1 Pità 1:7 - Ikan feg

⁷ Inug mbo̰ ijìm biri dù ni kwàʼrì awən ni chwi gha ìwən ibḛfiŋ təm kà. Ka bèyi gol ne tì mbi chìkì, mbi ya bə̀ tɔ̰̀ inga iywid ka ka ni ghì gha wì taŋ bɔ̀ŋ. Ane, mbi biri zweʼri ìwən ibḛfiŋ ne ya aghi àka inun chè gol. Ibḛfiŋ we mə̀ təm kà, nji Ŋwiye biri ghì mbə bèrì ìzḛzḛ fɔrɔ ighumni anyumə̀ ne Yeso Kristo biri ywiri yeʼe.

Meta’

⁷ Ɨnû mbɔ̂ yɨ nɨ zweʼrɨ əwən ɨ zə ni ə ɨbenɨ ə bə̀ kàŋ kàànɨ̀ ə. Ka àbei ə gôl nɨ tɨ mbɨ chə̀kɨ̀, ɨ mbɨə zweʼrɨ ənɨ mbɨ tɔn ɨŋga ɨsweŋ ɨwid ənam. Əne mbɨ berɨ bɨ zweʼrɨ ə ɨbenɨ we nɨ yeʼ əghɨ əka ɨnun chè ə gôl. Ɨbenɨ we mɨ kàànɨ̀, Ŋwìə̀ ziə bɨrɨ yiirɨ əwən, mbə bə̀ berɨ ɨzeŋɨ zeŋɨ mbɨ ɨwumnɨ ənɨ ə nyùmə̀ we nɨ Yeso Kristo bɨrɨ wɨrɨ yeʼe.

1 Pità 1:7 ပူးပေါင်းရင်းမြစ်များ

Matìyò 19:28

Yeso ya ghà inɔb gha, “Mə ghà tesiʼ inən, anyumə̀ ne Ŋwiye biri bə̀ŋì ighi ijìm ane mbi feg, Ŋwan Wə̀d biri chùghi igun atən ifɔn ìzḛzḛ məd. Mbə̰ mbo̰ ìghum chɔ̀b ibe ne beni abɔ̀ʼ inum biri si chùghi igun itən ifɔn se sàʼa tinəbi Izre te ìghum chɔ̀b ibe.

Matìyò 25:21

Mbaʼ àfàʼì məd we ya ghà ibo gha, ‹Àghò fə fàʼ kwàʼ icheg chɔm. Àghò ya kwàʼ wə̀d àfàʼì chɔ̀m ne fàʼà ane ìze fìŋ ijìm. Icheg ne àghò fə fàʼi ane ìze fìŋ ijìm tì ighi kwa kwa, mə biri nɔ̀ŋì awe igun ighi nɔʼ nɔʼ. Nyi inga nəb tì se fɔrɔ gyènde!›

Matìyò 25:23

Mbaʼ àfàʼì məd we ya ghà ibo gha, ‹Àghò fə fàʼ kwàʼ icheg chɔm. Àghò ya kwàʼ wə̀d àfàʼì chɔ̀m ne fàʼà ane ìze fìŋ ijìm. Icheg ne àghò fə fàʼi ane ìze fìŋ ijìm tì ighi kwa kwa, mə biri nɔ̀ŋì awe igun ighi nɔʼ nɔʼ. Nyi inga nəb tì se fɔrɔ gyènde!›

Lk 12:33

Mbə̀ fende ìmbən ighi ijìm, nàʼ ikab abə bəd ne chəyi àzɔb. Mbə̀ beri mə̀taka ne chəyi mbi biri nùn. Mbə̀ bə nɔ̀ŋì ìmbən ighi ikaŋ àbɔ̀ŋɔ, asiŋi ne chəyi mbi biri swèʼè ati. Chəyi tì iji bə̀ niŋ. Chəyi tì ìsəʼə bə̀ kud.

Lk 17:30

À ya kwàʼ icheg ne ze biri bə yaʼ ane aneg ne Ŋwan Wə̀d biri ywirì yeʼe.

Jn 12:26

Wə̀d mɔ̀ʼɔ mə̀ kə̀b ni fàʼ inum, wì bèrì ni beni abɔ̀ʼ inum. Asiŋi ne mə̀ yaʼi angu, à ya angu ne ìmbum bəd àfàʼì biri bə yaʼ. Ìmə Mbaʼ biri ghumni wə̀d ne fàʼà inum.”

Jn 5:44

Mbə̰ ya kɔ̀ŋɔ̀ ni ghì inug ni ghumni awən mbə̰ mbə̰. Chəyi mbə̰ mbe ghìyə̀ inug ne məyi Ŋwiye məd we imɔʼ biri ghumni awən. Ane, mbə̀ kə si chè iye ni nɔ̀ŋì ibḛfiŋ igun inum?

Ɨ̀fàʼì 8:20

Si ya gha, Pità ya ywìtì ibo gha, “Àghò nim tì ìwe ikab icheg ne àghò kɔ̀ndi gha àghò we tì àghò zon ineʼi ne Ŋwiye we nàʼà abə bəd ane ikab!

