1 Jɔn 5:20 - Ikan feg

²⁰ Tè bə̀ kyèri gha Ŋwan Ŋwiye fə yeʼe. Wì fə ghì gha ìmba itog zen tì kyeri Ŋwiye we ne ya Ŋwiye tesiʼ. Tì yaʼ ane ifɔti tì Ŋwiye we ne ya Ŋwiye tesiʼ. Tì we bə̀ ane ifɔti tì Ŋwan məd, Yeso Kristo. Məd ya Ŋwiye tesiʼ we ne ghi gha bəd jəg ìtḛ̀ ighə̀m imɔʼ.

Meta’

²⁰ Tɨ̀ bə̀ kyerɨ ni Wan Ŋwìə̀ fə yeʼe. Wɨ̀ fə ghɨ̀ ni tɨ̀ kyerɨ ɨnû, ɨmbə̀ʼ tɨ̀ kyerɨ Ŋwìə̀ we nɨ yeʼ wɨ rəsìʼ. Tɨ̀ wɨ ənɨ ɨfɔtɨ mbɨ Ŋwìə̀ we nɨ yeʼ wɨ rəsìʼ. Tɨ̀ wɨə bə̀ ənɨ ɨfɔtɨ mbɨ Wan məd Yeso Kristo. Məd yɨə Ŋwìə̀ rəsìʼ we nɨə ghɨ̀ ni bə̂d jɨg ɨ̀tènɨ̀ rɨ mì.

1 Jɔn 5:20 ပူးပေါင်းရင်းမြစ်များ

Matìyò 13:11

Wì ya ywìtì gha, “Aton ya gha, Ŋwiye fə nàʼ iwe inən ni kyeri inug ne yaʼi inə̀mbi imbə̀ʼ anug ìfɔ̀n ikaŋ. Àsi abə mbin tì bəd, chəyi wi nàʼi iwe we inɔb.

Lk 21:15

Imbə̀ʼ mbə̰ nwìʼè awən nyɔd ane imbə̀ʼ icheg ne mə̀ biri nàʼ iwe fɔrɔ ìngam inən ne chəyi tì ìwən wə̀d ìpàb mɔ̀ʼɔ chè awən.

Lk 24:45

Yeso ya si fìʼì ìmbɔb itog ni ghì gha mbe kyeri anug ne Àŋwàʼrì Ŋwiye gha.

Jn 1:18

Chəyi wə̀d mɔ̀ʼɔ ne kweʼì bàd Ŋwiye. À ya məyi Ŋwan we imɔʼ ne yaʼi iban Mbaʼ ne ghi gha bəd kyeri wə̀d ne Ŋwiye yaʼi ìwiwən.

Jn 10:30

Mo tì ìmə Mbaʼ ya ane anug amɔʼ.”

Jn 14:20

Aneg ze ghi mə̀ kòʼ, mbə biri kyeri gha mo yaʼ ane anug amɔʼ tì ìmə Mbaʼ. Mbə̰ biri bə kyeri gha mbə̰ mbe ane anug amɔʼ tì inum, mo inum bə̀ yaʼ ane anug amɔʼ tì inən.

Jn 14:23

Yeso ya ywìtì gha, “Wə̀d mə kɔ̀ŋi amə, wi biri zugri ìtum tikə. Ìmə Mbaʼ biri kɔ̀ŋ aməd. Ìmə Mbaʼ tì inum, tì biri yeʼe chùghi tì məd.

Jn 14:6

Yeso ya ywìtì gha, “Mo ya inɔnjì. Mo ya tesiʼ. Wə̀d ne nàʼà ìtḛ̀ abə bəd ya mo. Chəyi tì wə̀d mɔ̀ʼɔ ghò abə ìmə Mbaʼ, ne chəyi wì che inum anjìm.

Jn 14:9

Yeso ya ywìtì gha, “Filib, chəyi àghò kiri kyeri amə, ane nyumə̀ gho̰ ne mə chughi tì inən anìŋ? Wə̀d ne bàd amə, fə bàd ìmə Mbaʼ. Àghò kə chè iye ghi gha, ‹Chwi ìwe Mbaʼ ina›?

