1 Kɔrèn 8:6 - Ikan feg

⁶ Ane, tè kyèri gha Ŋwiye məyi imɔʼ ne yaʼi Mbaʼ we ne ya tangi ighi ijìm. À ya məd we nàʼà ìtḛ̀ ina. Anɔŋisəg ya bə̀ məyi imɔʼ. Məd ya Yeso Kristo we ne Ŋwiye che anjìm məd tàngi ighi ijìm. Məd we bə̀ nàʼà ìtḛ̀ ina.

Meta’

⁶ àyɨə ɨ na, Ŋwìə̀ mei we mɔʼ, nɨ yeʼ Mbǎʼ. Ɨghɨjìm yɨ rɨ ɨ bɔ. Tɨ̀ wɨ ɨka ɨmbə̀ʼ əməd. Tɨ̀ bə̀ berɨ Ə̀nùŋɨ̀sɨg mɔʼ, nɨ yeʼ ə Yeso Kristo. Ŋwìə̀ nyaʼa tekɨ ɨghɨjìm ənjìm məd. Tɨ̀ wɨə bə̀ ɨka ɨmbə̀ʼ əməd.

1 Kɔrèn 8:6 ပူးပေါင်းရင်းမြစ်များ

Matìyò 11:27

Ìmə Mbaʼ fə nàʼ ighi ijìm inum. Chəyi wə̀d ne kyeri Ŋwan chèyi ane Mbaʼ. Chəyi wə̀d ne bə kyèri Mbaʼ chèyi ane Ŋwan fɔrɔ bəd mbe ne Ŋwan chɔʼi awɔb ghì gha mbe kyeri Mbaʼ.”

Matìyò 28:18

Yeso ya si pè ghà inɔb gha, “Ŋwiye fə nàʼ ika inum ni tùmbì ighi ijìm ikaŋ àbɔ̀ŋɔ fɔrɔ igun isəg.

Jn 1:10

Məd ya yaʼ inga isəg gho̰ ne Ŋwiye ya che anjìm məd tàngi. Si ya gha, chəyi bəd ya kyeri wə̀d ne məd yaʼi ìwiwən.

Jn 1:3

Ŋwiye ya chè anjìm məd ni tangi ighi ijìm. Chəyi Ŋwiye ya tangi aghi mɔ̀ʼɔ amɔʼ witì chè anjìm məd bɔŋ tangi.

Jn 10:30

Mo tì ìmə Mbaʼ ya ane anug amɔʼ.”

Jn 13:13

Mbə̰ mbe kàrà amə ane ‹Àchwitìnùg›, bə̀ kàrà amə ane ‹Anɔŋisəg›. Mbə̰ kòʼ awən ni kàrì amə ane imbə̀ʼ icheg ne à ya wə̀d ne mo yaʼi ìwiwən.

Jn 14:20

Aneg ze ghi mə̀ kòʼ, mbə biri kyeri gha mo yaʼ ane anug amɔʼ tì ìmə Mbaʼ. Mbə̰ biri bə kyeri gha mbə̰ mbe ane anug amɔʼ tì inum, mo inum bə̀ yaʼ ane anug amɔʼ tì inən.

Jn 17:3

Ane, ni jəg ìtḛ̀ ighə̀m imɔʼ ya ni kyeri awe, bə̀ kyèri gha à ya məyi àghò imɔʼ yaʼi Ŋwiye tesiʼ. Ni jəg ìtḛ̀ ighə̀m imɔʼ ya ni bə kyeri Yeso Kristo we ne àghò cha igun isəg.

Jn 20:17

Yeso ya ghà ibo gha, “Imbə̀ʼ àghò bete awe awum imbə̀ʼ icheg ne chəyi mə̀ kiri bəndi ghò abə ìmə Mbaʼ. Ane, ndò ghò ghà abə ìmbum məfi gha, ‹Mə we bə̀ndə̀ ghò abə ìmə Mbaʼ ne ya bə̀ ìwən Mbaʼ. Məd ya ìmə Ŋwiye, bə̀ yaʼ ìwən Ŋwiye.›”

Ɨ̀fàʼì 17:28

À ya kwàʼ icheg ne wə̀d mɔ̀ʼɔ ya gha, ‹Tì we awa ika bə̀ yḛ̀ bə̀ yaʼ izɔm ane ika ne nɔʼi ibo.› À ya bə̀ kwàʼ icheg ne ìmbən bəd mɔ̀ʼɔ ne ŋwaʼri inug ya bə ghà gha, ‹À ya kwàʼ tesiʼ gha mba ya bɔn məd.›

Ɨ̀fàʼì 2:36

Ane, mə̀Izre məjìm kyeri gha, à ya kwàʼ tesiʼ gha Ŋwiye fə nɔ̀ŋì Yeso gho̰ ne mbə̰ ya kɔ̀mbi igun azed abaʼri ane Anɔŋisəg bə̀ fɔrɔ ane Wə̀d ne wì zɔ̀ʼi.”

