1 Jɔn 2:27 - Ikan feg

²⁷ Àsi awən, Azwighi Ŋwiye ze ne Ŋwiye ya nàʼi inən kiri biri inga inən. Chəyi mbə̀ ywirì kòʼ ni gha wə̀d mɔ̀ʼɔ chwiti inug inən. Ane, Azwighi məd ze chwìte inug ijìm inən. Inug mbe ne Azwighi Ŋwiye ze chwìte ya tesiʼ. Ane, mbə̀ chughi ane ifɔti tì Kristo.

Meta’

²⁷ À yeʼ ɨmbə̀ʼ əwən, Əzwî ze nɨ Kristo nyaʼa cha ɨ nən ə fə ten i ɨŋga nən, əne chəi ənɨ tɨ̀ wə̀d mɔʼɔ wɨrɨ chwi ənû ɨ nən. Əzwî ə zɨə chwi ɨnû jìm ɨ nən. Ɨnû mbe nɨ zɨə chwiə yɨ ɨnû rəsìʼ, nɨ chəi mɨghab ɨŋga. Mbə̀ ghɨ ɨnû mbe əne chubɨ ənɨ ɨfɔtɨ mbɨ Kristo.

1 Jɔn 2:27 ပူးပေါင်းရင်းမြစ်များ

Matìyò 13:11

Wì ya ywìtì gha, “Aton ya gha, Ŋwiye fə nàʼ iwe inən ni kyeri inug ne yaʼi inə̀mbi imbə̀ʼ anug ìfɔ̀n ikaŋ. Àsi abə mbin tì bəd, chəyi wi nàʼi iwe we inɔb.

Jn 14:16

Mə biri ghì gha, ìmə mbaʼ naʼa Àwètìbə̀d ndəŋ ne biri chughi tì inən ane ighə̀m imɔʼ.

Jn 14:17

Məd ya Azwighi Ŋwiye, wì biri ghì gha, bəd kyeri tesiʼ imbə̀ʼ Ŋwiye. Chəyi tì bəd igun isəg gho̰ niŋ aməd imbə̀ʼ icheg ne chəyi mbi kweʼì bàd aməd, kə̀ kyère aməd. Àsi awən, mbə biri kyeri aməd imbə̀ʼ icheg ne məd we abɔ̀ʼ inən. Məd we bə̀ inga inən.

Jn 14:26

Si ya gha, ìmə Mbaʼ biri chà Àwètìbə̀d ane ìmə ikum. À ya wə̀d ne nàʼà tikə abə bəd. Məd ya Azwighi Ŋwiye. Wì biri chwi inug ijìm inən, bə̀ ghì mbə̰ ya wènde inug ijìm mbe ne mə gha inən.

Jn 16:13

Anyumə̀ ne Azwighi Ŋwiye ze ne ghìyə̀ bəd kyere tesiʼ biri yeʼe, wì biri chwiye tesiʼ ijìm inən. Chəyi wì biri ya ghàmà yaʼ ane ìwi ighəm. Wì biri ya ghà məyi anug ne wì zughi. Wì biri ghà inug ne kiri yeʼe inən.

Jn 4:14

Àsi bəd ijìm ne no mənib mbe ne mə nàʼà, chəyi adɔʼ mənib biri ywìri nɔʼ ko awɔb ka. Tesiʼ ya gha, mənib mbe ne mə nàʼà ya icheg àdùrì ne swèghe gwètè nàʼà ìtḛ̀ ighə̀m imɔʼ.”

Jn 6:45

Bədkə̀n Ŋwiye ŋwàʼrì inga Àŋwàʼrì Ŋwiye gha, ‹Ŋwiye biri chwiti inug abə wə̀d ijìm.› Wə̀d ne zughi anug ne Ŋwiye we ghà bə̀ zùgri inug mbe, tengàŋ biri yeʼe inum.

1 Kɔrèn 2:12

Amad anìŋ, Azwighi ze ne tì beri ze nɔ̀ʼ yaʼ abə Ŋwiye kayi inga isəg. À ya Azwighi ze ze wètè awa gha tè kyeri tineʼi te ne Ŋwiye fə nàʼi ina.