Jn 15:4

Mbə mə̀ chè imbìghè ni yaʼ ane anug amɔʼ tì inum, mə biri bə chè imbìghè ni yaʼ ane anug amɔʼ tì nən. Chəyi fìtab azed mɔ̀ʼɔ ne tì fi ko titam ne chəyi fi yaʼ ywìrè yi ane ìtḭ vayìn. À ya icheg ne mbə̀ bə yaʼ. Chəyi wə̀d abɔ̀ʼ inən ne tì wì ghì inug mɔ̀ʼɔ ane ìwi ighəm ne chəyi məd we ywìrè ane anug amɔʼ tì inum.

Jn 17:14

Mə fə ghàm ìwe ìngam inɔb. Bəd inga isəg ya se bà̰ awɔb imbə̀ʼ icheg ne mbɔb kayi bəd inga isəg gho̰, bə̀ icheg ne, mo inum kayi bə wə̀d inga isəg gho̰.

Jn 17:25

Ìmə Mbaʼ ne təmi kòʼ, ka chəyi bəd igun isəg kyeri awe, mo kyèri awe. Ane, mbɔb kyèri gha, à ya àghò cha amə.

Jn 17:3

Ane, ni jəg ìtḛ̀ ighə̀m imɔʼ ya ni kyeri awe, bə̀ kyèri gha à ya məyi àghò imɔʼ yaʼi Ŋwiye tesiʼ. Ni jəg ìtḛ̀ ighə̀m imɔʼ ya ni bə kyeri Yeso Kristo we ne àghò cha igun isəg.

Jn 20:28

Tòmas ya si ghà ibo gha, “Ìmə Anɔŋisəg, ìmə Ŋwiye!”

Jn 8:42

Yeso ya ghà inɔb gha, “Àkə aghi ne Ŋwiye yaʼi ìwən Mbaʼ, nji mbə̰ mbe kɔ̀ŋɔ̀ amə imbə̀ʼ icheg ne mə nɔ̀ʼ yaʼ abɔ̀ʼ Ŋwiye yèʼe aŋa. Chəyi mə̀ yeʼe ane ìmə ighəm. À ya məd cha amə.

Ɨ̀fàʼì 20:28

Mbə̀ se kyèʼrè ìtən nyàmnyɔd mbə̰ mbə̰. Mbə̀ bə se kyèʼrè bəd Kristo məjìm mbe ne Azwighi Ŋwiye chɔʼi awən ane itog bəd ne fàʼà inɔb. Mbə̀ kyeʼre ifeti bəd Ŋwiye mbe ne məd ya zo̰ ane anəm Ŋwan məd.

Rm 9:5

Mbɔb ya bəd inga inəbi mə̀mbaʼ mbe te aneg. Mbi ya gwi Wə̀d we ne Ŋwiye zɔ̀ʼi inga inəbi bəd Izre. Məd ya Ŋwiye abə bəd məjìm. Tì ghumnə Ŋwiye ane ighə̀m imɔʼ. À ya ane!

1 Kɔrèn 1:30

Wì ya bə̀ ghì gha mbə̀ yaʼ ane ifɔti tì Yeso Kristo. Kristo ya ìwa iwe ne nɔ̀ʼi abə Ŋwiye. Anjìm Kristo, mba ya si bəd ne təmi kòʼ imbìghè abə Ŋwiye. Mba ya si bəd ne bə təm zen imbìghè abə Ŋwiye. Mba ya bəd ne Ŋwiye fə bə zèri awa chì ane inug tibɔ̀ŋ.

2 Kɔrèn 4:6

Ŋwiye ne ya gha, “Ìzḛzḛ zuʼ, afub kye!” Wè ghì ìzḛzḛ we yaʼ ina inga fìŋ. Wì ghì ane ni gha tì kyeri ìzḛzḛ njandi njandi Ŋwiye we ne zùʼə igun ìfe abə Kristo.

2 Kɔrèn 5:17

Àze chwi gha wə̀d mɔ̀ʼɔ mə̀ yaʼ ane ifɔti tì Kristo, məd ya si wə̀d feg. Inug anun fə chè, ìmbi feg fə yeʼe.

