1 Jɔn 2:6 - Ikan feg

⁶ Wə̀d mɔ̀ʼɔ mə̀ gha zìye we ane anug amɔʼ tì Ŋwiye, məd bèrì ni yèn igun ibɔʼì ighog ìmbi Yeso Kristo.

Meta’

⁶ Wə̀d mɔʼɔ we nɨ ghà ni tə wɨ ənɨ ənû ə mɔʼ mbɨ ə Ŋwiə̀ berɨ beenɨ àmei əbɔʼ tɨkyerɨ-ɨwu Yeso Kristo.

1 Jɔn 2:6 ပူးပေါင်းရင်းမြစ်များ

Matìyò 11:29

Mbə̀ niŋ ìmə mbèʼ bèʼì, bə̀ kwèmbi inug inum imbə̀ʼ icheg ne mə we bɔ̀tɔ ane fìŋ bə̀ swìye ìmə nyɔd aseg. Mbə̰ mə̀ ghì ane, ìtən fìŋ biri zùtì inga.

Jn 13:15

Mə fə chwi ikuchèg inən gha mbə̀ bə se ghìyə̀ ane abə bəd ndəŋ.

Jn 15:10

Mbə̰ mə̀ ya zùgrə anug ne mə̀ ghà, mə biri chè imbìghè ni ya kɔ̀ŋɔ̀ awən. À ya icheg ne mo inum bə̀ chè imbìghè ni ya zùgrə ìmə Mbaʼ. Ane, məd bə̀ chè imbìghè ni ya kɔ̀ŋɔ̀ amə.

1 Kɔrèn 11:1

Mbə̀ gwe ìmbum ibɔʼì ighog icheg ne mə gwe ìmbi Kristo.

Efesùs 5:2

Mbə̀ chughi ane àkɔ̀ŋì kwàʼ icheg ne Kristo ya bì kɔ̀ŋ awa nàʼ ìwi ìtḛ̀ igun ìmba itog ane ituti Ŋwiye fɔrɔ ane aghi àfàtì chɔm ne beri ifɔ chɔm chɔm ne Ŋwiye kɔ̀ŋi.

1 Pità 2:21

À ya imbə̀ʼ iku ngəʼ gho̰ ne Ŋwiye ya kàri awən gha mbə̀ yaʼ ane ifɔti tì məd. Mbə̀ kyeri gha Yeso Kristo ya bə̀ zə̰ ngəʼ imbə̀ʼ awən. Wì yaya chwìye inug mbo̰ inən icheg aneni ni gha mbə̀ gwe inug kwàʼ igun ibɔʼì ighog məd.

1 Jɔn 2:28

Ìmbum bɔn ne mə̀ taŋ kɔ̀ŋ, anug ne mə ghà inən amad anìŋ ya gha, mbə̀ che imbìghè ni chughi ane ifɔti tì Kristo. Anyumə̀ ne məd ywirì yèʼe, chəyi tì biri bɔ. Chəyi tì biri bə bèrì tìnìrètog ni təm ibo imbìghè.

1 Jɔn 2:4

Wə̀d ne gha zìye kyeri Ŋwiye ne chəyi məd we zùgrə tikə Ŋwiye, tengàŋ ya wə̀d inug ako. Chəyi məd we ghìyə̀ inug icheg wə̀d ne kyeri tesiʼ.

1 Jɔn 3:24

Wə̀d ne zùgrə tikə Ŋwiye ya chùghə ane ifɔti tì məd, məd bə̀ chùghə ane ifɔti tì tengàŋ. Tì kə kyère iye gha Ŋwiye we ane ifɔti tì ina? À ya Azwighi məd ze ne wì nàʼi ina ze ghìyə̀ tì kyère.

1 Jɔn 3:6

Ane, chəyi wə̀d ne chùghə ane ifɔti tì məd ne chè imbìghè ni ghì inug tibɔ̀ŋ. Wə̀d ne chè imbìghè ni ghì inug tibɔ̀ŋ, chəyi tengàŋ kyèri aməd kə̀ kyeri iku wə̀d ne məd yaʼi iwiwən.

1 Jɔn 4:17

Icheg ne ze yaʼ ane, Ŋwiye fə taŋ kɔ̀ŋ awa ghì gha tì bere ika imbə̀ʼ ghum pum ane aneg isaʼi imbə̀ʼ icheg ne ìwa ikuchèg igun isəg gho̰ ya bə̀ kwàʼ icheg ìwi Kristo icheg ne tì yaʼi ane ifɔti tì Ŋwiye.