1 Kɔrèn 5:11 - Ikan feg

¹¹ Anug ne mə ghà ya gha, imbə̀ʼ mbə̰ ya jə̀grə awən tì wə̀d ne gha zìye ya wə̀d Kristo bə̀ ywìrè kiri ghìyə̀ ifanì inug, kə̀ ghùmnə mə̀ŋwiye, kə̀ chìkə̀ tikum bəd, kə̀ no be, kə̀ bə̀ jìye, kə̀ bə̀ ghə̀ʼrə̀ ighi bəd ndəŋ. Imbə̀ʼ mbə̰ bi chughi awən aseg ni jəg tì iku wə̀d we.

Meta’

¹¹ Àyɨə rɨ̀nîn, mə wɨə ŋwàʼnɨ̀ ɨ nən yeʼ ni tɨ mbə̀ jɨg ə̀sə̀ʼ mbɨ wə̀d mɔʼɔ we nɨ gha ni tə ben ə Kristo, àyɨə ɨ wɨə kɨrɨ ghɨ ɨfabrɨ-ɨnû, kɨ̀ ɨ wɨə ghɨ̀ əjə, kɨ̀ ɨ wɨə wumnɨ mbɨ̀anèŋ, kɨ̀ ɨ wɨə chə̀kɨ̀ rɨkum bə̂d, kɨ̀ ɨ wɨə nɔə beə, kɨ̀ ɨ wɨə jɨə. Tɨ mbə̀ be jɨg ə mbɨ ɨkwɨ wə̀d wɔ̂.

1 Kɔrèn 5:11 ပူးပေါင်းရင်းမြစ်များ

Matìyò 18:17

Àmə yaʼ aghi ne chəyi wì kiri kəbi ni zug, àghò mətə anug ze abə itog bəd inga ifeti bəd Kristo. Àmə bə̀ yaʼ aghi ne chəyi wì kiri kəbi ni zug abə itog bəd inga ifeti bəd Kristo, mbə̀ niŋ aməd icheg wə̀d ne chəyi wì kiri bḛ Ŋwiye, kə̀ icheg wə̀dtag.”

Matìyò 23:25

Ngəʼ kyen biri nyi igun inən, mbə̰ mə̀chwitì mə̀nɔ̀ʼɔ̀ tì mə̀Farìsi! Mbə̰ ya kwàʼ bəd ne bèmnè inug! Mbə̰ mbe sò njìm toʼ fɔrɔ njìm akaŋ, si ya gha, ighi ne sweghi inga toʼ te fɔrɔ ikaŋ mbe ya ighi ne mbə ghəʼri niŋ abə bəd fɔrɔ ighi ne mbə ghəʼri pàŋì abə bəd.

Lk 18:11

Icheg ne mbi ya gho ane, Farìsi we ya nɔ̀ʼ təm chàʼra Ŋwiye imbə̀ʼ ìwi nyɔd gha, ‹Ŋwiye mə nàʼ məyakà ine gha chəyi mə̀ yaʼi icheg mbaŋà tin. Mbaŋà tin ya məji, tì bəd ne ghìyə̀ inug tibɔ̀ŋ, tì bəd ne nɔ̀kɔ̀ mə̀yi bəd. Chəyi mə̀ bə̀ yaʼ icheg wə̀dtag gho̰.

Lk 21:34

Mbə̀ we awən, imbə̀ʼ ìtən fìŋ nɔ̀ʼ yaʼ ane anug ni jəg chè ndò, tì ane anug ni no be fɔrɔ anug ni ghə̀ʼrì ighi igun isəg, nji aneg ze biri yeʼe igun inən icheg ne atam ze gwìye nyam.

Ɨ̀fàʼì 1:15

Anyumə̀ we, Pità ya nɔ̀ʼ təm titighe inga fìghàra bəd mbe ne ya nɔŋi ibḛfiŋ igun Yeso. Mbi ya yaʼ ka bəd iki ifibì tì ìghum ibe.

