1 Jɔn 4:17 - Ikan feg

¹⁷ Icheg ne ze yaʼ ane, Ŋwiye fə taŋ kɔ̀ŋ awa ghì gha tì bere ika imbə̀ʼ ghum pum ane aneg isaʼi imbə̀ʼ icheg ne ìwa ikuchèg igun isəg gho̰ ya bə̀ kwàʼ icheg ìwi Kristo icheg ne tì yaʼi ane ifɔti tì Ŋwiye.

Meta’

¹⁷ Ɨchî nɨ zɨə yeʼ əne, ɨghaʼi berɨ swi ɨŋga ta fîŋ, ɨmbə̀ʼ chəi tɨ̀ bɨrɨ bɔ ənû ə mɔʼɔ əni ze nɨ Ŋwìə̀ bɨrɨ saʼ ɨsɨg. Chəi tɨ̀ bɨrɨ bɔ ɨmbə̀ʼ ɨghəm nɨ a ɨ̀tènɨ̀ ɨŋga ɨsɨg wɔ̂ yɨ ɨghabɨ wɨ Kristo.

1 Jɔn 4:17 ပူးပေါင်းရင်းမြစ်များ

Matìyò 10:15

Mə gha tesiʼ inən gha, igun aneg ze ne Ŋwiye biri sɔb isaʼi, wì biri dìgrì igun bəd a Sodòm bə̀ dìgrì igun bəd a Gòmorà chè icheg ne wì biri dìgrì igun bəd inga asiŋi ze ne to̰ awɔb ìwən ikən.”

Matìyò 10:25

Ze kòʼ gha àmə̀nənùg yaʼ icheg wə̀d ne chwìte inug ibo. Ze bə̀ kòʼ gha ŋwan àfàʼì bə yaʼ icheg mbaʼ àfàʼì məd. Mbi mə̀ kàrì mbaʼ inga inəbi ane Bezebɔ̀b, nji mbi biri bə kàrì bəd inga inəbi məd ane ikum ni bə chè.”

Matìyò 11:22

Tesiʼ ya gha, igun aneg ze ne Ŋwiye biri sɔb isaʼi igun bəd, wì biri dìgrì igun bəd mbe a Tayì tì bəd mbe a Sidòn chè icheg ne wì biri dìgrì igun inən!

Matìyò 11:24

Mə gha tesiʼ inən gha, igun aneg ze ne Ŋwiye biri sɔb isaʼi igun bəd, wì biri dìgrì igun bəd a Sodòm chè icheg ne wì biri dìgrì igun inən!”

Matìyò 12:36

Mə gha tesiʼ inən gha, Wə̀d ijìm biri mə̀tì aton imbə̀ʼ ìngam ako ijìm ne dùwə̀ ibo ichug ane aneg ze ne Ŋwiye biri sɔb isaʼi.

Jn 15:20

Mbə̀ wendi ìngam we ne mə̀ ya ghàmi inən gha, ‹Chəyi wə̀d àfàʼì mɔ̀ʼɔ ne che mbaʼ àfàʼì məd.› Icheg ne bəd mɔ̀ʼɔ inga isəg yaya chɔ̀ʼɔ ìmbum ibɔʼì ighog, à ya ane ne, mbi biri bə chɔʼ ìmbən tì ibɔʼì ighog. Icheg ne mbi mɔ̀ʼɔ tì bəd yaya zùgrə ìmə ìngam, à ya ane ne, mbi mɔ̀ʼɔ tì bəd biri bə zugri ìwən ìngam.

Jn 17:22

Ighumni we ne àghò ya ghi mə bèrì, mə bə̀ ghì mbɔb bèrì ìwiwən ni ghì ghà mbɔb yaʼi ane anug amɔʼ icheg ne mo tì ine bə yaʼ ane anug amɔʼ.

Rm 8:29

Bəd mbe ne wì ya fə chɔʼi, wì ya fə chì awɔb nɔ̀ŋì icha gha mbe yaʼ icheg Ŋwan məd. Ane ya ni ghì gha Ŋwan məd yaʼ ŋwan mbèg inga inəbi kyen.

Mə̀Hibrù 9:27

À ya icheg ne ze bə yaʼ gha, wə̀d ijìm mənyìʼ ku ighə̀m imɔʼ, si təm imbìghè abə Ŋwiye ane isaʼi, Ŋwiye saʼ aməd.

