1 Kɔrèn 6:20 - Ikan feg

²⁰ Ŋwiye ya zon awən ane àka inun. Ane, mbə̀ se ghùmnə Ŋwiye ane ìtən nyàmnyɔd.

Meta’

²⁰ Ŋwìə̀ nyaʼa fə zon əwən ənɨ ɨkab nɔnɔʼ. Əne mbə̀ nɨŋ ə ɨnyod wumnɨ ə Ŋwiə̀ əŋgu.

1 Kɔrèn 6:20 ပူးပေါင်းရင်းမြစ်များ

Matìyò 5:16

Ane, mbə̰ bə ghì gha ìwən ìzḛzḛ ya zùʼə bəd məjìm ya bàrà. Bəd biri se bàrà ìmbən inug chɔm se nàʼà ighumni abə ìwən Mbaʼ we ne yaʼi ikaŋ àbɔ̀ŋɔ.”

Ɨ̀fàʼì 20:28

Mbə̀ se kyèʼrè ìtən nyàmnyɔd mbə̰ mbə̰. Mbə̀ bə se kyèʼrè bəd Kristo məjìm mbe ne Azwighi Ŋwiye chɔʼi awən ane itog bəd ne fàʼà inɔb. Mbə̀ kyeʼre ifeti bəd Ŋwiye mbe ne məd ya zo̰ ane anəm Ŋwan məd.

Rm 12:1

Ìmbum məfi fɔrɔ ìtum njàbi, mə̀ ya anìŋ nə̀rə awən gha, icheg ne Ŋwiye chwi àsɔ̀mnəfiŋ igun ina, mbə̀ naʼa ìtən nyàmnyɔd abə Ŋwiye icheg aghi àfàtì ìzḛzḛ ne kiri biri izɔm ne Ŋwiye biri kɔ̀ŋ. À ya ikuchèg ne bɔŋi ni ghumni Ŋwiye ya iwe.

Rm 6:19

Mə ya nìŋə inug ne mbə̀ kyeri icheg bəd-aku ni ghàm inən anìŋ, ni ghì gha ìmbən itog zen. Mbə̰ ya kweʼì niŋ ìmbən isiŋi nyɔd icheg məfeg ni ghì izṵ inug nɔʼ nɔʼ fɔrɔ ni ghì inug izəg nɔʼ nɔʼ. Amad anìŋ, mbə̀ si niŋ ìtən nyàmnyɔd ni ghì yaʼ inug ne təmi kòʼ fɔrɔ ni ghì gha Ŋwiye so awən mbə̀ zen mànì.

1 Kɔrèn 10:31

Ane, kə̀ mbə kə ghìyə̀ anug mɔ̀ʼɔ, kə̀ jə̀ghə kə̀ no, mbə̀ ya ghìyə̀ inug ijìm ni nàʼ ighumni abə Ŋwiye.

1 Kɔrèn 7:23

Ŋwiye ya fə zon awən ane àka inun. Ane, imbə̀ʼ mbə̰ si nyi awən ane anug àbòʼì abə wə̀d-aku.

Gàlesìyà 3:13

Kristo ya zeri awa abə ndɔ̀n ze ne mə̀nɔ̀ʼɔ̀ ya zi igun ina. Wì ya ghì ane icheg ne məd ya bèʼi ìza ndɔ̀n igun àzi atog kwàʼ zìye zìye. A ze inga Àŋwàʼrì Ŋwiye gha, “Ndɔ̀n Ŋwiye ze igun wə̀d ne mbi swḛ aməd, wì ku ikaŋ azed abaʼri.”

Fìlipì 1:20

Anug ne mə taŋ kə̀bə̀, ne mə bə̀ taŋ nɔ̀ŋɔ̀ ikɔndi igun ya gha, imbə̀ʼ ze nɔ̀ʼ chwi gha mə beri tìnìrètog. Mə kə̀b ni bèrì fìŋ ka ka ni gha, inga ìmbum inug ijìm, kə̀ àkə iwu kə̀ ìtḛ̀, mə biri ya ghùmnə Kristo mà nyumə̀ ijìm fɔrɔ amad anìŋ ne mə̀ yaʼi inga nəb ndəŋ .

Mə̀Hibrù 9:12

Ane, chəyi Yeso ya nyi inga asiŋi ne zḛ mànì inga mbàn Ŋwiye tì anəm gwi fɔrɔ anəm pɔ̀ŋ. Wì ya tùtì yaʼ àzi tì anəm ni zeri bəd məjìm ane ighə̀m imɔʼ.

1 Pità 1:18

Mbə̰ kyèri àzən aghi gha chəyi Ŋwiye ya zeri awən chì inga ikuchèg tibɔ̀ŋ we ne ìmbən mə̀mbaʼ aneg ya sàŋì inən ane ighi ako icheg ikab gol, kə̀ ikab sibà.

1 Pità 2:9

Àsi awən, mbə̰ ya inəbi ne Ŋwiye chɔ̀ʼi. Mbə̰ ya bəd Mbàn Ŋwiye ne fàʼà abə Ŋwiye, ìwən ifɔn. Mbə̰ ya aben bəd ne zḛ. Mbə̰ ya kwàʼ bəd Ŋwiye. Wì chɔʼ awən gha mbə̀ chete inug yeti yeti ne wì fə ghi. À ya Məd ya chɔʼi awən chì inga isəg afub si zì inga ìzḛzḛ chɔm chɔm məd.

2 Pità 2:1

Bədkə̀n ne ghà inug ako ya yaʼ abɔ̀ʼ bəd Ŋwiye a mbègtog. À ya ane ne mə̀chwitinùg ako biri bə̀ yaʼ abɔ̀ʼ inən. Mbɔb biri chì tiwe chwìti inug ako ne chìkə̀ bəd Kristo. Mbɔb biri ton awɔb fɔrɔ Anɔŋisəg we ne zeri awɔb. Mbi biri ghì ane, ngəʼ kyen nyi igun inɔb.

Ɨnû 5:9

Mbi ya zə̀ʼ ikyeg feg gha, “Àghò taŋ kòʼ ni niŋ àŋwàʼrì ze ne mbe kàri kari chì ìnen, fìʼì. À ya ane imbə̀ʼ icheg ne mbi ya kyemi awe. Ane, anjìm anəm ze ne àghò ya tùti igun azed abaʼri, àghò fə zèri bəd chì inga ngəʼ ghì mbi si yaʼ bəd Ŋwiye. Bəd mbo̰ ne àghò zo̰ ya bəd inga tinəbi ijìm, fɔrɔ inga tìngam ijìm, fɔrɔ inga isiŋi ijìm, bə̀ fɔrɔ inga iben ijìm.