1 Kɔrèn 6:9 - Ikan feg

⁹ Àkə Chəyi mbə̀ kyeri gha chəyi bəd ne ghìyə̀ inug izəg biri nyi inga anug ìfɔ̀n Ŋwiye? Imbə̀ʼ wə̀d tàmba yi ìwi nyɔd ka! Chəyi bəd ne fànà biri nyi inga anug ìfɔ̀n Ŋwiye, kə̀ bəd ne ghùmnə mə̀ŋwiye, kə̀ mə̀yi nami ne nɔ̀kɔ̀ mbaŋà ndəŋ fɔrɔ mbaŋà ne nami ne nɔ̀kɔ̀ àyi ndəŋ, kə̀ mbaŋà ne chəyi zi nami ne nɔ̀kɔ̀ àyi, kə̀ mbaŋà ne nɔ̀kɔ̀ mbaŋà,

Meta’

⁹ Chəi mbə̀ kyerɨ ni chəi bə̂d mbe nɨə ghɨ̀ ɨnû rɨbɔ̀ŋ bɨrɨ jɨg ənû ɨfɔ̀n ə Ŋwiə̀ ə? Tɨ wə̀d mɔʼɔ tambɨ i əwən: chəi bə̂d mbe nɨə ghɨ̀ ɨfabrɨ-ɨnû bɨrɨ nɔ jɨg ənû ɨfɔ̀n ə Ŋwiə̀, kɨ̀ mbe nɨə wumnɨ mbɨ̀anèŋ, kɨ̀ mbe nɨə niirɨə məyi kɨ̀ mbaŋə̀, kɨ̀ mbaŋə̀ nɨə niə tɨ cherə,

1 Kɔrèn 6:9 ပူးပေါင်းရင်းမြစ်များ

Matìyò 19:29

Wə̀d ijìm ne sàŋì nəb kə̀ məfi kə̀ njàbi kə̀ mbaʼ kə̀ ngɔb kə̀ iweg kə̀ bɔn kə̀ bèyi mben məd imbə̀ʼ ìmə ikum, wì biri bèrì ighi mbo̰ ijìm achug iki ifibì bə̀ ywìrì jəg ìtḛ̀ ighə̀m imɔʼ.

Matìyò 25:34

Ifɔn we biri ghàpì bəd ane, si ghà abə bəd mbe ne yaʼi ane aba abo jəghi gha, ‹Mbə̀ yeʼe, à ya mbə̰ mbe ne ìmə Mbaʼ fə zì àbɔrɔ̀bɔd igun inən. Mbə̀ yeʼe jəg anug ìfɔ̀n ze ne ìmə Mbaʼ ya fə chuʼri nɔ̀ŋì inən nɔ̀ʼ ane nyumə̀ ne wì ya tangi isəg.

Lk 21:8

Wì ya ywìtì gha, “Mbə̀ niŋə nyùmə̀ gha imbə̀ʼ mbi nɔ̀ʼ chè tàmbi awən. Mə ya ghà ane imbə̀ʼ icheg ne bəd nɔʼ nɔʼ biri yeʼe ane ìmə ikum. Wə̀d imɔʼ imɔʼ abɔ̀ʼ inɔb biri se yḛ̀ nè gha, à ya zìye ne Ŋwiye zɔ̀ʼi, bə̀ nè gha, nyùmə̀ we fə tinde. Imbə̀ʼ mbə̰ beni awən abɔ̀ʼ inɔb.

Ɨ̀fàʼì 20:32

Amad anìŋ, mə zì awən ikye abo abə Ŋwiye bə̀ nàʼ awən abə ikən we ne ghàmà imbə̀ʼ ìchɔ̀mì Ŋwiye. À ya ikən we ne tì wì ghì mbə kweg bə̀ bèrì ighi mbe ne Ŋwiye nɔŋi abə bəd məjìm mbe ne Ŋwiye ghi mbi zen.

Ɨ̀fàʼì 24:25

Pɔl ya chè imbìghè ghàm imbə̀ʼ anug ni təm kòʼ, anug ni nyimbi nyɔd fɔrɔ anug imbə̀ʼ aneg ze ne yèʼe ne Ŋwiye biri saʼ bəd. Gɔbnà Feligs ya bɔ si ghà abə Pɔl gha, “Àghò saŋa awe ane, ghò awe. Anyumə̀ ne mə̀ biri bèrì apan chɔm, mə biri kàrì awe.”

Rm 1:18

Agaŋ Ŋwiye fə yeʼe tikaŋ igun bəd məjìm ne ghìyə̀ inug tibɔ̀ŋ imbə̀ʼ icheg ne chəyi ìwɔb ikuchèg we nàʼà apan gha bəd kyeri tesiʼ.

