1 Kɔrèn 9:3 - Ikan feg

³ Bəd mbe bìre gha mə kə yaʼi wə̀dtɔm Kristo iye? Anug ne mə̀ biri biri inɔb ya azo̰:

Meta’

³ Ənɨ bə̂d ə biirɨ ɨ num ni mə kɨə ghàə̀ ni mə yɨə wə̀d tom Kristo ɨmbə̀ʼ ə ye ə? Mə bɨrɨ wiirɨ ni:

1 Kɔrèn 9:3 ပူးပေါင်းရင်းမြစ်များ

Lk 12:11

Anyumə̀ ne mbi niŋ awən ghò inga ichamì Ŋwiye, kə̀ imbìghè abə itog bəd ne tùmbə̀ aben, imbə̀ʼ mbə̰ nwìʼè awən nyɔd ni kɔndi anug ne mbə̀ biri ghò pè ghà. Imbə̀ʼ mbe bə kɔndɔ awən inɔnjì ni tàŋì ìwən nyɔd.

Ɨ̀fàʼì 22:1

Pɔl ya ghà abə inɔ̰ bəd we gha, “Ìmbum məfi fɔrɔ ìmbum mə̀mbaʼ, mbə̀ zug anug ne mə̀ biri ghà inən imbìghè ni chì inug igun àmə atog.”

Ɨ̀fàʼì 25:16

Mə ya ywìtì inɔb gha, kayi icheg aben məRom ni nyimi wə̀d ane isaʼi, nàʼ gha mbe zweti, ne chəyi tengàŋ beri apan ni təm adiŋi isaʼi tì bəd ne puti aməd ni tàŋì ìwi nyɔd. Mbi bèrì ni nàʼ apan ibo gha wì taŋa ìwi nyɔd.

1 Kɔrèn 14:37

Wə̀d mɔ̀ʼɔ mə̀ kɔ̀ndi gha zìye ya wə̀dkə̀n Ŋwiye, kə̀ wə̀d ne gha Azwighi Ŋwiye nàʼ ineʼi ibo, məd kyeri gha anug azo̰ ne mə ghà inən ya ikə ne Anɔŋisəg nàʼi inum.

1 Kɔrèn 9:2

Ka chəyi bəd mɔ̀ʼɔ bḛ gha mo ya wə̀dtɔm Kristo, mə kyèri gha mbə̰ bḛ. Aneni ni chwi gha mo ya wə̀dtɔm Kristo ya icheg ne mbə̀ yaʼi ane ifɔti tì Anɔŋisəg.

1 Kɔrèn 9:4

Àkə kayi àza ati ni gha mbə̀ naʼa tijəg fɔrɔ mənoʼ ina?

2 Kɔrèn 13:10

À ya aton ne mə̀ ŋwaʼri àŋwàʼrì azo̰ inən ne chəyi mə̀ kiri pe abɔ̀ʼ inən. Mə ŋwàʼrì anìŋ ni gha anyumə̀ ne mə̀ pe, chəyi mə̀ biri niŋ ika we ne Ŋwiye nàʼi inum ni ghàm tɔ inən. Ika gho̰ ya Anɔŋisəg nàʼi inum ni gha mə ghìyə mbə̀ təm kà ane ibḛfiŋ, kayi ni chìkì ìwən ibḛfiŋ.

2 Kɔrèn 13:3

Icheg ne mbə̰ mbe kə̀bə̀ aneni ne chwìye gha ìngam we ne mə ghàmà ya ngàm ne nɔ̀ʼi abə Kristo, mə biri chwi inən. Anyumə̀ ne Yeso we ghìyə̀ inug inən, chəyi we bɔ̀ri. Wì ya fàʼà inən kwàʼ tì ika.

2 Kɔrèn 13:5

Mbə̀ kwaʼri ìtən nyàmnyɔd bə̀ nḛ̀ gha mbə nɔ̀ŋì ibḛfiŋ igun Kristo. Àmə yaʼ aghi ne mbə̀ bari gha chəyi Yeso Kristo yaʼi inga ìtən fìŋ, ane ya gha mbə fə gùg àkwàʼrì ze.

Fìlipì 1:17

Chəyi bəd mbe ne ghìyə̀ àdeg mbe ghàmà ikən chɔm imbə̀ʼ Kristo ane fìŋ ne zḛ. Mbɔb ya kə̀bə̀ məyi icheg ni ghì gha bəd bene abɔ̀ʼ inɔb. Mbɔb ya ghìyə̀ ane nè kɔ̀ndɔ gha, inug mbe ne mbɔb mbe ghìyə̀ biri yètì ngəʼ igun inum inga nəb ndəŋ.

Fìlipì 1:7

Ze kòʼ inum ni ya kɔ̀ndɔ inug mbo̰ anìŋ imbə̀ʼ awən mbə̰ məjìm imbə̀ʼ icheg ne mə̀ kɔ̀ŋ awən ane ìmə fìŋ ijìm. Ŋwiye we ghìyə̀ ìchɔ̀mì ina mba məjìm icheg ne te fàʼà ibo. Məd we bə̀ ghìyə̀ ìchɔ̀mì inum ka ya anyumə̀ ne mə̀ yaʼi inga nəb ndəŋ, kə̀ anyumə̀ ne mə chètè ikən chɔm, tòʼrò inug tesiʼ mbe ne yaʼi inga bə̀ ghìyə̀ bəd bḛ.

2 Timotì 4:16

Ane, ighəm mbègtog ne mə̀ ya gho təm gha mbe saʼ amə, chəyi wə̀d mɔ̀ʼɔ ne ya yeʼe ni kə̀ŋì amə. Wə̀d ijìm ya waʼ amə. Imbə̀ʼ Ŋwiye niŋ yi inug mbo̰ zì isaʼi igun inɔb.