1 Kɔrèn 3:13 - Ikan feg

¹³ Àfàʼì wə̀d biri chwi aghi ne ze yaʼi àzewən igun aneg ze ne Kristo biri ywiri yeʼe. Igun aneg ze, iywid biri chwi iku nəb ne wə̀d kɔ̀ri asaŋ. Àfàʼì wə̀d ijìm biri chè inga iywid.

Meta’

¹³ mbɨ bɨrɨ zə ə̀fàʼì əməd ɨchî nɨ wɨ̀ korɨ, ɨmbə̀ʼ ɨghəm nɨ Əni ze nɨ Kristo bɨrɨ wɨrɨ yeʼe pè saʼ ɨsɨg, ə bɨrɨ chwi ɨkwɨ nəb we nɨ wə̀d we korɨ. Ɨwid bɨrɨ du ə̀fàʼ ə wə̀d əsaŋ. Ɨwid we bɨrɨ zweʼrɨ ɨkwɨ ə̀fàʼì ze nɨ wə̀d mɔʼ mɔʼ fə fàʼi.

1 Kɔrèn 3:13 ပူးပေါင်းရင်းမြစ်များ

Matìyò 10:15

Mə gha tesiʼ inən gha, igun aneg ze ne Ŋwiye biri sɔb isaʼi, wì biri dìgrì igun bəd a Sodòm bə̀ dìgrì igun bəd a Gòmorà chè icheg ne wì biri dìgrì igun bəd inga asiŋi ze ne to̰ awɔb ìwən ikən.”

Matìyò 16:27

Ŋwan Wə̀d tì ìmbi mbè angirə̀ biri yeʼe tì ighumni we ne Mbaʼ məd nàʼi ibo, pè nàʼ chùd abə wə̀d imɔʼ imɔʼ icheg ne ìfàʼì wə̀d chwi.

Lk 2:35

Məd biri toʼ inug mbe ne bəd yaya kɔ̀ndɔ inga ìtɔb fìŋ. Ibəʼ biri zùm ìze fìŋ icheg fibeg.”

Rm 2:16

Aŋa ya icheg ne ze biri yaʼ igun aneg ze ne Ŋwiye biri chè anjìm Yeso Kristo ni saʼ bəd ane inug ijìm fɔrɔ inug mbe ne mbi ya ghi inə̀mbi icheg ne mə̀ ya gha inən inga ikən chɔm.

Rm 2:5

Icheg ne àghò beri fìŋ ne ka ne chəyi àghò kə̀bi ni bə̀ŋì, àghò ya anìŋ chè imbìghè ghìyə̀ Ŋwiye gàŋa tì ine. Ane, igun aneg ze ne Ŋwiye biri sɔb isaʼi igun bəd ane icheg ne koʼi, wì biri taŋ gaŋ tì ine, sɔb ìwe isaʼi zì ngəʼ ne ka igun ine.

1 Kɔrèn 1:8

Məd biri bə ghì gha mbə̀ təm kà ghò pè ane ìnwḭ ni gha chəyi bəd biri gha mbə̰ gùg anug ane aneg ze ne Anɔŋisəg Yeso Kristo ywirì yèʼe.

1 Kɔrèn 3:12

Bəd mɔ̀ʼɔ mbe kɔ̀rɔ igun ati ze ane gol. Bəd mɔ̀ʼɔ mbe kɔ̀rɔ ane sibà. Bəd mɔ̀ʼɔ mbe kɔ̀rɔ ane ateg àka inun. Mə̀mbin mbe kɔ̀rɔ ane ized. Bəd mɔ̀ʼɔ mbe kɔ̀rɔ ane agyen. Mə̀mbin mbe kɔ̀rɔ ane izaŋ.

1 Kɔrèn 4:5

Ane ya gha, imbə̀ʼ mbə̰ sɔbɔ awən isaʼi igun wə̀d ne chəyi nyùmə̀ kiri koʼi. Mbə̀ ghɔmɔ. Anyumə̀ ne Anɔŋisəg biri yeʼe, wì biri chì inug ne yaʼi inə̀mbi inga fìŋ abə bəd fɔrɔ tikɔndi bəd gwè asaŋ. Anyumə̀ we, Ŋwiye biri ghumni wə̀d imɔʼ imɔʼ icheg ne àfàʼì məd chwi.

2 Timotì 1:12

À ya aton ne mə zə̰ ngəʼ anìŋ. Si ya gha, chəyi mə̀ bèrè tìnìrètog imbə̀ʼ icheg ne mə kyèri wə̀d ne mə̀ zì ìmə ibḛfiŋ igun məd. Mə bə̀ taŋ kyèri gha məd bèrì ika ni nɔ̀ŋì aghi ze ne məd zì inum ikye abo ghò pè ane aneg ìnwḭ.