1 Kɔrèn 15:33

Imbə̀ʼ mbə̰ bḛ awən gha wə̀d mɔ̀ʼɔ tambi awən. Mbə̀ kyeri gha, “Mə̀sə̀ʼ tibɔ̀ŋ ya chìkə̀ bəd inug chɔm.”

1 Kɔrèn 15:50

Ìmbum məfi fɔrɔ ìtum njàbi, anug ne mə ghà inən ya gha, chəyi wə̀d ne beri nyàmnyɔd tì anəm inga biri jəg anug ìfɔ̀n Ŋwiye. Chəyi nyàmnyɔd ze ne kùyə biri jəg ighi mbe ne yàʼa ane ighə̀m imɔʼ.

1 Kɔrèn 3:16

Kwàʼ tesiʼ tesiʼ, àkə chəyi mbə̀ kyeri gha ìtən nyàmnyɔd ya mbàn Ŋwiye. Àkə chəyi mbə bə kyèri gha Azwighi Ŋwiye ze chùghə inga ìtən nyàmnyɔd.

1 Kɔrèn 5:1

Mə zug gha bəd mɔ̀ʼɔ mbe abɔ̀ʼ inən ne ghìyə̀ ifanì inug. Iku àfànì we bə, fɔrɔ bèyi abə bəd ne chəyi mbi kyeri Ŋwiye. Mə fə zug gha wə̀d mɔ̀ʼɔ abɔ̀ʼ inən we nɔ̀kɔ̀ iweg mbaʼ məd.

1 Kɔrèn 5:10

Chəyi mə ghàmà yaʼ imbə̀ʼ bəd ne chəyi mbi bḛ Ŋwiye ne ghìyə̀ ifanì inug, kə̀ bəd ne ghə̀ʼrə̀ ighi ijìm, kə̀ məji, kə̀ bəd ne ghùmnə mə̀ŋwiye. Àkə ane, nji mbə̰ bèrì ni fə dù inga isəg gho̰.

1 Kɔrèn 5:11

Anug ne mə ghà ya gha, imbə̀ʼ mbə̰ ya jə̀grə awən tì wə̀d ne gha zìye ya wə̀d Kristo bə̀ ywìrè kiri ghìyə̀ ifanì inug, kə̀ ghùmnə mə̀ŋwiye, kə̀ chìkə̀ tikum bəd, kə̀ no be, kə̀ bə̀ jìye, kə̀ bə̀ ghə̀ʼrə̀ ighi bəd ndəŋ. Imbə̀ʼ mbə̰ bi chughi awən aseg ni jəg tì iku wə̀d we.

1 Kɔrèn 6:10

kə̀ məji, kə̀ bəd ne ghə̀ʼrə̀ ighi, kə̀ bəd ne no be, kə̀ bəd ne chìkə̀ tikum bəd, kə̀ bəd ne pàŋà ighi bəd. Chəyi wə̀d ne fàʼà tiku inug ìto̰ biri nyi inga anug ìfɔ̀n Ŋwiye.

1 Kɔrèn 6:18

Mbə̀ noro awən ane anug àfànì! Inug tibɔ̀ŋ ndəŋ mbe ne bəd mbe ghìyə̀ ijìm ya kayi igun nyàmnyɔd wə̀d icheg anug àfànì. Wə̀d ne fànà ya ghìyə̀ anug tibɔ̀ŋ kwàʼ igun ìzi nyàmnyɔd.

1 Kɔrèn 6:19

Chəyi mbə̀ kyeri gha ìtən nyàmnyɔd ya asiŋi ne Azwighi Ŋwiye ze ne Ŋwiye ya nàʼi inən ze chùghə inga? À ya Ŋwiye beri ìtən nyàmnyɔd, kayi mbə̰.

1 Kɔrèn 9:24

Mbə̰ kyèri àzən aghi gha, bəd ne nyi inga ànòtì ya nɔ̀ʼɔ, si ya gha, wə̀d ne nìŋə ineʼi wə̀d mbègtog ya məyi imɔʼ. Ane, mbə̀ noto icheg bəd ne biri niŋ ineʼi wə̀d mbègtog.

2 Kɔrèn 12:21

Mə we bɔ gha, anyumə̀ ne mə̀ ywirì yèʼe, Ŋwiye biri swi amə aseg inən imbìghè. Ŋwiye biri ghì mə dèg imbə̀ʼ bəd nɔʼ nɔʼ ne chəyi mbi kiri bəŋi fìŋ sìkì inug tibɔ̀ŋ. Chəyi mbi kiri bəŋi ìtɔb fìŋ chì ane àfànì tì anug ni nɔ̀kì mə̀yi kə̀ mbaŋà abu abu.