Rm 2:10

Si ya gha, bəd mbe ne ghìyə̀ inug chɔm, Ŋwiye biri ghì mbɔb bèrì ighumni bə̀ ghà gha mbɔb fàʼ icheg chɔm bə̀ ghì mbi chughi ane àbɔrɔ̀bɔd igun isəg. Wì biri ghì ane ni ko igun mə̀Ju si ghò abə bəd mbe ne kayi mə̀Ju.

Rm 2:29

Ju tesiʼ ya wə̀d we ne bḛ Ŋwiye kwàʼ ibo inga fìŋ. Anug ni ŋwed wə̀d tesiʼ ya ikɔpi we ne yaʼi inga fìŋ wə̀d ne à ya Azwighi Ŋwiye ghi, kayi mə̀nɔ̀ʼɔ̀ Muse. Wə̀d ne beri iku ikɔpi gho̰ inga fìŋ məd ya bèrè ighumni ne nɔʼi imbìghè abə Ŋwiye kayi abə bəd igun isəg.

Rm 2:7

Wì biri nàʼ ìtḛ̀ ighə̀m imɔʼ abə bəd mbe ne che imbìghè ni nyìʼ fìŋ fàʼ inug chɔm, bə̀ kə̀bə̀ gha Ŋwiye ghiyə mbe beri ighumni, bə̀ kə̀bə̀ gha Ŋwiye gha gha mbɔb fàʼ icheg chɔm bə̀ ghì mbɔb yaʼ izɔm ane ighə̀m imɔʼ.

Rm 8:19

Ighi ijìm mbe ne Ŋwiye tàngi mbe nyìʼè ghɔ̀mɔ̀ gha Ŋwiye ghiyə mbe kyèri bəd mbe ne ya kwàʼ bɔn məd.

1 Kɔrèn 3:13

Àfàʼì wə̀d biri chwi aghi ne ze yaʼi àzewən igun aneg ze ne Kristo biri ywiri yeʼe. Igun aneg ze, iywid biri chwi iku nəb ne wə̀d kɔ̀ri asaŋ. Àfàʼì wə̀d ijìm biri chè inga iywid.

1 Kɔrèn 4:5

Ane ya gha, imbə̀ʼ mbə̰ sɔbɔ awən isaʼi igun wə̀d ne chəyi nyùmə̀ kiri koʼi. Mbə̀ ghɔmɔ. Anyumə̀ ne Anɔŋisəg biri yeʼe, wì biri chì inug ne yaʼi inə̀mbi inga fìŋ abə bəd fɔrɔ tikɔndi bəd gwè asaŋ. Anyumə̀ we, Ŋwiye biri ghumni wə̀d imɔʼ imɔʼ icheg ne àfàʼì məd chwi.

Jems 1:12

Ŋwiye biri zì àbɔrɔ̀bɔd igun wə̀d we ne nyìʼè fìŋ anyumə̀ ne àkwàʼrì nyi igun məd. À ya ane imbə̀ʼ icheg ne anyumə̀ ne wì che àkwàʼrì ze, wì biri niŋ ineʼi. Ineʼi we ya ìtḛ̀ ighə̀m imɔʼ we ne Ŋwiye ya kàʼi ni nàʼ abə bəd mbe ne kɔŋi aməd.

1 Pità 1:13

Mbə̀ chuʼri ìtən fìŋ ni ghì inug mbe ne Ŋwiye we kə̀bə̀. Mbə̀ ya nyìmbe nyɔd. Mbə̀ ya nɔ̀ŋɔ̀ ikɔndi məyi ni ghɔ̀m ìchɔ̀mì we ne Ŋwiye biri ghì anyumə̀ ne Yeso Kristo ywirì yèʼe.

1 Pità 1:5

Icheg ne mbə̀ nɔŋi ìwən ibḛfiŋ igun Kristo, Ŋwiye fə chì awən inga ngəʼ ane ìwi ika. Ane aneg ìnwḭ, Ŋwiye biri ghì mbə pum, wə̀d ijìm bad.

1 Pità 2:4

Mbə̀ yèʼe abɔ̀ʼ məd, məd we ne yaʼi iteg we ne yaʼi izɔm. Bəd ya to̰ awɔb məd, si ya gha, Ŋwiye ya chɔʼ aməd. À ya iteg ne taŋ bɔ̀ŋ imbìghè abə Ŋwiye.

1 Pità 2:7

Inən mbə̰ mbe ne nɔŋi ibḛfiŋ igun məd, iteg we taŋ bɔ̀ŋ. Àsi abə bəd mbe ne chəyi mbi nɔŋi ibḛfiŋ igun məd, “Iteg we ne bəd ne kɔ̀rɔ nəb ya to̰ awɔb, wi fə bə̀ŋə̀ ane iteg ibug nəb.”

