1 Jɔn 3:13 - Ikan feg

¹³ Ìmbum məfi fɔrɔ ìtum njàbi, imbə̀ʼ anug chè yi awən gha bəd inga isəg mbe pàbà awən.

Meta’

¹³ Mbɨ bɔŋgɔb, tɨ mbə̀ bid ə ni ɨsɨg ə bàn əwən.

1 Jɔn 3:13 ပူးပေါင်းရင်းမြစ်များ

Matìyò 10:22

Bəd məjìm biri pàb awən imbə̀ʼ amə, si ya gha, wə̀d ne nyìʼi ghò pè ane ìnwḭ, Ŋwiye biri pumni aməd.

Matìyò 24:9

Nyùmə̀ we mə̀ kòʼ, bəd ìpàb biri ya chɔ̀ʼɔ ìmbən ibɔʼì ighog, gwìtè awən nàʼà mbi zwete. Bəd inga iben ijìm biri pàb awən imbə̀ʼ amə.

Mk 13:13

Bəd məjìm biri bàn awən imbə̀ʼ amə, si ya gha, wə̀d we ne nyìʼi ghò pè ane ìnwḭ, Ŋwiye biri chì aməd inga ngəʼ.”

Lk 21:17

Wə̀d ijìm biri bà̰ awən məyi imbə̀ʼ amə.

Lk 6:22

Ŋwiye zì àbɔrɔ̀bɔd igun inən, mbə̰ mbe ne bəd mbe bà̰ awən, to̰ awən, chàpà ìtən tikum bə̀ gha mbə̰ ya bəd ne ghìyə̀ inug tibɔ̀ŋ imbə̀ʼ icheg ne mbə̀ bḛ Ŋwan Wə̀d.

Jn 16:2

Bəd biri kamni awən inga məchamì Ŋwiye. Nyùmə̀ we yèʼe ne wə̀d ne zwète awən biri kɔndi gha zìye ya fàʼà yaʼ àfàʼì ne Ŋwiye kə̀bi.

Jn 16:33

Mə fə ghà inug mbo̰ inən anìŋ ni ghì gha mbə̀ chughi ane àbɔrɔ̀bɔd icheg ne mbə̀ yaʼi ane anug amɔʼ tì inum. Mbə̰ biri zə̰ ngəʼ inga isəg gho̰. Si ya gha, mbə̀ nyimbi fìŋ imbə̀ʼ icheg ne, mə fə màʼ ibid chè isəg gho̰.”

Jn 17:14

Mə fə ghàm ìwe ìngam inɔb. Bəd inga isəg ya se bà̰ awɔb imbə̀ʼ icheg ne mbɔb kayi bəd inga isəg gho̰, bə̀ icheg ne, mo inum kayi bə wə̀d inga isəg gho̰.

Jn 3:7

Imbə̀ʼ anug chè yi awe imbə̀ʼ icheg ne mə̀ gha ine gha mbi mənyìʼ gwi wə̀d ighəm ndəŋ.

Jn 7:7

Chəyi tì bəd inga isəg pàb awən. Mbɔb ya pàbà amə imbə̀ʼ icheg ne mə ghà inɔb gha inug mbe ne mbɔb mbe ghìyə̀ ya inug tibɔ̀ŋ.

Ɨ̀fàʼì 3:12

Anyumə̀ ne Pità ya bàri inɔ̰ bəd we, wì ya ghà inɔb gha, “Məmbon, mbə̰ mə̀Izre, anug azo̰ kə chè awən iye? Mbə kə se nḛ̀ awa nḛ icheg ni gha à ya ane ìwa ika kə̀ anjìm ìmba inug chɔm ne tì ghi wə̀d gho̰ nɔ̀ʼ se yḛ̀?

Rm 8:7

Bəd mbe ne nɔ̀ŋɔ̀ ìtɔb fìŋ igun inug tibɔ̀ŋ mbe ne ìtɔb nyàmnyɔd te ghə̀ʼrə̀, mbɔb ya bəd ìpàb Ŋwiye. À ya ane imbə̀ʼ icheg ne chəyi mbɔb mbe zùgrə Ŋwiye. Ane, chəyi tì mbɔb bə̀ zùgri mə̀nɔ̀ʼɔ̀ Ŋwiye.

2 Timotì 3:12

Tesiʼ ya gha, wə̀d ijìm ne kə̀bə̀ ni chughi icheg ne Ŋwiye kə̀bi anjìm icheg ne wì nɔŋi ibḛfiŋ igun Yeso Kristo, mbi mənyìʼ chɔʼ ibɔʼì ighog məd.

Jems 4:4

Mbə̰ ya icheg mə̀yi nami ne kiri nɔ̀kɔ̀ mbaŋà ndəŋ. Àkə chəyi mbə̀ kyeri gha, wə̀d ne jə̀ghə àsə̀ʼ tì isəg ya wə̀d ìpàb Ŋwiye? Mbə̀ kyeri gha, wə̀d ne kɔ̀ŋɔ̀ anug ni jəg àsə̀ʼ tì isəg ya wə̀d ìpàb Ŋwiye.

Ɨnû 17:7

Angirə̀ we ya biri inum gha, “Àghò kə yète aghə? Mə biri ghà anug ze ne yaʼi inə̀mbi imbə̀ʼ àyi gho̰ ine. Mə biri bə ghà anug imbə̀ʼ nyam kyen ze ne məd we kɔ̀ʼɔ, ne beri itog ìsàmbe tì ndɔŋ ìghum.