1 Kɔrèn 8:10 - Ikan feg

¹⁰ Mbə̰ mbe ne gha mbə̰ bèrì iwe, mbə̀ niŋ gha, wə̀d ne ibḛfiŋ məd bɔri wè bàd awən ne mbə̰ mbe jə̀ghə inga jə mə̀ŋwiye, imbə̀ʼ àze biri ghì gha wì se jə̀ghə ane ighi mbe ne mbe nàʼà abə mə̀ŋwiye?

Meta’

¹⁰ Wə̀d mɔʼɔ we nɨ fîŋ məd bɔrɨ mɨ zə əwe, àwɔ̀ nɨ berɨ ɨwe, nɨ àwɔ̀ ə jɨg ɨŋga mbàn anèŋ, ka wɨ̀ wa bɨrɨ ghaʼi nɨ bɨ jɨg ɨghɨ mbe nɨ mbɨ naʼ ənɨ ɨghɨ ə̀fà əmbɨ mbɨ̀anèŋ ə?

1 Kɔrèn 8:10 ပူးပေါင်းရင်းမြစ်များ

Ɨ̀fàʼì 15:20

Tè ŋwaʼra yaʼ àŋwàʼrì chà inɔb gha: Imbə̀ʼ mbi jəg awɔb ighijəg ne mbi naʼi ni jə mə̀ŋwiye. Imbə̀ʼ mbi ghiyə awɔb anug ni nɔ̀kì mə̀yi kə̀ nɔ̀kì mbaŋà abu abu. Imbə̀ʼ mbi kud awɔb nyam ne swḛni swḛni.

Rm 14:14

Icheg ne mə̀ yaʼi ane ifɔti tì Anɔŋisəg Yeso fə ghì mə kyeri gha chəyi iku tijəg mɔ̀ʼɔ angu ne chəyi ti zḛ imbìghè abə Ŋwiye. Si ya gha, wə̀d mɔ̀ʼɔ mə̀ kɔ̀ndi gha iku tijəg mɔ̀ʼɔ te angu ne chəyi ti zḛ imbìghè abə Ŋwiye imbə̀ʼ wì jə̀ghə yi ìtiwən.

Rm 14:23

Àsi wə̀d we ne jə̀mə̀, bə̀ ywìrè jə̀ghə, tengàŋ gùg anug imbə̀ʼ icheg ne chəyi we jə̀ghə tì ibḛfiŋ. Inug ijìm mbe ne chəyi wə̀d we ghìyə̀ tì ibḛfiŋ ya inug tibɔ̀ŋ.

1 Kɔrèn 10:32

Imbə̀ʼ mbə̰ ghiyə awən gha wə̀d ne yaʼi wə̀d inga ifeti bəd Ŋwiye wì gughə anug; kə̀ àkə Ju kə̀ wə̀d ne kayi Ju.

1 Kɔrèn 8:4

Ane, ni ghàm imbə̀ʼ tijəg te ne mbe jə mə̀ŋwiye, tè kyèri gha mə̀ŋwiye ya ati ako. Tè bə̀ kyèri gha chəyi Ŋwiye ndəŋ angu. Ŋwiye ya məyi imɔʼ.

1 Kɔrèn 8:7

Si ya gha, chəyi wə̀d ijìm kyèri anug azo̰. Bəd mɔ̀ʼɔ mbe angu ne ya fə mə̀ri tì anug mə̀ŋwiye. Mbɔb mbe kiri gha anyumə̀ ne mbɔb mbe jə̀ghə tijəg te ne mbi jə mə̀ŋwiye gha, à ya aghi àfàtì abə mə̀ŋwiye. Ane, icheg ne ìtɔb fìŋ te sàʼa awɔb, mbɔb mbe kɔ̀ndɔ gha chəyi mbɔb zḛ.

1 Kɔrèn 8:9

Ane, mbə̀ we awən, imbə̀ʼ mbə̰ nɔ̀ʼ niŋ icheg ne chəyi mbə̰ mbe jə̀ghə aghi mɔ̀ʼɔ, kə̀ niŋ icheg ne mbə̰ mbe jə̀ghə aghi mɔ̀ʼɔ si ghì bəd mbe ne ìwɔb ibḛfiŋ bɔri, mbi gùg anug.