2 Timotì 1:18

Anɔŋisəg Yeso wete aməd bə̀ chwi àzi àsɔ̀mnəfiŋ ibo ane aneg ze ne Anɔŋisəg biri ywiri yeʼe. Àghò kyèri awe icheg ne wì ya wèti amə a Efesùs.

2 Timotì 3:9

Tesiʼ ya gha, chəyi mbɔb biri ghò agha sà imbə̀ʼ icheg ne bəd biri zambi kyeri tiku bəd ne mbɔb yaʼi mbiwən. À ya icheg ne ze bə yaʼ abə Janès tì Jambrès.

2 Timotì 4:8

Ane, igun aneg ze ne Anɔŋisəg Kristo biri yeʼe ni saʼ isəg, məd we ne sàʼa bəd ane icheg ne koʼi biri nàʼ ineʼi inum. À ya ineʼi we ne məd we nàʼà abə bəd ne ghìyə̀ inug ne təmi kòʼ. Chəyi wì biri nàʼ məyi inum. Wì biri nàʼ fɔrɔ abə bəd mbe ne ghɔ̀mɔ̀ gha wì ywirì yèʼe.

Mə̀Hibrù 10:25

Imbə̀ʼ tì waʼ awa fìŋ ze ne tì beri ni ya fète asiŋi afibì icheg ne bəd mɔ̀ʼɔ fə waʼi. Anug ne tì beri ni ya fàʼà ya ni ya nə̀rə fìŋ abə wə̀d imɔʼ imɔʼ, bə̀ chè imbìghè ni taŋ ghì ane imbə̀ʼ icheg ne aneg ze ne Yeso biri bə̀ndì yeʼe ze se tìnde.

1 Pità 1:7

Inug mbo̰ ijìm biri dù ni kwàʼrì awən ni chwi gha ìwən ibḛfiŋ təm kà. Ka bèyi gol ne tì mbi chìkì, mbi ya bə̀ tɔ̰̀ inga iywid ka ka ni ghì gha wì taŋ bɔ̀ŋ. Ane, mbi biri zweʼri ìwən ibḛfiŋ ne ya aghi àka inun chè gol. Ibḛfiŋ we mə̀ təm kà, nji Ŋwiye biri ghì mbə bèrì ìzḛzḛ fɔrɔ ighumni anyumə̀ ne Yeso Kristo biri ywiri yeʼe.

1 Pità 4:12

Ìmbum məfi fɔrɔ ìtum njàbi ne mə̀ taŋ kɔ̀ŋ, imbə̀ʼ anug si che yi awən gha mbə̰ mbe chè inga ngəʼ ka ka. Ngəʼ ka ka ìto̰ ya ni zweʼri ìwən ibḛfiŋ. Imbə̀ʼ mbə̰ bə kɔndɔ awən gha à ya kwàʼ tìsɔ̀ʼ anug mɔ̀ʼɔ ne dùwə̀ igun inən.

2 Pità 3:10

Si ya gha, aneg ze ne Anɔŋisəg biri ywiri yeʼe biri yaʼ icheg aneg ne iji we yeʼe. Igun aneg ze; ikaŋ àbɔ̀ŋɔ biri jòʼ ane gì ka ka chè nim. Iywid biri tɔ̀n ighi ijìm mbe ne yaʼi ikaŋ àbɔ̀ŋɔ. Iywid biri bə tɔ̀n isəg bə̀ tɔ̀n ighi ijìm mbe ne yaʼi igun isəg, ghì igun isəg si yaʼ ìwi zɔbi.

2 Pità 3:7

Ŋwiye fə ghà inga ìwi ìngam gha zìye biri nimni ikaŋ àbɔ̀ŋɔ gho̰ ne yaʼi amad anìŋ bə̀ nìmni isəg gho̰ ne yaʼi amad anìŋ ane iywid. Ŋwiye fə nɔ̀ŋì gha ikaŋ àbɔ̀ŋɔ tì isəg biri chughi ghò pè ane aneg ze ne wì biri saʼ awɔb, nìmni bə̀ saʼ bəd mbe ne chəyi mbe zùgrə aməd, nìmni.

Ɨnû 20:12

Mə ya bàd bəd ne ya fə ku, mbi kwa kwa fɔrɔ mbi kyen kyen. Mbi ya təm imbìghè abə atən ifɔn ze. Mbi ya fìʼì ìŋwàʼrì. Mbi ya bə̀ fìʼì àŋwàʼrì ndəŋ. À ya àŋwàʼrì ne tikum bəd mbe ne biri jəg ìtḛ̀ yaʼi inga. Mbi ya saʼ bəd mbe ne ya fə ku icheg ne ìtɔb tìghinùg ya chwi inga ìŋwàʼrì mbe.