Ɨ̀fàʼì 9:17

Ane, Ànàniyàs ya ghò nyi inga nəb ze, pè nɔ̀ŋì ìmbi ibo igun Sɔl, si ghà ibo gha, “Sɔl, ìmə ifi, Anɔŋisəg Yeso we ne du ghàm ine inɔnjì icheg ne àghò we kə̀ yèʼe aŋa, wì fə chà amə ine ni ghì gha àghò ywirì bàd isiŋi, Azwighi Ŋwiye bə yèʼe igun ine.”

Rm 13:13

Tì ghiyə ìwa ikuchèg we yaʼ icheg ìwi bəd ne yaʼi inga ìzḛzḛ tesiʼ. Imbə̀ʼ tì ghò awa ane isiŋi inug ne bəd mbe no be se ghìyə̀ izṵ inug tì inug ka ka. Imbə̀ʼ tì nyìme awa anug ni no be kə̀ àfànì kə̀ anug ni nɔ̀kì mə̀yi kə̀ mbaŋà abu abu kə̀ ìdɔ̀b kə̀ àzɔ̀ŋì.

Rm 16:17

Ìmbum məfi tì tum njàbi, mə we nə̀ri awən gha, mbə̀ we awən tì bəd mbe ne ghìyə̀ gha bəd Kristo ghapa bə̀ ghìyə̀ gha mbe febe inɔnjì. Mbi ya ghìyə̀ ane icheg ne mbi to̰ awɔb inug mbe ne mbə̀ ya fə nani. Imbə̀ʼ mbə̰ si jəgri awən tì inɔb

1 Kɔrèn 10:14

Icheg ne ze yaʼ ane, ìmbum mə̀sə̀ʼ ne mə̀ taŋ kɔ̀ŋ, mbə̀ to̰ awən anug ni ghumni mə̀ŋwiye.

1 Kɔrèn 11:21

Kayi itari ne mbə̰ mbe jə̀ghə imbə̀ʼ icheg ne wə̀d imɔʼ imɔʼ ya chè imbìghè se jə̀ghə ne chəyi we ghɔ̀mɔ̀ mə̀mbin. Ane, mbə̰ ya mə̀ nyi ifeti, bəd mɔ̀ʼɔ tḛ̀ witì jəg, ne mə̀mbin fə no be.

1 Kɔrèn 5:13

À ya Ŋwiye biri saʼ bəd mbe ne chəyi awɔb inga ifeti bəd Kristo. A ze inga Àŋwàʼrì Ŋwiye gha, “Mbə̀ kamni bəd mbe ne ghìyə̀ inug izəg chì abɔ̀ʼ inən.”

1 Kɔrèn 6:10

kə̀ məji, kə̀ bəd ne ghə̀ʼrə̀ ighi, kə̀ bəd ne no be, kə̀ bəd ne chìkə̀ tikum bəd, kə̀ bəd ne pàŋà ighi bəd. Chəyi wə̀d ne fàʼà tiku inug ìto̰ biri nyi inga anug ìfɔ̀n Ŋwiye.

1 Kɔrèn 6:6

Mə we bàrà yaʼ icheg ne wə̀d Kristo we nìŋə wə̀d Kristo ndəŋ ghò yaʼ abə bəd ne chəyi mbi bḛ Kristo gha mbe saʼ awɔb.

1 Kɔrèn 6:9

Àkə Chəyi mbə̀ kyeri gha chəyi bəd ne ghìyə̀ inug izəg biri nyi inga anug ìfɔ̀n Ŋwiye? Imbə̀ʼ wə̀d tàmba yi ìwi nyɔd ka! Chəyi bəd ne fànà biri nyi inga anug ìfɔ̀n Ŋwiye, kə̀ bəd ne ghùmnə mə̀ŋwiye, kə̀ mə̀yi nami ne nɔ̀kɔ̀ mbaŋà ndəŋ fɔrɔ mbaŋà ne nami ne nɔ̀kɔ̀ àyi ndəŋ, kə̀ mbaŋà ne chəyi zi nami ne nɔ̀kɔ̀ àyi, kə̀ mbaŋà ne nɔ̀kɔ̀ mbaŋà,

1 Kɔrèn 7:12

Àsi abə mə̀mbin, anug ne mə ghà inɔb ya gha, wə̀d Kristo ne beri iweg ne chəyi wì kiri bḛ Kristo, iweg məd we mə̀ kɔ̀ŋ ni chè imbìghè chughi tì məd, imbə̀ʼ wì to̰ yi aməd. Àzo̰ ya àmə ikɔndi. Kayi anug ne nɔ̀ʼi abə Anɔŋisəg.

