1 Pità 1:3 - Ikan feg

³ Tì nàʼ ighumni abə Ŋwiye. Məd ya Mbaʼ abə ìwa Anɔŋisəg Yeso Kristo. Wì taŋ bèrì àsɔ̀mnəfiŋ igun ina, ghì gha tì jəg ìtḛ̀ feg icheg ne wì ghi Yeso Kristo zwème ane iwu. Anug azo̰ ghì gha tì nɔŋɔ ikɔndi ghɔ̀m inug mbe ne Ŋwiye kàʼi ina.

Meta’

³ Tɨ̀ yiirɨ ə Ŋwiə̀ we nɨ yeʼ Mbǎʼ a Ə̀nùŋɨ̀sɨg Yeso Kristo! Məd wɨə dììrɨ̀ əwa kwàʼ ɨchî chɔ̀m. Wɨ̀ fə ghɨ̀ tɨ̀ jɨg ɨ̀tènɨ̀ fi ɨchî nɨ wɨ̀ zwemnɨ ə Yeso Kristo. Əzɔ̂ ə fə ghɨ̀ ni tɨ̀ nuŋ rɨkɔndɨ wom ɨnû mbe nɨ Ŋwìə̀ kaʼ ɨ na.

1 Pità 1:3 ပူးပေါင်းရင်းမြစ်များ

Jn 1:13

Chəyi mbi yaʼi bɔn Ŋwiye icheg we ne wə̀d-aku we gwìye ŋwan, kə̀ icheg we ne wə̀d-aku we chùʼrə, kə̀ icheg ne we kə̀bə̀. À ya kwàʼ məd Ŋwiye nàʼi ati inɔb gha mbe yaʼ ìmbi bɔn.

Rm 12:12

Mbə̀ ya gyènde imbə̀ʼ inug mbe ne Anɔŋisəg kàʼi nɔ̀ŋì inən. Anyumə̀ ne mbə̰ mbe chè inga ngəʼ, mbə̀ ya nyìmbe fìŋ. Mbə̀ ya chàʼrà Ŋwiye mà nyumə̀ ijìm.

Rm 15:13

Mə we chàʼrà Ŋwiye gha, Ŋwiye we ne ghìyə̀ mbə nɔ̀ŋɔ̀ ikɔndi ni ghɔ̀m inug mbe ne wì ya kàʼi, wì ghiyə mbə̀ chughi ane igyendi bə̀ chùghi ane àbɔrɔ̀bɔd icheg ne mbə̀ nɔŋi ibḛfiŋ igun məd. Wì ghiyə gha Azwighi Ŋwiye naʼa ika inən mbə chè imbìghè ni nɔ̀ŋì ikɔndi ghɔ̀m inug mbe ne Ŋwiye ya kàʼi.

Rm 4:25

À ya məd Yeso, Anɔŋisəg we ne Ŋwiye ya cha, wì ku imbə̀ʼ ìmba inug tibɔ̀ŋ. Ŋwiye ya zwemni aməd ane iwu ni ghì gha tì təm kòʼ imbìghè abə Ŋwiye.

Rm 5:10

Anyumə̀ ne tì ya kiri yaʼi bəd ìpàb Ŋwiye, wì ya ghì tì si yaʼ mə̀sə̀ʼ məd anjìm Ŋwan məd we ne ya ku imbə̀ʼ awa. Amad anìŋ ne tì si yaʼ mə̀sə̀ʼ Ŋwiye, tì fə pum anjìm ìtḛ̀ Ŋwan məd.

Rm 8:11

Àmə yaʼ aghi ne Azwighi Ŋwiye ze ne ya zweme Yeso iwu ze yaʼi inga inən, nji məd we ne ya zwemne Kristo iwu, wì biri bə nàʼ ìtḛ̀ abə ìtən nyàmnyɔd te ne tì ti ku. Ŋwiye biri ghì ane anjìm Azwighi məd ze ne yaʼi inga inən.

Rm 8:24

Icheg ne tì nɔŋi ikɔndi icheg gho̰ ni ghɔ̀m, Ŋwiye fə chì awa inga ngəʼ. Tesiʼ ya gha, ighi ne wə̀d fə beri, chəyi we ywìrè nɔ̀ŋɔ̀ ikɔndi ghɔ̀mɔ̀ ni bèrì mbiwən. Wə̀d abɔ̀ʼ inən ne tì wì nɔŋì ikɔndi ni ghɔ̀m aghi ne wì fə beri àkə we?

