1 Jɔn 5:4 - Ikan feg

⁴ À ya ane imbə̀ʼ icheg ne wə̀d Ŋwiye ijìm fə màʼ chè inug inga isəg. Tì we tì tì màʼ chè inug inga isəg ijìm icheg ne tì nɔŋi fìŋ igun Yeso.

Meta’

⁴ ɨmbə̀ʼ ɨghəm nɨ wə̀d Ŋwìə̀ jìm fə baŋ ɨsɨg. Tɨ̀ we tɨ̀ rɨ̀ baŋ ɨsɨg ənjìm ɨchî nɨ tɨ̀ nuŋ fîŋ ɨgun ə Yeso.

1 Jɔn 5:4 ပူးပေါင်းရင်းမြစ်များ

Jn 1:13

Chəyi mbi yaʼi bɔn Ŋwiye icheg we ne wə̀d-aku we gwìye ŋwan, kə̀ icheg we ne wə̀d-aku we chùʼrə, kə̀ icheg ne we kə̀bə̀. À ya kwàʼ məd Ŋwiye nàʼi ati inɔb gha mbe yaʼ ìmbi bɔn.

Jn 16:33

Mə fə ghà inug mbo̰ inən anìŋ ni ghì gha mbə̀ chughi ane àbɔrɔ̀bɔd icheg ne mbə̀ yaʼi ane anug amɔʼ tì inum. Mbə̰ biri zə̰ ngəʼ inga isəg gho̰. Si ya gha, mbə̀ nyimbi fìŋ imbə̀ʼ icheg ne, mə fə màʼ ibid chè isəg gho̰.”

Jn 3:3

Yeso ya ywìtì ibo gha, “Mə ghà kwàʼ tesiʼ ine gha, mbi mənyìʼ ywìrì gwi wə̀d ighəm ndəŋ bɔŋ wì se nyḭ̀yḛ inga anug ìfɔ̀n Ŋwiye.”

1 Kɔrèn 15:57

Tesiʼ ya gha, tì naʼa məyakà abə Ŋwiye ni ghì tì bèrì ika ni chè inug tibɔ̀ŋ anjìm ìwa Anɔŋisəg Yeso Kristo.

1 Jɔn 2:29

Mbə̰ mə̀ kyèri gha məd ya wə̀d we ne təmi kòʼ, mbə biri bə kyeri gha wə̀d ne ghìyə̀ inug ne koʼi ya ŋwan Məd.

1 Jɔn 3:9

Chəyi wə̀d ne yaʼi ŋwan Ŋwiye biri chè imbìghè ni ghì inug tibɔ̀ŋ imbə̀ʼ icheg ne ikuchèg Ŋwiye fə se inga tengàŋ. Chəyi wì biri chè imbìghè ni ghì inug tibɔ̀ŋ imbə̀ʼ icheg ne Ŋwiye ya se mbaʼ məd.

1 Jɔn 4:4

Àsi awən, mbə̰ ìmbum bɔn, mbə̰ ya bəd Ŋwiye. Ane, mbə̰ fə zɔ̀ŋ chè bədkə̀n mbe ne ghà inug ako imbə̀ʼ icheg ne azwighi ze ne yaʼi inga inən bèrì ika chè azwighi ze ne yaʼi inga isəg.

1 Jɔn 5:1

Wə̀d ne bḛ gha Yeso ya Wə̀d we ne Ŋwiye zɔ̀ʼi ya wə̀d Ŋwiye. Wə̀d ne kɔ̀ŋi Mbaʼ ya bə̀ kɔ̀ŋɔ̀ ŋwan məd.

1 Jɔn 5:18

Tè kyèri gha chəyi wə̀d Ŋwiye mɔ̀ʼɔ angu ne chè imbìghè ni ya ghìyə̀ inug tibɔ̀ŋ. Ŋwan Ŋwiye we kyèʼrè aməd ne chəyi icheg ne tì Wə̀d Tibɔ̀ŋ ywirì zì anə igun məd.

