1 Kɔrèn 5:5 - Ikan feg

⁵ Mbə̀ saŋa mbaŋà ze ikye abo abə Sàtàn, ni gha Sàtàn chikə nyàmnyɔd məd. Àze biri nàʼ apan abə azwighi məd ni pum igun aneg ze ne Anɔŋisəg biri ywiri yeʼe.

Meta’

⁵ mbə̀ saŋ mbaŋə̀ zɔ̂ ɨŋga tɨkyerɨ-ɨbɔ Satàn ni wɨ̀ chəkɨ nyamnyod məd, ɨmbə̀ʼ əzwî əməd ə jwɨ rəŋgəʼ əni ze nɨ Ə̀nùŋɨ̀sɨg Yeso bɨrɨ wɨrɨ yeʼe.

1 Kɔrèn 5:5 ပူးပေါင်းရင်းမြစ်များ

Matìyò 4:10

Yeso ya ywìtì ibo gha, “Sàtàn! Sùngə iban inum! A ze inga Àŋwàʼrì Ŋwiye gha, ‹Ghumni məyi Anɔŋisəg ìwe Ŋwiye bə̀ fàʼ məyi ibo.›”

Lk 22:31

Yeso ya gha, “Sayimùn, Sayimùn. Nḛ! Sàtàn fə biri abə Ŋwiye gha we nàʼ ika ibo wè kwàʼra awən, kùtə̀ awən icheg ne mbe kùtə̀ ngə̀ŋ.

Ɨ̀fàʼì 26:18

Àghò biri ghò fìʼì àzɔb aghə ni gha mbe duwə inga isəg afub nyi inga ìzḛzḛ, bə̀ dù ane Sàtàn ghò abə Ŋwiye. Mbi mə̀ ghì ane, Ŋwiye biri waʼ ìmbɔb inug tibɔ̀ŋ bə̀ nɔ̀ŋì awɔb abɔ̀ʼ bəd mbe ne wì fə zeni imbə̀ʼ icheg ne mbi nɔŋi ìtɔb fìŋ igun inum.›

1 Kɔrèn 1:8

Məd biri bə ghì gha mbə̀ təm kà ghò pè ane ìnwḭ ni gha chəyi bəd biri gha mbə̰ gùg anug ane aneg ze ne Anɔŋisəg Yeso Kristo ywirì yèʼe.

1 Kɔrèn 11:32

Anyumə̀ ne Anɔŋisəg we sàʼa awa kə̀ bə̀ chə awa, à ya ni ghì gha tì təm kà, ni gha chəyi məd biri zì isaʼi igun ina anyumə̀ ne wì biri saʼ bəd məjìm igun isəg.

1 Kɔrèn 5:13

À ya Ŋwiye biri saʼ bəd mbe ne chəyi awɔb inga ifeti bəd Kristo. A ze inga Àŋwàʼrì Ŋwiye gha, “Mbə̀ kamni bəd mbe ne ghìyə̀ inug izəg chì abɔ̀ʼ inən.”

2 Kɔrèn 10:6

Anyumə̀ ne mbə̀ fə chwi gha mbə̰ mbe zùgrə Kristo ane inug ijìm, tì biri si kòʼ ni chə bəd mbe ne ghìyə̀ tìzughə̀ abə Kristo.

2 Kɔrèn 12:7

Ŋwiye ya sàŋì gha Sàtàn ziye aghɔn igun inum ni ghì gha imbə̀ʼ mə nɔ̀ʼ ya nɔ̀ nyɔd imbə̀ʼ iyeti inug kyen kyen mbe ne Ŋwiye ya chwi inum.

2 Kɔrèn 13:10

À ya aton ne mə̀ ŋwaʼri àŋwàʼrì azo̰ inən ne chəyi mə̀ kiri pe abɔ̀ʼ inən. Mə ŋwàʼrì anìŋ ni gha anyumə̀ ne mə̀ pe, chəyi mə̀ biri niŋ ika we ne Ŋwiye nàʼi inum ni ghàm tɔ inən. Ika gho̰ ya Anɔŋisəg nàʼi inum ni gha mə ghìyə mbə̀ təm kà ane ibḛfiŋ, kayi ni chìkì ìwən ibḛfiŋ.

Fìlipì 1:6

Mə kyèri kwàʼ tesiʼ gha, Ŋwiye we ne ya ko àfàʼì chɔm azo̰ ni fàʼ inga ìwən ìtḛ̀, wì biri chè imbìghè ni fàʼ ajìm ghò pè ane aneg ze ne Yeso Kristo biri ywiri yeʼe.

1 Timotì 1:20

Bəd mɔ̀ʼɔ abɔ̀ʼ inɔb ya Hemenùs tì Àlèzandà. Mə fə sàŋì awɔb ikye abo abə Sàtàn gha wì chwi inɔb gha chəyi ze bɔŋi ni ghàm inug tibɔ̀ŋ imbə̀ʼ Ŋwiye.

2 Timotì 1:18

Anɔŋisəg Yeso wete aməd bə̀ chwi àzi àsɔ̀mnəfiŋ ibo ane aneg ze ne Anɔŋisəg biri ywiri yeʼe. Àghò kyèri awe icheg ne wì ya wèti amə a Efesùs.

2 Pità 3:12

Icheg ne mbə̰ mbe ghɔ̀mɔ̀ aneg ze ne Ŋwiye biri ywiri yeʼe, mbə̀ kirə ika ghì gha aneg ze zàmbà yèʼe. Igun aneg ze, iywid biri tɔ̀n ikaŋ àbɔ̀ŋɔ, wi nim. Azuʼ ane iywid we biri ghì gha ighi mbe ne yaʼi ikaŋ àbɔ̀ŋɔ mbe sam.

1 Jɔn 5:16

Wə̀d mɔ̀ʼɔ mə̀ bàd ìwi ifi ne we ghìyə̀ anug tibɔ̀ŋ ze ne chəyi ze biri ghì gha wì ku nim, wì chaʼra Ŋwiye gha wì naʼa ìtḛ̀ ibo. Mə ya ghà yaʼ bəd ne ghìyə̀ inug tibɔ̀ŋ mbe ne chəyi mbe ghìyə̀ gha wə̀d ku nim. Anug tibɔ̀ŋ ze angu ne ghìyə̀ gha bəd ku nim. Chəyi mə gha wì chaʼra Ŋwiye igun bəd ne ghìyə̀ iku anug tibɔ̀ŋ we.