1 Kɔrèn 6:11 - Ikan feg

¹¹ Bəd mɔ̀ʼɔ abɔ̀ʼ inən yaya ghìyə̀ inug mbo̰. Si ya gha, ika Anɔŋisəg Yeso Kristo fə chè anjìm Azwighi Ŋwiye sò awən bə̀ zèni awən, ghì mbə təm kòʼ imbìghè abə Ŋwiye.

Meta’

¹¹ Bə̂d mɔʼɔ rəbɔʼ nən mbɨə nyaʼə ghɨ̀ ɨnû mbɔ̂. Àyɨə Ə̀nùŋɨ̀sɨg Yeso Kristo mbɨ Əzwî à Ŋwiə̀ fə sò əwən bə̀ zeŋnɨ əwən, ghɨ̀ mbə təm kùʼnɨ̀.

1 Kɔrèn 6:11 ပူးပေါင်းရင်းမြစ်များ

Matìyò 20:4

Ane, wì ya ghà inɔb gha, ‹Mbə̀ bə ghò fàʼ inga ìmə mben vayìn. Mə biri bə nàʼ ikab ne koʼi inən.›

Lk 18:14

Mə gha tesiʼ inən gha, wə̀dtag gho̰ ya təm kòʼ imbìghè abə Ŋwiye chè Farìsi we bɔŋ mbi ya se bə̀ndə̀ ghò a achan. Mbə̀ kyeri gha, wə̀d ne nɔ̀ nyɔd, Ŋwiye biri swi aməd. Wə̀d ne swi ìwi nyɔd, Ŋwiye biri nɔ̀ aməd.”

Jn 13:10

Yeso ya ywìtì gha, “Chəyi wə̀d ne fə sò nyɔd ijìm ywiri beri ni sò nyɔd. Wì biri si so yaʼ ìmbi ighog imbə̀ʼ icheg ne nyɔd məd we zḛ yi. Ane, mbə̰ mbe zḛ awən. Si ya gha, kayi mbə̰ məjìm zḛ.”

Jn 13:8

Pità ya ywìtì gha, “Indèʼ, chəyi àghò biri nɔ̀ʼ sò ìmbum ighog ka.” Yeso ya ywìtì ibo gha, “Àmə chəyi mə̀ so ìmbe ighog, kyeri gha, chəyi àghò biri ywiri yaʼ ane anug amɔʼ tì inum.”

Jn 5:4

Angirə̀ Ŋwiye yaya yèʼe ni chìʼrì atəŋ ze. Anyumə̀ ne igyi we chìʼrè, wə̀d aghɔn mbègtog ne biri nyi inga atəŋ, kə̀ àkə iku aghɔn weg, aghɔn məd ya mèghè.]

Ɨ̀fàʼì 13:39

Ane, Ŋwiye fə ghì wə̀d imɔʼ imɔʼ we ne bḛ Kristo wì təm kòʼ, ne chəyi tì mə̀nɔ̀ʼɔ̀ Muse ya ghì wə̀d təm kòʼ.

Ɨ̀fàʼì 22:16

Ane, àghò kə amad anìŋ ghɔ̀mɔ̀ aghə? Nɔ̀ʼɔ titighe, niŋ mənib, dèg abə Anɔŋisəg wì so ìmbe inug tibɔ̀ŋ.›

Ɨ̀fàʼì 26:18

Àghò biri ghò fìʼì àzɔb aghə ni gha mbe duwə inga isəg afub nyi inga ìzḛzḛ, bə̀ dù ane Sàtàn ghò abə Ŋwiye. Mbi mə̀ ghì ane, Ŋwiye biri waʼ ìmbɔb inug tibɔ̀ŋ bə̀ nɔ̀ŋì awɔb abɔ̀ʼ bəd mbe ne wì fə zeni imbə̀ʼ icheg ne mbi nɔŋi ìtɔb fìŋ igun inum.›

Rm 3:24

Ŋwiye fə ghì gha mbe təm kòʼ icheg ne wì bə̀ ghì ìchɔ̀mì inɔb. Ìchɔ̀mì we ya ineʼi ne wì nàʼi inɔb anjìm Yeso Kristo ne wì ya chɔʼi gha wì zeri awɔb.

Rm 4:5

Si ya gha, bəd ya tə̀mə zḛ imbìghè abə Ŋwiye anjìm ìwɔb ibḛfiŋ, kayi imbə̀ʼ ìmbɔb ìfàʼì. À ya Ŋwiye we ghìyə̀ gha bəd təm kòʼ ibo imbìghè.

Rm 5:1

Icheg ne Ŋwiye fə ghi tì təm kòʼ anjìm ibḛfiŋ, tì fə se ane àbɔrɔ̀bɔd tì Ŋwiye anjìm ìwa Anɔŋisəg Yeso Kristo.

Rm 5:9

Icheg ne anəm Yeso fə ghi tì təm kòʼ imbìghè abə Ŋwiye, à ya kwàʼ ane ne Ŋwiye biri chì àzi agaŋ igun ina anjìm Kristo.