1 Kɔrèn 2:13

Chəyi te ghàmà inug mbo̰ ane tìngam ne beri iwe wə̀d-aku. Tì ya ghàmà yaʼ tìngam tesiʼ ne Azwighi Ŋwiye chwiti ina. Tì ya tòʼrò tìngam te abə bəd mbe ne Azwighi Ŋwiye yaʼi inga inɔb.

2 Kɔrèn 1:21

À ya Ŋwiye ghi gha mba tì inən tè təm kà icheg ne tì yaʼi ane ifɔti tì Kristo. À ya məd zɔ̀ʼi awa,

Efesùs 4:21

Tesiʼ ya gha, mbə̰ fə zug anug imbə̀ʼ Yeso bə̀ bḛ anug məd. Mbe fə bə̀ chwìti tesiʼ imbə̀ʼ Yeso inən.

Kòlosè 2:6

Icheg ne mbə̀ fə bḛ Yeso Kristo gha məd ya Anɔŋisəg, mbə̀ bə chè imbìghè ni ya fàʼà inug icheg ne məd kə̀bi.

1 Tèsàlonikà 2:13

Tì we bə̀ nàʼà məyakà abə Ŋwiye aghəm ajìm imbə̀ʼ icheg ne anyumə̀ ne tì ya yèʼe tì Ìngam Ŋwiye inən, mbə̰ ya zug bḛ gha à ya Ìngam Ŋwiye, kayi ìngam wə̀d-aku. Tesiʼ ya gha, à ya kwàʼ Ìngam Ŋwiye. Ìngam Ŋwiye we we fàʼà inga mbə̰ mbe ne bḛ Kristo.

1 Tèsàlonikà 4:9

Amad anìŋ, chəyi tì ywirì bèrì ni ghàm inən imbə̀ʼ icheg ne mbə̀ beri ni ya kɔ̀ŋɔ̀ ìmbən məfi fɔrɔ ìtən njàbi. Ŋwiye zìye fə chwiti inən gha mbə̀ ya kɔ̀ŋɔ̀ ìmbən məfi fɔrɔ ìtən njàbi.

1 Timotì 2:7

Aŋa ya aton ne Ŋwiye chɔ̀ʼi amə ane wə̀dtɔm Kristo chà abə bəd mbe ne kayi mə̀Ju gha mə chwiti tesiʼ ne tì wì ghi bəd zì ibḛfiŋ igun Kristo. Mə ya ghà kwàʼ tesiʼ, kayi inug ako.

1 Pità 1:23

Ŋwiye we ne yaʼi izɔm ane ighə̀m imɔʼ fə ywìrì gwi awən anjìm ìngam məd we ne yaʼi izɔm bə̀ yaʼ ane ighə̀m imɔʼ. Chəyi ìngam gho̰ nɔʼi abə ìmbən mə̀mbaʼ ne tì mbi ku. À ya ìngam ne nɔʼi abə Ŋwiye ne chəyi tì wì ku.

1 Jɔn 2:28

Ìmbum bɔn ne mə̀ taŋ kɔ̀ŋ, anug ne mə ghà inən amad anìŋ ya gha, mbə̀ che imbìghè ni chughi ane ifɔti tì Kristo. Anyumə̀ ne məd ywirì yèʼe, chəyi tì biri bɔ. Chəyi tì biri bə bèrì tìnìrètog ni təm ibo imbìghè.

1 Jɔn 3:24

Wə̀d ne zùgrə tikə Ŋwiye ya chùghə ane ifɔti tì məd, məd bə̀ chùghə ane ifɔti tì tengàŋ. Tì kə kyère iye gha Ŋwiye we ane ifɔti tì ina? À ya Azwighi məd ze ne wì nàʼi ina ze ghìyə̀ tì kyère.

2 Jɔn 1:2

Mə kɔ̀ŋ awən ane imbə̀ʼ icheg ne tesiʼ imbə̀ʼ Ŋwiye we inga ina. Tesiʼ we biri bə yaʼ tì ina ane ighə̀m imɔʼ.