1 Kɔrèn 7:15

Àmə yaʼ aghi ne wə̀d ne kayi wə̀d Kristo kɔ̀ŋi ni sàkì inam, ghò yi, mbe saŋa aməd wì gho yi. Ìywin tì wə̀d bèrì apan ni ywiri nam yi. Ŋwiye kɔ̀ŋ gha bəd chughi ane àbɔrɔ̀bɔd.

1 Kɔrèn 8:11

Ane ya gha, ifi we ne ibḛfiŋ məd bɔri, ne Kristo ya ku imbə̀ʼ aməd ya anìŋ kùyə imbə̀ʼ icheg ne mbə̰ mbe kɔ̀ndɔ gha mbə̰ bèrì iwe.

Gàlesìyà 2:12

Anug ze ya gha, bɔŋ bəd mɔ̀ʼɔ ne Jem ya tɔmi awɔb ya se yèʼe, Pità yaya jə̀ghə tì bəd ne kayi mə̀Ju. Àsi anyumə̀ ne mbi yeʼe, wì ko se sùngə̀ yi anjìm bə̀ se chìyè ìwi nyɔd ane bəd mbe ne kayi mə̀Ju. Wì yaya ghìyə̀ ane imbə̀ʼ icheg ne wì yaya bɔ bəd mbe ne yaya gha mbe ŋwed bəd məjìm mbe ne zi ibḛfiŋ igun Kristo icheg ne ikuchèg aben mə̀Ju yaʼi.

Efesùs 5:18

Imbə̀ʼ mbə̰ si no awən be imbə̀ʼ icheg ne mbə̰ mə̀ no mənoʼ be, mbə biri nyi inga anug ni nɔ̀kì mə̀yi kə̀ mbaŋà abu abu. Mbə̀ saŋa yaʼ Azwighi Ŋwiye ze sweg inga inən.

Efesùs 5:5

Mbə̀ kyeri gha, bəd mbe ne nɔ̀kɔ̀ mə̀yi kə̀ nɔ̀kɔ̀ mbaŋà abu abu kə̀ zùnə̀, kə̀ bəd mbe ne ghə̀ʼrə̀ ighi, chəyi mbi biri nyi inga anug ìfɔ̀n Kristo tì Ŋwiye. Aton ya gha, wə̀d ne ghə̀ʼrə̀ ighi ya bə̀ icheg wə̀d ne ghùmnə mə̀ŋwiye.

Kòlosè 3:5

Mbə̀ waʼ tikɔndi te ne mbə̀ beri imbə̀ʼ ighi igun isəg ne ìtən nyàmnyɔd te ghə̀ʼrə̀. Inug mbe ya: anug ni nɔ̀kì mbaŋà kə̀ nɔ̀kì mə̀yi abu abu fɔrɔ izṵ inug, tì anug ni ghə̀ʼrì ighi, tì tikɔndi imbə̀ʼ inug tibɔ̀ŋ fɔrɔ adɔʼ. Wə̀d ne ghə̀ʼrə̀ ighi igun isəg ya kwàʼ icheg wə̀d ne ghùmnə mə̀ŋwiye ako.

2 Tès 3:14

Wə̀d mɔ̀ʼɔ mə̀ yaʼ abɔ̀ʼ inən ne chəyi we zùgrə tikə ìto̰ ne tì ŋwàʼri inga àŋwàʼrì azo̰, mbə̀ nɔŋɔ ighə igun tengàŋ. Mbə̀ kye awən ane iku wə̀d we ni ghì gha wì bere tìnìrètog.