1 Pità 4:12

Ìmbum məfi fɔrɔ ìtum njàbi ne mə̀ taŋ kɔ̀ŋ, imbə̀ʼ anug si che yi awən gha mbə̰ mbe chè inga ngəʼ ka ka. Ngəʼ ka ka ìto̰ ya ni zweʼri ìwən ibḛfiŋ. Imbə̀ʼ mbə̰ bə kɔndɔ awən gha à ya kwàʼ tìsɔ̀ʼ anug mɔ̀ʼɔ ne dùwə̀ igun inən.

1 Pità 4:13

Mbə̀ ya gyènde gha mbə̰ mbe bə̀ zə̰ ngəʼ icheg ne Kristo ya zə̰ ngəʼ. Ane, anyumə̀ ne Kristo ywirì yèʼe inga ìwi ighumni, igyendi biri sweg inga ìtən fìŋ.

1 Pità 5:1

Mo ne yaʼi atog wə̀d inga ifeti bəd Kristo, mə̀ ya bàd icheg ne Kristo ya zə̰ ngəʼ. Mə biri bə bàd icheg ne Kristo biri ywiri yeʼe inga ighumni məd. Mə ya anìŋ bòʼo ibo abə itog bəd inga ifeti bəd Kristo gha:

2 Pità 1:1

À ya mo Sayimùn Pità, ne yaʼi wə̀d àfàʼì bə̀ yaʼ wə̀dtɔm Kristo ìwi Kristo ŋwàʼri àŋwàʼrì azo̰. Mə ya ŋwàʼrà anìŋ inən mbə̰ mbe ne ìwa Yeso Kristo ne yaʼi ìwa Ŋwiye bə̀ yaʼ Wə̀d ne pùmnə awa fə ghi mbə bèrì ibḛfiŋ chɔm kwàʼ icheg mba bə bèrì. Məd we ghìyə̀ inug ne koʼi.

2 Pità 1:4

Wì ya chè anjìm ika we nàʼ tineʼi te ne wì ya kàʼi ina. À ya tineʼi ne taŋ kà inun bə̀ taŋ bɔ̀ŋ. Wì ya ghì ane ni gha anjìm tineʼi te mbə̰ mbe tì mbə̰ yaʼ icheg Ŋwiye ane ikuchèg, si waʼ inug tibɔ̀ŋ mbe ne bəd inga isəg mbe ghə̀ʼrə̀.

2 Pità 3:14

Ane, ìmbum məfi fɔrɔ ìtum njàbi ne mə̀ taŋ kɔ̀ŋ, icheg ne mbə̰ mbe ghɔ̀mɔ̀ inug mbo̰, mbə̀ kirə ika ni chughi inga ìzḛzḛ. Mbə̀ ghiyə gha imbə̀ʼ Ŋwiye bad yi anug tibɔ̀ŋ mɔ̀ʼɔ igun inən. Mbə̀ bə chughi ane àbɔrɔ̀bɔd tì Ŋwiye.

Jûd 1:24

Tè ghùmnə Ŋwiye we ne tì wì nɔ̀ŋì awən gha imbə̀ʼ mbə̰ nɔ̀ʼ gùg anug. Məd we tì wì ghi mbə zen mànì ibo imbìghè bə̀ ghì gha mbə̀ se gyènde.

Ɨnû 1:7

Mbə̀ nḛ, məd we yèʼe inga pàʼ. Bəd məjìm biri bàd aməd, fɔrɔ bèyi bəd mbe ne ya zùmi məd ane ighɔŋ, zweti. Tinəbi tijìm igun isəg biri dèg imbə̀ʼ aməd. À ya icheg ne ze biri yaʼ! À ya ane.

Ɨnû 2:10

Imbə̀ʼ mbə̰ bɔ awən anug ni gha mbə̰ biri zə̰ ngəʼ. Nḛ, Debrə̀ biri zì bəd mɔ̀ʼɔ abɔ̀ʼ inən inga nəb ndəŋ ni zweʼri awən. Mbi biri chɔʼ ìmbən ibɔʼì ighog ane ineg ìghum. Mbə̀ nɔŋɔ ibḛfiŋ igun Kristo ghò pè ane nyumə̀ ne mbi zweti awən. Mə biri nàʼ ìtḛ̀ inən ane ìwən ineʼi.

Ɨnû 3:10

Icheg ne àghò fə nyimi fìŋ nyìʼ inug icheg ne mə̀ ya gha ine, mə biri nə̀m awe ane nyùmə̀ we ne ngəʼ biri yeʼe igun isəg ijìm ni kwàʼrì bəd mbe ne yaʼi igun isəg.

Ɨnû 3:18

Ane, mə we nàʼà ikə ine gha, àghò zon gol inum, ne yaʼi gol we ne mbi tɔ̰ inga iywid, twi kwàʼ icheg chɔm. Àghò mə ghì ane àghò biri bèrì ighi. Àghò bə zon ndwi fu fu zì imbə̀ʼ chì tìnìrètog we ne bəd fə bàri gha àghò we tì ìkyèri ikye. Zon ifuʼ aghə, zì inga àze aghə imbə̀ʼ ywiri bàd isiŋi.