1 Kɔrèn 3:12 - Ikan feg

¹² Bəd mɔ̀ʼɔ mbe kɔ̀rɔ igun ati ze ane gol. Bəd mɔ̀ʼɔ mbe kɔ̀rɔ ane sibà. Bəd mɔ̀ʼɔ mbe kɔ̀rɔ ane ateg àka inun. Mə̀mbin mbe kɔ̀rɔ ane ized. Bəd mɔ̀ʼɔ mbe kɔ̀rɔ ane agyen. Mə̀mbin mbe kɔ̀rɔ ane izaŋ.

Meta’

¹² Wə̀d mɔʼɔ mɨ kod nəb ɨgun əchɨ ze ənɨ ə gôl, ənɨ ə sɨrɨvà, ənɨ əti ɨka ənun, ənɨ ɨzed, ənɨ ɨgwəŋ kɨ ənɨ ɨzaŋ,

1 Kɔrèn 3:12 ပူးပေါင်းရင်းမြစ်များ

Ɨ̀fàʼì 20:30

Bəd biri dù fɔrɔ inga inən ne biri kɔpi tesiʼ imbə̀ʼ icheg ne mbe kə̀bə̀ gha mə̀mə̀nənùg beni inɔb anjìm.

Rm 16:17

Ìmbum məfi tì tum njàbi, mə we nə̀ri awən gha, mbə̀ we awən tì bəd mbe ne ghìyə̀ gha bəd Kristo ghapa bə̀ ghìyə̀ gha mbe febe inɔnjì. Mbi ya ghìyə̀ ane icheg ne mbi to̰ awɔb inug mbe ne mbə̀ ya fə nani. Imbə̀ʼ mbə̰ si jəgri awən tì inɔb

1 Kɔrèn 3:11

Ane, chəyi tì wə̀d zèg ati ndəŋ igun àze ne mbi ya fə zèghi. Ati ze ya Yeso Kristo.

1 Kɔrèn 3:13

Àfàʼì wə̀d biri chwi aghi ne ze yaʼi àzewən igun aneg ze ne Kristo biri ywiri yeʼe. Igun aneg ze, iywid biri chwi iku nəb ne wə̀d kɔ̀ri asaŋ. Àfàʼì wə̀d ijìm biri chè inga iywid.

2 Kɔrèn 2:17

Chəyi mba yaʼi icheg bəd nɔʼ nɔʼ mbe ne nìŋə anug ni ghàm Ìngam Ŋwiye ane iywin ni bèrì chùd. Mba ya ghà yaʼ tesiʼ ane ìza fìŋ ijìm imbìghè abə Ŋwiye icheg ne tì yaʼi ane ifɔti tì Kristo. À ya Ŋwiye zìye tɔmi awa gha tì ghama.

2 Kɔrèn 4:2

Tì fə ton awa inug mbe ne bəd mbe ghìyə̀ inə̀mbi. À ya inug ne nàʼà tìnìrètog abə bəd. Chəyi mba mbe ghìyə̀ inug ne tàmba bəd. Chəyi mba mbe bə̀ kɔ̀pɔ anug ne yaʼi inga Ìngam Ŋwiye. Tì we chwìte inug tesiʼ asaŋ asaŋ. Tì we chwìye gha bəd bara gha inug mbe ne mba mbe ghìyə̀ mbe kòʼ imbìghè abə Ŋwiye.

Kòlosè 2:8

Mbə̀ taŋ niŋ nyumə̀ imbə̀ʼ wə̀d mɔ̀ʼɔ nɔ̀ʼ tàmbi awən ane tiwe ako, ghì mbə bḛ ìbòʼì. Tiwe ako ìto̰ ne bəd mbe chwìte ti nɔ̀ʼ yaʼ abə bəd fɔrɔ abə izwighi mbe ne sàʼa isəg gho̰, kayi abə Kristo.

1 Timotì 6:3

Wə̀d mɔ̀ʼɔ mə̀ ya chwìte inug ne kɔpɔ igun mbo̰, ne chəyi wì bḛ ìngam tesiʼ we ne Anɔŋisəg Yeso Kristo ya gha, ne chəyi wì bə bḛ inug mbe ne mba mbe chwìte imbə̀ʼ icheg ne bəd Kristo koʼi ni chughi,

2 Timotì 2:20

Achan kyen ya bèrì ikaŋ aku aku. Ikaŋ mɔ̀ʼɔ ya mbi tangi ane gol. Mbin ya mbi tangi ane siribà. Mbi mɔ̀ʼɔ ya mbi to ane ized. Mbin ya mbi bɔmi ane ìseg. Mbi mɔ̀ʼɔ ya mbi nɔŋi ni fàʼ ijiʼi inug inga. Mbin ya mbe kə bètè fàʼà ighi inga ineg ijìm.

