1 Kɔrèn 4:10 - Ikan feg

¹⁰ Mba ya inen imbə̀ʼ icheg ne tì yaʼi bəd àfàʼì Kristo. Àsi awən, mbə̰ ya bəd iwe imbə̀ʼ icheg ne mbə̀ yaʼi ane ifɔti tì Kristo. Tè bɔd, mbə̰ si kà. Bəd mbe wèghè awa se ghùmnə awən.

Meta’

¹⁰ Tɨ̀ yɨ ɨneŋ ɨmbə̀ʼ ɨchî nɨ tɨə fàʼ əmbɨ Kristo, àyɨə mbə yɨə bə̂d ɨwe ɨchî nɨ mbə̀ fɔtɨ mbɨ Kristo. Tɨ̀ bɔd, àyɨə mbən ə kà. Bə̂d mbɨə wumnɨ əwən, àyɨə ɨ mbɨə tìbrɨ̀ əwa!

1 Kɔrèn 4:10 ပူးပေါင်းရင်းမြစ်များ

Matìyò 24:9

Nyùmə̀ we mə̀ kòʼ, bəd ìpàb biri ya chɔ̀ʼɔ ìmbən ibɔʼì ighog, gwìtè awən nàʼà mbi zwete. Bəd inga iben ijìm biri pàb awən imbə̀ʼ amə.

Matìyò 5:11

Ŋwiye zì àbɔrɔ̀bɔd igun inən, anyumə̀ ne bəd mbe chàpà awən, chɔ̀ʼɔ ìmbən ibɔʼì ighog, bə̀ ghà tiku inug izəg ijìm ne ya inug ako igun inən imbə̀ʼ amə.

Lk 10:16

Yeso ya si nwḭ̀yḛ̀ ghà abə mə̀mə̀nənùg məd gha, “Wə̀d ne zughi anug ze ne mbə̰ mbe ghà, tengàŋ fə bə̀ zug àze ne mə ghà. Àsi wə̀d ne to̰ yi awən, tengàŋ bə̀ to̰ yi awum. Ane, wə̀d ne to̰ yi awum, tengàŋ bə̀ to̰ yi wə̀d we ne cha amə.”

Lk 18:9

Yeso ya ghàm ìngam məgri abə bəd ne yaya nɔ̀ nyɔd gha mbɔb təm kòʼ bə̀ se wèghè mə̀mbin.

Lk 6:22

Ŋwiye zì àbɔrɔ̀bɔd igun inən, mbə̰ mbe ne bəd mbe bà̰ awən, to̰ awən, chàpà ìtən tikum bə̀ gha mbə̰ ya bəd ne ghìyə̀ inug tibɔ̀ŋ imbə̀ʼ icheg ne mbə̀ bḛ Ŋwan Wə̀d.

Ɨ̀fàʼì 17:18

Bəd iwe mɔ̀ʼɔ ne mbi yaya kàrà ane Èpìkurìyà fɔrɔ mbe ne mbi yaya kàrà ane Stoyìg ya ghò kɔ̀ti aməd, ko se tàŋà Ìngam Ŋwiye tì məd. Mbi mɔ̀ʼɔ abɔ̀ʼ inɔb ya ko se chàpà aməd gha, “Anen azo̰ kə ghà àzi aghə?” Mbi mɔ̀ʼɔ ya ghà àzɔb gha, “Wì ya ghàmà imbə̀ʼ iku mə̀ŋwiye mɔ̀ʼɔ.” Mbi yaya chàpà ane imbə̀ʼ icheg ne Pɔl yaya ghàmà inug imbə̀ʼ Yeso, bə̀ ghàmà inug imbə̀ʼ icheg ne bəd biri zweme ane iwu.

Ɨ̀fàʼì 17:32

Anyumə̀ ne mbi ya zughi icheg ne Pɔl ya ghàmi imbə̀ʼ anug ni zweme ane iwu, bəd mɔ̀ʼɔ ya chàtì aməd. Si ya gha, mbi mɔ̀ʼɔ ya gha, “Tì kə̀b ni ywìri zug anug azo̰ ighəm ndəŋ.”

Ɨ̀fàʼì 26:24

Icheg ne Pɔl yaya ghàmà ni tàŋì ìwi nyɔd, Gɔbnà Festùs ya ghà ane gì ka ka gha, “Pɔl, àghò we be! Àŋwàʼrì ze ne àghò kwèmbi ako fə ghì àghò se be!”

Ɨ̀fàʼì 9:16

Mə biri chwi icheg ne məd biri zə̰ ngəʼ imbə̀ʼ amə ibo.”

1 Kɔrèn 1:21

Ŋwiye fə ghì ane ìwi iwe gha, imbə̀ʼ bəd kyeri awɔb məd ane ìwɔb tì iwe. Ŋwiye we pùmnə bəd mbe ne bḛ ikən we ne bəd mɔ̀ʼɔ mbe nìŋə ane anug anen.

1 Kɔrèn 1:23

Si ya gha, tì ya ghàmà imbə̀ʼ Kristo we ne mbi ya kɔ̀mbi igun azed abaʼri, ne chəyi mə̀Ju mɔ̀ʼɔ ya kɔ̀ŋi ni zug. Bəd ne kayi mə̀Ju ya nìŋə ane anug ne chəyi iwe inga.

