1 Kɔrèn 9:18 - Ikan feg

¹⁸ Ane, àmə chùd kə iye? À ya gha mə chètì ikən chɔm ne chəyi wə̀d nàʼi aghi mɔ̀ʼɔ inum, ne chəyi mə̀ bə nèn igun àmə ati ze ne bəd beri ni nàʼ ighi inum.

Meta’

¹⁸ Əne mɨ ɨchɔʼ ə̀fàʼì kɨə ye ə? Àmei ni mə mɨ yeʼə ghà ɨkə̂n chɔ̀m, tɨ mə̀ ghɨ əmɨ ni bə̂d chwɨ əmɨ. Əne chəi mə bɨrɨ nɨŋ ɨka we nɨ mə berɨ ɨmbə̀ʼ ghɨ̀ ni mbə̀ chwɨ əmɨ.

1 Kɔrèn 9:18 ပူးပေါင်းရင်းမြစ်များ

Jn 4:36

Wə̀d we ne biri fòʼ ighi a mben biri niŋ ìwi ikab àfàʼì. Kwàʼ amad anìŋ, wì fə se fòʼò bə̀ fète ighi. Ighi mbe ya bəd mbe ne biri jəg ìtḛ̀ ighə̀m imɔʼ. Ane, wə̀d ne nyɔ̀ʼɔ̀ tì wə̀d ne fòʼò biri si fɔ̀ti gyèndi.

Ɨ̀fàʼì 18:3

Àzɔb atog àfàʼì yaya ni tangi gɔb bə̀ kɔd izuŋ. Pɔl ya pè chùghi tì inɔb imbə̀ʼ icheg ne wì ya bə̀ kyèri icheg tangi gɔb bə̀ kɔd izuŋ. Ane, wì yaya se fàʼà tì inɔb.

Rm 14:15

Àghò mə̀ ya jə̀ghə aghi mɔ̀ʼɔ ne àghò kyèri gha ze biri ghì ìwe ifi gùg anug, àze chwi gha chəyi àghò kɔ̀ŋi aməd. Imbə̀ʼ àghò saŋa awe gha aghi ne àghò we jə̀ghə ze ghiyə wə̀d ne Yeso ya ku imbə̀ʼ aməd wì nim ìwi ìtḛ̀.

1 Kɔrèn 10:33

Mə ya kə̀bə̀ iku icheg ijìm ni ghì inug ane icheg ne koʼi abə bəd məjìm. Kayi mə ghìyə̀ məyi anug ne bɔŋi inum. Mə ya ghìyə̀ yaʼ anug ne biri bɔ̀ŋ fɔrɔ abə mə̀mbin, ni ghì gha mbe pum.

1 Kɔrèn 3:8

Wə̀d ne nyɔ̀ʼɔ̀ tì wə̀d ne chùbrə̀, mbɔb məjìm ya andəŋ andəŋ. Ane, Ŋwiye biri nàʼ chùd wə̀d icheg ne àfàʼì məd chwi.

1 Kɔrèn 7:31

Bəd ne fàʼà tì ighi igun isəg mbe yaʼ icheg bəd ne chəyi ighi mbe beri aton mɔ̀ʼɔ inɔb. Aton ya gha, isəg gho̰ ne yaʼi anìŋ ya chè yi che.

1 Kɔrèn 8:9

Ane, mbə̀ we awən, imbə̀ʼ mbə̰ nɔ̀ʼ niŋ icheg ne chəyi mbə̰ mbe jə̀ghə aghi mɔ̀ʼɔ, kə̀ niŋ icheg ne mbə̰ mbe jə̀ghə aghi mɔ̀ʼɔ si ghì bəd mbe ne ìwɔb ibḛfiŋ bɔri, mbi gùg anug.

1 Kɔrèn 9:12

Bəd ndəŋ mə̀ kə̀ bèrì ati ni biri ighi mbo̰ inən, nji mba bèrì ati ze chè awɔb. Anug ne angu ya gha, chəyi te nḛ̀ igun ighi mbe ne mbə̀ beri ni nàʼ ina. Tè nyìʼ tiku inug ijìm ni ghì gha imbə̀ʼ tì nɔ̀ʼ yaʼ akən ane ikən chɔm imbə̀ʼ Kristo ne tì gha inən.

1 Kɔrèn 9:15

Si ya gha, chəyi mə̀ nɔŋi fìŋ igun ighi mbe ne ya àmə ati ni biri. Chəyi mə̀ ŋwàʼri inug mbo̰ tì ikɔndi mɔ̀ʼɔ gha mbə naʼa ighi mɔ̀ʼɔ inum. Sɔ̀mɔ ane mə̀ sami anug ni kɔ̀m igo imbə̀ʼ awən, mə ku. Anug ne mə kɔ̀mɔ̀ igo ya gha, mə chètì ikən chɔm imbə̀ʼ Kristo inən ne chəyi mbə̀ nàʼi aghi mɔ̀ʼɔ inum.

1 Kɔrèn 9:17

Àmə yaʼ aghi ne mə chètè ikən chɔm imbə̀ʼ Kristo ane ìmə ighəm, nji mə biri kə̀b gha mbə naʼa chùd inum. Àmə yaʼ aghi ne kayi ane ìmə ighəm ne mə chètè ikən chɔm, nji mə ya fàʼà yaʼ anug ne Ŋwiye zi inum ikye ibo.

2 Kɔrèn 4:5

Chəyi tì ya chètè inug imbə̀ʼ ìwa nyɔd. Tì ya chètè yaʼ gha Yeso Kristo ya Anɔŋisəg, mba ya bəd àfàʼì inən imbə̀ʼ Yeso.

1 Tèsàlonikà 2:6

Chəyi tì yaya kə̀bə̀ gha mbə̰ kə̀ bəd ndəŋ ya ghùmnə awa.