2 Timotì 3:13

Àsi bəd inug tibɔ̀ŋ fɔrɔ bəd mbe ne nìŋə tikum bəd tàmba mə̀mbin, mbɔb biri chè imbìghè ni ya tàmba bəd. Bəd ndəŋ biri bə tambi awɔb.

2 Timotì 3:7

Aŋa ya mə̀yi mbe ne mbe kà chwìte tesiʼ we ne yaʼi inga Ìngam Ŋwiye inɔb, si ya gha, chəyi mbɔb mbe kweʼè bḛ tesiʼ we.

2 Timotì 4:3

Nyùmə̀ we yèʼe ne chəyi bəd biri kɔ̀ŋ ni zug tesiʼ we ne yaʼi inga Ìngam Ŋwiye. Mbi biri ya kə̀bə̀ yaʼ inug mbe ne mbɔb kɔ̀ŋi. Ane, mbi biri feti mə̀chwitinùg ane inɔb ne biri ya ghàmà yaʼ inug mbe ne mbɔb kɔŋi ni zug.

Mə̀Hibrù 13:9

Imbə̀ʼ mbə̰ saŋa awən gha inug feg ndəŋ mbe ne bəd mbe chwìte mbe febre awən. Ze bɔ̀ŋ gha tì saŋa ìchɔ̀mì Ŋwiye ghiyə ìta fìŋ təm kà. Chəyi mə̀nɔ̀ʼɔ̀ imbə̀ʼ tijəg mbe ghìyə̀ gha ìta fìŋ təm kà. Chəyi mə̀nɔ̀ʼɔ̀ mbo̰ mbe wètè bəd mbe ne nɔ̀ŋɔ̀ mə̀nɔ̀ʼɔ̀ angu.

1 Pità 1:7

Inug mbo̰ ijìm biri dù ni kwàʼrì awən ni chwi gha ìwən ibḛfiŋ təm kà. Ka bèyi gol ne tì mbi chìkì, mbi ya bə̀ tɔ̰̀ inga iywid ka ka ni ghì gha wì taŋ bɔ̀ŋ. Ane, mbi biri zweʼri ìwən ibḛfiŋ ne ya aghi àka inun chè gol. Ibḛfiŋ we mə̀ təm kà, nji Ŋwiye biri ghì mbə bèrì ìzḛzḛ fɔrɔ ighumni anyumə̀ ne Yeso Kristo biri ywiri yeʼe.

Ɨnû 2:14

Si ya gha, mə bèrì inug mɔ̀ʼɔ iki piʼi imbə̀ʼ awe. Bəd mɔ̀ʼɔ mbe abɔ̀ʼ inən ne bène abɔ̀ʼ inug mbe ne Balàm yaya chwìte. Balàm ya chwìti ikuchèg abə Balàk ni gha wì febri mə̀Izre imbə̀ʼ mbi jəg ighi mbe ne mbi yaya nàʼà ane ighi àfàtì abə mə̀ŋwiye. Wì ya bə̀ fèbrì awɔb gha mbe nɔkɔ mə̀yi abu abu.

Ɨnû 21:18

Mbi ya tangi ikam we ane jaspà. Mbi ya bɔm aben ze məyi ane gol. Gol we yaya zḛ icheg manə̀m ne tì wə̀d bàd ighi ne yaʼi anjìm ìzin.

Ɨnû 3:18

Ane, mə we nàʼà ikə ine gha, àghò zon gol inum, ne yaʼi gol we ne mbi tɔ̰ inga iywid, twi kwàʼ icheg chɔm. Àghò mə ghì ane àghò biri bèrì ighi. Àghò bə zon ndwi fu fu zì imbə̀ʼ chì tìnìrètog we ne bəd fə bàri gha àghò we tì ìkyèri ikye. Zon ifuʼ aghə, zì inga àze aghə imbə̀ʼ ywiri bàd isiŋi.