1 Kɔrèn 4:15 - Ikan feg

¹⁵ Ka mbə bèrì bəd chuʼ ìghum ne chwìte inug imbə̀ʼ Kristo inən, tesiʼ ya gha, chəyi mbə̀ beri mə̀mbaʼ nɔʼ nɔʼ. Icheg ne mə̀ ya gha ikən chɔm inən, mo ya ìwən mbaʼ icheg ne tì yaʼi ane ifɔti tì Yeso Kristo.

Meta’

¹⁵ Ka à bè yeʼi ni mbə̀ berɨ bə̂d nɨ kaŋ nɔʼ əku nɨə chwi ɨchî nɨ tɨ̀ bə̂d Kristo chubɨ, àyɨə chəi mbə̀ berɨ mɨ̀mbǎʼ nɔnɔʼ. Mɔ̌ yɨ ə mbǎʼ ənɨ ɨfɔtɨ mbɨ Kristo Yeso ɨchî nɨ mɨə ghà ɨkə̂n chɔ̀m.

1 Kɔrèn 4:15 ပူးပေါင်းရင်းမြစ်များ

Rm 15:20

Mə ya kà kɔ̀ŋɔ̀ ni niŋ ikən chɔm gho̰ imbə̀ʼ Kristo ghò chètì inga isiŋi mbe ne chəyi bəd kə kweʼì zug. Chəyi mə̀ kə̀bi ni yḛ̀ inga isiŋi mbe ne bəd ndəŋ fə bi kweʼì chè angu tì ikən chɔm gho̰ imbə̀ʼ Yeso Kristo.

1 Kɔrèn 1:30

Wì ya bə̀ ghì gha mbə̀ yaʼ ane ifɔti tì Yeso Kristo. Kristo ya ìwa iwe ne nɔ̀ʼi abə Ŋwiye. Anjìm Kristo, mba ya si bəd ne təmi kòʼ imbìghè abə Ŋwiye. Mba ya si bəd ne bə təm zen imbìghè abə Ŋwiye. Mba ya bəd ne Ŋwiye fə bə zèri awa chì ane inug tibɔ̀ŋ.

1 Kɔrèn 15:1

Ìmbum məfi fɔrɔ ìtum njàbi, anug ne mə̀ kəbi ni wendi inən amad anìŋ ya anug imbə̀ʼ ikən chɔm we ne mə̀ ya gha inən. Mbə̰ ya zug bḛ bə̀ təm kà igun.

1 Kɔrèn 3:10

Mə ya fàʼà ane ika we ne Ŋwiye ghi ìchɔ̀mì inum nàʼi inum. Mə ya fàʼà icheg wə̀d ne taŋ kyèri àfàʼì ni zèg ati kwàʼ icheg wə̀d ne zèghè ati nəb. Ane, wə̀d ndəŋ we se kɔ̀rɔ igun ati ze. Si ya gha, wə̀d imɔʼ imɔʼ niŋə nyumə̀ ane icheg ne wì ya kɔ̀rɔ igun ati ze.

1 Kɔrèn 3:6

À ya icheg ni gha mə ya nyɔ̀ʼ ngwèd, Àpolòs si yèʼe chùbrì. À ya Ŋwiye si ghì ighi mbe kweg.

1 Kɔrèn 3:8

Wə̀d ne nyɔ̀ʼɔ̀ tì wə̀d ne chùbrə̀, mbɔb məjìm ya andəŋ andəŋ. Ane, Ŋwiye biri nàʼ chùd wə̀d icheg ne àfàʼì məd chwi.

1 Kɔrèn 9:12

Bəd ndəŋ mə̀ kə̀ bèrì ati ni biri ighi mbo̰ inən, nji mba bèrì ati ze chè awɔb. Anug ne angu ya gha, chəyi te nḛ̀ igun ighi mbe ne mbə̀ beri ni nàʼ ina. Tè nyìʼ tiku inug ijìm ni ghì gha imbə̀ʼ tì nɔ̀ʼ yaʼ akən ane ikən chɔm imbə̀ʼ Kristo ne tì gha inən.

1 Kɔrèn 9:14

À ya bə̀ icheg ne Anɔŋisəg fə gha gha, bəd mbe ne chètè ikən chɔm imbə̀ʼ Kristo, mbe jəg ane ikən chɔm we.

