1 Pità 1:10 - Ikan feg

¹⁰ Bədkə̀n Ŋwiye ya taŋ kə̀b ni kyeri inug imbə̀ʼ icheg ni pum. Mbi ya taŋ nwèndi inug imbə̀ʼ ìchɔ̀mì gho̰ ne Ŋwiye kàʼi nɔ̀ŋì inən. Mbi ya taŋ nwèndi inug imbə̀ʼ ìchɔ̀mì gho̰, si ya gha, chəyi ìmbɔb itog ya zḛ imbə̀ʼ inug mbe.

Meta’

¹⁰ Bə̂d ɨkə̂n nyaʼa kàŋ kə̀b nɨ kyerɨ ɨmbə̀ʼ ənû zɔ̂ nɨ jwɨ rəŋgəʼ. Mbɨ nyaʼa jeŋgɨ kə̀b bə̀ nwèndɨ̀ ənû ɨmbə̀ʼ ɨ̀chɔ̀m we nɨ Ŋwiə̀ nyaʼa wo ghɨ ənɨ ə nən.

1 Pità 1:10 ပူးပေါင်းရင်းမြစ်များ

Matìyò 13:17

Mə gha tesiʼ inən gha, bədkə̀n Ŋwiye nɔʼ nɔʼ tì bəd nɔʼ nɔʼ ne ya təmi kòʼ imbìghè abə Ŋwiye ya taŋ kə̀b ni bàd inug mbo̰ ne mbə̰ mbe bàrà anìŋ, si ya gha, chəyi mbi ya bàri. Mbɔb ya bə̀ kə̀b ni zug inug mbo̰ ne mbə̰ mbe zùghə anìŋ, si ya gha, chəyi mbɔb ya zughi.”

Matìyò 26:24

Ŋwan Wə̀d biri ku icheg ne mbi ya fə ŋwàʼri imbə̀ʼ aməd. Si ya gha, ngəʼ kyen biri nyi igun wə̀d we ne fḛ aməd. Àkə aghi ne chəyi mbi ya bi gwi tengàŋ nji ze bì bɔ̀ŋ.”

Lk 10:24

Mə gha tesiʼ inən gha, bədkə̀n Ŋwiye nɔʼ nɔʼ fɔrɔ məfɔn nɔʼ nɔʼ ya kə̀b ni bàd inug mbo̰ ne mbə̰ mbe bàrà, si ya gha, chəyi mbi ya bàri. Mbi ya bə̀ kə̀b ni zug inug mbo̰ ne mbə̰ mbe zùghə anìŋ, si ya gha, chəyi mbi ya bə zug.”

Lk 24:44

Wì ya kud ane si ghà inɔb gha, “Aŋa ya inug mbe ne mə̀ yaya ghà inən anyumə̀ ne mə̀ ya yaʼi tì inən. Inug ijìm mbe ne Muse ya gha inga mə̀nɔ̀ʼɔ̀ tì inug ijìm mbe ne bədkə̀n Ŋwiye ya gha, fɔrɔ inug ijìm mbe ne àŋwàʼrì mə̀Sam gha, mbi mənyìʼ dù.”

Jn 5:39

Mbə̰ ya jiʼè zìyè atog ni mə̀nì Ìngam Ŋwiye inga Àŋwàʼrì məd nè kɔ̀ndɔ gha mbə biri jəg ìtḛ̀ ighə̀m imɔʼ. Mbə̀ kyèri gha, Ìngam Ŋwiye we ne mbə̀ zi atog ni mə̀nì, wi ya ghàmà imbə̀ʼ amə.

Jn 7:52

Mbi ya ywìtì ibo gha, “Àghò wa kə̀ wə̀d a Galìli bə? Àghò nḛ inga mə̀nɔ̀ʼɔ̀ kwàʼ icheg chɔm. Àghò biri bàd gha chəyi tì wə̀dkə̀n Ŋwiye nɔ̀ʼ a Galìli.”

Ɨ̀fàʼì 10:43

Bədkə̀n Ŋwiye məjìm yaya ghà inug imbə̀ʼ aməd gha Ŋwiye biri chè anjìm məd waʼ inug tibɔ̀ŋ abə wə̀d ijìm ne nɔŋi fìŋ igun məd.”