Jems 2:13

Mbə̀ ghiyə ane imbə̀ʼ icheg ne anyumə̀ ne Ŋwiye biri saʼ bəd, chəyi wì biri dìgrì igun bəd mbe ne chəyi mbɔb inɔb mbe bə̀ dìgrè igun bəd ndəŋ. Wə̀d ne dìgrè igun bəd, Ŋwiye biri bə dìgrì igun məd anyumə̀ ne wì biri sɔb isaʼi.

Jems 2:22

Àghò fə bàd gha, ibḛfiŋ məd yaya yḛ̀ tì inug chɔm mbe ne wì yaya ghìyə̀. Àghò fə bə̀ bàd gha ibḛfiŋ məd ya bɔ̀ŋ mànì anjìm inug chɔm mbe ne wì yaya ghìyə̀.

2 Pità 2:9

Ane, Anɔŋisəg kyèri icheg ni pumni bəd mbe ne zùgrə aməd bə̀ chì awɔb inga àkwàʼrì. Wì bə̀ kyèri icheg ni nyimi bəd mbe ne ghìyə̀ tìzughə̀, nɔ̀ŋì awɔb inga ngəʼ ni si saʼ awɔb igun aneg ze ne məd biri saʼ isəg.

2 Pità 3:7

Ŋwiye fə ghà inga ìwi ìngam gha zìye biri nimni ikaŋ àbɔ̀ŋɔ gho̰ ne yaʼi amad anìŋ bə̀ nìmni isəg gho̰ ne yaʼi amad anìŋ ane iywid. Ŋwiye fə nɔ̀ŋì gha ikaŋ àbɔ̀ŋɔ tì isəg biri chughi ghò pè ane aneg ze ne wì biri saʼ awɔb, nìmni bə̀ saʼ bəd mbe ne chəyi mbe zùgrə aməd, nìmni.

1 Jɔn 2:28

Ìmbum bɔn ne mə̀ taŋ kɔ̀ŋ, anug ne mə ghà inən amad anìŋ ya gha, mbə̀ che imbìghè ni chughi ane ifɔti tì Kristo. Anyumə̀ ne məd ywirì yèʼe, chəyi tì biri bɔ. Chəyi tì biri bə bèrì tìnìrètog ni təm ibo imbìghè.

1 Jɔn 2:5

Wə̀d ne zùgrə Ìngam Ŋwiye ya wə̀d ne kɔ̀ŋi Ŋwiye mànì. Anìŋ ya icheg ne tè kyère gha tì we ane ifɔti tì Ŋwiye.

1 Jɔn 2:6

Wə̀d mɔ̀ʼɔ mə̀ gha zìye we ane anug amɔʼ tì Ŋwiye, məd bèrì ni yèn igun ibɔʼì ighog ìmbi Yeso Kristo.

1 Jɔn 3:1

Mbə nḛ ikuchèg ne ìwa Mbaʼ taŋ kɔ̀ŋi awa! Wì taŋ kɔ̀ŋ awa ghì mbi se kàrà awa ane bɔn Ŋwiye. Tesiʼ ya gha, mba ya bə̀ kwàʼ bɔn Ŋwiye. À ya aton ne chəyi bəd inga isəg gho̰ mbe kyère awa. Chəyi mbe kyère awa imbə̀ʼ icheg ne chəyi mbi ya bə kyèri Ŋwiye.

1 Jɔn 3:3

Wə̀d ijìm ne nɔŋi ikɔndi igun məd tengàŋ ya ghìyə̀ ìwi ikuchèg wi zḛ bə̀ kwàʼ icheg ne Kristo bə zen.

1 Jɔn 3:7

Ìmbum bɔn ne mə̀ taŋ kɔ̀ŋ, imbə̀ʼ mbə̰ saŋa awən gha wə̀d mɔ̀ʼɔ febre awən. Wə̀d ne ghìyə̀ inug ne təmi kòʼ, tengàŋ ya wə̀d ne bə̀ təm kòʼ icheg ne Kristo bə̀ təm kòʼ.

1 Jɔn 4:12

Chəyi wə̀d mɔ̀ʼɔ ne kweʼì bàd Ŋwiye. Si ya gha, tì mə̀ ya kɔ̀ŋɔ̀ wə̀d imɔʼ imɔʼ, Ŋwiye biri yaʼ abɔ̀ʼ ina. Ane, tì biri se taŋ kɔ̀ŋɔ̀ bəd icheg ne məd bə̀ taŋ kɔ̀ŋ awa.