1 Kɔrèn 6:10 - Ikan feg

¹⁰ kə̀ məji, kə̀ bəd ne ghə̀ʼrə̀ ighi, kə̀ bəd ne no be, kə̀ bəd ne chìkə̀ tikum bəd, kə̀ bəd ne pàŋà ighi bəd. Chəyi wə̀d ne fàʼà tiku inug ìto̰ biri nyi inga anug ìfɔ̀n Ŋwiye.

Meta’

¹⁰ kɨ̀ mɨjɨ, kɨ̀ bə̂d mbe nɨə ghɨ̀ əjə, kɨ̀ mbe nɨə nɔə beə, kɨ̀ mbe nɨə chə̀kɨ̀ rɨkum bə̂d, kɨ̀ mɨjɨ bagɨ.

1 Kɔrèn 6:10 ပူးပေါင်းရင်းမြစ်များ

Matìyò 21:19

Wì ya pè asiŋi mɔ̀ʼɔ bàd azed fig iban inɔnjì, ghò nèn ikaŋ, si ya gha, chəyi wì ya bàri fitam azed ikaŋ angu. Wì ya bàd məyi tifuʼ awən. Ane, wì ya ghà abə azed ze gha, “Chəyi àghò biri ywìri nɔʼ ko!” Kwàʼ ati ati, azed ze ya zɔm.

Matìyò 23:13

Yeso ya chè imbìghè gha, “Ngəʼ kyen biri nyi igun inən, mbə̰ mə̀chwitì mə̀nɔ̀ʼɔ̀ tì mə̀Farìsi! Mbə̰ ya kwàʼ bəd ne bèmnè inug! Mbə̰ mbe kə̰ inuʼ akɔŋi gha imbə̀ʼ bəd nɔ̀ʼ nyi inga anug ìfɔ̀n ikaŋ. Chəyi mbə̰ mbe nyḭ̀yḛ inga. Chəyi mbə̰ mbe bə̀ kə̀bə̀ gha bəd ndəŋ ne kirə ika ni nyi inga, mbe nyi.

Matìyò 23:33

Mbə̰ ya kwàʼ jo! Mbə̰ ya kwàʼ ifighi! Mbə̀ kə dù inga ngəʼ ze ne yaʼi inga asiŋi ichə iye?

Jn 12:6

Chəyi Judàs ya gha ane imbə̀ʼ icheg ne wì ya beri ikɔndi ni wètì bəd ne chəyi àzɔb. Wì ya gha ane imbə̀ʼ icheg ne, məd ya bì iji. À ya məd yaya nyimi àbàn ikab. Ane, wì yaya chìyè ikab inga ikab we, fàʼà ìmbi inug ane icheg ne wì kɔ̀ŋi.

Ɨ̀fàʼì 20:32

Amad anìŋ, mə zì awən ikye abo abə Ŋwiye bə̀ nàʼ awən abə ikən we ne ghàmà imbə̀ʼ ìchɔ̀mì Ŋwiye. À ya ikən we ne tì wì ghì mbə kweg bə̀ bèrì ighi mbe ne Ŋwiye nɔŋi abə bəd məjìm mbe ne Ŋwiye ghi mbi zen.

1 Kɔrèn 15:50

Ìmbum məfi fɔrɔ ìtum njàbi, anug ne mə ghà inən ya gha, chəyi wə̀d ne beri nyàmnyɔd tì anəm inga biri jəg anug ìfɔ̀n Ŋwiye. Chəyi nyàmnyɔd ze ne kùyə biri jəg ighi mbe ne yàʼa ane ighə̀m imɔʼ.

1 Kɔrèn 5:11

Anug ne mə ghà ya gha, imbə̀ʼ mbə̰ ya jə̀grə awən tì wə̀d ne gha zìye ya wə̀d Kristo bə̀ ywìrè kiri ghìyə̀ ifanì inug, kə̀ ghùmnə mə̀ŋwiye, kə̀ chìkə̀ tikum bəd, kə̀ no be, kə̀ bə̀ jìye, kə̀ bə̀ ghə̀ʼrə̀ ighi bəd ndəŋ. Imbə̀ʼ mbə̰ bi chughi awən aseg ni jəg tì iku wə̀d we.

Gàlesìyà 5:21

anug ni ghə̀ʼrì ighi, anug ni no be, anug ni ya no be bə̀ se ghìyə̀ izṵ inug, fɔrɔ tiku inug ndəŋ ndəŋ ne yaʼi icheg ìto̰. Mə ya anìŋ ywìrè pàta awən icheg ne mə̀ ya fə pati gha, chəyi bəd mbe ne ghìyə̀ tiku inug ìto̰, biri nɔ̀ʼ jəg anug ìfɔ̀n Ŋwiye.

Efesùs 4:28

Wə̀d ne jìye, imbə̀ʼ wì ywiri jiye yi. Wì se fàʼà kwàʼ ane ìmbi ibo imbə̀ʼ bèrì ighi ne tì wì nàʼ mbi mɔ̀ʼɔ abə bəd ne chəyi àzɔb.

Efesùs 5:5

Mbə̀ kyeri gha, bəd mbe ne nɔ̀kɔ̀ mə̀yi kə̀ nɔ̀kɔ̀ mbaŋà abu abu kə̀ zùnə̀, kə̀ bəd mbe ne ghə̀ʼrə̀ ighi, chəyi mbi biri nyi inga anug ìfɔ̀n Kristo tì Ŋwiye. Aton ya gha, wə̀d ne ghə̀ʼrə̀ ighi ya bə̀ icheg wə̀d ne ghùmnə mə̀ŋwiye.

1 Tèsàlonikà 4:6

Ane anug azo̰, imbə̀ʼ wə̀d mɔ̀ʼɔ abɔ̀ʼ inən ghiyə yi anug tibɔ̀ŋ abə ìwi ifi kə̀ nyə̀ʼ aməd. Anɔŋisəg biri chə bəd mbe ne ghìyə̀ tiku inug tibɔ̀ŋ ìto̰ tijìm kwàʼ icheg ne tì ya fə gha inən bə̀ pàti awən.

1 Pità 4:15

Wə̀d mɔ̀ʼɔ abɔ̀ʼ inən mə̀ ya zə̰ ngəʼ imbə̀ʼ ze yaʼ yi gha à ya imbə̀ʼ icheg ne wì zwèti wə̀d, kə̀ wì ji kə̀ imbə̀ʼ ikuchèg tìbɔŋ ndəŋ mɔ̀ʼɔ kə̀ imbə̀ʼ icheg ne wì zi ìwi ichug inga inug bəd.