1 Jɔn 1:2 - Ikan feg

² Anyumə̀ ne ìtḛ̀ we ya chwi ìwi nyɔd kwàʼ asaŋ asaŋ, tì ya bàd aməd. Ane, tì ya anìŋ ghà tesiʼ inən imbə̀ʼ aməd. Tì ya anìŋ bə̀ ghà inən gha məd ya ìtḛ̀ ighə̀m imɔʼ we ne ya yaʼi tì Mbaʼ ne Mbaʼ ghi tì kyèri.

Meta’

² Ɨ̀tènɨ̀ we nyaʼa chwi i ɨnyod əsaŋ. Tɨ̀ nyaʼa zə əməd, əne tɨ̀ wɨə ghà rəsìʼ ɨmbə̀ʼ əməd ɨ nən. Tɨ̀ wɨə bə̀ ghàə̀ ni məd yɨə nyaʼə ɨ̀tènɨ̀ rɨ mì we nɨ nyaʼa i mbɨ Mbǎʼ, nɨ Mbǎʼ ziə nyaʼa ghɨ̌ tɨ̀ kyerɨ.

1 Jɔn 1:2 ပူးပေါင်းရင်းမြစ်များ

Jn 1:18

Chəyi wə̀d mɔ̀ʼɔ ne kweʼì bàd Ŋwiye. À ya məyi Ŋwan we imɔʼ ne yaʼi iban Mbaʼ ne ghi gha bəd kyeri wə̀d ne Ŋwiye yaʼi ìwiwən.

Jn 1:4

À ya Ìngam we we nàʼà ìtḛ̀ abə bəd məjìm. Ane, ìtḛ̀ məd ya nàʼà ìzḛzḛ abə bəd məjìm ni kyeri tesiʼ.

Jn 10:28

Mə ya nàʼà ìtḛ̀ ighə̀m imɔʼ inɔb. Chəyi mbɔb biri nɔ̀ʼ ku nim. Chəyi tì wə̀d mɔ̀ʼɔ chì awɔb inga ìtum tikye abo.

Jn 14:6

Yeso ya ywìtì gha, “Mo ya inɔnjì. Mo ya tesiʼ. Wə̀d ne nàʼà ìtḛ̀ abə bəd ya mo. Chəyi tì wə̀d mɔ̀ʼɔ ghò abə ìmə Mbaʼ, ne chəyi wì che inum anjìm.

Jn 15:27

Mbə̰ inən biri bə̀ tòʼrì inug imbə̀ʼ amə abə bəd imbə̀ʼ icheg ne, mbə̰ ya yaʼ abɔ̀ʼ inum, nɔ̀ʼ ane nyumə̀ ne, mə̀ ya ko àmə àfàʼì.”

Jn 16:28

Mə ya nɔ̀ʼ abɔ̀ʼ ìmə Mbaʼ, bɔŋ yeʼe igun isəg. Mə ya anìŋ se nɔ̀ʼɔ̀ amə igun isəg ghò abɔ̀ʼ ìmə Mbaʼ. ”

Jn 17:3

Ane, ni jəg ìtḛ̀ ighə̀m imɔʼ ya ni kyeri awe, bə̀ kyèri gha à ya məyi àghò imɔʼ yaʼi Ŋwiye tesiʼ. Ni jəg ìtḛ̀ ighə̀m imɔʼ ya ni bə kyeri Yeso Kristo we ne àghò cha igun isəg.

Jn 17:5

Ìmə Mbaʼ, ghìyə mə beri ighumni we ne tì ya fɔrɔ bèrì bɔŋ àghò ya se tànga isəg.”

Jn 19:35

Wə̀d ne ya bàri anug azo̰ fə ghà àzewən ni ghì gha mbə̀ bə bḛ. Məd zìye fə kyeri yi gha, anug ze ne wì ya ghà ya tesiʼ.

Jn 21:14

Aŋa ya se aghəm ne pè ane itad ne Yeso ya du ìwi ìfe abə mə̀mə̀nənùg məd nɔ̀ʼ ane nyumə̀ ne Ŋwiye ya zwemni aməd ane iwu.

Jn 3:13

Chəyi wə̀d mɔ̀ʼɔ ne kə kweʼì kɔʼ ghò ikaŋ àbɔ̀ŋɔ. À ya məyi Ŋwan Wə̀d we ne ya swiʼi ikaŋ àbɔ̀ŋɔ.