Ɨ̀fàʼì 17:11

Mə̀Ju mbe a Bèriyà ya bèrì fìŋ chɔm chè mbe a Tèsàlonikà imbə̀ʼ icheg ne mbi yaya nìŋə Ìngam Ŋwiye kwàʼ ane fìŋ ijìm. Mbi yaya taŋ zìyè fìŋ ni zug Ìngam Ŋwiye. Mbɔb yaya kàrà Ìngam Ŋwiye ineg ijìm ni nèn gha inug mbe ne Pɔl yaya chwìte kə kwàʼ mbe tesiʼ.

Ɨ̀fàʼì 28:23

Mbi ya nɔ̀ŋì aneg ne mbi biri ywiri ghò bàd Pɔl. Anyumə̀ ne aneg ze ya kòʼi, mbi ya dù kwàʼ mbɔb nɔʼ nɔʼ ghò a asiŋi ze ne Pɔl yaya chùghə. Wì ya ko tòʼrì anug imbə̀ʼ anug ìfɔ̀n Ŋwiye ni ko isusu ghò pè ikwikwiri. Wì ya tòʼrì inug inga àŋwàʼrì mə̀nɔ̀ʼɔ̀ Muse bə̀ tòʼrì inug inga ìŋwàʼrì mbe ne bədkə̀n Ŋwiye ya ŋwàʼri ghì mbi kyeri gha inug mbe ne te ghà imbə̀ʼ Yeso ya tesiʼ.

Ɨ̀fàʼì 7:52

Wə̀dkə̀n Ŋwiye mɔ̀ʼɔ we wa angu ne chəyi ìmbən mə̀mbaʼ aneg ya chɔʼi ibɔʼì ighog məd? Mbɔb ya bì zwèti bədkə̀n mbe ne ya gha gha, Wə̀d we ne təmi kòʼ biri yeʼe. Mbə̀ mbo̰ fə fèn Wə̀d we ne təmi kòʼ, ghì mbi zweti.

Mə̀Hibrù 11:13

Bəd mbo̰ məjìm ya nɔ̀ŋì ibḛfiŋ igun Ŋwiye ghò pè ane nyùmə̀ ne mbi ya ku. Chəyi mbɔb ya beri ighi mbe ne Ŋwiye ya kàʼi inɔb. Si ya gha, mbɔb ya bàd ighi mbe ane agha se ne mbe kiri yeʼe, fə si niŋ gha mbɔb fə bèrì inɔb ikye abo. Mbɔb ya bə̀ bḛ gha mbɔb ya bəd tìsɔ̀ʼ ne bə̀ chè awɔb che igun isəg.

Mə̀Hibrù 11:40

Chəyi Ŋwiye ya nàʼi ighi mbe ne wì ya kàʼi inɔb imbə̀ʼ icheg ne wì ya nɔ̀ŋì gha mbɔb biri fɔtɔ tì ina bɔŋ si bɔ̀ŋ mànì.

1 Pità 1:11

Mbi ya bə̀ taŋ nwèndi inug mbe ne Azwighi Kristo ne ya yaʼi inga inɔb ya gha imbə̀ʼ Yeso Kristo. Azwighi Kristo ya ghà inug imbə̀ʼ icheg ne Kristo beri ni zən ngəʼ si bèrì ighumni kyen anjìm. Mbi ya bə̀ taŋ nwèndi wə̀d we ne Azwighi Ŋwiye yaya ghà inug mbo̰ imbə̀ʼ aməd fɔrɔ nyùmə̀ we ne inug mbo̰ biri dù.

1 Pità 1:13

Mbə̀ chuʼri ìtən fìŋ ni ghì inug mbe ne Ŋwiye we kə̀bə̀. Mbə̀ ya nyìmbe nyɔd. Mbə̀ ya nɔ̀ŋɔ̀ ikɔndi məyi ni ghɔ̀m ìchɔ̀mì we ne Ŋwiye biri ghì anyumə̀ ne Yeso Kristo ywirì yèʼe.