1 Pità 1:5 - Ikan feg

⁵ Icheg ne mbə̀ nɔŋi ìwən ibḛfiŋ igun Kristo, Ŋwiye fə chì awən inga ngəʼ ane ìwi ika. Ane aneg ìnwḭ, Ŋwiye biri ghì mbə pum, wə̀d ijìm bad.

Meta’

⁵ Ŋwìə̀ fə chè ənjìm i ɨka kən əwən ɨchî nɨ mbə̀ nuŋ fîŋ ɨgun ə Kristo, ɨmbə̀ʼ mbə̀ jwɨ rəŋgəʼ əwu rənjìm.

1 Pità 1:5 ပူးပေါင်းရင်းမြစ်များ

Jn 12:48

Bəd mbe ne to̰ awɔb awum bə̀ to̰ awɔb anug ne mə̀ ghà, wə̀d ne biri saʼ awɔb we angu. À ya ìngam we ne mə gha, biri saʼ awɔb ane aneg ìnwḭ.

Jn 17:15

Chəyi mə̀ ghà gha, àghò chiye awɔb inga isəg gho̰. Mə ya ghà yaʼ gha, àghò chə̀ʼə awɔb abə Wə̀d Tibɔ̀ŋ.

Jn 4:14

Àsi bəd ijìm ne no mənib mbe ne mə nàʼà, chəyi adɔʼ mənib biri ywìri nɔʼ ko awɔb ka. Tesiʼ ya gha, mənib mbe ne mə nàʼà ya icheg àdùrì ne swèghe gwètè nàʼà ìtḛ̀ ighə̀m imɔʼ.”

Jn 5:24

Mə gha tesiʼ inən gha, bəd ne zughi ìmə ìngam bə̀ zì ìwɔb ibḛfiŋ igun wə̀d we ne cha amə, mbi biri jəg ìtḛ̀ ighə̀m imɔʼ. Chəyi mbi biri ywiri saʼ awɔb imbə̀ʼ icheg ne mbɔb fə pum abə iwu, si jəg ìtḛ̀.

Rm 11:20

À ya kwàʼ tesiʼ, si ya gha, aton ne mbi ya sɔbi awɔb icheg tìtab chì ya imbə̀ʼ icheg ne chəyi mbɔb ya nɔŋi ibḛfiŋ igun Kristo. Àsi awən, mbə̀ nyimi ìwən ibḛfiŋ icheg chɔm. Imbə̀ʼ mbə̰ nɔrɔ awən nyɔd. Mbə̰ ya se bèrè yaʼ ibɔ ane anug ne tì ze dù.

Rm 8:18

Mbə̀ kyeri gha, ighumni we ne Ŋwiye biri nàʼ ina we chè ngəʼ ìzo̰ ne te chè inga amad anìŋ.

1 Kɔrèn 1:21

Ŋwiye fə ghì ane ìwi iwe gha, imbə̀ʼ bəd kyeri awɔb məd ane ìwɔb tì iwe. Ŋwiye we pùmnə bəd mbe ne bḛ ikən we ne bəd mɔ̀ʼɔ mbe nìŋə ane anug anen.

2 Kɔrèn 1:24

Chəyi azo̰ chwi gha, tì ya nyə̀ŋə̀ awən gha mbə̰ mənyìʼ bḛ inug mɔ̀ʼɔ. Tì ya kə̀bə̀ ni fɔti fàʼ tì inən ni gha ìwən ibḛfiŋ təm kà. Tì mə ghì ane, mbə̰ biri ya taŋ gyènde.

Gàlesìyà 2:20

Mo ya wə̀d ne fə ku igun azed abaʼri tì Kristo. Ane, kayi mo yaʼi izɔm. Wə̀d we ne yaʼi izɔm ya Kristo we ne yaʼi inga inum. Ìtḛ̀ we ne mə beri amad anìŋ ya imbə̀ʼ ibḛfiŋ we ne mə̀ zi igun Ŋwan Ŋwiye we ne ya kɔ̀ŋi amə, nàʼ àzi atog ane aghi àfàtì imbə̀ʼ amə.

Efesùs 2:8

Icheg ne mbə̀ nɔŋi ibḛfiŋ igun Kristo, Ŋwiye fə ghì ìchɔ̀mì inən, pumni awən. Kayi mbə̰ ghi anug azo̰. À ya ineʼi ne nɔʼi abə Ŋwiye.

Efesùs 3:17

Mə we bə̀ chàʼrà Ŋwiye gha ìwən ibḛfiŋ ghiyə Kristo yaʼ inga ìtən fìŋ, mbə̀ bə ya kɔ̀ŋɔ̀ Ŋwiye bə̀ ya kɔ̀ŋɔ̀ ìmbən məfi fɔrɔ ìtən njàbi. Mbə̰ mə̀ ghì ane, mbə biri təm kà inga àkɔ̀ŋì icheg azed ne ighaŋ taŋ nyi aseg bə̀ təm kà icheg nəb ne ati nəb taŋ kà.

Fìlipì 1:6

Mə kyèri kwàʼ tesiʼ gha, Ŋwiye we ne ya ko àfàʼì chɔm azo̰ ni fàʼ inga ìwən ìtḛ̀, wì biri chè imbìghè ni fàʼ ajìm ghò pè ane aneg ze ne Yeso Kristo biri ywiri yeʼe.