1 Kɔrèn 13:13

Inug mbo̰ itad fə təm ane ighə̀m imɔʼ. Inug mbe ya: anug ni nɔ̀ŋì ibḛfiŋ igun Kristo, tì anug ni nɔ̀ŋì ikɔndi se ghɔ̀mɔ̀ inug mbe ne tì zi fìŋ igun fɔrɔ anug ni kɔ̀ŋ bəd. Si ya gha, anug ni kɔ̀ŋ bəd beri ati chè mbin tì inug ijìm.

1 Kɔrèn 15:20

Tesiʼ ya gha, Ŋwiye ya zwemne Kristo. À ya bə̀ tesiʼ gha, Kristo ya wə̀d mbègtog ne Ŋwiye ya zwemni abɔ̀ʼ bəd məjìm mbe ne fə ku.

2 Kɔrèn 1:3

Tì ghumni Ŋwiye. Məd ya Mbaʼ abə ìwa Anɔŋisəg Yeso Kristo. Məd ya Mbaʼ ne bèrè àsɔ̀mnəfiŋ igun bəd məjìm, bə̀ yaʼ Ŋwiye ne nə̀rə fìŋ abə bəd məjìm.

Gàlesìyà 6:16

Ŋwiye ziye àbɔrɔ̀bɔd bə̀ dìgrì igun bəd mbe ne nɔ̀ŋɔ̀ ikə gho̰ inga ìwɔb ìtḛ̀. Wì bə ghì ane igun mə̀Izre ne yaʼi bəd Ŋwiye məjìm.

Efesùs 1:17

Mə ya chè imbìghè ni ya chàʼrà Ŋwiye gha, Ŋwiye ìwi ìwa Anɔŋisəg Yeso Kristo ne yaʼi Mbaʼ ne bèrì ighumni ijìm, wì naʼa Àzi Azwighi inən imbə̀ʼ Ze ghiyə awən mbə̀ bere iwe. Mə we bə̀ chàʼrà Ŋwiye gha wì chwi tesiʼ imbə̀ʼ Ŋwiye inən imbə̀ʼ mbə̀ kyere aməd icheg chɔm.

Efesùs 1:3

Tì ghumni Ŋwiye ne yaʼi Mbaʼ abə ìwa Anɔŋisəg Yeso Kristo. Icheg ne tì yaʼi ane ifɔti tì Yeso Kristo, Ŋwiye ghì ìchɔ̀mì ina bə̀ ghì Azwighi məd zì àbɔrɔ̀bɔd ne nɔ̀ʼi ikaŋ àbɔ̀ŋɔ igun ina.

Efesùs 1:7

À ya anjìm anəm Yeso ne Ŋwiye ya zeri awa anyumə̀ ne wì ya waʼi ìmba inug tibɔ̀ŋ. Wì ya ghì ane anjìm ìchɔ̀mì kyen məd

Efesùs 2:4

Si ya gha, Ŋwiye we ne dìgrè igun bəd kwàʼ icheg chɔm, ne bə̀ kɔ̀ŋɔ̀ bəd kwàʼ icheg chɔm, məd ya ghì gha,

Efesùs 3:20

À ya Ŋwiye nàʼi ika we ne fàʼà inga ina. Məd we tì wì ghi inug ina ne nɔʼi chè inug ne te bìre ibo kə̀ inug ne te kɔ̀ndɔ.

Kòlosè 1:23

Ane, mbə̀ chè imbìghè ni təm kà inga ìwən ibḛfiŋ ne chəyi mbə̀ chi ìwən ikɔndi igun inug mbe ne yaʼi inga ikən chɔm imbə̀ʼ Kristo. À ya ikən chɔm we ne mbə̀ ya zughi, ne mbe bə̀ chètè abə bəd isiŋi ijìm. À ya bə̀ ikən chɔm gho̰ ne Ŋwiye ya chɔʼi amə, mo Pɔl, ane wə̀d àfàʼì məd gha mə chete.

Kòlosè 1:27

Ŋwiye ya kə̀b gha bəd məd kyeri gha anug kyen ze ne yaʼi inə̀mbi ya fɔrɔ abə bəd mbe ne kayi mə̀Ju. Anug ze ya gha, Kristo we inga inən, mbə̰ mbe ne kayi mə̀Ju. Ane ya gha, mbə̰ biri bə nyi inga kə̀tə̀d məd.

