1 Kɔrèn 3:3 - Ikan feg

³ Aton ya gha, mbə̰ mbe kiri ghìyə̀ inug icheg bəd inga isəg. Mbə̰ mbe kiri ghìyə̀ àdeg igun mə̀mbin bə̀ chɔ̀bɔ mbə̰ mbə̰. Imbə̀ʼ àze ze chwìye gha mbə̰ ya bəd inga isəg? Imbə̀ʼ mbə̰ ya anìŋ ghìyə̀ inug kwàʼ icheg bəd ne chəyi mbi kyeri Ŋwiye?

Meta’

³ ɨmbə̀ʼ ɨghəm nɨ mbə̀ yɨə kɨrɨ ɨghabɨ ə bə̂d rɨŋga ɨsɨg. Ənɨ mbə̀ə ghɨ̀ ə̀dìì bə̀ chɔbə, ɨmbə̀ʼ mbə mbɨə ghɨ̀ ɨchî nɨ bə̂d rɨŋga ɨsɨg ə ghɨ̀ə̀ ə? Ɨmbə̀ʼ mbə mbɨə ghɨ̀ ɨnû ɨghabɨ ə bə̂d nɨ chəi mbɨ kɨrɨ kyerɨ Ə̀nùŋɨ̀sɨg ə?

1 Kɔrèn 3:3 ပူးပေါင်းရင်းမြစ်များ

Rm 13:13

Tì ghiyə ìwa ikuchèg we yaʼ icheg ìwi bəd ne yaʼi inga ìzḛzḛ tesiʼ. Imbə̀ʼ tì ghò awa ane isiŋi inug ne bəd mbe no be se ghìyə̀ izṵ inug tì inug ka ka. Imbə̀ʼ tì nyìme awa anug ni no be kə̀ àfànì kə̀ anug ni nɔ̀kì mə̀yi kə̀ mbaŋà abu abu kə̀ ìdɔ̀b kə̀ àzɔ̀ŋì.

1 Kɔrèn 1:10

Ìmbum məfi fɔrɔ ìtum njàbi, mə boʼ ibo inən ane ikum ìwa Anɔŋisəg Yeso Kristo gha mbə̀ chughi ane anug amɔʼ ni ghì gha imbə̀ʼ àghàpì yaʼi inga inən. Ane, mbə̀ nɔŋɔ ìtən fìŋ ane ìti imɔʼ bə̀ nɔ̀ŋì ìwən ikɔndi ane ìwi imɔʼ.

1 Kɔrèn 1:11

Ìmbum məfi fɔrɔ ìtum njàbi, mə ya ghàmà anìŋ imbə̀ʼ icheg ne bəd mɔ̀ʼɔ inga nəb Kluwè fə ghà inum gha, mbə̰ mbe chɔ̀bɔ.

1 Kɔrèn 11:18

Anug mbègtog ya gha, mə fə zug gha, mbə̰ ya mə̀ fète aseg icheg bəd Kristo, àghàpì ze yàʼa inga inən. Mə we tì mə bḛ gha à ya anug tesiʼ.

1 Kɔrèn 3:4

Wə̀d mɔ̀ʼɔ kə mə̀ gha, “Mə ya bène abɔ̀ʼ Pɔl.” Ìywin tì wə̀d gha, “Mə ya bène abɔ̀ʼ Àpolòs.” Imbə̀ʼ mbə̰ ya anìŋ ghìyə̀ inug icheg bəd ne chəyi mbi kyeri Ŋwiye?

2 Kɔrèn 12:20

Ane, mə we bɔ gha anyumə̀ ne mə̀ biri yeʼe, ighəm mɔ̀ʼɔ chəyi mə̀ biri pè kɔ̀ti awən icheg ne mə̀ kəbi gha mbə̀ yaʼ. Ighəm mɔ̀ʼɔ chəyi mbə̰ inən biri bə kɔ̀ti mə icheg ne mbə̰ mbe kə̀bə̀ gha mə yaʼ. Aton ne mə bɔ ya gha, mə biri pè kɔ̀ti bəd ne chɔ̀bɔ, tì bəd ne ghìyə̀ àdeg, tì bəd ne nɔ̀ŋɔ̀ agaŋ, tì bəd ne sìyè, tì bəd ne chìkə̀ tikum abə mə̀mbin, tì bəd ne ghìyə̀ mənìghe, tì bəd ne nɔ̀ nyɔd fɔrɔ bəd ne bùrə̀ isiŋi.

Gàlesìyà 5:15

Mbə̰ mə̀ ya ghìyə̀ inug yaʼ icheg nyam tɔ tɔ ne nɔ̀mbɔ ìtin zwète, nji mbə biri nimni awən mbə̰ mbə̰.

Tayitùs 3:3

Mba ina ya bə̀ kweʼì ghì inug anen bə̀ kweʼì ghì tìzughə̀. Mbi ya kweʼì tàmbi awa, tì febè. Mbi ya kweʼì ghì tì bḛ ìbòʼì abə tiku inug ijìm mbe ne nyàmnyɔd ze ghə̀ʼrə̀ bə̀ kɔ̀ŋɔ̀. Tì yaya ghìyə̀ inug izəg igun bəd. Tì yaya bə̀ ghìyə̀ àdeg. Bəd yaya bà̰ awa. Tì yaya bə̀ bà̰ ìwa nyɔd mba mba.

Jems 3:16

Bəd mə̀ ya bèrè ìdɔ̀b kə̀ ya sìyè, ze ya nàʼà àbùrì fɔrɔ tiku inug tibɔ̀ŋ nɔʼ nɔʼ inga ìwɔb inɔ̰.

1 Pità 4:2

Ane, mbə̰ kòʼ ni se ghìyə̀ inug mbe ne Ŋwiye we kə̀bə̀ ane nyumə̀ gho̰ ne mbə̀ kiri yaʼi igun isəg. Kayi ni ya ywìrè ghìyə̀ inug tìbɔŋ mbe ne nyàmnyɔd ze ghə̀ʼrə̀.