1 Kɔrèn 7:19 - Ikan feg

¹⁹ Kə̀ mbe ŋwed wə̀d kə̀ chəyi, àze kayi anug mɔ̀ʼɔ. Anug ne koʼi ya gha wə̀d ijìm ya nɔ̀ŋɔ̀ tikə Ŋwiye.

Meta’

¹⁹ Mbɨ mɨ fə nè wə̀d kɨ̀ chəi mbɨ kɨrɨ ne əməd, ka əze yɨ i ənû ə mɔʼɔ. Ənû nɨ kuʼnɨ yɨ ni mbɨ nuŋ tɨkə rɨ Ŋwiə̀.

1 Kɔrèn 7:19 ပူးပေါင်းရင်းမြစ်များ

Matìyò 5:19

Ane, wə̀d mɔ̀ʼɔ mə̀ gùg ka bèyi nɔ̀ʼɔ̀ we ne taŋ kə chè mə̀nɔ̀ʼɔ̀ mbo̰ məjìm, bə̀ ywìrì ghì bəd ndəŋ gùg nɔ̀ʼɔ̀ we, mbi biri kàrì tengàŋ ane wə̀d ne kə chè bəd məjìm inga anug ìfɔ̀n ikaŋ. Àsi wə̀d ne nɔ̀ŋɔ̀ mə̀nɔ̀ʼɔ̀ mbo̰ bə̀ ghìyə̀ bəd ndəŋ nɔ̀ŋɔ̀ mə̀nɔ̀ʼɔ̀ mbo̰, mbi biri kàrì aməd ane wə̀d kyen inga anug ìfɔ̀n ikaŋ.

Jn 15:14

Mbə̰ mə̀ ya zùgrə anug ne mə̀ ghà, mbə̰ ya ìmbum mə̀sə̀ʼ.

Rm 3:30

Ŋwiye məyi imɔʼ. Wì biri ghì mə̀Ju təm kòʼ ibo imbìghè anjìm ìwɔb ibḛfiŋ igun Yeso. Wì biri bə ghì bəd mbe ne kayi mə̀Ju bə̀ təm kòʼ ibo imbìghè anjìm ìwɔb ibḛfiŋ igun Yeso bə.

1 Kɔrèn 8:8

Tesiʼ ya gha, kayi tijəg te biri ghì gha tì yaʼ bəd chɔm imbìghè abə Ŋwiye. Chəyi tì biri nim aghi mɔ̀ʼɔ anyumə̀ ne chəyi tì jəghi tijəg te. Chəyi tì biri bə bèrì chùd mɔ̀ʼɔ anyumə̀ ne tì jəghi tijəg te.

Gàlesìyà 3:28

Ane, chəyi ywìrè yi ikɔpi mɔ̀ʼɔ ane mə̀Ju tì bəd ne kayi mə̀Ju; Kə̀ ifeg tì wə̀d ne kayi ifeg. Chəyi ikɔpi mɔ̀ʼɔ ane mbaŋà kə̀ mə̀yi. Mbə̰ məjìm ya si bəd imɔʼ icheg ne mbə fə se ane anug amɔʼ tì Yeso Kristo.

Gàlesìyà 5:6

Ane, icheg ne tì yaʼi ane ifɔti tì Yeso Kristo, kə̀ mbe ŋwed wə̀d kə̀ chəyi, chəyi àze ywirì bèrì anug mɔ̀ʼɔ ni ghì ka. Anug kyen ne angu ya ibḛfiŋ we ne tì nɔŋi igun Kristo. À ya ibḛfiŋ we ghìyə̀ tì se kɔ̀ŋɔ̀ ìmba məfi fɔrɔ ìta njabi.

Gàlesìyà 6:15

Kə̀ mbe ŋwed wə̀d kə̀ chəyi, àze kayi anug mɔ̀ʼɔ ze. Anug kyen ne angu ya gha, ikuchèg wə̀d si yaʼ ìwi feg anjìm ibḛfiŋ məd igun Kristo.

Kòlosè 3:11

Ane, mbə̰ ya si bəd imɔʼ amad anìŋ. Chəyi ywìrè yi icha mɔ̀ʼɔ ane mə̀Ju tì bəd ne kayi mə̀Ju, kə̀ ane bəd ne mbi ŋweri tì bəd ne chəyi mbi ŋweri. Chəyi ywìrè yi wə̀d mɔ̀ʼɔ ne tì mbi kàrì ane wə̀dnàb kə̀ wə̀d ne yaʼi izimi. Chəyi ywìrè yi ifeg kə̀ wə̀d ne yaʼi yi ane ìwi ighəm. Tiku bəd ìto̰ tijìm ya se ane anug amɔʼ icheg ne mbi yaʼi ane ifɔti tì Kristo imbə̀ʼ icheg ne à ya məd beri aku bəd azo̰ ajìm.

Ɨnû 22:14

Ŋwiye zì àbɔrɔ̀bɔd igun bəd mbe ne fə so ìtɔb ndwi ti zen. Ane, mbɔb fə kòʼ ni chè inuʼ ikam nyi inga ikye aben we, jəg titam ane azed ze ne nàʼà ìtḛ̀.