1 Tèsàlonikà 1:3

Mà nyumə̀ ijìm ne te chàʼrà Ŋwiye tì we wènde àzən àfàʼì abə Ŋwiye ne yaʼi ìwa Mbaʼ. À ya àfàʼì ne mbə̰ mbe fàʼà imbə̀ʼ icheg ne mbə̀ zì ibḛfiŋ igun Kristo fɔrɔ imbə̀ʼ icheg ne mbə̰ mbe kɔ̀ŋɔ̀ ìmbən məfi fɔrɔ ìtən njàbi ne tì yaʼi ane anug amɔʼ inga Kristo. Tì we bə̀ wènde icheg ne mbə̰ mbe nyìʼè inug imbə̀ʼ icheg ne mbə̀ nɔŋi ikɔndi igun ìwa Anɔŋisəg Yeso Kristo.

1 Tèsàlonikà 4:13

Ìmba məfi fɔrɔ ìta njàbi, tì kə̀b gha mbə̀ kyeri tesiʼ imbə̀ʼ bəd mbe ne fə ku. Chəyi tì kəbi gha mbə̀ ya sɔ̀mnɔ̀ imbə̀ʼ awɔb icheg mə̀mbin ne chəyi mbi beri ikɔndi gha mbi biri yaʼ abɔ̀ʼ Ŋwiye.

2 Tès 2:16

Anɔŋisəg Yeso Kristo məd məd fɔrɔ Ŋwiye ne yaʼi ìwa Mbaʼ ya kɔ̀ŋ awa ghì ìchɔ̀mì ina bə̀ nəri ìta fìŋ ane icheg ne chəyi ti biri nɔʼ bɔd. Ŋwiye bə̀ ghì tì beri ikɔndi chɔm ni ghɔ̀m isu. Tì ya chàʼrà Ŋwiye gha,

1 Timotì 1:14

Ìwa Anɔŋisəg Yeso ya taŋ ghì ìchɔ̀mì inum bə̀ ghì mə bèrì ibḛfiŋ igun Ŋwiye bə̀ ghì mə se kɔ̀ŋɔ̀ ìmba məfi ne tì yaʼi ane ifɔti tì məd.

Tayitùs 2:13

Tè ghiyə ane icheg ne te ghɔ̀mɔ̀ aneg kyen ze ne tì nɔŋi ìta tikɔndi igun. À ya aneg ze ne ìwa Ŋwiye kyen ne pùmnə bəd ne ya Anɔŋisəg Yeso Kristo wì biri yeʼe inga ìzḛzḛ njandi njandi məd.

Mə̀Hibrù 3:6

Àsi Kristo ya Ŋwan Ŋwiye ne fàʼi inug ijìm abə bəd Ŋwiye kwàʼ ane ìzi fìŋ ijìm icheg ne Ŋwiye kə̀bi. Tì mə chè imbìghè ni nyimbi fìŋ bə̀ chè imbìghè ni kɔ̀m igo imbə̀ʼ ikɔndi chɔm we ne tì nɔŋi igun Ŋwiye, ane ya gha mba ya bəd Ŋwiye.

Jems 1:18

À ya məd zìye ya kɔ̀ŋi ni chè anjìm ìngam məd ne yaʼi ìngam tesiʼ ni ghì awa gha tì yaʼ bəd məd. Wì ya niŋ awa ni ghì gha tì bere ati mbègtog inga ighi ijìm ne məd ya tangi.

1 Pità 1:13

Mbə̀ chuʼri ìtən fìŋ ni ghì inug mbe ne Ŋwiye we kə̀bə̀. Mbə̀ ya nyìmbe nyɔd. Mbə̀ ya nɔ̀ŋɔ̀ ikɔndi məyi ni ghɔ̀m ìchɔ̀mì we ne Ŋwiye biri ghì anyumə̀ ne Yeso Kristo ywirì yèʼe.

1 Pità 1:21

Mbə̰ fə chè anjìm məd bḛ Ŋwiye we ne ya zwemni aməd bə̀ nàʼ ighumni ibo. Ane, mbə̰ nɔ̀ŋì ibḛfiŋ bə̀ nɔ̀ŋì ikɔndi nì ghɔ̀m məyi igun Ŋwiye.