Fìlipì 4:7

Mbə̰ mə̀ ghì ane, nji Ŋwiye biri zì àbɔrɔ̀bɔd inən inga fìŋ ne biri ghì gha imbə̀ʼ ìtən fìŋ si bɔd yi. Àbɔrɔ̀bɔd ze biri bə ghì gha imbə̀ʼ ìtən tikɔndi si naʼa yi ngəʼ inən icheg ne mbə̀ yaʼi ane ifɔti tì Yeso Kristo. Chəyi tì wə̀d-aku taŋ kyèri iku àbɔrɔ̀bɔd azo̰ ne Ŋwiye we nàʼà.

2 Timotì 3:15

Àghò bə̀ wèndi gha, ni ko ane nyumə̀ ne àghò ya yaʼi ŋwan kwa, àghò ya fə kyeri Ìngam Ŋwiye. À ya Ìngam Ŋwiye we biri nàʼ iwe ine ni ghì gha àghò pum anjìm icheg ne àghò nɔ̀ŋì ibḛfiŋ igun Yeso Kristo.

Tayitùs 2:13

Tè ghiyə ane icheg ne te ghɔ̀mɔ̀ aneg kyen ze ne tì nɔŋi ìta tikɔndi igun. À ya aneg ze ne ìwa Ŋwiye kyen ne pùmnə bəd ne ya Anɔŋisəg Yeso Kristo wì biri yeʼe inga ìzḛzḛ njandi njandi məd.

Mə̀Hibrù 6:12

Ane, chəyi tì kəbi gha wə̀d mɔ̀ʼɔ abɔ̀ʼ inən yaʼ igwed. Mbə̰ ya fàʼà inug icheg bəd mbe ne fə che anjìm ìwɔb ibḛfiŋ fɔrɔ ìwɔb inyimbifiŋ jəg anug ze ne Ŋwiye ya kàʼi inɔb.

Mə̀Hibrù 9:28

À ya bə̀ icheg ne Kristo ya nàʼi ìwi nyɔd ighə̀m imɔʼ ane aghi àfàtì ni sò inug tibɔ̀ŋ abə bəd nɔʼ nɔʼ. Ane, Wì biri ywìri yèʼe ni pumni bəd mbe ne ghɔ̀mɔ̀ aməd, kayi ni ghì gha Ŋwiye sò inug tibɔ̀ŋ bəd.

1 Pità 1:13

Mbə̀ chuʼri ìtən fìŋ ni ghì inug mbe ne Ŋwiye we kə̀bə̀. Mbə̀ ya nyìmbe nyɔd. Mbə̀ ya nɔ̀ŋɔ̀ ikɔndi məyi ni ghɔ̀m ìchɔ̀mì we ne Ŋwiye biri ghì anyumə̀ ne Yeso Kristo ywirì yèʼe.

1 Pità 4:13

Mbə̀ ya gyènde gha mbə̰ mbe bə̀ zə̰ ngəʼ icheg ne Kristo ya zə̰ ngəʼ. Ane, anyumə̀ ne Kristo ywirì yèʼe inga ìwi ighumni, igyendi biri sweg inga ìtən fìŋ.

1 Pità 5:1

Mo ne yaʼi atog wə̀d inga ifeti bəd Kristo, mə̀ ya bàd icheg ne Kristo ya zə̰ ngəʼ. Mə biri bə bàd icheg ne Kristo biri ywiri yeʼe inga ighumni məd. Mə ya anìŋ bòʼo ibo abə itog bəd inga ifeti bəd Kristo gha:

2 Pità 1:3

Ŋwiye fə chè anjìm ìwi ika nàʼ ighi ijìm ne tì koʼi ni bèrì ni chughi ane ikuchèg ne ghùmnə aməd. Wì fə nàʼ ane anjìm icheg ne tì kyeri aməd. Wì ya kàrì awa gha tì bere ati inga ighumni məd bə̀ fɔrɔ inga ìchɔ̀mì məd.

1 Jɔn 3:2

Ìmbum mə̀sə̀ʼ ne mə̀ taŋ kɔ̀ŋ, amad anìŋ, mba ya bɔn Ŋwiye. Chəyi tì kiri kyeri icheg ne tì biri ghum yaʼ. Si ya gha, tè kyèri gha anyumə̀ ne Yeso yèʼe tì biri yaʼ icheg məd imbə̀ʼ icheg ne tè bàd aməd icheg ne wì yaʼi.

Jûd 1:1

À ya mo Jud ne yaʼi wə̀d àfàʼì Yeso Kristo ne bə̀ yaʼ ifi Jem ŋwàʼri àŋwàʼrì azo̰. Mə ŋwàʼrì anìŋ abə bəd mbe ne Ŋwiye ne yaʼi Mbaʼ kɔ̀ŋi awɔb bə̀ kàri awɔb ghì mbi yaʼ bəd məd. Ŋwiye bə̀ nɔ̀ŋì awɔb ni ghɔ̀m nyùmə̀ we ne Yeso Kristo biri ywiri yeʼe.

Jûd 1:24

Tè ghùmnə Ŋwiye we ne tì wì nɔ̀ŋì awən gha imbə̀ʼ mbə̰ nɔ̀ʼ gùg anug. Məd we tì wì ghi mbə zen mànì ibo imbìghè bə̀ ghì gha mbə̀ se gyènde.