì ane, niŋ awɔb mbi ghò inga nəb, pè nàʼ ighijəg inɔb. Məd tì bəd məjìm mbe ne ya yaʼi ibo inga nəb ya taŋ gyen icheg ne mbɔb fə bḛ Ŋwiye.

Rm 14:17

Anug ìfɔ̀n Ŋwiye kayi imbə̀ʼ anug ni ya jə̀ghə no. À ya anug ni ghì inug ne təmi kòʼ imbìghè abə Ŋwiye tì ni chughi ane àbɔrɔ̀bɔd tì mə̀mbin fɔrɔ ni bèrì igyendi icheg ne Azwighi Ŋwiye ze nàʼà ika ina.

Rm 15:13

Mə we chàʼrà Ŋwiye gha, Ŋwiye we ne ghìyə̀ mbə nɔ̀ŋɔ̀ ikɔndi ni ghɔ̀m inug mbe ne wì ya kàʼi, wì ghiyə mbə̀ chughi ane igyendi bə̀ chùghi ane àbɔrɔ̀bɔd icheg ne mbə̀ nɔŋi ibḛfiŋ igun məd. Wì ghiyə gha Azwighi Ŋwiye naʼa ika inən mbə chè imbìghè ni nɔ̀ŋì ikɔndi ghɔ̀m inug mbe ne Ŋwiye ya kàʼi.

1 Kɔrèn 16:22

Ndɔ̀n ze igun wə̀d ne chəyi wì kɔ̀ŋi Anɔŋisəg. Ìwa Anɔŋisəg! Àghò yeʼe!

2 Kɔrèn 1:22

bə̀ zì àzi Azwighi inga ina ni chwi gha mba ya bəd məd. Azwighi azo̰ ya aneni ni chwi gha ighi mbe ne Ŋwiye kàʼi ina, wì biri nàʼ ijìm.

2 Kɔrèn 12:4

Si ya gha, wì ya nyi inga paràdayìs, zug inug ne che ibo, ne chəyi tì wə̀d mə̀tì ane ichug.

2 Kɔrèn 4:18

Ane, chəyi tì zi ìta fìŋ igun ighi ne te bàrà. Tè zì ìta fìŋ yaʼ igun ighi ne chəyi te bàrà. Aton ya gha, ighi mbe ne te bàrà, chəyi mbe tàndà. Àsi ighi mbe ne chəyi te bàrà, à ya ighi ne yaʼi ane ighə̀m imɔʼ.

2 Kɔrèn 5:7

Aghi ne nɔ̀ŋɔ̀ awa ya ibḛfiŋ, kayi ighi mbe ne te bàrà.

2 Kɔrèn 9:15

Tè naʼa məyakà abə Ŋwiye imbə̀ʼ ineʼi àka inun we ne wì nàʼi ina.

Gàlesìyà 5:22

Àsi inug mbe ne Azwighi Ŋwiye ze kə̀bə̀ ya: àkɔ̀ŋì, igyendi, àbɔrɔ̀bɔd, inyimbifiŋ, anug ni ghì inug chɔm, anug ni bèrì fìŋ chɔm, anug ni bḛ anug fàʼ,

Gàlesìyà 5:6

Ane, icheg ne tì yaʼi ane ifɔti tì Yeso Kristo, kə̀ mbe ŋwed wə̀d kə̀ chəyi, chəyi àze ywirì bèrì anug mɔ̀ʼɔ ni ghì ka. Anug kyen ne angu ya ibḛfiŋ we ne tì nɔŋi igun Kristo. À ya ibḛfiŋ we ghìyə̀ tì se kɔ̀ŋɔ̀ ìmba məfi fɔrɔ ìta njabi.

Efesùs 3:19

Mə we bə̀ chàʼrà Ŋwiye gha mbə̀ kyeri gha, icheg ne Kristo kɔ̀ŋi awən we chè icheg ne tì bəd kyeri. Mbə̰ mə̀ taŋ kyèri icheg ne wì kɔ̀ŋi awən, nji ìwən ikuchèg biri si yaʼ icheg ìwi Ŋwiye.

Efesùs 6:24

Ŋwiye ghiyə ìchɔ̀mì abə bəd məjìm ne kɔŋi Anɔŋisəg Yeso Kristo ane iku àkɔ̀ŋì ze ne chəyi ze biri nɔʼ mèg.

Fìlipì 1:25

Mə kyèri kwàʼ tesiʼ gha, ze bɔ̀ŋ inum ni chughi izɔm imbə̀ʼ chè imbìghè ni wètì awən mbə̰ məjìm ni ghì gha ìwən ibḛfiŋ chè imbìghè ni kweg, mbə̀ bə chè imbìghè ni ya gyènde icheg ne mbə̀ bḛ Kristo.

Fìlipì 3:3

Mba ya bəd mbe ne Ŋwiye fə ŋweri awa kwàʼ icheg tesiʼ ghì tì si bəd məd. À ya Azwighi Ŋwiye ze wètè awa gha tì ghumnə Ŋwiye. Tì we kɔ̀mɔ̀ igo icheg ne tì yaʼi ane ifɔti tì Yeso Kristo ne chəyi tì nɔŋi fìŋ igun ikuchèg aben we ne bəd-aku mbe chwìte.

Fìlipì 4:4

Mbə̀ ya gyènde mà nyumə̀ ijìm icheg ne mbə̀ yaʼi ane ifɔti tì Anɔŋisəg. Mə ya anìŋ ywìrè taŋ ghà gha, mbə̀ ya gyènde!

Mə̀Hibrù 11:1

Ibḛfiŋ ya ni kyeri gha àghò biri bèrì aghi ze ne àghò nɔŋi ìwe ikɔndi igun se ghɔ̀mɔ̀ bə̀ kyèri gha ighi mbe ne chəyi àghò we bàrà, àghò biri bèrì.

Mə̀Hibrù 11:27

À ya ibḛfiŋ ya ghi wì nɔ̀ʼ a Ijìb ne chəyi wì bɔ gha ifɔn a Ijìb biri gaŋ ibo. Wì ya nyimbi fìŋ to̰ yi ni bə̀ndì imbə̀ʼ icheg ne wì yaya nḛ̀ igun Wə̀d we ne chəyi tì mbi bàd aməd.

1 Pità 1:6

Ane, mbə̀ ya taŋ gyènde imbə̀ʼ inug mbo̰ ne Ŋwiye fə ghi, ka bəd mbe kiri kwaʼra awən, mbə̰ bə̀ kiri zə̰ ngəʼ ane iki nyumə̀.

1 Pità 2:7

Inən mbə̰ mbe ne nɔŋi ibḛfiŋ igun məd, iteg we taŋ bɔ̀ŋ. Àsi abə bəd mbe ne chəyi mbi nɔŋi ibḛfiŋ igun məd, “Iteg we ne bəd ne kɔ̀rɔ nəb ya to̰ awɔb, wi fə bə̀ŋə̀ ane iteg ibug nəb.”

1 Pità 5:4

Anyumə̀ ne Àjənjə̀g kyen biri yeʼe, wì biri nàʼ ichɔʼi àfàʼì njandi njandi ne chəyi wi biri nɔʼ chə̀.