1 Kɔrèn 8:4 - Ikan feg

⁴ Ane, ni ghàm imbə̀ʼ tijəg te ne mbe jə mə̀ŋwiye, tè kyèri gha mə̀ŋwiye ya ati ako. Tè bə̀ kyèri gha chəyi Ŋwiye ndəŋ angu. Ŋwiye ya məyi imɔʼ.

Meta’

⁴ Əne, mə wɨə kəb gha ɨmbə̀ʼ tɨjɨg te nɨ mbɨ naʼ ənɨ əghɨ ə̀fà əmbɨ mbɨ̀anèŋ: Tɨ̀ kyerɨ ni, “Kaʼ anèŋ yɨ i əghɨ nɨ yeʼ ɨkǎ” ɨchî nɨ mbə̀n mɨmɔʼɔ ə ghàə̀. Tɨ̀ bə̀ kyerɨ ni, “Ŋwìə̀ mei we mɔʼ” ɨchî nɨ mbə̀n mɨmɔʼɔ ə bə̀ ghàə̀.

1 Kɔrèn 8:4 ပူးပေါင်းရင်းမြစ်များ

Mk 12:29

Yeso ya ywìtì ibo gha, “Nɔ̀ʼɔ̀ ne che mə̀nɔ̀ʼɔ̀ məjìm ya gha, ‹O Mbə̰ mə̀Izre! Mbə̀ zug, Anɔŋisəg ìwa Ŋwiye, Anɔŋisəg ya məyi iwe imɔʼ.

Ɨ̀fàʼì 14:15

“Bəd mbo̰! Aton ne mbə̰ mbe ghìyə̀ inug mbo̰ ina anìŋ àkə gha? Mba ya bəd-aku icheg inən. Tì fə yèʼe tì ikən chɔm inən gha mbə̀ saŋa ighi ako mbo̰ bèni abɔ̀ʼ Ŋwiye we ne yaʼi izɔm. À ya məd ya tangi ikaŋ fɔrɔ ìseg bə̀ tàngi tìbà bə̀ tàngi fɔrɔ ighi ijìm mbe ne yaʼi inga inɔb.

Ɨ̀fàʼì 15:20

Tè ŋwaʼra yaʼ àŋwàʼrì chà inɔb gha: Imbə̀ʼ mbi jəg awɔb ighijəg ne mbi naʼi ni jə mə̀ŋwiye. Imbə̀ʼ mbi ghiyə awɔb anug ni nɔ̀kì mə̀yi kə̀ nɔ̀kì mbaŋà abu abu. Imbə̀ʼ mbi kud awɔb nyam ne swḛni swḛni.

Ɨ̀fàʼì 19:26

Àfàʼì azo̰ ne wə̀d Pɔl we fàʼà, mbə fə bàd bə̀ zug àzən aghi. Məd we ghà gha mə̀ŋwiye mbe ne mbi tangi ane ibo ya aghi ako. Ane, wì fə ghì bəd nɔʼ nɔʼ inga Efesùs aŋa fɔrɔ a Esìyà, mbi bḛ anug ze ne məd we ghà.

1 Kɔrèn 8:1

Amad anìŋ, mə kə̀b ni ghàm imbə̀ʼ tijəg te ne mbe jə mə̀ŋwiye. Tè kyèri gha, “Mba məjìm bèrì iwe,” icheg bəd mɔ̀ʼɔ mbe ghà. Inug mbo̰ ne tì kyeri mbe ghìyə̀ bəd mɔ̀ʼɔ se nɔ̀ nyɔd. Àsi àkɔ̀ŋì ya kɔ̀rɔ bəd ane mbi imɔʼ ghìyə̀ bəd chùghə ane ichug imɔʼ.

1 Kɔrèn 8:10

Mbə̰ mbe ne gha mbə̰ bèrì iwe, mbə̀ niŋ gha, wə̀d ne ibḛfiŋ məd bɔri wè bàd awən ne mbə̰ mbe jə̀ghə inga jə mə̀ŋwiye, imbə̀ʼ àze biri ghì gha wì se jə̀ghə ane ighi mbe ne mbe nàʼà abə mə̀ŋwiye?

1 Kɔrèn 8:11

Ane ya gha, ifi we ne ibḛfiŋ məd bɔri, ne Kristo ya ku imbə̀ʼ aməd ya anìŋ kùyə imbə̀ʼ icheg ne mbə̰ mbe kɔ̀ndɔ gha mbə̰ bèrì iwe.

Gàlesìyà 4:8

Mbə̀ wendi gha, a mbègtog ne chəyi mbə̀ ya kiri kyeri Ŋwiye, mbə̰ ya yaʼ ìbòʼì abə mə̀ŋwiye ne kayi bè ighi mɔ̀ʼɔ.

Efesùs 4:6

Ŋwiye ya məyi imɔʼ bə̀ yaʼ Mbaʼ abə bəd məjìm. À ya məyi məd we imɔʼ ne tùmbə̀ bəd məjìm bə̀ chè inga bəd ni fàʼ inug ijìm bə̀ ywìrì yaʼ inga bəd ijìm.

1 Timotì 1:17

Bəd ghumni Ŋwiye imɔʼ ne yaʼi Ifɔn ane ighə̀m imɔʼ, ne chəyi mbe bàrà aməd, ne chəyi wì biri nɔʼ ku. Tè ghumni Ŋwiye we imɔʼ kwàʼ ane ighə̀m imɔʼ. À ya ane.

1 Timotì 2:5

Ŋwiye ya məyi imɔʼ. À ya bə̀ məyi wə̀d imɔʼ ne fɔ̀tɔ bəd ane anug amɔʼ tì Ŋwiye. Məd ya Yeso Kristo.

Jûd 1:25

Tè ghumni aməd we imɔʼ ne yaʼi Ŋwiye, ne bə̀ yaʼi wə̀d ne pùmnə awa anjìm ìwa Anɔŋisəg Yeso Kristo. Ighumni tì anug ìfɔ̀n kyen tì ika fɔrɔ anug ni tùmbi ighi ijìm ya ibo ikye abo. Ighi mbo̰ ijìm ya yi ìmbi məd nɔ̀ʼ ane nyùmə̀ isəg we ne fə che, fɔrɔ amad anìŋ, fɔrɔ ane ighə̀m imɔʼ. À ya ane.