Rm 8:30

Bəd mbe ne Ŋwiye ya chì awɔb nɔ̀ŋì icha, wì ya kàrì awɔb gha mbe yaʼ ìmbi bəd. Mbɔb mbe ne wì ya kàri awɔb, wì ya ghì mbi təm kòʼ ibo imbìghè, bə̀ si nàʼ ighumni inɔb.

Rm 8:33

Wə̀d ne zìyè isaʼi igun bəd mbe ne Ŋwiye chɔ̀ʼi àkə we? Ŋwiye fə ghà kwàʼ zìye zìye gha chəyi mbi gughi anug.

1 Kɔrèn 1:2

Tì ya ŋwàʼrà anìŋ abə ifeti bəd Ŋwiye we ne yaʼi a Kɔrèn. Ŋwiye ghì mbi zen icheg ne mbi yaʼi ane ifɔti tì Kristo. Ŋwiye ya bə̀ kàrì awɔb ni gha mbe yaʼ ìmbi bəd. Tì ya bə̀ ŋwàʼrà anìŋ abə bəd məjìm ne ghùmnə Anɔŋisəg Yeso Kristo inga isəg ijìm. Məd ya Anɔŋisəg inɔb fɔrɔ ina.

1 Kɔrèn 1:30

Wì ya bə̀ ghì gha mbə̀ yaʼ ane ifɔti tì Yeso Kristo. Kristo ya ìwa iwe ne nɔ̀ʼi abə Ŋwiye. Anjìm Kristo, mba ya si bəd ne təmi kòʼ imbìghè abə Ŋwiye. Mba ya si bəd ne bə təm zen imbìghè abə Ŋwiye. Mba ya bəd ne Ŋwiye fə bə zèri awa chì ane inug tibɔ̀ŋ.

1 Kɔrèn 12:2

Mbə̀ kyeri gha anyumə̀ ne chəyi mbə̰ ya kiri bḛ Ŋwiye, mbi yaya fèbrè awən ane tinɔnjì nɔʼ nɔʼ ghìyə̀ mbə se ghùmnə mə̀ŋwiye ako ne chəyi mbe ghàmà.

Gàlesìyà 2:16

Tè kyèri àza aghi kwàʼ tesiʼ gha, chəyi tì wə̀d təm kòʼ imbìghè abə Ŋwiye anjìm icheg ne wì nɔŋi mə̀nɔ̀ʼɔ̀ Muse. Wə̀d ne təmi kòʼ imbìghè abə Ŋwiye ya wə̀d ne nɔŋi ìwi ibḛfiŋ igun Yeso Kristo. Ane, mba mə̀Ju fə bə̀ nɔ̀ŋì ibḛfiŋ igun Yeso Kristo ni ghì gha tè təm kòʼ. Tè təm kòʼ anjìm ìwa ibḛfiŋ igun Kristo, kayi anjìm icheg ne tì nɔŋi anug ne mə̀nɔ̀ʼɔ̀ Muse mbe kə̀bə̀. Chəyi tì wə̀d təm kòʼ anjìm icheg ne wì nɔŋi mə̀nɔ̀ʼɔ̀ Muse.

Gàlesìyà 3:11

Ze fə bì dù zen gha, kayi mə̀nɔ̀ʼɔ̀ biri ghì wə̀d təm kòʼ imbìghè abə Ŋwiye imbə̀ʼ icheg ne Ìngam Ŋwiye ya fə bì ghà gha, “Bəd mbe ne təmi kòʼ biri jəg ìtḛ̀ ighə̀m imɔʼ anjìm icheg ne mbi nɔŋi ìwɔb ibḛfiŋ igun Ŋwiye.”

Gàlesìyà 3:24

Ŋwiye ya nàʼ mə̀nɔ̀ʼɔ̀ gha mbe kyeʼre awa ghò pè ane nyùmə̀ ne Yeso Kristo ya yeʼe. À ya Kristo ghì tì təm kòʼ imbìghè abə Ŋwiye anjìm ibḛfiŋ ne tì nɔŋi igun məd.

Gàlesìyà 3:8

Ìngam Ŋwiye ya fə bì ghum ghà gha, Ŋwiye biri ghì bəd mbe ne kayi mə̀Ju mbi si bəd Ŋwiye anjìm ìwɔb ibḛfiŋ. À ya aton ne, Ŋwiye ya fə bi ghà ikən chɔm gho̰ abə Abràham gha, “Ŋwiye biri chè ine anjìm zì àbɔrɔ̀bɔd igun iben ijìm.”

Efesùs 5:26

Wì ya ghì ane ni sò awɔb gha mbe zen, bə̀ sò awɔb ane Ìngam Ŋwiye icheg ne mbe sò wə̀d ane mənib.

Efesùs 5:8

À ya yaʼ inga nyùmə̀ mɔ̀ʼɔ, mbə̰ yaya ghìyə̀ inug icheg bəd ne yaʼi inga afub. Àsi amad anìŋ ne mbə̰ ya fə si bəd Anɔŋisəg, mbə̀ se ghìyə̀ inug ne chwìye gha mbə̰ fə se inga ìzḛzḛ.

