1 Kɔrèn 9:23 - Ikan feg

²³ Mə ya ghìyə̀ inug mbo̰ anìŋ məyi ni chètì ikən chɔm we ni ghì gha mo inum biri bə̀ bèrì àbɔrɔ̀bɔd.

Meta’

²³ Mə wɨə ghɨ̀ ɨnû mbɔ̂ jìm ɨmbə̀ʼ jaŋ ɨkə̂n chɔ̀m. Mə wɨə ghɨ̀ əne ɨmbə̀ʼ mə̀ bə̀ berɨ əbɔrəbɔd ze nɨ ɨkə̂n chɔ̀m ə ghɨ̀ ni bə̂d berɨ.

1 Kɔrèn 9:23 ပူးပေါင်းရင်းမြစ်များ

Mk 8:35

À ya ane imbə̀ʼ icheg ne wə̀d ne kə̀bə̀ ni nɔ̀ŋì ìwi ìtḛ̀, tengàŋ biri sam ìtḛ̀ we. Àsi wə̀d ne sami ìwi ìtḛ̀ imbə̀ʼ ikən chɔm, tengàŋ biri ywiri jəg ìtḛ̀ we.

Rm 11:17

Àmə yaʼ aghi ne mbi ya sɔbi fìtab mɔ̀ʼɔ ane azed olìf tibɔ̀ŋ ghò nàndì ane ibəm azed olìf chɔm, nji mbə̰ mbe ne kayi mə̀Ju ya icheg azed olìf tibɔ̀ŋ ze ne mbi ya nàndì ane àze chɔm. Mbə̰ mbe se bə̀ bèrè àbɔrɔ̀bɔd ze ne mə̀Ju mbe bèrè amad anìŋ.

1 Kɔrèn 9:12

Bəd ndəŋ mə̀ kə̀ bèrì ati ni biri ighi mbo̰ inən, nji mba bèrì ati ze chè awɔb. Anug ne angu ya gha, chəyi te nḛ̀ igun ighi mbe ne mbə̀ beri ni nàʼ ina. Tè nyìʼ tiku inug ijìm ni ghì gha imbə̀ʼ tì nɔ̀ʼ yaʼ akən ane ikən chɔm imbə̀ʼ Kristo ne tì gha inən.

1 Kɔrèn 9:22

Anyumə̀ ne mə̀ yaʼi abɔ̀ʼ bəd ne ìwɔb ibḛfiŋ bɔri, mə̀ ya icheg wə̀d abɔ̀ʼ inɔb ni ghì gha mbe bḛ Kristo. Ane, mə fə bə̀ŋə̀ ane iku ighi ijìm abə bəd məjìm, imbə̀ʼ chè ane mənɔnjì nɔʼ nɔʼ ni ghì gha inun bəd mɔ̀ʼɔ pum.

1 Kɔrèn 9:24

Mbə̰ kyèri àzən aghi gha, bəd ne nyi inga ànòtì ya nɔ̀ʼɔ, si ya gha, wə̀d ne nìŋə ineʼi wə̀d mbègtog ya məyi imɔʼ. Ane, mbə̀ noto icheg bəd ne biri niŋ ineʼi wə̀d mbègtog.

2 Kɔrèn 2:4

Anyumə̀ ne mə̀ yaya ŋwàʼrà àŋwàʼrì ze inən mə yaya sɔ̀mnɔ̀, ibəʼ ya bə̀ yaʼ inum inga fìŋ, mə se dèghè. Chəyi mə̀ ya ŋwàʼri ni chìki ìtən fìŋ. Mə ya ŋwàʼrì ni chwi icheg ne mə̀ taŋ kɔ̀ŋ awən mbə̰ məjìm.

Gàlesìyà 2:5

Chəyi tì ya bḛ anug ze ne mbɔb yaya ghà ka bèyi iki piʼì, ni ghì gha mbə̀ che imbìghè ni nyimi ikən chɔm tesiʼ we ne tì ya gha inən.

2 Timotì 2:10

Ane, mə we nyìʼè aton inug mbo̰ ijìm ni ghì gha bəd mbe ne Ŋwiye ya chɔʼi awɔb, Yeso Kristo ghiyə mbɔb pum bə̀ ghì mbɔb bere ighumni we ne chəyi ìnwḭ.

2 Timotì 2:6

Wə̀d mben ne taŋ zì atog ane àfàʼì kòʼ ni yaʼ wə̀d mbègtog ni jəg ane ighi mbe ne mbi foʼi a mben.

Mə̀Hibrù 3:1

Ane, ìmbum məfi fɔrɔ ìtum njàbi ne tì yaʼi ane anug amɔʼ tì Anɔŋisəg, mbə̀ nɔŋɔ ìtən tikɔndi igun Yeso we ne te gha tè zì ibḛfiŋ igun məd. Yeso gho̰ ya wə̀dtɔm Ŋwiye bə̀ yaʼ atog wə̀d igun bəd mbàn Ŋwiye.

Mə̀Hibrù 3:14

Mba mə̀ taŋ nyìmi anug ze ne tì ya fə bḛ ghò pè ane aneg ìnwḭ, nji tì biri yaʼ ane anug amɔʼ tì Kristo.

1 Pità 5:1

Mo ne yaʼi atog wə̀d inga ifeti bəd Kristo, mə̀ ya bàd icheg ne Kristo ya zə̰ ngəʼ. Mə biri bə bàd icheg ne Kristo biri ywiri yeʼe inga ighumni məd. Mə ya anìŋ bòʼo ibo abə itog bəd inga ifeti bəd Kristo gha:

1 Jɔn 1:3

Inug mbe ne tì ya zughi bə̀ bàd, à ya mbo̰ ne te ghà inən anìŋ, ni ghì gha mbə yaʼ ane ifɔti tì ina. Ìwa ifɔti ya tì Mbaʼ bə̀ fɔrɔ tì Ŋwan məd Yeso Kristo.