1 Jɔn 2:28 - Ikan feg

²⁸ Ìmbum bɔn ne mə̀ taŋ kɔ̀ŋ, anug ne mə ghà inən amad anìŋ ya gha, mbə̀ che imbìghè ni chughi ane ifɔti tì Kristo. Anyumə̀ ne məd ywirì yèʼe, chəyi tì biri bɔ. Chəyi tì biri bə bèrì tìnìrètog ni təm ibo imbìghè.

Meta’

²⁸ Əne tɨ̀nîn, kyɨə bɔn nɨ mə̀ ghaʼi kwàʼ rɨŋgəʼ, mbə̀ chubɨ ənɨ ɨfɔtɨ mbɨ məd, ɨmbə̀ʼ ənɨ wɨ̀ wɨrɨ yeʼe, chəi tɨ̀ bɨrɨ bɔ. Chəi tɨ̀nìd ətu bɨrɨ ghɨ ni tɨ̀ nəmbɨ rɨ bɔ.

1 Jɔn 2:28 ပူးပေါင်းရင်းမြစ်များ

Matìyò 16:27

Ŋwan Wə̀d tì ìmbi mbè angirə̀ biri yeʼe tì ighumni we ne Mbaʼ məd nàʼi ibo, pè nàʼ chùd abə wə̀d imɔʼ imɔʼ icheg ne ìfàʼì wə̀d chwi.

Matìyò 16:28

Mə gha tesiʼ inən gha, bəd mɔ̀ʼɔ mbe abɔ̀ʼ ina aŋa ne chəyi mbi biri ku witì mbi bàd Ŋwan Wə̀d ne we yèʼe icheg ifɔn.”

Mk 8:38

Atog abə wə̀d mɔ̀ʼɔ mə̀ ya nìrè imbə̀ʼ amə fɔrɔ imbə̀ʼ ìmə ìngam inga ikəri bəd gho̰ ne chəyi we ghùmnə Ŋwiye, ne we bə̀ ghìyə̀ yaʼ inug tibɔ̀ŋ, nji atog abə Ŋwan Wə̀d biri bə nìd imbə̀ʼ tengàŋ anyumə̀ we ne wì ywirì yèʼe tì ìmbi mbè angirə̀ ìzḛzḛ tì ika we ne Mbaʼ nàʼi ibo gha wì tumbə isəg.”

Lk 17:30

À ya kwàʼ icheg ne ze biri bə yaʼ ane aneg ne Ŋwan Wə̀d biri ywirì yeʼe.

Rm 9:33

A ze inga Àŋwàʼrì Ŋwiye gha, “Mbə̀ nḛ, mə fə nɔ̀ŋì iteg a Zayɔ̀n ne biri ghì bəd gùg. À ya igho ne biri ghì bəd gùg. Chəyi Ŋwiye biri zì tìnìrètog igun bəd mbe ne biri nɔ̀ŋì ìwɔb ibḛfiŋ igun məd.”

1 Kɔrèn 1:7

Chəyi ineʼi mɔ̀ʼɔ ne Azwighi Ŋwiye ze nàʼà ne chəyi mbə̀ beri, icheg ne mbə̀ taŋ zì atog ni ghɔ̀m gha Anɔŋisəg Yeso Kristo ywirì yèʼe.

1 Kɔrèn 15:23

Ŋwiye biri zwemni wə̀d imɔʼ imɔʼ ane tiwaŋ icha icha. Wə̀d mbègtog we ne Ŋwiye zwèmni ane iwu ya Kristo. Anyumə̀ ne Kristo ywirì yèʼe, Ŋwiye biri zwemni bəd mbe ne yaʼi bəd Kristo.

Efesùs 3:12

Anjìm icheg ne tì yaʼi ane ifɔti tì Kristo fɔrɔ anjìm icheg ne tì nɔŋi ibḛfiŋ igun məd, tì fə bèrì ika ni ghò imbìghè abə Ŋwiye ne chəyi te bɔ.

Kòlosè 3:4

Ìwən ìtḛ̀ tesiʼ ya ìtḛ̀ ìwi Kristo. Ane, anyumə̀ ne məd biri yeʼe inga ighumni kyen məd, mbə̰ inən biri bə yaʼ inga ighumni kyen we.

1 Tèsàlonikà 2:19

Àkə mə̀we ghi gha tì nɔŋɔ ikɔndi igun ighi mbe ne te ghɔ̀mɔ̀? Àkə mə̀we biri ghì gha tì gyendi? Àkə mə̀we biri ghì gha tì kɔmɔ igo imbìghè abə Anɔŋisəg Yeso anyumə̀ ne wì ywirì yèʼe? Imbə̀ʼ à ya mbə̰?

1 Tèsàlonikà 3:13

Anɔŋisəg Yeso ghiyə ìwən ibḛfiŋ təm kà bə̀ ghì mbə̀ zen mànì imbìghè abə Ŋwiye ne yaʼi ìwa Mbaʼ. Wì ghiyə gha imbə̀ʼ wə̀d mɔ̀ʼɔ bere yi anug tibɔ̀ŋ mɔ̀ʼɔ ni gha imbə̀ʼ awən anyumə̀ ne məd biri yeʼe tì ìmbi bəd ìzḛzḛ.

1 Tèsàlonikà 5:23

Məd Ŋwiye we ne ghìyə̀ bəd chùghə ane àbɔrɔ̀bɔd, wì ghiyə mbə̀ zen mànì. Ŋwiye ghiyə gha àzən azwighi tì ìtən fìŋ fɔrɔ ìtən nyàmnyɔd ya ghìyə̀ inug ne koʼi. Ane, chəyi anug tibɔ̀ŋ mɔ̀ʼɔ ne tì wə̀d mɔ̀ʼɔ ghà imbə̀ʼ awən anyumə̀ ne Anɔŋisəg Yeso Kristo biri ywiri yeʼe.