1 Jɔn 5:5

Wə̀d ne tì wì màʼ chè inug inga isəg àkə we? À ya məyi wə̀d ne bḛ gha Yeso ya Ŋwan Ŋwiye.

Ɨnû 12:11

Mbɔb fə màʼ ibid chè aməd anjìm iwu Ŋwan njə̀g bə̀ fɔrɔ anjìm ikən chɔm we ne mbɔb yaya ghà. Chəyi mbi yaya bɔ iwu, ka ya bè anyumə̀ ne mbi yaya kə̀bə̀ ni zweti awɔb.

Ɨnû 15:2

Mə ya bàd aghi mɔ̀ʼɔ inga igyi tìbà ne yaya ŋwàŋnà icheg manə̀m tì iywid. Bəd mbe ne ya màʼi ibid chè nyam kyen tɔ tɔ ze ya təm iban igyi tìbà we. À ya mbɔb mbe ne chəyi mbi ya ghumni nyam kyen ze kə̀ aghi-ŋwiye məd. Chəyi mbi ya bə niŋ aneni ane ikum məd. Mbɔb ya nyimi mənɔnjì ne Ŋwiye ya nàʼi inɔb.

Ɨnû 2:11

Wə̀d ne tì wì zug anug, wì zug anug ze ne Azwighi Ŋwiye ze ghà abə tifeti bəd Kristo. Wə̀d ne che àkwàʼrì, chəyi iwu we ne pè ane ibe biri bètì aməd.›”

Ɨnû 2:17

Wə̀d ne tì wì zug anug, wì zug anug ze ne Azwighi Ŋwiye ze ghà abə tifeti bəd Kristo. Mə biri nàʼ manà mɔ̀ʼɔ abɔ̀ʼ we ne yaʼi inə̀mbi abə wə̀d ijìm ne che àkwàʼrì. Mə biri nàʼ iteg fu fu ne mbi ŋwàʼri ikum feg igun abə tengàŋ. Chəyi wə̀d mɔ̀ʼɔ ne kyeri ikum we chèyi ane wə̀d we ne nìŋə iteg angu.›”

Ɨnû 2:26

Mə biri nàʼ ika ni tùmbì iben ijìm abə wə̀d ne che àkwàʼrì bə̀ se ghìyə̀ inug mbe ne mə̀ kəbi anene ghò pè ane ìnwḭ.

Ɨnû 2:7

Wə̀d ne tì wì zug anug, wì zug anug ne Azwighi Ŋwiye ze ghà abə tifeti bəd Kristo. Mə biri nàʼ ika abə bəd mbe ne bà̰ inug tibɔ̀ŋ gha mbe jəg ane azed ze ne ghìyə̀ gha bəd jəg ìtḛ̀. Azed ze ya inga Paràdayìs Ŋwiye.”

Ɨnû 3:12

Mə biri nɔ̀ŋì wə̀d ne che àkwàʼrì wì yaʼ icheg ìte inga mbàn ìmə Ŋwiye. Chəyi wì biri nɔʼ dù inga mbàn ze. Mə biri ŋwàʼrì ikum ìmə Ŋwiye fɔrɔ ikum ikye aben Ŋwiye igun məd. Ikye aben we ya Jèrusalèm feg we ne Ŋwiye swi ikaŋ àbɔ̀ŋɔ. Mə biri bə ŋwàʼrì ìmə ikum feg igun məd.

Ɨnû 3:21

Mə biri bḛ gha wə̀d we ne che àkwàʼrì, wì chughi igun atən ifɔn iban inum, kwàʼ icheg ne mə̀ ya bə chè àkwàʼrì bə̀ ghò si chùghi iban ìmə Mbaʼ igun atən ifɔn məd.

Ɨnû 3:5

Wə̀d ne che àkwàʼrì biri bə zì ndwi fu fu icheg inɔb. Chəyi mə̀ biri nimni ikum məd inga àŋwàʼrì ze ne mbi ŋwàʼri tikum bəd mbe ne biri jəg ìtḛ̀. Mə biri ghà imbìghè abə ìmə Mbaʼ bə̀ ghà imbìghè abə mbè angirə̀ məd gha mə kyèri tengàŋ.