Ɨ̀fàʼì 5:31

Ŋwiye ya nɔ̀ aməd ane, nɔ̀ŋì ibo aba abo jəghi ane Atog wə̀d igun bəd məjìm fɔrɔ ane Wə̀d ne pùmnə bəd, ni gha məd we tì wì ghì mə̀Izre bə̀ŋì fìŋ sìkì inug tibɔ̀ŋ, Ŋwiye waʼ ìmbɔb inug tibɔ̀ŋ.

Rm 11:36

À ya ane imbə̀ʼ icheg ne, à ya Ŋwiye tangi ighi ijìm. À ya anjìm məd ne ighi ijìm yaʼi. Ighi ijìm ya ìmbi məd. Tì ghumni aməd ane ighə̀m imɔʼ. À ya ane.

1 Kɔrèn 1:2

Tì ya ŋwàʼrà anìŋ abə ifeti bəd Ŋwiye we ne yaʼi a Kɔrèn. Ŋwiye ghì mbi zen icheg ne mbi yaʼi ane ifɔti tì Kristo. Ŋwiye ya bə̀ kàrì awɔb ni gha mbe yaʼ ìmbi bəd. Tì ya bə̀ ŋwàʼrà anìŋ abə bəd məjìm ne ghùmnə Anɔŋisəg Yeso Kristo inga isəg ijìm. Məd ya Anɔŋisəg inɔb fɔrɔ ina.

1 Kɔrèn 12:3

Amad anìŋ, mə kə̀b gha mbə̀ kyeri gha chəyi tì wə̀d ne Azwighi Ŋwiye yaʼi inga məd gha, “Ndɔ̀n yaʼ igun Yeso.” Mə bə̀ kə̀b gha mbə̀ kyeri gha chəyi tì wə̀d gha, “Yeso ya Anɔŋisəg,” ne kayi Azwighi Ŋwiye ghi.

1 Kɔrèn 6:13

Wə̀d ndəŋ we tì wì gha, “Ighijəg mbe ne bəd mbe jə̀ghə ya chè ghò inga fibum imbə̀ʼ icheg ne fibum ya abə ighijəg.” Tesiʼ ne angu ya gha, Ŋwiye biri zì ìnwḭ ane ighi mbo̰ ibe. Chəyi Ŋwiye ya tangi nyàmnyɔd wə̀d gha mbi ŋa fànà. Tì kòʼ ni niŋ ìta nyàmnyɔd fàʼ abə Ŋwiye. À ya Anɔŋisəg we kyèʼrè ìta nyàmnyɔd.

1 Kɔrèn 8:4

Ane, ni ghàm imbə̀ʼ tijəg te ne mbe jə mə̀ŋwiye, tè kyèri gha mə̀ŋwiye ya ati ako. Tè bə̀ kyèri gha chəyi Ŋwiye ndəŋ angu. Ŋwiye ya məyi imɔʼ.

Efesùs 1:3

Tì ghumni Ŋwiye ne yaʼi Mbaʼ abə ìwa Anɔŋisəg Yeso Kristo. Icheg ne tì yaʼi ane ifɔti tì Yeso Kristo, Ŋwiye ghì ìchɔ̀mì ina bə̀ ghì Azwighi məd zì àbɔrɔ̀bɔd ne nɔ̀ʼi ikaŋ àbɔ̀ŋɔ igun ina.

Efesùs 3:14

À ya anjìm anug ze ne Ŋwiye ya fə fàʼi ne mə gɔ̀mɔ̀ itog inwḭ aseg imbìghè abə Mbaʼ anyumə̀ ne mə̀ chàʼrà Ŋwiye.

Kòlosè 1:6

Ikən chɔm gho̰ we kwèghe isiŋi ijìm bə̀ ghìyə̀ gha bəd se ghìyə̀ inug mbe ne Ŋwiye kə̀bi kwàʼ icheg mbə̰ mbe bə̀ ghìyə̀. Nɔ̀ʼ ane aneg mbègtog ne mbə̀ ya zughi bə̀ kyèri tesiʼ imbə̀ʼ ìchɔ̀mì Ŋwiye, mbə̰ ya ko ni se ghìyə̀ inug icheg ne Ŋwiye kə̀bi.

1 Pità 1:21

Mbə̰ fə chè anjìm məd bḛ Ŋwiye we ne ya zwemni aməd bə̀ nàʼ ighumni ibo. Ane, mbə̰ nɔ̀ŋì ibḛfiŋ bə̀ nɔ̀ŋì ikɔndi nì ghɔ̀m məyi igun Ŋwiye.

Ɨnû 1:18

Mo ya wə̀d we ne yaʼi izɔm. Mə ya ku, si ya gha, nḛ, mə we izɔm kwàʼ ane ighə̀m imɔʼ. Mə bèrì ika igun iwu bə̀ fɔrɔ igun aben iwu bəd.