Efesùs 3:18

Mə we chàʼrà Ŋwiye gha, mbə̰ tì bəd Ŋwiye məjìm, mbə̀ bere ika ni kyeri icheg ne Kristo taŋ kɔ̀ŋ awən kwàʼ icheg chɔm.

Fìlipì 3:9

Mə ya bə̀ ane anug amɔʼ tì məd. Chəyi mə̀ təmi kòʼ imbìghè abə Ŋwiye anjìm icheg ne mə ghi inug mbe ne mə̀nɔ̀ʼɔ̀ Muse gha. À ya Ŋwiye ghi mə təm kòʼ anjìm icheg ne mə zi ìmə ibḛfiŋ igun Kristo. Mə təm kòʼ imbìghè abə Ŋwiye yaʼ anjìm ibḛfiŋ igun Kristo.

1 Timotì 3:16

Ze fə dù zen gha anug ne ya yaʼi inə̀mbi, azo̰ Ŋwiye fə ghi tì kyèri. À ya kwàʼ anug ne faŋi. Anug ze ya gha: Yeso ya yeʼe igun isəg icheg wə̀d-aku. Azwighi Ŋwiye ya gha məd we ghìyə̀ inug ne təmi kòʼ. Mbè angirə̀ ya bàd aməd. Bəd ya chètì inug imbə̀ʼ aməd inga iben ijìm. Bəd inga iben ijìm igun isəg ya nɔ̀ŋì ibḛfiŋ igun məd. Ŋwiye ya niŋ aməd ikaŋ nàʼ ighumni ibo.

Tayitùs 2:13

Tè ghiyə ane icheg ne te ghɔ̀mɔ̀ aneg kyen ze ne tì nɔŋi ìta tikɔndi igun. À ya aneg ze ne ìwa Ŋwiye kyen ne pùmnə bəd ne ya Anɔŋisəg Yeso Kristo wì biri yeʼe inga ìzḛzḛ njandi njandi məd.

Mə̀Hibrù 1:8

Àsi imbə̀ʼ Ŋwan Məd, Ŋwiye ya gha, “Ŋwiye, àghò biri chughi igun àze atən ifɔn kwàʼ ane ighə̀m imɔʼ. Àghò biri ya tùmbə̀ bəd inga àze anug ìfɔ̀n ane icheg ne koʼi.

1 Jɔn 2:23

Wə̀d we ne to̰ yi Ŋwan, fə bə̀ ton yi Mbaʼ. Wə̀d we ne bḛ Ŋwan, fə bə̀ bḛ Mbaʼ.

1 Jɔn 2:24

Àsi awən, inug mbe ne mbə̀ ya zughi anyumə̀ ne mbə̀ ya bḛ Kristo, mbə̀ kirə ika ni nɔ̀ŋì inən inga fìŋ. Mbə̰ mə̀ nɔ̀ŋì inug mbe inən inga fìŋ, mbə biri yaʼ ane ifɔti tì Ŋwan fɔrɔ tì Mbaʼ.

1 Jɔn 2:6

Wə̀d mɔ̀ʼɔ mə̀ gha zìye we ane anug amɔʼ tì Ŋwiye, məd bèrì ni yèn igun ibɔʼì ighog ìmbi Yeso Kristo.

1 Jɔn 4:14

Tè fə bàd, tì ya anìŋ bə̀ nè chètè gha, Ŋwiye ne yaʼi ìwa Mbaʼ ya chà ìwi Ŋwan gha wì yeʼe pùmni bəd igun isəg.

1 Jɔn 4:16

Ane, tè kyèri bə̀ bḛ gha Ŋwiye kɔ̀ŋ awa. Ŋwiye ya kɔ̀ŋɔ̀ bəd. Wə̀d ne kɔ̀ŋɔ̀ mə̀mbin, məd we ane anug amɔʼ tì Ŋwiye, Ŋwiye we bə̀ ane anug amɔʼ tì məd.

