1 Kɔrèn 4:14 - Ikan feg

¹⁴ Chəyi mə ŋwàʼrà anug azo̰ anìŋ ni zì tìnìrètog igun inən. Mə ya ghàmà ìngam gho̰ ni kə awən, mbə̰ ìmbum bɔn ne mə̀ taŋ kɔ̀ŋ.

Meta’

¹⁴ Chəi mɨə ŋwàʼnɨ̀ ənû zɔ̂ ɨmbə̀ʼ ɨ naʼ tɨ̀nìd ətu ɨ nən. Mə wɨə ŋwàʼnɨ̀ ɨmbə̀ʼ kəərɨ əwən ɨchî nɨ mbə̀ yeʼ mbɨ bɔn nɨ mə̀ ghaʼi kwàʼ rɨŋgəʼ.

1 Kɔrèn 4:14 ပူးပေါင်းရင်းမြစ်များ

Ɨ̀fàʼì 20:31

Mbə̀ we awən imbə̀ʼ tiku bəd te, bə̀ kɔ̀ndi gha, ane tituʼ titad, mə yaya pàta awən imɔʼ imɔʼ tì məsi aghə.

1 Kɔrèn 15:34

Mbə̀ ywiri taŋ kɔndi icheg chɔm, waʼ inug tibɔ̀ŋ. Chəyi bəd mɔ̀ʼɔ abɔ̀ʼ inən kyeri Ŋwiye. Mə ya ghàmà anìŋ ni nàʼ tìnìrètog inən.

1 Kɔrèn 4:15

Ka mbə bèrì bəd chuʼ ìghum ne chwìte inug imbə̀ʼ Kristo inən, tesiʼ ya gha, chəyi mbə̀ beri mə̀mbaʼ nɔʼ nɔʼ. Icheg ne mə̀ ya gha ikən chɔm inən, mo ya ìwən mbaʼ icheg ne tì yaʼi ane ifɔti tì Yeso Kristo.

1 Kɔrèn 4:17

À ya aton ne mə cha Timotì abɔ̀ʼ inən. Məd ya ìmə ŋwan ne mə̀ taŋ kɔ̀ŋ. Məd we fàʼà abə Anɔŋisəg ane ìzi fìŋ ijìm. Məd biri ghì mbə wendi icheg ne mə̀ yaya ghìyə̀ inug anyumə̀ ne mə̀ ya bḛ Yeso Kristo. À ya bə̀ anug ne mə chwìte isiŋi ijìm inga tifeti bəd Kristo tijìm.

1 Kɔrèn 6:5

Mə ya ghà anug azo̰ ni gha mbə bere tìnìrètog. Ze kə chwìye gha chəyi wə̀d mɔ̀ʼɔ abɔ̀ʼ inən ne beri iwe ne tì wì saʼ tisaʼi bəd Kristo?

1 Kɔrèn 9:15

Si ya gha, chəyi mə̀ nɔŋi fìŋ igun ighi mbe ne ya àmə ati ni biri. Chəyi mə̀ ŋwàʼri inug mbo̰ tì ikɔndi mɔ̀ʼɔ gha mbə naʼa ighi mɔ̀ʼɔ inum. Sɔ̀mɔ ane mə̀ sami anug ni kɔ̀m igo imbə̀ʼ awən, mə ku. Anug ne mə kɔ̀mɔ̀ igo ya gha, mə chètì ikən chɔm imbə̀ʼ Kristo inən ne chəyi mbə̀ nàʼi aghi mɔ̀ʼɔ inum.

2 Kɔrèn 11:11

Mə kə ghàmà anìŋ imbə̀ʼ icheg ne chəyi mə̀ kɔ̀ŋɔ̀ awən? Indèʼ! Ŋwiye kyèri gha mə kɔ̀ŋ awən.

2 Kɔrèn 12:19

Mbə kə anìŋ kɔ̀ndɔ gha tì ya tàŋà ìwa nyɔd inən imbìghè? Indèʼ! Tì ya ghàmà anug ne koʼi abə Ŋwiye icheg ne tì yaʼi ane ifɔti tì Kristo. Ìmba mə̀sə̀ʼ ne tì taŋ kɔ̀ŋ, inug ijìm ne te ghìyə̀ ya ni wètì awən gha mbə̀ təm kà.

2 Kɔrèn 7:3

Kayi mə ghàmà anìŋ ni gaŋ awən. Mə kə̀ fə gha mbə̰ bèrì àzən ati inga ìmə fìŋ, kə̀ àkə ìtḛ̀ kə̀ iwu, tì ya tì inən.

Kòlosè 1:28

Tì ya chètè inug imbə̀ʼ Kristo abə wə̀d ijìm. Tì ya pàta awɔb gha imbə̀ʼ mbi nɔ̀ʼ sam kə̀tə̀d Ŋwiye. Tì ya bə̀ chwìte inug inɔb ane iwe ni ghì gha, tì we tì tì niŋ bəd məjìm ne yaʼi ane ifɔti tì Kristo ghò imbìghè abə Ŋwiye ne ìwɔb ibḛfiŋ fə taŋ kà.

1 Tèsàlonikà 2:11

Mbə̰ kyèri gha tì ya nyimi awən icheg ne mbaʼ we nyìme ìmbi bɔn.

1 Tèsàlonikà 5:14

Ìmba məfi fɔrɔ ìta njàbi, tì we bòʼo ibo inən gha mbə̀ pati məgwed. Mbə̀ bə nəri fìŋ abə bəd ne màmà, bə̀ wètì bəd mbe ne koʼi gha mbe wete awɔb. Mbə̀ ya bə̀ nyìmbe fìŋ tì wə̀d ijìm.

2 Tès 3:14

Wə̀d mɔ̀ʼɔ mə̀ yaʼ abɔ̀ʼ inən ne chəyi we zùgrə tikə ìto̰ ne tì ŋwàʼri inga àŋwàʼrì azo̰, mbə̀ nɔŋɔ ighə igun tengàŋ. Mbə̀ kye awən ane iku wə̀d we ni ghì gha wì bere tìnìrètog.

Filemɔ̀n 1:10

Mə boʼ ibo ine imbə̀ʼ ìmə ŋwan, Ònèsimùs, ne ya yaʼi ìmə ŋwan inga anug Ŋwiye icheg ne mə̀ yaʼi inga nəb ndəŋ .

1 Jɔn 2:1

Ìmbum bɔn ne mə̀ taŋ kɔ̀ŋ, mə ŋwàʼrì inug mbo̰ inən anìŋ ni ghì gha imbə̀ʼ mbə̰ si nɔ̀ʼ ghì anug tibɔ̀ŋ. Si ya gha, wə̀d mɔ̀ʼɔ mə̀ chè ghì anug tibɔ̀ŋ, tè bèrì wə̀d ne bòʼo ibo abə Mbaʼ atog ina imbə̀ʼ ìmba inug tibɔ̀ŋ. Məd ya Yeso Kristo, wə̀d ne təmi kòʼ.

3 Jɔn 1:4

Chəyi igyendi ndəŋ inga ìmə fìŋ ne che we ne mə̀ beri icheg ne mə̀ ya zughi gha ìmbe bɔn mbe bə̀ bène abɔ̀ʼ tesiʼ.