1 Kɔrèn 9:16

Tesiʼ ya gha, chəyi tì mə kɔ̀m igo imbə̀ʼ icheg ne à ya àfàʼì ne mə mə̀nyiʼ fàʼ. Àmə chəyi mə̀ chètì ikən chɔm imbə̀ʼ Kristo, ngəʼ kyen biri nyi igun inum.

1 Kɔrèn 9:18

Ane, àmə chùd kə iye? À ya gha mə chètì ikən chɔm ne chəyi wə̀d nàʼi aghi mɔ̀ʼɔ inum, ne chəyi mə̀ bə nèn igun àmə ati ze ne bəd beri ni nàʼ ighi inum.

1 Kɔrèn 9:23

Mə ya ghìyə̀ inug mbo̰ anìŋ məyi ni chètì ikən chɔm we ni ghì gha mo inum biri bə̀ bèrì àbɔrɔ̀bɔd.

2 Kɔrèn 4:5

Chəyi tì ya chètè inug imbə̀ʼ ìwa nyɔd. Tì ya chètè yaʼ gha Yeso Kristo ya Anɔŋisəg, mba ya bəd àfàʼì inən imbə̀ʼ Yeso.

Gàlesìyà 3:24

Ŋwiye ya nàʼ mə̀nɔ̀ʼɔ̀ gha mbe kyeʼre awa ghò pè ane nyùmə̀ ne Yeso Kristo ya yeʼe. À ya Kristo ghì tì təm kòʼ imbìghè abə Ŋwiye anjìm ibḛfiŋ ne tì nɔŋi igun məd.

Gàlesìyà 3:25

Icheg ne anug ni nɔ̀ŋì ibḛfiŋ igun Yeso Kristo fə yeʼe, chəyi mə̀nɔ̀ʼɔ̀ mbe ywìrè kyèʼrè awa ka.

Gàlesìyà 4:19

Ìmbum bɔn ne mə̀ taŋ kɔ̀ŋ, anug azo̰ imbə̀ʼ awən ze tɔ mə kwàʼ icheg tibuʼ ne àyi we nɔ̀mbɔ ni gwi. Ze biri yaʼ ane anene pè ane nyumə̀ ne mbə̀ biri bèrì ikuchèg Kristo.

2 Timotì 4:3

Nyùmə̀ we yèʼe ne chəyi bəd biri kɔ̀ŋ ni zug tesiʼ we ne yaʼi inga Ìngam Ŋwiye. Mbi biri ya kə̀bə̀ yaʼ inug mbe ne mbɔb kɔ̀ŋi. Ane, mbi biri feti mə̀chwitinùg ane inɔb ne biri ya ghàmà yaʼ inug mbe ne mbɔb kɔŋi ni zug.

Tayitùs 1:4

Mə ŋwàʼrì anìŋ ine àghò Tayitùs. Àghò ya ìmə ŋwan tesiʼ ane ibḛfiŋ we ne tì beri inga Kristo. Ŋwiye ne yaʼi Mbaʼ tì Yeso Kristo ne ya chi awa inga ngəʼ, wì ghiyə ìchɔ̀mì ine bə̀ ghì àghò chughi ane àbɔrɔ̀bɔd.

Filemɔ̀n 1:19

À ya mo, Pɔl, ŋwàʼri ìwaŋ ìngam gho̰ kwàʼ ane àmə abo. Mə biri ywìtì njo ze ine. Chəyi mə̀ beri ni ywìri wendi ine gha à ya mo ya ghi àghò yaʼ wə̀d Kristo.

Jems 1:18

À ya məd zìye ya kɔ̀ŋi ni chè anjìm ìngam məd ne yaʼi ìngam tesiʼ ni ghì awa gha tì yaʼ bəd məd. Wì ya niŋ awa ni ghì gha tì bere ati mbègtog inga ighi ijìm ne məd ya tangi.

1 Pità 1:23

Ŋwiye we ne yaʼi izɔm ane ighə̀m imɔʼ fə ywìrì gwi awən anjìm ìngam məd we ne yaʼi izɔm bə̀ yaʼ ane ighə̀m imɔʼ. Chəyi ìngam gho̰ nɔʼi abə ìmbən mə̀mbaʼ ne tì mbi ku. À ya ìngam ne nɔʼi abə Ŋwiye ne chəyi tì wì ku.