1 Kɔrèn 4:7 - Ikan feg

⁷ Wə̀d ne gha inən gha wə̀d mɔ̀ʼɔ chè ìywin àkə we? Àkə aghə ne mbə̀ beri ne kayi Ŋwiye nàʼi inən? Aton ne Ŋwiye nàʼi ighi inən mbə se kɔ̀mɔ̀ igo icheg ni gha kayi Ŋwiye nàʼi inən àkə gha?

Meta’

⁷ À kɨə ye nɨ mbə̀ berɨ nɨ chwi ni mbə̀ chè bə̂d cherə ə? À kɨə ye nɨ mbə̀ berɨ nɨ kaʼi Ŋwìə̀ naʼ ɨ nən ə? Wɨ̀ mɨ nyaʼa nàʼ ɨghɨ ɨ nən, njɨ əton nɨ mbə̀ə goŋ ɨgɔ̂ ɨghabɨ ni chəi wɨ̀ nyaʼa naʼ ɨghɨ ɨ nən kɨ ɨmbə̀ʼ ə yè ə?

1 Kɔrèn 4:7 ပူးပေါင်းရင်းမြစ်များ

Lk 19:13

Bɔŋ wì ya se ghò, wì ya kàrì ìmbi bəd àfàʼì ìghum, ghàpì ikab gol ìghum inɔb. Wì ya ghàpì ane, si ghà inɔb gha, ‹Mbə̀ niŋ ikab gho̰ ghò ghì iywin angu pè ane aneg ne mə̀ biri kurə›.

Jn 1:16

Ìchɔ̀mì məd sweg mànì. Wè ghì gha tì ya jəghə ìchɔ̀mì we mà nyumə̀ ijìm. Məd we bə̀ zìye àbɔrɔ̀bɔd igun ina mà nyumə̀ ijìm anjìm fìŋ chɔm məd ne wì beri igun ina.

Jn 3:27

Jɔn ya ywìtì inɔb gha, “Chəyi wə̀d ya bèrè aghi mɔ̀ʼɔ kirənde à ya Ŋwiye nàʼi ibo.

Rm 1:5

Ŋwiye we chè anjìm Ŋwan məd we ni ghì ìchɔ̀mì ina. Ane, mba ya bə̀ bədtɔm Kristo imbə̀ʼ chètì inug imbə̀ʼ aməd abə bəd məjìm inga iben ijìm igun isəg. Àzo̰ biri ghì bəd nɔ̀ŋì ìwɔb ibḛfiŋ igun məd bə̀ zùgri aməd.

Rm 12:3

Ane, icheg ne Ŋwiye fə ghi ìchɔ̀mì inum gha mə yaʼ wə̀dtɔm Kristo, mə̀ ya anìŋ ghà abə wə̀d ijìm ne abɔ̀ʼ inən gha, imbə̀ʼ wə̀d nìŋə yi ìwi nyɔd ane wə̀d kyen chè icheg ne wì yaʼi. Wə̀d ijìm nɔŋɔ ikɔndi yaʼ ni swi ìwi nyɔd aseg. Wə̀d imɔʼ imɔʼ məgri ìwi nyɔd ane ibḛfiŋ we ne Ŋwiye nàʼi ibo.

Rm 12:6

Ìta tineʼi ya icha icha icheg ne Ŋwiye ghi ìchɔ̀mì ina. Ineʼi wə̀d mə̀ yaʼ ni ghà ikən Ŋwiye, tengàŋ ya fàʼà icheg ne ibḛfiŋ məd chwi.

1 Kɔrèn 15:10

Si ya gha, Ŋwiye ghì ìchɔ̀mì inum mə si wə̀d ne mə yaʼ ìwiwən amad anìŋ. Ìchɔ̀mì we ne Ŋwiye ghi inum, chəyi wi ya che ako. Tesiʼ ya gha, mə we taŋ zìyè atog ni fàʼ chè bədtɔm mbin. Kayi mo we fàʼà. À ya ìchɔ̀mì we ne Ŋwiye ghi inum we fàʼà inga inum.

1 Kɔrèn 3:5

Mbə̀ si mə̀ taŋ bìri inən. Àpolòs kə bè we? Kə̀ Pɔl kə bè we? Mba məjìm ya bəd àfàʼì Ŋwiye. Mbə̰ ya chè ina anjìm ni nɔ̀ŋì ìwən ibḛfiŋ igun Kristo. Wə̀d imɔʼ imɔʼ abɔ̀ʼ ina ya fàʼà àfàʼì ne Anɔŋisəg zi ibo ikye abo.

1 Kɔrèn 5:6

Aghi ze ne mbə̰ mbe kɔ̀mɔ̀ igo igun, mbə kyeri gha chəyi ze bɔŋi. Àkə chəyi mbə̀ kyeri gha iki àfòrì kwa kwa ya nyḭ̀yḛ inga aburi ngə̀ŋ mə̀kara ghìyə̀ ngə̀ŋ ijìm kɔ̀ʼɔ?

1 Kɔrèn 7:7

Wə̀d ijìm kə icheg inum nji ze bɔ̀ŋ. Si ya gha, wə̀d imɔʼ imɔʼ bèrì ìwi ineʼi ne Ŋwiye nàʼi ibo. Wə̀d bèrì ìwi ineʼi, wə̀d ndəŋ bə̀ bèrì iywi.

Jems 1:17

Tineʼi chɔm ne bɔŋi mànì ya nɔ̀ʼɔ̀ abə Ŋwiye. Ti ya nɔ̀ʼɔ̀ abə Ŋwiye we ne tangi ighi mbe ne zùʼə ikaŋ àbɔ̀ŋɔ. Chəyi məd we kɔ̀pɔ kə̀ ghàbra nyɔd icheg achwi ni ghì gha isiŋi fin.

1 Pità 4:10

Wə̀d imɔʼ imɔʼ ya wètè mə̀mbin ane ineʼi we ne Ŋwiye ghì ìchɔ̀mì ibo, nàʼ ibo. Wì ya ghìyə̀ ane abə bəd ane ikuchèg ijìm, ane fìŋ ifibì.