Gàlesìyà 6:7

Imbə̀ʼ mbə̰ si tamba awən ìwən nyɔd. Chəyi tì wə̀d niŋ Ŋwiye ane anen. Aghi ze ne wə̀d nyɔ̀ʼi, à ya àzewən ne wì biri kab.

Kòlosè 3:5

Mbə̀ waʼ tikɔndi te ne mbə̀ beri imbə̀ʼ ighi igun isəg ne ìtən nyàmnyɔd te ghə̀ʼrə̀. Inug mbe ya: anug ni nɔ̀kì mbaŋà kə̀ nɔ̀kì mə̀yi abu abu fɔrɔ izṵ inug, tì anug ni ghə̀ʼrì ighi, tì tikɔndi imbə̀ʼ inug tibɔ̀ŋ fɔrɔ adɔʼ. Wə̀d ne ghə̀ʼrə̀ ighi igun isəg ya kwàʼ icheg wə̀d ne ghùmnə mə̀ŋwiye ako.

Mə̀Hibrù 12:14

Mbə̀ kirə ika ni chughi ane àbɔrɔ̀bɔd ti wə̀d ijìm bə̀ chùghi inga ìzḛzḛ. Àmə chəyi ze yaʼi ane, nji chəyi wə̀d ne biri ghum bàd Anɔŋisəg.

Mə̀Hibrù 12:16

Imbə̀ʼ wə̀d mɔ̀ʼɔ abɔ̀ʼ inən ya nɔ̀kɔ̀ yi mbaŋà kə̀ mə̀yi abu abu. Imbə̀ʼ wə̀d mɔ̀ʼɔ bə yaʼ yi icheg Esawò ne chəyi wì ya kyeri Ŋwiye. Esawò yaya ghìyə̀ inug ne chəyi mbi koʼi imbìghè abə Ŋwiye. Chəyi wì yaya bə̀ bɔ Ŋwiye. Wì ya fèn àzi ati ŋwan mbèg ane akaŋ ighijəg.

Mə̀Hibrù 13:4

Wə̀d ijìm ghumni inam. Imbə̀ʼ wə̀d waʼ yi ìwi iweg kə̀b àyi ndəŋ. Imbə̀ʼ àyi bə waʼ yi ìwi inɔm kə̀b mbaŋà ndəŋ. Tesiʼ ya gha, Ŋwiye biri sɔb isaʼi zì ngəʼ igun bəd mbe ne fànà.

Jems 1:16

Ìmbum məfi fɔrɔ ìtum njàbi, imbə̀ʼ mbə̰ bḛ awən gha wə̀d mɔ̀ʼɔ tambi awən.

1 Jɔn 3:7

Ìmbum bɔn ne mə̀ taŋ kɔ̀ŋ, imbə̀ʼ mbə̰ saŋa awən gha wə̀d mɔ̀ʼɔ febre awən. Wə̀d ne ghìyə̀ inug ne təmi kòʼ, tengàŋ ya wə̀d ne bə̀ təm kòʼ icheg ne Kristo bə̀ təm kòʼ.

Ɨnû 21:8

Si ya gha, bəd ne bɔ, bəd ne chəyi mbi ywirì bḛ Kristo, kə̀ ne ghìyə̀ inug tibɔ̀ŋ yeti yeti, kə̀ ne zwète bəd, kə̀ ne nɔ̀kɔ̀ mbaŋà kə̀ nɔ̀kɔ̀ mə̀yi abu abu, kə̀ ne ghìyə̀ tikaŋì, kə̀ ne ghùmnə mə̀ŋwiye fɔrɔ bəd məjìm ne mə̀tə inug ako, mbi biri nwìyḛ̀ inga atəŋ iywid kyen ze ne bère tì sɔfɔ̀. Aŋa ya iwu we ne pè ane ibe.”

Ɨnû 22:15

Bəd mbe ne yaʼi anjìm isəg ane asiŋi ze ya bəd inug tibɔ̀ŋ tì bəd ne ghìyə̀ tikaŋì tì bəd ne nɔ̀kɔ̀ mə̀yi kə̀ nɔ̀kɔ̀ mbaŋà abu abu tì bəd ne zwète mə̀mbin, tì bəd ne ghùmnə mə̀ŋwiye fɔrɔ bəd ne kɔ̀ŋɔ̀ ni ghà inug ako bə̀ kɔ̀ŋɔ̀ ni ghì inug iji.