2 Tès 3:6

Ìmba məfi fɔrɔ ìta njàbi, tì ya ghà inən ane ikum Anɔŋisəg Yeso Kristo gha, imbə̀ʼ mbə̰ ya jə̀grə̀ awən tì bəd Kristo mbe ne ghìyə̀ igwed, ne chəyi mbe bə̀ zùgrə tikə te ne tì ya nàʼi inən.

1 Timotì 3:3

Imbə̀ʼ tengàŋ yaʼ yi wə̀d ne no mənoʼ be. Imbə̀ʼ wì yaʼ yi wə̀d ne kɔ̀ŋɔ̀ àzɔ̀ŋì. Wì bèrì ni yaʼ wə̀d ne bɔ̀tɔ, kayi wə̀d ne kɔ̀ŋɔ̀ ni tàŋ inug tì bəd. Imbə̀ʼ wì yaʼ yi wə̀d ne beri adɔʼ ikab.

1 Timotì 6:5

Inug mbe ya ghìyə̀ gha achɔb ya zàmbà dùwə̀ inga bəd ne chəyi mbi beri fìŋ chɔm fɔrɔ inga bəd mbe ne chəyi mbe ghà inug tesiʼ. Bəd inug ako mbo̰ ya kɔ̀ndɔ gha anug Ŋwiye ya inɔnjì ne tì mbi chè angu bèrì ikab.

2 Jɔn 1:10

Ane, wə̀d mɔ̀ʼɔ mə̀ yèʼe inən ne chəyi we chwìte inug mbo̰, imbə̀ʼ mbə̰ niŋ awən məd inga ìmbən ichan kə̀ bì chàʼrì aməd.

Ɨnû 2:14

Si ya gha, mə bèrì inug mɔ̀ʼɔ iki piʼi imbə̀ʼ awe. Bəd mɔ̀ʼɔ mbe abɔ̀ʼ inən ne bène abɔ̀ʼ inug mbe ne Balàm yaya chwìte. Balàm ya chwìti ikuchèg abə Balàk ni gha wì febri mə̀Izre imbə̀ʼ mbi jəg ighi mbe ne mbi yaya nàʼà ane ighi àfàtì abə mə̀ŋwiye. Wì ya bə̀ fèbrì awɔb gha mbe nɔkɔ mə̀yi abu abu.

Ɨnû 2:20

Si ya gha, mə beri anug mɔ̀ʼɔ imbə̀ʼ awe. Anug ze ya gha, chəyi àghò chɔ̀ʼri inug ìmbi àyi we ne mbe kàrà ane Jesebè. Məd we gha zìye ya wə̀dkə̀n àyi. Məd we chwìte inug ni fèbrì ìmbum bəd àfàʼì gha mbe ghi ifanì inug bə̀ ghì gha mbe jəg tijəg te ne mbe nàʼà ane ighi àfàtì abə mə̀ŋwiye.

Ɨnû 21:8

Si ya gha, bəd ne bɔ, bəd ne chəyi mbi ywirì bḛ Kristo, kə̀ ne ghìyə̀ inug tibɔ̀ŋ yeti yeti, kə̀ ne zwète bəd, kə̀ ne nɔ̀kɔ̀ mbaŋà kə̀ nɔ̀kɔ̀ mə̀yi abu abu, kə̀ ne ghìyə̀ tikaŋì, kə̀ ne ghùmnə mə̀ŋwiye fɔrɔ bəd məjìm ne mə̀tə inug ako, mbi biri nwìyḛ̀ inga atəŋ iywid kyen ze ne bère tì sɔfɔ̀. Aŋa ya iwu we ne pè ane ibe.”

Ɨnû 22:15

Bəd mbe ne yaʼi anjìm isəg ane asiŋi ze ya bəd inug tibɔ̀ŋ tì bəd ne ghìyə̀ tikaŋì tì bəd ne nɔ̀kɔ̀ mə̀yi kə̀ nɔ̀kɔ̀ mbaŋà abu abu tì bəd ne zwète mə̀mbin, tì bəd ne ghùmnə mə̀ŋwiye fɔrɔ bəd ne kɔ̀ŋɔ̀ ni ghà inug ako bə̀ kɔ̀ŋɔ̀ ni ghì inug iji.