1 Pità 1:12 - Ikan feg

¹² Ŋwiye ya chwi abə bədkə̀n məd gha chəyi àzɔb àfàʼì ya yaʼi ni wètì awɔb. Mbɔb yaya fàʼà yaʼ ni wètì awən. Mbɔb yaya ghà inug mbe ne mbə̰ ya fə zughi abə bəd mbe ne yaya chètè ikən chɔm. À ya ikən chɔm we ne Azwighi Ŋwiye ze ne wì ya chà tì ikaŋ àbɔ̀ŋɔ, ze ya naʼi ika inɔb ni ghà. Anug azo̰ yaya kwàʼ anug kyen ne fɔrɔ mbè angirə̀ yaya kə̀bə̀ ni kyeri.

Meta’

¹² Ŋwìə̀ nyaʼa chwi əmbɨ mɨ̀mə̌d ni chəi mbɨ nyaʼə faʼə yeʼ ɨmbə̀ʼ ə ɨghəm. Ɨ mbɨə nyaʼə faʼə yeʼ ɨmbə̀ʼ weerɨ əwən. Ɨ mbɨə nyaʼə ghà ɨnû mbe nɨ mbə̀ nyaʼa fə zu rɨ əmbɨ ə bə̂d mbe nɨ nyaʼa chè ənjìm Əzwî ə Zeŋɨ ze nɨ Ŋwìə̀ cha rɨkaŋ gha ɨkə̂n chɔ̀m. Mbɨ̀aŋgɨrə̀ mbɨə nyaʼə bə̀ kə̀b kyerɨ ənû rəŋgu.

1 Pità 1:12 ပူးပေါင်းရင်းမြစ်များ

Matìyò 11:25

Anyumə̀ we ne Yeso yaya ghàmà ane, wì ya gha, “Ìmə Mbaʼ, Anɔŋisəg ne beri ikaŋ fɔrɔ ìseg, mə nàʼ məyakà ine imbə̀ʼ icheg ne àghò nə̀m inug mbo̰ abə bəd mbe ne kɔ̀ndɔ gha mbɔb bèrì iwe bə̀ kyèri inug, si chwi yaʼ abə bɔn kwa.

Matìyò 11:27

Ìmə Mbaʼ fə nàʼ ighi ijìm inum. Chəyi wə̀d ne kyeri Ŋwan chèyi ane Mbaʼ. Chəyi wə̀d ne bə kyèri Mbaʼ chèyi ane Ŋwan fɔrɔ bəd mbe ne Ŋwan chɔʼi awɔb ghì gha mbe kyeri Mbaʼ.”

Matìyò 16:17

Yeso ya ywìtì gha, “Ŋwiye ziye àbɔrɔ̀bɔd igun ine, àghò Sayimùn, ŋwan Jɔn imbə̀ʼ icheg ne kayi wə̀d-aku ghi àghò kyèri anug azo̰. À ya ìmə Mbaʼ ne yaʼi ikaŋ àbɔ̀ŋɔ ghi àghò kyèri.

Mk 16:15

Wì ya ghà inɔb gha, “Mbə̀ gho inga isəg ijìm, ghò ghà ikən chɔm abə bəd məjìm.

Lk 15:10

Mə gha tesiʼ inən gha, à ya bə̀ ane ne mbè angirə̀ Ŋwiye biri ya gyènde anyumə̀ ne wə̀d imɔʼ ne kə̀ ghìyə̀ inug tibɔ̀ŋ bə̀ŋi ìzi fìŋ.”

Lk 2:26

Azwighi Ŋwiye ya fə chwi ibo gha wì biri bàd Wə̀d we ne Anɔŋisəg zɔ̀ʼi bɔŋ ku.

Lk 9:6

Icheg ne Yeso ya màni ni ghàm, mə̀mə̀nənùg mbe ya dù ghò iben iben nè chètè ikən chɔm bə̀ nè ghùyə̀ bəd ne ghɔ̰̀.

Jn 15:26

Wì ya chè imbìghè ni gha, “Àwètìbə̀d biri yeʼe . Mə biri ghì ìmə Mbaʼ chà aməd inən. Məd ya Azwighi ne nɔ̀ʼɔ̀ abə ìmə Mbaʼ. Wì ya gha tesiʼ. Anyumə̀ ne wì yèʼe, wì biri tòʼrì inug imbə̀ʼ amə abə bəd.

Ɨ̀fàʼì 10:44

Icheg ne Pità yaya kiri ghamà, Azwighi Ŋwiye ya yeʼe igun bəd məjìm mbe ne yaya zùghə ikən chɔm.