Jn 7:29

À ya mo kyeri aməd imbə̀ʼ icheg ne mə nɔ̀ʼ abɔ̀ʼ məd. À ya məd bə chà amə.”

Jn 8:38

Inug mbe ne mə gha inən ya tesiʼ. À ya inug ne ìmə Mbaʼ ya chwi inum anyumə̀ ne mə̀ ya yaʼi tì məd. Si ya gha mbə̰ ya ghìyə̀ yaʼ inug mbe ne mbə̀ ya zughi abə ìmbən mə̀mbaʼ.”

Ɨ̀fàʼì 1:22

ni ko ane nyùmə̀ we abə Jɔn we ne yaya nàʼà mənib ghò pè ane aneg ze ne Ŋwiye ya niŋi Yeso ikaŋ àbɔ̀ŋɔ. Ze bɔ̀ŋ gha wə̀d mɔ̀ʼɔ abɔ̀ʼ bəd mbo̰ fɔti abɔ̀ʼ ina si yaʼ wə̀d ne ghà inug imbə̀ʼ icheg ne Yeso zweme ane iwu.”

Ɨ̀fàʼì 10:41

Kayi bəd məjìm ya bàri aməd. Wì ya dù ina mba mbe ne Ŋwiye ya fə chɔʼi gha tì yaʼ bəd ne biri bàd ati ane inug məd. Tì yaya jə̀ghə bə̀ no tì məd anyumə̀ ne wì ya zweme ane iwu.

Ɨ̀fàʼì 2:32

Ane, Ŋwiye ya zwemi Yeso gho̰ ane iwu. Mba mbo̰ məjìm ya bəd ne ya bàri ati.

Ɨ̀fàʼì 3:15

Mbə̰ ya zweti wə̀d ne nàʼà ìtḛ̀. Si ya gha, Ŋwiye ya zwemni aməd ane iwu. Mba mbo̰ ya bàd anug ne ya che.

Ɨ̀fàʼì 5:32

Mba ya bəd ne bari ati ane inug mbo̰ ijìm. Azwighi Ŋwiye ze ne Ŋwiye we nàʼà abə bəd mbe ne zùgrə aməd, ze bə̀ kyèri inug mbo̰ ijìm.”

Rm 8:3

Anug ne Ŋwiye fàʼi ya anug ne chəyi tì mə̀nɔ̀ʼɔ̀ ya fàʼ imbə̀ʼ icheg ne inug mbe ne wə̀d we ghə̀ʼrə̀ fə ghì wə̀d bɔd. Wì fə chì ika we ne inug tibɔ̀ŋ beri igun bəd icheg ne wì cha ìwi Ŋwan wì yèʼe igun isəg icheg wə̀d inug tibɔ̀ŋ pè nàʼ àzi atog ane aghi àfàtì imbə̀ʼ inug tibɔ̀ŋ bəd ndəŋ.

Gàlesìyà 4:4

Si ya gha, anyumə̀ ne nyùmə̀ ya kòʼi, Ŋwiye ya chà Ŋwan məd ina. Mbi ya gwi Ŋwan məd gho̰ kwàʼ icheg ne mə̀yi mbe gwìye bɔn. Wì ya bə̀ kweg aton mə̀nɔ̀ʼɔ̀ Muse,

1 Timotì 3:16

Ze fə dù zen gha anug ne ya yaʼi inə̀mbi, azo̰ Ŋwiye fə ghi tì kyèri. À ya kwàʼ anug ne faŋi. Anug ze ya gha: Yeso ya yeʼe igun isəg icheg wə̀d-aku. Azwighi Ŋwiye ya gha məd we ghìyə̀ inug ne təmi kòʼ. Mbè angirə̀ ya bàd aməd. Bəd ya chètì inug imbə̀ʼ aməd inga iben ijìm. Bəd inga iben ijìm igun isəg ya nɔ̀ŋì ibḛfiŋ igun məd. Ŋwiye ya niŋ aməd ikaŋ nàʼ ighumni ibo.

2 Timotì 1:10

Ìchɔ̀mì gho̰ ya Ŋwiye fə chwi ina icheg ne Yeso Kristo ne pumni awa fə yeʼe. Məd ya chìkì ika we ne iwu beri igun bəd, si ghì bəd jəg ìtḛ̀ fɔrɔ anug ni chughi izɔm ane ighə̀m imɔʼ. Ŋwiye chè anjìm ikən chɔm imbə̀ʼ Yeso fàʼ inug mbo̰.

