1 Kɔrèn 5:10 - Ikan feg

¹⁰ Chəyi mə ghàmà yaʼ imbə̀ʼ bəd ne chəyi mbi bḛ Ŋwiye ne ghìyə̀ ifanì inug, kə̀ bəd ne ghə̀ʼrə̀ ighi ijìm, kə̀ məji, kə̀ bəd ne ghùmnə mə̀ŋwiye. Àkə ane, nji mbə̰ bèrì ni fə dù inga isəg gho̰.

Meta’

¹⁰ Kaʼi mə̀ gha bə̂d rɨŋga ɨsɨg wɔ̂ nɨə ghɨ̀ ɨfabrɨ-ɨnû, kɨ̀ mbe nɨə ghɨ̀ əjə, kɨ̀ mbe nɨə jɨə, kɨ̀ mbe nɨə wumnɨ mbɨ̀anèŋ. Mbə mɨ kəb ghɨ əne, njɨ mbə berɨ jwɨ rɨŋga ɨsɨg wɔ̂.

1 Kɔrèn 5:10 ပူးပေါင်းရင်းမြစ်များ

Lk 18:11

Icheg ne mbi ya gho ane, Farìsi we ya nɔ̀ʼ təm chàʼra Ŋwiye imbə̀ʼ ìwi nyɔd gha, ‹Ŋwiye mə nàʼ məyakà ine gha chəyi mə̀ yaʼi icheg mbaŋà tin. Mbaŋà tin ya məji, tì bəd ne ghìyə̀ inug tibɔ̀ŋ, tì bəd ne nɔ̀kɔ̀ mə̀yi bəd. Chəyi mə̀ bə̀ yaʼ icheg wə̀dtag gho̰.

Jn 15:19

Àkə ni gha mbə yaʼi abɔ̀ʼ bəd inga isəg, nji mbi ya kɔ̀ŋɔ̀ awən icheg ìmbɔb bəd. Tesiʼ ya gha, chəyi mbə̰ yaʼi abɔ̀ʼ bəd inga isəg. Mə fə chɔʼ awən chì inga isəg. À ya aton ne, bəd inga isəg mbe pàbà awən.

Jn 17:6

Yeso ya bə̀ chè imbìghè ni ghà abə Ŋwiye gha, “Bəd mbe ne àghò ya chi inga isəg nàʼ inum, mə fə ghì mbi kyeri awe. À ya ìmbe bəd ne àghò ya nàʼi awɔb inum. Mbɔb fə bə̀ zùgri ìwe ìngam.

Jn 17:9

Mə ya dèghè inug mbo̰ ine anìŋ, imbə̀ʼ bəd mbe ne àghò nàʼi inum ne yaʼi ìmbe bəd. Kayi imbə̀ʼ bəd məjìm igun isəg.

Jn 8:23

Yeso ya chè imbìghè ghà inɔb gha, “Mbə̰ ya bəd igun isəg. Àsi mo, mə̀ ya wə̀d ne nɔ̀ʼi ikaŋ àbɔ̀ŋɔ. Mbə̰ ya bəd inga isəg gho̰, Àsi mo, chəyi mə̀ yaʼi wə̀d inga isəg gho̰.

1 Kɔrèn 1:20

Ane, bəd mbe ne ghà gha mbɔb bèrì iwe, tì bəd mbe ne ghà gha mbɔb kyèri àŋwàʼrì kə̀ mbɔb kyèri icheg ni tàŋì anug, chəyi mbɔb ywirì bèrì ati? Ŋwiye fə chwi gha iwe we ne bəd mbe ne yaʼi inga nyùmə̀ isəg gho̰ mbe ghà gha mbɔb bèrì ya kwàʼ iwe anen.

1 Kɔrèn 10:27

Wə̀d ne chəyi wì bḛ Ŋwiye, wì mə kàʼ awən ane anug, nàʼ tijəg inən, mbə̀ jəg. Imbə̀ʼ mbə̰ biri awən inug mɔ̀ʼɔ ne biri ghì ìtən fìŋ se sàʼa awən inga.