1 Kɔrèn 1:25

Inug ne Ŋwiye we ghìyə̀ ne bəd mbe nìŋə gha à ya inug anen, à ya inug ne beri iwe chè iwe wə̀d-aku. Inug mbe ne Ŋwiye we fàʼà ne bəd mbe nìŋə ane inug ne bɔri, à ya inug ne beri ika chè ika wə̀d-aku.

1 Kɔrèn 10:12

Ane, wə̀d we ne kɔ̀ndɔ gha zìye təm kà, wì we yi imbə̀ʼ wì nɔ̀ʼ gùg.

1 Kɔrèn 2:14

Wə̀d ne chəyi Azwighi Ŋwiye yaʼi inga məd, chəyi we bḛ inug mbe ne Azwighi Ŋwiye ze chwìte. Aton ya gha tiku inug te ya inug anen abə tengàŋ. Chəyi atog məd biri nɔ̀ʼ zen imbə̀ʼ inug mbe. À ya məyi Azwighi Ŋwiye ze ghìyə̀ gha itog zen abə bəd imbə̀ʼ tiku inug ìto̰.

1 Kɔrèn 2:3

Anyumə̀ ne mə̀ ya yeʼe inən, chəyi mə̀ ya kòʼi ane wə̀d ne tì mə ghàm inən. Ibɔ ya ghì mə binde gha chəyi mə̀ biri fàʼ icheg chɔm.

1 Kɔrèn 3:18

Imbə̀ʼ wə̀d tàmba yi ìwi nyɔd. Wə̀d mɔ̀ʼɔ abɔ̀ʼ inən mə kɔ̀ndi gha zìye bèrì iwe icheg ne bəd igun isəg mbe nḛ̀ bəd iwe, wì beri ni bə̀ŋə̀ si yaʼ icheg anen imbə̀ʼ bèrì iwe tesiʼ.

1 Kɔrèn 3:2

Inug mbe ne mə̀ ya chwiti inən ya yaʼ icheg ni gha mə yaya nàʼà ibən abə bɔn bɔd. Chəyi mə̀ ya chwiti inug ka ka inən icheg ne mbe nàʼà tijəg ka ka abə bəd kyen. Chəyi mə̀ ya ghi ane imbə̀ʼ icheg ne chəyi mbə̰ ya kiri kòʼi ni kyeri inug icheg mbe. Ka bèyi amad anìŋ, chəyi mbə̀ kiri kòʼi ni kyeri inug ka ka.

1 Kɔrèn 4:8

Imbə̀ʼ mbə̰ fə bèrì ìmbən ighi ijìm kə̀ kayi ane? Imbə̀ʼ mbə̰ fə bèrì ikab? Imbə̀ʼ mbə̰ fə si məfɔn atog inən ka chəyi awa? Mə taŋ kɔ̀ŋ kwàʼ tesiʼ gha mbə yaʼ məfɔn ni gha mba biri bə yaʼ məfɔn abɔ̀ʼ inən.

2 Kɔrèn 10:10

imbə̀ʼ icheg ne bəd mɔ̀ʼɔ mbe ghà gha, “Ìŋwàʼrì məd ya kà ako bə̀ tɔ. Si ya gha, anyumə̀ ne wì yaʼi abɔ̀ʼ ina, wì ya bɔ̀rɔ, chəyi ìngam məd we bə̀ gwìyè mənib.”

2 Kɔrèn 11:19

Icheg ne mbə̀ kɔndi gha mbə bèrì iwe, mbə̰ mbe kɔ̀ŋɔ̀ ni ya zùghə inug ne inen mbe ghà.

2 Kɔrèn 11:29

Wə̀d ne bɔri ne chəyi ibɔri bə gwì mə, àkə we? Wə̀d ne gughi anug ne chəyi ze se amə, àkə we?

2 Kɔrèn 13:9

Tì we gyènde anyumə̀ ne tì bɔri, mbə̰ si təm kà ane ibḛfiŋ. Ìwa ichàʼri Ŋwiye inən ya gha mbə̀ təm zen mànì.

2 Kɔrèn 4:12

Ane, tì we ichug iwu mà nyumə̀ ijìm ni ghì gha mbə jəg ìtḛ̀ ighə̀m imɔ̀.

2 Kɔrèn 6:8

Bəd mɔ̀ʼɔ mbe ghùmnə awa, mə̀mbin mbe wèghè awa. Bəd mɔ̀ʼɔ mbe ghà inug tibɔ̀ŋ imbə̀ʼ awa, mə̀mbin mbe ghà inug chɔm imbə̀ʼ awa. Mba ya bəd ne ghàmà tesiʼ, si ya gha, bəd ya nìŋə awa ane bəd ne ghàmà inug ako.

1 Tèsàlonikà 4:8

Wə̀d ne to̰ yi tikə ìto̰, kayi wə̀d mɔ̀ʼɔ ne we to̰. Wì ya to̰ yaʼ Ŋwiye ne nàʼà àzi Azwighi inən.

1 Pità 4:14

Bəd mə̀ ya zɔ̀mbɔ̀ awən imbə̀ʼ anug Kristo, mbə̀ kyeri gha Ŋwiye biri zì àbɔrɔ̀bɔd igun inən. Àze ya chwìye gha Azwighi ìzḛzḛ ze ne Ŋwiye we nàʼà ze igun inən.