1 Jɔn 4:2

Aŋa ya icheg ne mbə̀ biri chè angu ni kyeri wə̀d ne Azwighi Ŋwiye yaʼi inga məd: Wə̀d we ne bḛ gha Yeso Kristo ya yèʼe inga isəg icheg wə̀d-aku ya wə̀d ne beri Azwighi ne nɔʼi abə Ŋwiye.

1 Jɔn 5:1

Wə̀d ne bḛ gha Yeso ya Wə̀d we ne Ŋwiye zɔ̀ʼi ya wə̀d Ŋwiye. Wə̀d ne kɔ̀ŋi Mbaʼ ya bə̀ kɔ̀ŋɔ̀ ŋwan məd.

1 Jɔn 5:15

Icheg ne tì kyeri gha məd we zùghə awa anyumə̀ ne te bìre inug ibo, tè bə̀ kyèri gha wì biri nàʼ ighi mbe ne te bìre.

1 Jɔn 5:18

Tè kyèri gha chəyi wə̀d Ŋwiye mɔ̀ʼɔ angu ne chè imbìghè ni ya ghìyə̀ inug tibɔ̀ŋ. Ŋwan Ŋwiye we kyèʼrè aməd ne chəyi icheg ne tì Wə̀d Tibɔ̀ŋ ywirì zì anə igun məd.

1 Jɔn 5:5

Wə̀d ne tì wì màʼ chè inug inga isəg àkə we? À ya məyi wə̀d ne bḛ gha Yeso ya Ŋwan Ŋwiye.

Ɨnû 15:3

Mbɔb yaya zə̀ʼə̀ ikyeg we ne Muse, wə̀d àfàʼì Ŋwiye ya zə̀ʼi. À ya ikyeg ne Ŋwan njə̀g ya bə zə̀ʼ. Ikyeg we ya gha, “Àghò we fàʼà iyeti inug kyen kyen. Àghò ya Anɔŋisəg, Ŋwiyekɔʼ. Ìmbe mənɔnjì təm kòʼ bə̀ yaʼ mənɔnjì tesiʼ. Àghò ya ifɔn igun bəd məjìm inga iben ijìm.

Ɨnû 19:11

Mə ya bàd icheg ne ikaŋ àbɔ̀ŋɔ fiʼe, bə̀ bàd nyam mə̀kara fu fu mɔ̀ʼɔ angu. Mbi ya kàrà mbaŋà ze ne kɔ̀ʼɔ nyam mə̀kara ze ane Wə̀d inug tesiʼ bə̀ kàrà ane Wə̀d ne ghà anug bə̀ fàʼà. À ya wə̀d ne sàʼa bəd bə̀ màʼà ibid ane icheg ne koʼi.

Ɨnû 3:14

Anɔŋisəg ya bə̀ ghà inum gha: “Ŋwàʼra abə angirə̀ we ne kyèʼrè ifeti bəd Kristo we a Làwùdisìyà gha, ‹Ìngam gho̰ nɔ̀ʼ abə wə̀d we ne ikum məd ya À ya ane. Məd ya ghàmà tesiʼ. Məd ya bə̀ ghìyə̀ inug mbe ne wì gha. Ŋwiye ya chè anjìm məd tàngi ighi ijìm.

Ɨnû 3:7

Anɔŋisəg ya bə̀ ghà inum gha: “Ŋwàʼra abə angirə̀ we ne kyèʼè ifeti bəd Kristo we a Fìlàdefìyà gha, ‹Ìngam gho̰ nɔ̀ʼ abə wə̀d ìzḛzḛ we ne yaʼi tesiʼ. Məd bèrì afiʼì ze ne yaʼi àzi ifɔn Dèvid. Wì mə fìʼì nəb, chəyi wə̀d ne tì wì wùbì. Wì mə wùbì nəb, chəyi wə̀d ne tì wì fiʼì.

Ɨnû 6:10

Mbɔb ya biri ane gì ka ka gha, “Atumbisəg, àghò ya Ŋwiye ìzḛzḛ bə̀ Ŋwiye tesiʼ. Agha kə ywìrì sà iye bɔŋ àghò sɔb isaʼi igun bəd igun isəg bə̀ chə awɔb imbə̀ʼ icheg ne mbi ya zweti awa?”