Tayitùs 1:2

Tesiʼ gho̰ biri ghì tì nɔ̀ŋì ìta tikɔndi se ghɔ̀mɔ̀ ìtḛ̀ ighə̀m imɔʼ we ne Ŋwiye kaʼi. Chəyi Ŋwiye we kàʼà anug ze chè ako. Wì ya fə kàʼ anug azo̰ bɔŋ se tànga isəg.

1 Pità 5:1

Mo ne yaʼi atog wə̀d inga ifeti bəd Kristo, mə̀ ya bàd icheg ne Kristo ya zə̰ ngəʼ. Mə biri bə bàd icheg ne Kristo biri ywiri yeʼe inga ighumni məd. Mə ya anìŋ bòʼo ibo abə itog bəd inga ifeti bəd Kristo gha:

1 Jɔn 1:1

Tì ya ŋwàʼrà àŋwàʼrì azo̰ inən anìŋ ni ghà inug imbə̀ʼ Ìngam we ne ghìyə̀ bəd jəghə ìtḛ̀. À ya Ìngam we ne ya yaʼi bɔŋ Ŋwiye ya se tànga isəg. Tì ya zug inug kwàʼ ibo ichug anyumə̀ ne wì yaya ghàmà ina. Tì ya bàd aməd kwàʼ mba mba. Tì ya taŋ nèn aməd. Tì ya bə̀ bètì aməd kwàʼ ane ìmba ibo.

1 Jɔn 2:25

Anug ze ne Ŋwan ya kàʼi ni nàʼ ina ya ìtḛ̀ ighə̀m imɔʼ.

1 Jɔn 3:5

Mbə̰ kyèri gha Kristo ya yeʼe ni chì ìmba inug tibɔ̀ŋ. Mbə̰ bə̀ kyèri gha chəyi anug tibɔ̀ŋ mɔ̀ʼɔ yaʼi inga məd.

1 Jɔn 3:8

Wə̀d ne ghìyə̀ inug tibɔ̀ŋ ya wə̀d Debrə̀ imbə̀ʼ icheg ne Debrə̀ ya ko se ghìyə̀ inug tibɔ̀ŋ kwàʼ ane nyumə̀ ne Ŋwiye ya tangi isəg. Aton ne Ŋwan Ŋwiye ya yeʼe inga isəg ya ni chìkì àfàʼì Debrə̀.

1 Jɔn 4:14

Tè fə bàd, tì ya anìŋ bə̀ nè chètè gha, Ŋwiye ne yaʼi ìwa Mbaʼ ya chà ìwi Ŋwan gha wì yeʼe pùmni bəd igun isəg.

1 Jɔn 4:2

Aŋa ya icheg ne mbə̀ biri chè angu ni kyeri wə̀d ne Azwighi Ŋwiye yaʼi inga məd: Wə̀d we ne bḛ gha Yeso Kristo ya yèʼe inga isəg icheg wə̀d-aku ya wə̀d ne beri Azwighi ne nɔʼi abə Ŋwiye.

1 Jɔn 5:11

Anug ze ne wì gha imbə̀ʼ ìwi Ŋwan ya gha: Ŋwiye fə ghì gha tì jəg ìtḛ̀ ighə̀m imɔʼ we ne Ŋwan məd we nàʼà ina.

1 Jɔn 5:13

Mə ya ŋwàʼrà inug mbo̰ anìŋ inən, mbə̰ mbe ne bḛ Ŋwan Ŋwiye, ni gha mbə̀ kyeri gha mbə̰ biri jəg ìtḛ̀ ighə̀m imɔʼ.

1 Jɔn 5:20

Tè bə̀ kyèri gha Ŋwan Ŋwiye fə yeʼe. Wì fə ghì gha ìmba itog zen tì kyeri Ŋwiye we ne ya Ŋwiye tesiʼ. Tì yaʼ ane ifɔti tì Ŋwiye we ne ya Ŋwiye tesiʼ. Tì we bə̀ ane ifɔti tì Ŋwan məd, Yeso Kristo. Məd ya Ŋwiye tesiʼ we ne ghi gha bəd jəg ìtḛ̀ ighə̀m imɔʼ.