2 Tès 2:13

Ìmbum məfi fɔrɔ ìtum njàbi ne Anɔŋisəg kɔ̀ŋi, ze kòʼ ina ni ya nàʼà məyakà abə Ŋwiye imbə̀ʼ awən mà nyumə̀ ijìm imbə̀ʼ icheg ne Ŋwiye ya chɔʼ awən bɔŋ se tànga isəg gha mbə̀ pum. Mbə̰ biri pum icheg ne Azwighi Ŋwiye ze ghìyə̀ mbə zḛ, fɔrɔ anjìm icheg ne mbə̀ nɔŋi ibḛfiŋ igun tesiʼ.

Mə̀Hibrù 10:22

tè tindi iban Ŋwiye ane fìŋ ijìm bə̀ nɔ̀ŋì ìwa ikɔndi ijìm igun məd. Tè tindi ane tì fìŋ ne Ŋwiye fə so tikɔndi tibɔ̀ŋ chì fɔrɔ tì nyàmnyɔd ne Ŋwiye fə so ane mənib zḛ zḛ.

Mə̀Hibrù 10:29

Àsi wə̀d ne wèghè Ŋwan Ŋwiye, ne bə̀ wèghè anəm ze ne Ŋwan Ŋwiye nìŋi wàd ikan we ne ghi tì zen, bə̀ wèghè Azwighi Ŋwiye ze ne ghi ìchɔ̀mì ina, mbə kɔ̀ndi gha Ŋwiye biri si chə awɔb iye?

Mə̀Hibrù 2:11

Ane, Yeso we ne ghìyə̀ bəd zḛ, məd tì bəd mbe ne məd fə ghi mbi zen, mbɔb məjìm ya se bɔn ane mbaʼ fìbì. À ya aton ne chəyi Yeso ya bèrè tìnìrètog ni kàrì awɔb ane ìmbi məfi fɔrɔ ìti njàbi.

1 Pità 1:2

Ŋwiye ne yaʼi Mbaʼ ya chɔʼ awən gha mbə̀ yaʼ ìmbi bəd kwàʼ icheg ne wì ya fə chuʼri nɔ̀ŋì. Azwighi Ŋwiye fə sò awən ane anəm Yeso ghì mbə zen bə̀ ghì gha mbə̀ se zùgrə Yeso Kristo. Ŋwiye taŋ ghì ìchɔ̀mì inən bə̀ taŋ ghì mbə̀ chughi ane àbɔrɔ̀bɔd.

1 Pità 1:22

Mbə̰ fə ghì ìtən fìŋ zen icheg ne mbə̰ mbe ghìyə̀ inug mbe ne yaʼi mbe tesiʼ. Mbə̀ taŋ kɔ̀ŋ ìmbən məfi fɔrɔ ìtən njàbi kwàʼ icheg chɔm. Mbə̀ ya kɔ̀ŋɔ̀ wə̀d imɔʼ imɔʼ kwàʼ inga ìtən fìŋ.

1 Pità 3:21

Mənib mbe ya si yaʼ icheg mənib mbo̰ ne mbə̰ mbe nìŋə amad anìŋ ni chwi gha mbə̰ fə pum. Anyumə̀ ne mbə̰ mbe nìŋə mənib, à ya kayi ni sò tifiŋi inən igun nyɔd. À ya anug ni chwi gha mbə̰ bḛ Ŋwiye ane fìŋ zḛ zḛ. Ane, mbə̰ fə pum anjìm icheg ne Yeso Kristo ya zweme ane iwu.

1 Jɔn 2:12

Ìmbum bɔn ne mə̀ taŋ kɔ̀ŋ, mə̀ ya ŋwàʼrà anìŋ inən imbə̀ʼ icheg ne Ŋwiye fə waʼ ìmbən inug tibɔ̀ŋ anjìm Kristo.

Ɨnû 1:5

Yeso Kristo we ne ghà tesiʼ, ne yaʼi wə̀d mbègtog ne ya zweme ane iwu, ne à ya məd we tùmbə̀ məfɔn məjìm igun isəg, wì ghiyə ìchɔ̀mì inən bə̀ ghì mbə̀ chughi ane àbɔrɔ̀bɔd. Yeso kɔ̀ŋ awa. Ane, wì ya chè anjìm anəm ze ne wì ya tùti igun azed abaʼri, chì awa aton ika we ne inug tibɔ̀ŋ ya beri igun ina.

Ɨnû 7:14

Mə ya ywìtì ibo gha, “Masà, Chəyi mə̀ kyeri. À ya àghò kyèri.” Wì ya ghà inum gha, “Aŋa ya bəd mbe ne fə che inga ngəʼ ze ne chè abo, si ya gha, chəyi mbi ku. Mbi fə sò ìtɔb ndwi maʼi inga anəm ze Ŋwan njə̀g ti se fùyə.