Ɨ̀fàʼì 16:10

Ane, tì ya chuʼri nyɔd kwàʼ ati ati ghò a Màsèdonìyà imbə̀ʼ icheg ne tì ya kyeri gha à ya Ŋwiye we chà awa gha tì gho ghà ikən chɔm abə bəd mbe angu.

Ɨ̀fàʼì 2:33

Ŋwiye fə nɔ̀ aməd ikaŋ nɔ̀ŋì wì chùghi ibo aba abo jəghi. Wì fə niŋ Azwighi Ŋwiye abə Mbaʼ nàʼ ina icheg ne Mbaʼ məd ya kàʼi. À ya àzewən ne mbə̰ mbe zùghə bə̀ bàrà anìŋ.

Ɨ̀fàʼì 4:31

Anyumə̀ ne mbi ya chàʼra Ŋwiye mànì, asiŋi ze ne mbɔb ya fete angu ya ghùd. Azwighi Ŋwiye ya sweg inga inɔb mbɔb məjìm, mbɔb se chètè Ìngam Ŋwiye ne chəyi mbe ywìrè bɔ.

Ɨ̀fàʼì 4:8

Azwighi Ŋwiye ya sweg inga Pità, wì si ywìtì inɔb gha, “Bəd ne sàʼa aben tì itog bəd inga aben,

Ɨ̀fàʼì 8:25

Anyumə̀ ne Pità tì Jɔn ya fə mə̀ti inug mbe ne mbɔb ya kyeri imbə̀ʼ anug ìfɔ̀n Ŋwiye, bə̀ ghà ìngam Anɔŋisəg, mbi ya nɔ̀ʼ bə̀ndì ko ghò a Jèrusalèm. Mbi yaya yḛ̀ nè ghà ikən chɔm inga isiŋi nɔʼ nɔʼ a Sàmarìyà.

Rm 1:15

À ya aton ze ne mə kə̀bə̀ ni chètì ikən chɔm gho̰ inən mbə̰ bəd ne yaʼi a Rom.

Rm 1:17

À ya ikən chɔm gho̰ we tòʼrò icheg ne Ŋwiye ghi bəd təm kòʼ ibo imbìghè. Ikən chɔm ya chwìye gha bəd mbe ne təmi kòʼ ya ko ane ibḛfiŋ bə̀ nwḭ̀yḛ̀ ane ibḛfiŋ. À ya kwàʼ icheg Ìngam Ŋwiye we ne gha, “Wə̀d ne ibḛfiŋ məd igun Ŋwiye ghi wì təm kòʼ, tengàŋ biri jəg ìtḛ̀”.

Rm 10:15

Ane, bədtɔm kə ghi ghò iye ni chètì ikən chɔm we abə bəd ne chəyi Ŋwiye chà awɔb? A ze inga Àŋwàʼrì Ŋwiye gha, “À ya kwàʼ anug chɔm gha bəd mbe ne chètè ikən chɔm mbe yèʼe.”

Rm 15:19

Aghi ne ghi bəd mbe ne kayi mə̀Ju bə̀ŋì ìtɔb fìŋ bḛ Ŋwiye ya inug yeti yeti mbe ne mbɔb bari fɔrɔ icheg ne Azwighi Ŋwiye ghi gha mbɔb bḛ Ŋwiye. Àze ghì mə bèrì ika ni chètì ikən chɔm gho̰ imbə̀ʼ Kristo; ni ko a Jèrusalèm, ghò anene ghò pè aba aben ze a Ìlirikùm.

1 Kɔrèn 2:10

Ŋwiye fə chwi anug ze ne wì ya chuʼri nɔ̀ŋì ina anjìm Azwighi məd. Azwighi Ŋwiye ze twèʼrè inug ijìm. Ka à ya bèyi inug imbə̀ʼ Ŋwiye ne yaʼi inə̀mbi, məd we twèʼrè chwìye ina.

2 Kɔrèn 1:22

bə̀ zì àzi Azwighi inga ina ni chwi gha mba ya bəd məd. Azwighi azo̰ ya aneni ni chwi gha ighi mbe ne Ŋwiye kàʼi ina, wì biri nàʼ ijìm.

2 Kɔrèn 6:6

Tì we chwìye gha tè zen. Tì we chwìye gha tè kyèri inug. Tì we nyìmbe fìŋ bə̀ ghìyə̀ inug ne chwìye gha tè kɔ̀ŋ bəd. Tì ya ghìyə̀ inug mbo̰ ijìm anjìm Azwighi Ŋwiye ne yaʼi inga ina fɔrɔ anjìm icheg ne tì kɔŋi bəd ane fìŋ ifibì.