1 Timotì 6:14

àghò ya ghìyə̀ inug ijìm mbe ne Ŋwiye kə̀bi ghò pè ane aneg ne Anɔŋisəg Yeso Kristo biri ywiri yeʼe. Àghò mə ghì ane, chəyi wə̀d mɔ̀ʼɔ biri bèrì anug tibɔ̀ŋ mɔ̀ʼɔ ni ghà imbə̀ʼ awe, kə̀ bə̀ zì anug mɔ̀ʼɔ igun ine.

2 Timotì 4:8

Ane, igun aneg ze ne Anɔŋisəg Kristo biri yeʼe ni saʼ isəg, məd we ne sàʼa bəd ane icheg ne koʼi biri nàʼ ineʼi inum. À ya ineʼi we ne məd we nàʼà abə bəd ne ghìyə̀ inug ne təmi kòʼ. Chəyi wì biri nàʼ məyi inum. Wì biri nàʼ fɔrɔ abə bəd mbe ne ghɔ̀mɔ̀ gha wì ywirì yèʼe.

Tayitùs 2:13

Tè ghiyə ane icheg ne te ghɔ̀mɔ̀ aneg kyen ze ne tì nɔŋi ìta tikɔndi igun. À ya aneg ze ne ìwa Ŋwiye kyen ne pùmnə bəd ne ya Anɔŋisəg Yeso Kristo wì biri yeʼe inga ìzḛzḛ njandi njandi məd.

Mə̀Hibrù 9:28

À ya bə̀ icheg ne Kristo ya nàʼi ìwi nyɔd ighə̀m imɔʼ ane aghi àfàtì ni sò inug tibɔ̀ŋ abə bəd nɔʼ nɔʼ. Ane, Wì biri ywìri yèʼe ni pumni bəd mbe ne ghɔ̀mɔ̀ aməd, kayi ni ghì gha Ŋwiye sò inug tibɔ̀ŋ bəd.

1 Pità 1:7

Inug mbo̰ ijìm biri dù ni kwàʼrì awən ni chwi gha ìwən ibḛfiŋ təm kà. Ka bèyi gol ne tì mbi chìkì, mbi ya bə̀ tɔ̰̀ inga iywid ka ka ni ghì gha wì taŋ bɔ̀ŋ. Ane, mbi biri zweʼri ìwən ibḛfiŋ ne ya aghi àka inun chè gol. Ibḛfiŋ we mə̀ təm kà, nji Ŋwiye biri ghì mbə bèrì ìzḛzḛ fɔrɔ ighumni anyumə̀ ne Yeso Kristo biri ywiri yeʼe.

1 Pità 5:4

Anyumə̀ ne Àjənjə̀g kyen biri yeʼe, wì biri nàʼ ichɔʼi àfàʼì njandi njandi ne chəyi wi biri nɔʼ chə̀.

1 Jɔn 2:1

Ìmbum bɔn ne mə̀ taŋ kɔ̀ŋ, mə ŋwàʼrì inug mbo̰ inən anìŋ ni ghì gha imbə̀ʼ mbə̰ si nɔ̀ʼ ghì anug tibɔ̀ŋ. Si ya gha, wə̀d mɔ̀ʼɔ mə̀ chè ghì anug tibɔ̀ŋ, tè bèrì wə̀d ne bòʼo ibo abə Mbaʼ atog ina imbə̀ʼ ìmba inug tibɔ̀ŋ. Məd ya Yeso Kristo, wə̀d ne təmi kòʼ.

1 Jɔn 3:2

Ìmbum mə̀sə̀ʼ ne mə̀ taŋ kɔ̀ŋ, amad anìŋ, mba ya bɔn Ŋwiye. Chəyi tì kiri kyeri icheg ne tì biri ghum yaʼ. Si ya gha, tè kyèri gha anyumə̀ ne Yeso yèʼe tì biri yaʼ icheg məd imbə̀ʼ icheg ne tè bàd aməd icheg ne wì yaʼi.

1 Jɔn 3:21

Ìmbum mə̀sə̀ʼ ne mə̀ taŋ kɔ̀ŋ, àmə chəyi ìta fìŋ te sàʼa awa inga, tì kyeri gha tì we tì tì təm imbìghè abə Ŋwiye ne chəyi te bìnde.

1 Jɔn 4:17

Icheg ne ze yaʼ ane, Ŋwiye fə taŋ kɔ̀ŋ awa ghì gha tì bere ika imbə̀ʼ ghum pum ane aneg isaʼi imbə̀ʼ icheg ne ìwa ikuchèg igun isəg gho̰ ya bə̀ kwàʼ icheg ìwi Kristo icheg ne tì yaʼi ane ifɔti tì Ŋwiye.

1 Jɔn 5:14

Aton ne chəyi te bɔ anyumə̀ ne te chàʼrà Ŋwiye ya imbə̀ʼ icheg ne tì fə kyeri gha məd we zùghə inug mbe ne te bìre anyumə̀ ne tì biri anug ne məd kə̀bi.

Ɨnû 1:7

Mbə̀ nḛ, məd we yèʼe inga pàʼ. Bəd məjìm biri bàd aməd, fɔrɔ bèyi bəd mbe ne ya zùmi məd ane ighɔŋ, zweti. Tinəbi tijìm igun isəg biri dèg imbə̀ʼ aməd. À ya icheg ne ze biri yaʼ! À ya ane.