1 Pità 1:23

Ŋwiye we ne yaʼi izɔm ane ighə̀m imɔʼ fə ywìrì gwi awən anjìm ìngam məd we ne yaʼi izɔm bə̀ yaʼ ane ighə̀m imɔʼ. Chəyi ìngam gho̰ nɔʼi abə ìmbən mə̀mbaʼ ne tì mbi ku. À ya ìngam ne nɔʼi abə Ŋwiye ne chəyi tì wì ku.

1 Pità 2:2

Mbə̀ niŋ ìwən nyɔd icheg bɔn bɔd ne kiri nyɔŋɔ ibən. Mbə̀ kəbə yaʼ ibən zḛ zḛ we ne Azwighi Ŋwiye ze nàʼà. Mbə̰ mə̀ nyɔŋ ibən we, mbə biri təm kà icheg ne Ŋwiye fə pumni awən.

1 Pità 3:15

Si ya gha, mbə̀ ghumni Kristo ane fìŋ ifibì. Məd ya Anɔŋisəg. Mbə̀ chuʼri ìwən nyɔd kyèri gha, mà nyumə̀ ijìm ne mbi biri aton ane ikɔndi we ne mbə̀ beri imbə̀ʼ isu, mbə̰ biri bèrì iywitichùg ni nàʼ.

1 Pità 3:21

Mənib mbe ya si yaʼ icheg mənib mbo̰ ne mbə̰ mbe nìŋə amad anìŋ ni chwi gha mbə̰ fə pum. Anyumə̀ ne mbə̰ mbe nìŋə mənib, à ya kayi ni sò tifiŋi inən igun nyɔd. À ya anug ni chwi gha mbə̰ bḛ Ŋwiye ane fìŋ zḛ zḛ. Ane, mbə̰ fə pum anjìm icheg ne Yeso Kristo ya zweme ane iwu.

1 Pità 3:5

Aŋa ya icheg ne mə̀yi mbe ne ya nɔŋi ìwɔb ikɔndi igun Ŋwiye inga ineg mbe te aneg yaya ghìyə̀ ngwèn. Mbi yaya swìye ìwɔb nyɔd aseg zùgrə ìmbɔb mənɔm.

1 Jɔn 2:29

Mbə̰ mə̀ kyèri gha məd ya wə̀d we ne təmi kòʼ, mbə biri bə kyeri gha wə̀d ne ghìyə̀ inug ne koʼi ya ŋwan Məd.

1 Jɔn 3:3

Wə̀d ijìm ne nɔŋi ikɔndi igun məd tengàŋ ya ghìyə̀ ìwi ikuchèg wi zḛ bə̀ kwàʼ icheg ne Kristo bə zen.

1 Jɔn 3:9

Chəyi wə̀d ne yaʼi ŋwan Ŋwiye biri chè imbìghè ni ghì inug tibɔ̀ŋ imbə̀ʼ icheg ne ikuchèg Ŋwiye fə se inga tengàŋ. Chəyi wì biri chè imbìghè ni ghì inug tibɔ̀ŋ imbə̀ʼ icheg ne Ŋwiye ya se mbaʼ məd.

1 Jɔn 4:7

Ìmbum mə̀sə̀ʼ, mbə̀ ghiyə tì ya kɔ̀ŋɔ̀ mə̀mbin imbə̀ʼ icheg ne àkɔ̀ŋì ya nɔ̀ʼɔ̀ abə Ŋwiye. Wə̀d we ne kɔ̀ŋɔ̀ bəd, məd ya wə̀d Ŋwiye bə̀ yaʼ wə̀d ne kyeri Ŋwiye.

1 Jɔn 5:1

Wə̀d ne bḛ gha Yeso ya Wə̀d we ne Ŋwiye zɔ̀ʼi ya wə̀d Ŋwiye. Wə̀d ne kɔ̀ŋi Mbaʼ ya bə̀ kɔ̀ŋɔ̀ ŋwan məd.

1 Jɔn 5:18

Tè kyèri gha chəyi wə̀d Ŋwiye mɔ̀ʼɔ angu ne chè imbìghè ni ya ghìyə̀ inug tibɔ̀ŋ. Ŋwan Ŋwiye we kyèʼrè aməd ne chəyi icheg ne tì Wə̀d Tibɔ̀ŋ ywirì zì anə igun məd.

1 Jɔn 5:4

À ya ane imbə̀ʼ icheg ne wə̀d Ŋwiye ijìm fə màʼ chè inug inga isəg. Tì we tì tì màʼ chè inug inga isəg ijìm icheg ne tì nɔŋi fìŋ igun Yeso.