1 Kɔrèn 5:11

Anug ne mə ghà ya gha, imbə̀ʼ mbə̰ ya jə̀grə awən tì wə̀d ne gha zìye ya wə̀d Kristo bə̀ ywìrè kiri ghìyə̀ ifanì inug, kə̀ ghùmnə mə̀ŋwiye, kə̀ chìkə̀ tikum bəd, kə̀ no be, kə̀ bə̀ jìye, kə̀ bə̀ ghə̀ʼrə̀ ighi bəd ndəŋ. Imbə̀ʼ mbə̰ bi chughi awən aseg ni jəg tì iku wə̀d we.

1 Kɔrèn 5:9

Mə ya ghà inga àŋwàʼrì ze ne mə̀ ya ŋwàʼri inən gha, imbə̀ʼ mbə̰ ya jə̀grə awən tì bəd mbe ne ghìyə̀ ifanì inug.

2 Kɔrèn 4:4

À ya Sàtàn we ne sàʼa isəg gho̰ fə ghùpì fìŋ abə bəd mbe ne chəyi mbi bḛ Kristo. Wì fə ghùpì ìtɔb fìŋ ni ghì gha imbə̀ʼ mbi nɔ̀ʼ bàd ìzḛzḛ we ne yaʼi inga ikən chɔm imbə̀ʼ Kristo. Kristo ya kwàʼ icheg Ŋwiye.

Efesùs 2:2

Mbə̰ yaya ghìyə̀ inug tibɔ̀ŋ icheg bəd inga isəg. Mbə̰ yaya bə̀ bène abɔ̀ʼ wə̀d we ne tùmbə̀ izwighi mbe ne yaʼi inga ifə. À ya izwighi mbe ne fàʼà amad anìŋ inga bəd mbe ne ghìyə̀ tìzughə̀ abə Ŋwiye.

Fìlipì 2:15

Mbə̰ mə̀ ghì ane, nji chəyi bəd biri bèrì anug tibɔ̀ŋ mɔ̀ʼɔ ni ghà imbə̀ʼ awən. Mbə biri zen icheg bɔn Ŋwiye ne chəyi anug tibɔ̀ŋ mɔ̀ʼɔ igun inən. Ane, mbə biri yaʼ icheg titəm iməg ne zùʼə igun nyùmə̀ isəg àpiye gho̰ ne bəd mbe ghìyə̀ inug tibɔ̀ŋ.

1 Jɔn 4:5

Bədkə̀n mbe ne ghà inug ako ya ghà məyi inug mbe ne yaʼi inga isəg. Ane, bəd inga isəg ya zùghə inug mbe ne mbɔb mbe ghà imbə̀ʼ icheg ne mbɔb ya bəd inga isəg.

1 Jɔn 4:7

Ìmbum mə̀sə̀ʼ, mbə̀ ghiyə tì ya kɔ̀ŋɔ̀ mə̀mbin imbə̀ʼ icheg ne àkɔ̀ŋì ya nɔ̀ʼɔ̀ abə Ŋwiye. Wə̀d we ne kɔ̀ŋɔ̀ bəd, məd ya wə̀d Ŋwiye bə̀ yaʼ wə̀d ne kyeri Ŋwiye.

1 Jɔn 5:19

Tè kyèri gha mba ya bəd Ŋwiye. Tè bə̀ kyèri gha isəg ijìm ya aton Wə̀d Tibɔ̀ŋ.

Ɨnû 12:9

Mbi ya màʼ tìsɔ̀ʼ jo ze igun isəg, ne ya jo ze ne ya yaʼi te aneg, ne mbe kàrà ane Debrə̀ kə̀ Sàtàn. Mbi ya màʼ aməd tì mbè angirə̀ məd məjìm igun isəg. Jo ze ya tàmba isəg ijìm.