Gàlesìyà 1:12

Kayi wə̀d-aku ya ghà ikən chɔm gho̰ inum. Kayi bə̀ wə̀d-aku ya chwiti inum. À ya Yeso Kristo ya ghi mə kyeri ikən chɔm gho̰.

Gàlesìyà 1:16

Wì ya taŋ kɔ̀ŋ, ghì mə̀ bàd Ŋwan məd kwàʼ ane àmə aghə. Wì ya ghì ane ni gha, mə̀ si ghò chètì ikən chɔm imbə̀ʼ Ŋwan məd we abə bəd ne kayi mə̀Ju. Ane, chəyi mə̀ ya biri anug imbə̀ʼ ikən chɔm gho̰ abə wə̀d mɔ̀ʼɔ ka.

Efesùs 3:10

Wì ya ghì ane ni gha, amad anìŋ, anjìm ifeti bəd Kristo, izwighi ka ka mbe ne yaʼi ikaŋ fɔrɔ ìmbɔb məfɔn mbe tì mbi bàd iwe Ŋwiye ane tinɔnjì nɔʼ nɔʼ.

1 Tèsàlonikà 2:9

Ìmba məfi fɔrɔ ìta njàbi, mbə̰ kyèri icheg ne tì yaya taŋ zìyè atog fàʼà kwàʼ ane ika. Tì yaya fàʼà ane tisi fɔrɔ izimi ni ghì gha anyumə̀ ne te ghà ikən chɔm imbə̀ʼ Ŋwiye inən, imbə̀ʼ tì yaʼ awa mbèʼ igun inən.

1 Timotì 3:16

Ze fə dù zen gha anug ne ya yaʼi inə̀mbi, azo̰ Ŋwiye fə ghi tì kyèri. À ya kwàʼ anug ne faŋi. Anug ze ya gha: Yeso ya yeʼe igun isəg icheg wə̀d-aku. Azwighi Ŋwiye ya gha məd we ghìyə̀ inug ne təmi kòʼ. Mbè angirə̀ ya bàd aməd. Bəd ya chètì inug imbə̀ʼ aməd inga iben ijìm. Bəd inga iben ijìm igun isəg ya nɔ̀ŋì ibḛfiŋ igun məd. Ŋwiye ya niŋ aməd ikaŋ nàʼ ighumni ibo.

Mə̀Hibrù 11:13

Bəd mbo̰ məjìm ya nɔ̀ŋì ibḛfiŋ igun Ŋwiye ghò pè ane nyùmə̀ ne mbi ya ku. Chəyi mbɔb ya beri ighi mbe ne Ŋwiye ya kàʼi inɔb. Si ya gha, mbɔb ya bàd ighi mbe ane agha se ne mbe kiri yeʼe, fə si niŋ gha mbɔb fə bèrì inɔb ikye abo. Mbɔb ya bə̀ bḛ gha mbɔb ya bəd tìsɔ̀ʼ ne bə̀ chè awɔb che igun isəg.

Mə̀Hibrù 2:4

Ŋwiye zìye ini ya chwi ineni nɔʼ nɔʼ bə̀ fàʼ iyeti inug kyen kyen ni chwi gha inug ijìm mbe ne mbɔb yaya ghà ya tesiʼ. Ane, Azwighi Ŋwiye yaya bə̀ ghàpà tineʼi abə bəd icheg ne Ŋwiye kɔ̀ŋi.

Mə̀Hibrù 4:2

Ikən chɔm we ne tì ya zughi, bəd mbègtog ya bə̀ zug. Mbɔb ya jiʼì zug ane, si ya gha, chəyi wi ya wèti awɔb imbə̀ʼ icheg ne mbi ya zug chəyi mbi si bḛ.

1 Pità 1:25

Si ya gha, ìngam ìwi Anɔŋisəg ya tə̀mə ane ighə̀m imɔʼ.” Ìngam we ya ikən chɔm we ne mbi ya gha inən.

1 Pità 4:6

À ya aton ne Kristo ya chèti ikən chɔm abə bəd məjìm fɔrɔ abə bəd mbe ne ya fə ku. Wì ya ghì ane ni gha Ŋwiye bə saʼ awɔb icheg ne we sàʼa bəd məjìm imbə̀ʼ inug mbe ne mbi faʼi igun isəg. Ka mbɔb fə jiʼì ku icheg ne bəd mbe kùyə, mbɔb biri ghum yaʼ izɔm icheg Ŋwiye.

Ɨnû 5:11

Mə ya ywìrì nèn, si zug gì mbè angirə̀ akam tì akam fɔrɔ chuʼ tì chuʼ. Mbi ya təm chè kad atən ifɔn ze, chè kad ighi izɔm mbe ikwè bə̀ chè kad itog bəd mbe.