1 Kɔrèn 7:25 - Ikan feg

²⁵ Amad anìŋ, mə kə̀b ni ghàm imbə̀ʼ bɔn àyi mbe ne chəyi mbi kiri nami. Chəyi Anɔŋisəg nàʼ ikə mɔ̀ʼɔ inum gha mə gha inən imbə̀ʼ awɔb. Si ya gha, mə biri nàʼ yaʼ àmə ikɔndi icheg wə̀d ne Anɔŋisəg dìgri igun inum ghì mə yaʼ wə̀d ne tì mə ghà anug mbə bḛ.

Meta’

²⁵ Tɨ̀nîn, ɨmbə̀ʼ məyi mbe nɨ chəi mbɨ kɨrɨ nam: chəi mə berɨ ɨkə rɨ əmbɨ Ə̀nùŋɨ̀sɨg nɨ gha ɨ nən. Àyɨə mə bɨrɨ naʼ mɨ ɨkɔndɨ ɨghabɨ wə̀d nɨ Ə̀nùŋɨ̀sɨg fə diirɨ əne ghɨ̀ mə yeʼ wə̀d nɨ tɨ̀ mbə ben ənû ze nɨ mɨə ghàə̀.

1 Kɔrèn 7:25 ပူးပေါင်းရင်းမြစ်များ

1 Kɔrèn 15:10

Si ya gha, Ŋwiye ghì ìchɔ̀mì inum mə si wə̀d ne mə yaʼ ìwiwən amad anìŋ. Ìchɔ̀mì we ne Ŋwiye ghi inum, chəyi wi ya che ako. Tesiʼ ya gha, mə we taŋ zìyè atog ni fàʼ chè bədtɔm mbin. Kayi mo we fàʼà. À ya ìchɔ̀mì we ne Ŋwiye ghi inum we fàʼà inga inum.

1 Kɔrèn 4:2

Anug ne mbe kə̀bə̀ abə bəd mbe ne mbi zi àfàʼì inɔb ikye abo ya gha mbe ya fàʼà icheg chɔm ane ìzɔb fìŋ ijìm.

1 Kɔrèn 7:10

Anug ne mə ghà abə bəd mbe ne nami ya gha, imbə̀ʼ àyi duwə yi inam ka. Kayi mo we ghà, à ya Anɔŋisəg.

1 Kɔrèn 7:12

Àsi abə mə̀mbin, anug ne mə ghà inɔb ya gha, wə̀d Kristo ne beri iweg ne chəyi wì kiri bḛ Kristo, iweg məd we mə̀ kɔ̀ŋ ni chè imbìghè chughi tì məd, imbə̀ʼ wì to̰ yi aməd. Àzo̰ ya àmə ikɔndi. Kayi anug ne nɔ̀ʼi abə Anɔŋisəg.

1 Kɔrèn 7:28

Wə̀d mə nam, chəyi wì gughi anug. Ŋwan àyi ne chəyi wì kiri kyeri mbaŋà mə nam, chəyi wì bə gùg anug. Àsi bəd mbe ne nami, mbi biri chè inga ngəʼ nɔʼ nɔʼ te ne yaʼi inga isəg. Mə ya ghàmà anìŋ inən ni gha imbə̀ʼ mbə̰ nɔ̀ʼ nyi inga ngəʼ.

1 Kɔrèn 7:34

Ane, ikɔndi məd biri ya sàʼa inug ibe. Àyi ne chəyi wì nami kə̀ ŋwan àyi ne chəyi wì kyeri mbaŋà, wì ya zìyè atog ni fàʼ abə Anɔŋisəg. Ikɔndi məd ijìm ya ni nàʼ ìzi fìŋ ijìm fɔrɔ ìzi nyàmnyɔd ijìm abə Anɔŋisəg. Àsi àyi ne nami, wì ya zìyè atog igun ighi mbe igun isəg gha inɔm məd ya gyènde.

1 Kɔrèn 7:40

Ane àmə ikɔndi, àyi we mə̀ chùghi yi ane, wì biri ya taŋ gyènde chè icheg ne nji wì kə̀ ywìrì nam. Mə kɔ̀ndi gha, à ya Azwighi Ŋwiye ze ne bə yaʼ inga inum ze ghi mə ghàm inug mbo̰.

1 Kɔrèn 7:6

Àzo̰ ya kayi isɔbi anug ne mə nàʼà inən. À ya ikə ne mə nàʼà.

2 Kɔrèn 11:17

Tesiʼ ya gha, anug azo̰ ne mə ghàmà amad anìŋ ya kayi anug ne Anɔŋisəg gha inum gha mə ghama. Ane anug ni kɔ̀m igo, mə ya ghàmà kwàʼ icheg anen.

2 Kɔrèn 2:17

Chəyi mba yaʼi icheg bəd nɔʼ nɔʼ mbe ne nìŋə anug ni ghàm Ìngam Ŋwiye ane iywin ni bèrì chùd. Mba ya ghà yaʼ tesiʼ ane ìza fìŋ ijìm imbìghè abə Ŋwiye icheg ne tì yaʼi ane ifɔti tì Kristo. À ya Ŋwiye zìye tɔmi awa gha tì ghama.